Iqtisodiyot
Samarqandda 15 davlat Markaziy banklari rahbarlari moliyaviy inklyuzivlik va “yashil moliya” bo‘yicha muloqot o‘tkazdi
Samarqand shahrida 26-28 may kunlari Sharqiy Yevropa va Markaziy Osiyo siyosat tashabbusi (ECAPI)ning 15-yig‘ilishi bo‘lib o‘tdi. Moliyaviy inklyuzivlik bo‘yicha alyans (AFI) tomonidan O‘zbekiston Markaziy banki hamkorligida tashkil etilgan yig‘ilishda 15 ta mamlakatdan davlat regulyatorlari, xalqaro tashkilotlar, rivojlanish institutlari va mutaxassislar ishtirok etib, moliyaviy inklyuzivlik va yashil moliya mavzularini muhokama qilishdi.
Samarqand 26-28 may kunlari Sharqiy Yevropa va Markaziy Osiyo siyosat tashabbusi (ECAPI)ning 15-yig‘ilishiga mezbonlik qildi. Bu haqda Kun.uz’ga Markaziy bank matbuot xizmati xabar berdi.
Yig‘ilishning asosiy maqsadi — moliyaviy inklyuzivlik, barqaror rivojlanish va inklyuziv “yashil moliya” sohalarida mintaqaviy hamkorlikni mustahkamlash, shuningdek, samarali siyosatlarni ishlab chiqish va amalga oshirishda regulyatorlar rolini kuchaytirishdir.
Uch kunlik yig‘ilish yo‘nalishi bilim va tajriba almashish, yechimlar ishlab chiqish, “Reguton” shaklidagi amaliy tadqiqotlar va xalqaro tashkilotlar bilan muloqotdan iborat bo‘ldi.
Tadbirda O‘zbekiston, Qozog‘iston, Armaniston, Tojikiston, Mongoliya, Shimoliy Makedoniya, Misr, Fiji va boshqa mamlakatlardan 100 nafardan ortiq ishtirokchi qatnashdi.
Birinchi kunda kichik va o‘rta biznesni moliyalashtirish masalasi muhokama qilindi. Qatnashchilar KO’B uchun an’anaviy va muqobil moliya manbalari (kraudfanding, faktoring va boshqalar) orqali moliyaviy imkoniyatlarni kengaytirish bo‘yicha tajriba almashdi.
Shuningdek, yashil moliya mahsulotlari va moliyaviy savodxonlik, moliyaviy bilimlarning KO‘B va aholi o‘rtasida inklyuziv “yashil moliya”ni (IGF) ilgari surishdagi ahamiyati muhokama qilindi.
ECAPIʼning IGF bo‘yicha deklaratsiyasi loyihasini ishlab chiqish doirasida mintaqaviy ustuvorliklarga asoslangan ko‘p tomonlama hujjatni tayyorlash ishlari boshlandi.
Tadbirda mamlakatlar raqamli transformatsiya, iste’molchilar huquqlarini himoya qilish va iqlim moliyasi bo‘yicha amalga oshirilayotgan hamda rejalashtirilayotgan tashabbuslarini taqdim etdi.
Nutq so‘zlaydiganlar qatorida Misr, Armaniston, Qozog‘iston, Mongoliya, Shimoliy Makedoniya va O‘zbekiston Markaziy banklari vakillari bor.
Ikkinchi kun to‘liq “Reguton” — regulyatorlar marafoni shaklida o‘tdi. Unda ishtirokchilar agrosanoat, axborot texnologiyalari, turizm va hunarmandchilik sohalaridagi kichik korxonalarga tashrif buyurib, O‘zbekistonda KO’B bilan moliyaviy muassasalar o‘rtasidagi hamkorlik tajribasini o‘rgandi.
Yakunlovchi kun xalqaro moliyaviy institutlar bilan strategik muloqotga bag‘ishlandi. Unda mavjud tashabbuslar ko‘rib chiqilib, moliyaviy inklyuziya va iqlim moliyasi sohalaridagi hamkorlik yo‘nalishlari muhokama qilindi.
Mintaqa va O‘zbekiston uchun ahamiyati
O‘zbekiston Respublikasi Markaziy banki 2018 yildan beri Moliyaviy inklyuziya bo‘yicha alyans (AFI) a’zosi hisoblanadi. ECAPIʼning 15-yig‘ilishiga O‘zbekiston mezbonlik qilishi mamlakatning mintaqaviy moliyaviy islohotlardagi faol ishtirokini ko‘rsatadi. 2025 yildan boshlab O‘zbekiston Respublikasi Markaziy banki ECAPIʼda raislikni o‘z zimmasiga oladi va mintaqada moliyaviy inklyuziya sohasidagi sa’y-harakatlarni muvofiqlashtirishni davom ettiradi.
Ma’lumot uchun: ECAPI a’zo mamlakat va tashkilotlariga O‘zbekiston Respublikasi Markaziy banki, Armaniston Markaziy banki, Qozog‘iston Respublikasi Moliya bozorini rivojlantirish va tartibga solish agentligi (uyushgan a’zo), Mongoliya Moliyaviy nazorat komissiyasi, Shimoliy Makedoniya Respublikasi Milliy banki, Tojikiston Milliy banki kiradi.
O‘zbekistonliklar sog‘liqni saqlash sohasidagi xizmatlar uchun 10 oyda 16,5 trln so‘m sarflagan.
Milliy statistika qo‘mitasi ma’lumotlariga ko‘ra, 2025-yilning yanvar-oktyabr oylarida sog‘liqni saqlash sohasidagi bozor xizmatlari hajmi 16,5 trln so‘mga yetdi.
Bu ko‘rsatkich o‘tgan yilning mos davri bilan solishtirganda 15,4 % ga oshgan. Jami ko‘rsatilgan bozor xizmatlari hajmida ushbu xizmat turining ulushi 2 % ni tashkil etgan.
Hududlar kesimida sog‘liqni saqlash sohasidagi xizmatlar hajmi:
Toshkent shahri – 7,7 trln so‘m
Toshkent viloyati – 1,6 trln so‘m
Samarqand viloyati – 1,2 trln so‘m
Farg‘ona viloyati – 1,1 trln so‘m
Namangan viloyati – 747,7 mlrd so‘m
Andijon viloyati – 739 mlrd so‘m
Buxoro viloyati – 640,1 mlrd so‘m
Qashqadaryo viloyati – 612,8 mlrd so‘m
Xorazm viloyati – 557,8 mlrd so‘m
Surxondaryo viloyati – 416,8 mlrd so‘m
Jizzax viloyati – 398,8 mlrd so‘m
Sirdaryo viloyati – 293,1 mlrd so‘m
Qoraqalpog‘iston Resp. – 285,6 mlrd so‘m
Navoiy viloyati – 269 mlrd so‘m.
Qayd etilishicha, Nurota tog‘ tizmasining janubi-g‘arbiy qismida joylashgan ushbu kon O‘zbekiston tog‘-kon sanoatida strategik ahamiyatga ega bo‘lgan yirik obektlardan biri hisoblanadi.
Jizzax viloyatida 2,5 million tonna volfram zaxirasiga ega Qo‘ytosh koni ishga tushish arafasida, deb xabar berdi viloyat hokimligi matbuot xizmati.
Xabarga ko‘ra, xitoylik investorlar yil oxirigacha konni tozalash ishlarini tugallaydi. Kelasi yilda esa ruda qazib olish jarayonlari boshlanadi.
Kon hududida volframni ajratib olish bo‘yicha zamonaviy qayta ishlash zavodi barpo etiladi.
Qayd etilishicha, Nurota tog‘ tizmasining janubi-g‘arbiy qismida joylashgan ushbu kon O‘zbekiston tog‘-kon sanoatida strategik ahamiyatga ega bo‘lgan yirik obektlardan biri hisoblanadi.
Loyihaning birinchi bosqichida 100 nafarga yaqin fuqaro ish bilan ta’minlanadi va yiliga 150 ming tonna ruda qazib olinadi.
O‘zbekiston oltin-valyuta zaxiralari, 1-dekabr holatiga, 61,23 mlrd dollarga yetdi. Bu haqda Markaziy bank ma’lumot berdi.
Zaxiralar noyabrda 1,9 mlrd dollarga (+3,2 foiz) o‘sdi, yil boshidan esa 20 mlrd dollarga (+48,7 foiz) oshdi. Bu avvalo oltin narxi va hajmining ortishi bilan bog‘lanmoqda.
Qolaversa, Markaziy bank sotib olgan qimmatli qog‘ozlar qiymati ham sezilarli darajada oshgan — noyabrda 503 mln dollarga ko‘payib, $1,52 mlrdga yetgan.
Iqtisodiyot
O‘zbekistonliklarni Koreyaga ishga jo‘natishga tayyorlaydigan maxsus o‘quv ustaxonalari ochiladi
Uch oylik dasturda koreys tili va madaniyati, texnika xavfsizligi, Koreya metodikasi asosida amaliy avtomobil servisi o‘rgatiladi. O‘quvni muvaffaqiyatli tamomlaganlar Koreyaga ishga jo‘natiladi.
Foto: Migratsiya agentligi
Janubiy Koreyaning “KIA Auto” kompaniyasi rahbariyati Migratsiya agentligida bo‘ldi.
Uchrashuv yakunlariga ko‘ra, 2026 yil boshidan Migratsiya agentligi tomonidan KIA AUTO standartlariga mos maxsus o‘quv ustaxonalari ochiladi. Uch oylik dasturda koreys tili va madaniyati, texnika xavfsizligi, Koreya metodikasi asosida amaliy avtomobil servisi o‘rgatiladi.
O‘quvni muvaffaqiyatli tamomlaganlar E-7 vizasi (malakali ishchi) bilan Koreyaga ishga joylashtiriladi. E-7 vizasining asosiy talabi — koreys tilini TOPIK 1 darajasida bilish.
“Koreya Adliya vazirligi 2025 yildan boshlab avtomobil kuzovini bo‘yash yo‘nalishiga xorijlik mutaxassislarni jalb qilishga ruxsat berdi. Shu vaqtga qadar faqat mahalliy aholi ishlagan. O‘zbekiston ushbu loyihaga birinchi bo‘lib jalb etilmoqda”, deyiladi Migratsiya agentligi xabarida.
KIA Auto — Koreyaning yetakchi avtomobillarga xizmat ko‘rsatish tarmog‘i bo‘lib, mamlakat bo‘ylab 600 ga yaqin servis markazi bor. Yiliga 1 milliondan ortiq avtomobillarga texnik xizmat ko‘rsatadi va malakali kadrlarga ehtiyoj yuqori.
Iqtisodiyot
BMTning Oziq-ovqat va qishloq xo‘jaligi tashkiloti bilan hamkorlikda qator loyihalar amalga oshiriladi
O‘zbekistonda yetishtirilgan qishloq xo‘jaligi mahsulotlari, jumladan, meva-sabzavotlar bo‘yicha milliy brendni yaratish borasida hamkorlik qilinadi.
Foto: Iqtisodiyot va moliya vazirligi
Iqtisodiyot va moliya vazirining birinchi o‘rinbosari Ilhom Norqulov BMTning Oziq-ovqat va qishloq xo‘jaligi tashkiloti (FAO) katta iqtisodchisi Dmitro Prixodko bilan uchrashuv o‘tkazdi. Muloqot FAO bilan O‘zbekiston o‘rtasidagi hamkorlikni mustahkamlash va qishloq xo‘jaligi tarmoqlarini barqaror rivojlantirish masalalariga bag‘ishlandi.
Uchrashuvda respublikadagi paxta-to‘qimachilik klasterlari faoliyatiga «yashil» texnologiyalarni joriy etish, sohani barqaror rivojlantirish bo‘yicha strategik yondashuvlar hamda uning O‘zbekistonda amalga oshirilayotgan islohotlar bilan uyg‘unlashuvi muhokama qilindi.
Shuningdek, FAO bilan Jahon banki tomonidan amalga oshirilayotgan «Agrokonnekt» dasturi doirasida hamkorlik qilish, O‘zbekistonda yetishtirilgan qishloq xo‘jaligi mahsulotlari, shu jumladan, meva-sabzavotlar bo‘yicha milliy brendni yaratish yuzasidan hamkorlik masalalari ko‘rib chiqildi.
Bundan tashqari, FAO yordamida Italiyaning qishloq xo‘jaligini rivojlantirish yo‘nalishidagi dasturlarida ishtirok etish masalasi yuzasidan fikr almashildi.
Uchrashuv yakunida tomonlar hamkorlikni yanada kengaytirish, qo‘shma tashabbuslarni davom ettirish va kelgusi loyihalarni muvofiqlashtirilgan tarzda amalga oshirishdan manfaatdor ekanini bildirdi.
O‘zbekistonliklar sog‘liqni saqlashga qariyb 17 trln so‘m sarfladi
Zamon sarhadlariga sig‘magan Parfyonov
Avtohalokatga uchragan mashinadan katta miqdordagi dori topildi
-
Jamiyat5 days agoСаида Мирзиёева атмосфера ҳавосининг ифлосланиши бўйича йиғилиш ўтказмоқда
-
Iqtisodiyot3 days agoO‘zbekistondan Daniyaga ilk bor oziq-ovqat va quruq meva eksport qilindi
-
Iqtisodiyot3 days agoPrezidentning Sirdaryoga tashrifi «River Med Pharm» korxonasidan boshlandi
-
Iqtisodiyot5 days agoO‘zbekistonga eng ko‘p dengiz mahsulotlarini yetkazib bergan davlatlar ma’lum qilindi
-
Jamiyat4 days agoYunusobodda YTH oqibatida avtomobil yonib ketdi
-
Dunyodan4 days agoIndoneziyada bir necha kun ichida 700 dan ortiq kishi halok bo’ldi.
-
Siyosat3 days agoMarkaziy Osiyo mamlakatlari 2026 yilda suvdan foydalanish va suv havzalari tizimiga kelishib olishdi
-
Sport3 days ago«Real» ta’qibni davom ettirdi, «Liverpul» yana ochko yo‘qotdi. Kun o‘yinlari