Sport
Boks bo‘yicha JCh. O‘zbekiston 6 ta oltin medal bilan turnirni ikkinchi o‘rinda yakunladi
Kechki dasturda Abdumalik Halokov va Akmaljon Isroilov ishonchni oqlab, O‘zbekiston hisobiga beshinchi va oltinchi oltin medallarni keltirdi. Ammo Navbahor Hamidova hamda Jahongir Zokirov finalda Qozog‘iston vakillariga yutqazishdi.
Foto: O‘zbekiston boks federatsiyasi
O‘zbekiston boks jamoasi Angliyaning Liverpul shahri mezbonlik qilgan jahon chempionatining so‘nggi kunida kechki dasturda ham yana 2 ta oltin medalni qo‘lga kiritdi va oltin medallar sonini 6 taga yetkazib, umumjamoa hisobida ikkinchi o‘rinni egalladi.
Kechki dasturda dastlab -60 kg vaznli bokschilar final bahsida Abdumalik Halokov ringga ko‘tarildi va braziliyalik Luiz Gabriel de Oliveyra ustidan 5:0 hisobida g‘alaba qozonib, delegatsiya hisobiga beshinchi oltin medalni keltirdi.
Bokschining o‘zi uchun bu ikkinchi bor jahon chempionligi bo‘ldi. Halokov bu safargi turnir davomida turkiyalik Mehmetxan Chinor, italiyalik Jiuseppe Kanoniko, qozog‘istonlik Bibars Jyeksen hamda yaponiyalik Shunsuke Kitamotoni mag‘lub etgandi (yarimfinaldagi raqib qoshi yorilgani tufayli jangni davom ettira olmadi).
Shundan keyin ayollar jamoasining finaldagi yagona vakili Navbahor Hamidova (-65 kg) o‘z ishtirokini o‘tkazdi. Ammo u hal qiluvchi bahsda prinsipial raqib, qozog‘istonlik Aida Abikeyevaga 0:3 hisobida mag‘lub bo‘ldi va kumush medal bilan kifoyalandi.
U birinchi va ikkinchi raundlarni o‘z hisobiga yozib qo‘ygandi, ammo hal qiluvchi raunddagi sustkashligi tufayli g‘alabani boy berdi.
Bu Hamidova uchun jahon birinchiliklaridagi ikkinchi kumush bo‘ldi.
-85 kg vaznli bokschilar final bahsida esa Akmaljon Isroilov angliyalik Tign Stott ustidan ishonchli g‘alabaga erishdi va jamoa hisobiga oltinchi oltin medalni keltirdi.
19 yoshli Isroilov finalga qadar yo‘lda avstraliyalik Lachlan Lavson, ispaniyalik Rikardo Fresneda hamda avstriyalik Michayel Fares Derouichega imkon qoldirmagandi.
Uning oltinidan so‘ng turnir jadvali peshqadamlari – O‘zbekiston va Qozog‘iston hisobidagi oltinlar soni tenglashdi (qozog‘istonliklarning uchta oltinini ayollar jamoasi keltirgan) va barchasi +90 kg vazn toifasidagi final jangida hal qilinadigan bo‘ldi.
Bu bahsda Jahongir Zokirov Oybek O‘ralboyga qarshi ringga ko‘tarildi, superfinal yakunida esa hakamlar g‘alabani Qozog‘iston vakiliga berishdi. Jahongir 1-raundda 3:2, ikkinchi raundda 4:1 hisobida ustun kelgandi. Lekin 3-raundda faollik ko‘rsatmagani sababli hakamlar qozog‘istonlik bokschiga ustunlik berishdi va umumiy ochkolar bo‘yicha (havaskor boksda raundlar kesimida hisoblanmaydi) O‘zbekiston vakili 2:3 hisobida mag‘lub bo‘ldi.
Zokirov turnirdagi ishtirokini jazoirlik Mourad Kadini mag‘lub etish bilan boshlagan, keyingi bosqichlarda germaniyalik Nikita Putilov, norvegiyalik Omar Shiha va xitoylik Danabiyeke Bayikevuzidan ustun kelib, finalga chiqqandi.
13 sentabr kuni o‘tkazilgan erkaklar o‘rtasidagi dastlabki finalda Fazliddin Erkinboyev (-75 kg) Bolgariya vakili Kivan Ramini mag‘lub etib, oltin medallar hisobini ochib bergandi. Undan tashqari, shu kungi yarimfinal janglarida ayollar jamoasidan Cabina Boboqulova, Feruza Kazakova va Aziza Zokirova bronza medallarga sazovor bo‘lishgandi. 14 sentabr kuni kunduzgi dasturdagi finallarda Asadxo‘ja Mo‘ydinxo‘jayev (-65 kg), Javohir Ummataliyev (-80 kg), To‘rabek Habibullayev (-90 kg) hamda Abdumalik Xalokov (-60 kg) o‘z janglarida g‘alaba qozongandi.
Shu tariqa, O‘zbekiston boks jamoasi 60 davlatdan 500 dan ortiq bokschilar o‘zaro bahs olib borgan turnirni 6 ta oltin, 2 ta kumush va 3 ta bronza bilan yakunlab, umumjamoa hisobida ikkinchi o‘rinni qo‘lga kiritdi. Qozog‘iston 7 ta oltin, 1 ta kumush va 2 ta bronza bilan birinchi bo‘ldi.
Ma’lumot uchun, O‘zbekiston erkaklar va ayollar jamoalari Liverpuldagi turnirga jami 18 nafar bokschi bilan tashrif buyurgandi. Yakunda shundan 11 sportchi sovrindor bo‘ldi, 7 nafari esa medalsiz qoldi: erkaklar jamoasida Shodiyor Meliqo‘ziyev (-50 kg), Mirazizbek Mirzaxalilov (-55 kg) va Shavkatjon Boltayev (-70 kg) chorakfinaldayoq ishtirokini to‘xtatdi, ayollar jamoasida esa Nigina O‘ktamova (-54 kg), Humorabonu Mamajonova (-57 kg), Sitora Turdibekova (-60 kg) va Oltinoy Sotimboyeva (-80 kg) medallargacha yetib kela olishmadi.
Shavkat Mirziyoyev shaxmatchilar bilan uchrashuvda Javohir Sindorov, Muhiddin Madaminov va Shamsiddin Vohidovning Olimpiadadagi o‘yinlarini alohida e’tirof etdi.
Prezident Javohir Sindorovga murojaat qilib, bir necha oy avval uning Nomzodlar turniridagi tarixiy g‘alabasi nishonlanganini esladi. Olimpiadada ham Javohir Sindorov sovuqqonlik va barqarorlik ko‘rsatib, kuchli raqiblar oldida ortga chekinmagani ta’kidlandi.
«Endi oldingda yana bir ulkan marra — jahon toji uchun bellashuv turibdi. Bugun ortingda nafaqat jamoadoshlaring va ustozlaring, balki qirq millionga yaqin O‘zbekiston xalqi turibdi. Biz senga ishonamiz!» — dedi davlat rahbari.
Yirik musobaqada ilk bor ishtirok etgan Muhiddin Madaminov hal qiluvchi kunda ukrainalik Roman Dextyarovni qora donalarda mag‘lub etdi.
Uning g‘alabasi jamoaga oltin medal uchun zarur ochkoni olib keldi. Prezident uning g‘ayrati va g‘alabalari muxlislar ko‘nglidan joy olganini ta’kidladi.
Shamsiddin Vohidov ham umumiy natijaga munosib hissa qo‘shdi. U amaldagi jahon chempioni Gukeshga qarshi qora donalarda tengma-teng kurashib, o‘z salohiyatini namoyon etdi.
Prezident oltin medal jamoaning har bir a’zosi mehnati va hissasi natijasi ekanini ta’kidladi.
«Bu oltin medalda jamoaning har bir a’zosining mashaqqatli mehnati va ulkan hissasi bor», — dedi Prezident.
Davlat rahbari shaxmatchilar haqida hali kitoblar yozilishi, filmlar yaratilishi va ularning o‘yin uslubi darsliklarga kirishiga ishonch bildirdi.
Yosh shaxmatchilarni tayyorlash imkoniyatlarini kengaytirish uchun Toshkent xalqaro shaxmat akademiyasining Samarqand, Xorazm va Farg‘onada uchta mintaqaviy filiali tashkil etiladi. Akademiyada oliy toifali murabbiylarni tayyorlash ham yo‘lga qo‘yiladi.
FIDE reytingida 1 ming 500 dan yuqori ball to‘plagan shaxmatchilarning xususiy klublarda o‘qish xarajatlarining yarmi davlat tomonidan qoplanadi. Bu yosh iste’dodlarning tayyorgarligini davom ettirishiga qo‘shimcha imkoniyat yaratadi.
Mamlakatimizda “O‘zbekiston Grand Chess” milliy brendi ostida xalqaro turnirlar muntazam o‘tkazib boriladi. Bu shaxmatchilarimizga kuchli raqiblar bilan o‘z yurtimizda bellashish imkonini beradi.
Prezidentimiz Yangi Toshkentda 500 kishilik o‘yin zali, yotoqxona va sport maydonchalariga ega zamonaviy shaxmat saroyini barpo etishni taklif qildi.
O‘zbekiston delegatsiyasi Yaponiyadagi Osiyo o‘yinlarining bugungi kunini oltin va kumush medallarni qo‘lga kiritish bilan boshladi.
Shahriyor Mahkamov baydarkachilar o‘rtasida 500 metr masofaga kechgan yakkalik poygalarida marrani birinchi bo‘lib zabt etib, Osiyo o‘yinlari chempioniga aylandi.
Terma jamoamizning yana bir a’zosi Arina Tanatmisheva esa kumush medalni qo‘lga kiritdi. U 500 metr masofaga kechgan yakkalik dasturida marraga ikkinchi bo‘lib yetib keldi.
Shuningdek, kanoeda eshkak eshish bo‘yicha O‘zbekiston jamoasi a’zolari Vladlen Denisov hamda Nilufar Zokirova juftligi kumush medalni qo‘lga kiritdi.
Hozirgacha o‘tkazilgan musobaqalardan so‘ng, O‘zbekiston delegatsiyasi turnir jadvalida 4-o‘ringa ko‘tarilib oldi. Jami 34 ta medal qo‘lga kiritildi: 8 ta — oltin, 17 ta — kumush, 9 ta — bronza.
Aichi-Nagoya-2026 musobaqalarida medallar jamg‘arish bo‘yicha Xitoy peshqadamlik qilmoqda, Yaponiya — ikkinchi, Janubiy Koreya — uchinchi o‘rinda.
O‘zbekiston U-23 terma jamoasining Osiyo o‘yinlari yarim finalidagi raqibi ma’lum bo‘ldi.
Chorak finalda Yaponiya terma jamoasi KXDRni 1:0 hisobida mag‘lub etib, yarim finalga yo‘l oldi.
Shu tariqa, O‘zbekiston U-23 terma jamoasi final yo‘llanmasi uchun musobaqa mezboni Yaponiyaga qarshi maydonga tushadi.
Uchrashuv 30-sentyabr kuni Toshkent vaqti bilan soat 15:30 da “Nagai” stadionida boshlanadi.
Samarqandda o‘tayotgan 46-Butunjahon shaxmat olimpiadasining 10-turi O‘zbekistonning birinchi jamoasi uchun muvaffaqiyatli yakunlandi.
Nodirbek Abdusattorov, Javohir Sindarov, Nodirbek Yoqubboyev va Muhiddin Madaminov ishtirok etgan O‘zbekiston-1 jamoasi Armanistonni mag‘lub etdi.
Abdusattorov, Sindarov va Madaminov o‘z raqiblaridan ustun keldi. Shu tariqa, O‘zbekiston-1 jamoasi 18 ochko bilan musobaqada yetakchilikni saqlab qoldi.
O‘zbekiston-2 jamoasi Hindistonga imkoniyatni boy berdi. O‘zbekiston-3 esa Isroilga qarshi keskin bahsda kichik hisobda mag‘lub bo‘ldi.
Xotin-qizlar o‘rtasidagi 10-turda O‘zbekiston-1 jamoasi Peru vakillarini yirik hisobda mag‘lub etdi.
27-sentyabr kuni Olimpiadaning so‘nggi — 11-tur bahslari o‘tkaziladi. Uning yakunlariga ko‘ra, g‘olib va sovrindor jamoalar aniqlanadi.
O‘zbekiston do‘konlarida 73 turdagi mahsulot sifatsiz deb topildi
Tadbirkorlar jarimaning 50 foizini to‘lab, qolgan qismidan ozod etilishi mumkin
O‘zbekiston «Wabtec» kompaniyasi bilan lokomotivlar parkini yangilashni muhokama qildi
-
Iqtisodiyot4 days ago
Saida Mirziyoyeva Gonkongning Henderson Land Group xoldingi boshqaruvi raisi bilan uchrashdi
-
Jamiyat4 days ago
Toshkentda xalqaro moda akademiyasi tashkil etiladi
-
Iqtisodiyot1 day ago
O‘zbekiston «Wabtec» kompaniyasi bilan lokomotivlar parkini yangilashni muhokama qildi
-
Jamiyat1 day ago
Tadbirkorlar jarimaning 50 foizini to‘lab, qolgan qismidan ozod etilishi mumkin
-
Jamiyat1 day ago
O‘zbekiston do‘konlarida 73 turdagi mahsulot sifatsiz deb topildi