Jamiyat
300 yildan keyin topilgan kitob
Bilasiz, yurtimiz telekanallarida milliy kinoasarlar qatori xorijiy seriallar ham namoyish etilmoqda. Ular orasida turkiy xalqlarimizning mushtarak tarixidan hikoya qiluvchi «Erto‘g‘rul» serial-filmi ham bor. Kamina undagi voqealarning sizu biz uchun muhim deya hisoblagan ba’zi jihatlariga e’tiboringizni qaratishni niyat qildim.
Avvalo, Erto‘g‘rulni tarixiy shaxs sifatida aniqlab olsak. O‘zbekiston Milliy Ensiklopediyasi 10-tomining 261-262-sahifalarida keltirilgan ma’lumotlarga ko‘ra, Erto‘g‘rul o‘g‘uzning kayi urug‘idan, harbiy sarkarda, usmonlilar sulolasining to‘qson yoshini yashagan bobokaloni.
1221-yilning bahorida mo‘g‘ullar Marv shahrini istilo qilib, kultepaga aylantirib, Sulton Sanjar maqbarasini yoqib yuborgani ustiga qabrini ham talon-taroj qilishdan qaytmaganini ko‘rgan Erto‘g‘rulning urug‘doshlari Movarounnahr va Xurosondan ko‘chib jo‘naganlar va Kichik Osiyoga borib o‘rnashganlar.
Tarixiy rivoyatga ko‘ra, kayilar Kichik Osiyoga kelgan paytlarida shunday bir voqea sodir bo‘lganki, Erto‘g‘rul va hamrohlari bir-biri bilan jang qilayotgan ikkita noma’lum guruh ustidan chiqib qolishadi, shunda ular o‘zaro maslahatlashib mag‘lub bo‘layotgan tomonga ko‘mak berishadi.
Bu mo‘g‘ullarga qarshi chiqqan Ko‘nyo sultoni Alouddinning qo‘shini edi. Shu voqeadan keyin sulton Alouddin Erto‘g‘rulni qish va yozlik yaylovlari bo‘lgan yaxshigina yerlar bilan taqdirlaydi.
Taqriban shu yerda ular musulmon bo‘lishgani va keyin tez orada islom dinining eng otashin himoyachilariga aylanishganini tarix sahifalari bizga yetkazadi. Erto‘g‘rul boshchiligidagi turkiylar qo‘shini salibchilarga kuchli zarbalar beradi, Vizantiyaga qarshi kurash olib boradi.
Erto‘g‘rul o‘zi asos solgan beklik boshqaruvini 1281-yili Usmonga topshiradi. Qardosh turk xalqi tarixida o‘tgan ulug‘ saltanatning Erto‘g‘rul o‘z o‘g‘liga qo‘ygan ana shu Usmon degan nom bilan olamshumul shuhrat qozonganini sezgan bo‘lsangiz kerak – Usmoniylar imperiyasi!
Usmon va uning otasi Erto‘g‘rul haqida falakshunos olim bo‘lishdan tashqari muarrix sifatida ham tanilgan Mirzo Ulug‘bek so‘z yuritar ekan («Tarixi arba’i ulus» – «To‘rt ulus tarixi» kitobi), Oli Usmon, ya’ni Usmon xonadoni uchun O‘g‘uzxon o‘n beshinchi bobolari sanalishini hamda 55 vositadan keyin ular hazrati Nuh alayhissalomga borib yetishlari haqida ma’lumot berganini ta’kidlaymiz (Toshkent, «Cho‘lpon», 1994, 59-bet).
Bevosita mavzuga o‘tamiz.
Ma’lumki, bugungi kunda Turkiya davlatining kino san’ati dunyo bo‘yicha tilga tushib qoldi, ayniqsa ular yaratayotgan va 2014-yildan beri namoyish etilayotgan «Erto‘g‘rul» seriali!
Ayni damlarda ushbu serial nafaqat Turkiyada, balki butun Osiyoda, hatto Yevropa mamlakatlarida ham katta shuhrat qozonmoqda. Dunyoning 50 mamlakatida turk, ingliz, rus, fransuz, nemis, xitoy, koreys, yapon tillariga tarjima qilingan bu serial O‘zbekiston telekanallarida ham eng ko‘rimli seriallar sirasiga kirdi.
Erto‘g‘rul» serialining bir qancha o‘rinlarida Samarqand va Buxoro shaharlari haqida so‘z ketadi. Film qahramonlari Samarqand va Buxoroni muqaddas shaharlarimiz deb ataydilar, Chingizxon bu shaharlarni yoqib kul etganini afsuslar ila takrorlaydilar. Qahramonlardan biri – Samarqand va Buxoroda ta’lim olgan Artuk (bizda Ortiq deyilsa kerak) ismli kayilar tabibi Abu Ali Ibn Sino hamda Moturidiy nomlarini o‘zining buyuk ustozlari sifatida tilga oladi. Film voqealarini kuzatar ekanmiz, ulug‘ ayyom kunlari kelganda ovul osmoni do‘mbiraning sehrli sadolari bilan to‘lib ketadi, Turkiston avliyosi Ahmad Yassaviyning g‘azal va hikmatlari o‘g‘uzning baxshi-shoirlari tilida qo‘shiq bo‘lib yangraydi.
Bularni ko‘rganda, turk qardoshlar bizga ajoyib mujdalar va hatto joiz ko‘rsangiz jonli, tasvirli mujdalar nisor etibdilar-da, degimiz keladi. Zero, ikki daryo oralig‘ida ota-bobolarimiz kechirgan hayot kabi tanish, qadrdon va o‘xshash manzaralar nigohimizni to‘la qamrab oladiki, bu biz – o‘zbeklarga qanchalar quvonch olib kelmoqda, bu naqadar soz ekanligining aslo ta’rifi yo‘q!
Endi eng asosiy gapga kelamiz. Serialda Ibn Arabiy degan ulug‘ inson obrazi bor. Film ijodkorlari uni o‘ylab chiqarishmagan. Abu Abdulloh Muhammad Ibn Arabiy tarixda bor odam, yetuk musulmon orifi va donishmandi sanaladi, 75 yil umr ko‘rgan, 1165 yili islom Ispaniyasi, ya’ni Andalusiyada tavallud topgan va 1240 yili Damashqda vafot etgan. Ibn Arabiy o‘zining barakali umri davomida olib borgan ko‘p qirrali ilmiy faoliyati uchun borgan barcha joylarida e’tiboru ehtirom qozongan. Sayri sulukini Mag‘rib, Misr, Hijoz, Kichik Osiyo mintaqalarida amalga oshirgan. Istiqomat joylari Makka, Bag‘dod, Halab, Damashq, Ko‘nyo va shu kabi boshqa shaharlar bo‘lgan. Hayotidagi eng ulug‘ «Futuhot al-Makkiya» (Makka kashfiyotlari) kitobini 20 yildan oshiqroq vaqt davomida yaratadi – Makkada boshlagan, Damashqda tugatgan. Umuman esa, yozgan kitob va risolalarining soni to‘rt yuzdan oshar ekan. Islom olamida Ash-shayx al-Akbar, ya’ni hamma zamonlarning Ulug‘ Muallimi unvoni tan olinadi. Buyuk insonning haddini belgilash-bildirish ma’nosida «Ibn Aflotun» (Aflotunning o‘g‘li) degan ta’rifi ham bo‘lgan. Ismiga Muhyiddin, ya’ni dinni qayta tiklovchi laqabini qo‘shib aytishgan, ya’ni Muhyiddin Ibn Arabiy!
Ana shu kishi Erto‘g‘rul» filmida turkiy qavm–kayilar olib borgan kurash va g‘alabalar ilhomchisi, ojiz paytlarida yupanch, adashganda esa haq yo‘lni ko‘rsatuvchi avliyo sifatida namoyon bo‘ladi. Biz uni turli joylarda: o‘tovda, dashtda, o‘rmonda, keng sahroda yolg‘iz yoki odamlar orasida duo o‘qiyotgan holatlarda ko‘ramiz, suhbatlari esa Muhammad payg‘ambarning siyrati, Abobil qushlari, Umar ibn Xattobning asrlarga yetgulik jasorati va boshqa mavzulardagi hikoyayu asotirlar ila o‘tadi.
Endi, muhtaram o‘quvchi, islom olamidagi eng ulug‘ avliyo, eng ulug‘ shoir, shuning barobarida asrlar davomida turli munozara-muhokamalarga sabab bo‘lib barchani hayratga solib kelayotgan vahdat-ul vujud ta’limoti orifining, ya’ni Ibn Arabiyning xuddi shu o‘rinda Muhammad Hakim Termiziyga ma’lum ma’noda shogird (garchi orada 350 yillar atrofidagi vaqt o‘tgan bo‘lsa-da), ishlarining davomchisi va muhimi, bobomiz irfoniy qarashlarining eng buyuk targ‘ibotchisi va muallimi bo‘lganligini aytamiz.
Vohadoshimiz, qalbining ijod bulog‘i Surxondaryo televideniyesida ko‘z ochgan islomshunos faylasuf Ja’far Xolmo‘minovning bu borada alohida tadqiqoti mavjud (rus tilida).
Unga ko‘ra, Movarounnahrda so‘fiylik harakati Hakim Termiziy asos solgan «Hakimiya» maktabidan boshlanadi, jumladan, Termiziyning tasavvuf ahli uchun ma’naviy vasiyatnoma yoxud ta’lim dasturi sifatida xizmat qilgan «Xatm-ul valoyat» asari juda mashhur bo‘lgan. Mazkur asarning ovozasi butun islom olamiga yoyilib ketgan. Ammo bir qancha vaqt o‘tib kitob yo‘qolib qoladi. Oradan uch yuz yillar o‘tadi va uni «Akbariya» so‘fiylik maktabi asoschisi Shayxi Akbar ibn Arabiy topib o‘rganadi. Eng bosh kitobi bo‘lgan «Futuhot al-Makkiya» asarida mazmunidan foydalanadi.
Xullas, termizlik orif qarashlaridan olgan ta’sirotlari ibn Arabiyning Termiziy yaratgan valoyat nazariyasini himoya qilishiga va bu nazariyani takomillashtirishiga olib kelganki, ushbu ulug‘ yo‘l hamon davom etadi va uning sarhadi yo‘q.
Buning natijasida, shuningdek, Shayxi Akbar ibn Arabiy qalamidan chiqqan quyidagi: «Al javob-al mustaqim ’ammo saala ’anho at-Tirmizi al-Hakim» va «Sharh al-masaail ar-ruhaaniya an xaal al-Hakim at-Tirmizi» kitoblari ham dunyo yuzini ko‘rgan.
Yosh va umidli tadqiqotchi olim, Imom Abu Iso Termiziy xalqaro ilmiy markazi raisining o‘rinbosari Jo‘rabek Cho‘tmatov Muhammad Hakim Termiziy bobomizning Andalusiyada mashhurligi sabablarini o‘rganar ekan, Ibn Arabiydan boshqa yana bir nechta islom Ispaniyasi mashoyixlari haqida so‘z yuritadi. Masalan, Kurtubiy degan olim o‘zining tafsir kitoblarida Hakim Termiziydan juda ko‘plab iqtiboslar keltirgan. Granada ahlidan bo‘lgan ibn Atiyya Andalusiy va Abuhayyon Nahviy Andalusiylar ham o‘z asarlarida Termiziyga murojaat etganlar. Ali ibn Sulaymon ibn Ahmad Ibn Sulaymon Murodiy Andalusiy Hakim Termiziyning o‘n ikkita asarini kitobat etib ko‘chirganligi va bu asarlar hozirgi kunda Parij milliy kutubxonasida saqlanayotgani haqidagi xabarlar ham shular jumlasidan (qarang: Jo‘rabek Cho‘tmatov. «Termizning bezavol qalalari yoxud Termiz tarixi», monografiya, Toshkent, «Yangi nashr», 2017, 216-217-betlar).
Umuman, Muhammad Hakim Termiziyning dastlab o‘ziga zamondosh bir andalusiyalik, ya’ni Abu Bakr ibn Sobiq Umaviyga bo‘lgan munosabati ushbu mintaqa bilan ilk aloqasi sifatida baholanadiki, oradan ko‘p zamonlar, to‘g‘rirog‘i, bir necha asr o‘tganda Ibn Arabiyning Termiziyga bo‘lgan qiziqishi va asarlarini o‘qib ta’sirlanishi o‘z navbatida uning Ash-shayx al-Akbar sifatida Markaziy Osiyo so‘fiylik-tasavvufiy qarashlariga ulkan ta’sir ko‘rsatishiga olib kelgan edi.
Abdulla Xolmirzayev.
Prezidentning yangi qaroriga muvofiq, O‘zbekistonda davlat xizmatlarini ko‘rsatish tizimi yanada takomillashtirilib, fuqarolar uchun bir qator yangi qulayliklar yaratiladi. Hujjatda ko‘chmas mulkni ro‘yxatdan o‘tkazish, notarial xizmatlar, shaxsiy ma’lumotlarni yangilash, davlat xizmatlarini raqamlashtirish va reklama sohasini tartibga solishga oid muhim o‘zgarishlar belgilangan.
Prezidentning «Aholiga ko‘rsatilayotgan davlat xizmatlarini takomillashtirish hamda fuqarolar uchun qo‘shimcha qulayliklar yaratish chora-tadbirlari to‘g‘risida»gi qarori qabul qilindi. Hujjat davlat xizmatlarini soddalashtirish, ortiqcha byurokratik to‘siqlarni qisqartirish va raqamli xizmatlarni kengaytirishga qaratilgan.
Qarorga muvofiq, 2027 yil 1 yanvardan ko‘chmas mulkka bo‘lgan huquqlarni davlat ro‘yxatidan o‘tkazish tartibi takomillashtiriladi. Shuningdek, ayrim holatlarda davlat ro‘yxatidan o‘z vaqtida o‘tkazilmagan huquqlar uchun ma’muriy javobgarlik yengillashtiriladi hamda meros yoki hadya tartibida olingan turar joyni sotishda soliqqa oid qo‘shimcha qulayliklar joriy etiladi.
2026 yil 1 oktyabrdan boshlab shaxsning familiyasi, ismi, otasining ismi yoki tug‘ilgan sanasi o‘zgarganda, ushbu ma’lumotlar davlat axborot tizimlarida avtomatik ravishda yangilanadi. Bu ortiqcha hujjat yig‘ish va turli idoralarga alohida murojaat qilish ehtiyojini kamaytiradi.
Shuningdek, Yagona interaktiv davlat xizmatlari portali orqali ko‘chmas mulkka taqiqlar, shaxs nomidagi telefon raqamlari, ularga ulangan pulli xizmatlar hamda bank kartalari haqida ma’lumot olish imkoniyatlari kengaytiriladi. Notarial harakatlar haqida ham fuqarolarga avtomatik xabarnomalar yuborish tizimi joriy etiladi.
Qaror bilan reklama sohasida ham yangi talablar belgilandi. Xususan, mobil aloqa orqali reklama qo‘ng‘iroqlari va SMS-xabarlarini faqat fuqaroning oldindan bergan roziligi bilan yuborishga ruxsat etiladi. Bundan tashqari, reklamani tungi vaqtda tarqatishga cheklovlar kiritiladi.
Hujjatda belgilangan chora-tadbirlarni amalga oshirish bo‘yicha mas’ul vazirlik va idoralarga aniq muddatlar belgilangan bo‘lib, ularning ijrosini muvofiqlashtirish va nazorat qilish bosh vazir zimmasiga yuklatilgan.
Navoiy viloyatining Qiziltepa tumanida Ichki ishlar bo‘limi tergovchisi xizmat mavqeidan foydalanib, ashyoviy dalil sifatida olib qo‘yilgan mobil telefonni qaytarib berish evaziga pora olgan vaqtida qo‘lga tushdi. Holat yuzasidan jinoyat ishi qo‘zg‘atilib, dastlabki tergov harakatlari olib borilmoqda.
Davlat xavfsizlik xizmati hamda Bosh prokuratura huzuridagi Iqtisodiy jinoyatlarga qarshi kurashish departamenti xodimlari tomonidan korrupsiyaga qarshi kurashish yo‘nalishida o‘tkazilgan tezkor tadbirda Qiziltepa tumani IIB Tergov guruhi katta tergovchisining qonunga zid harakatlari fosh etildi.
Tergov ma’lumotlariga ko‘ra, joriy yilning 1 iyul kuni ichki ishlar organlari tomonidan telefoni xotirasida taqiqlangan diniy materiallar bo‘lishi ehtimoli bilan 2003 yilda tug‘ilgan fuqaroning iPhone 17 Pro Max rusumli telefoni olib qo‘yilgan.
Tergovchi mazkur telefonni egasiga qaytarib berish evaziga ikki nafar vositachi orqali 1000 AQSh dollari olgan vaqtida tezkor tadbir ishtirokchilari tomonidan qo‘lga olindi.
Hozirda mazkur holat yuzasidan jinoyat ishi qo‘zg‘atilgan bo‘lib, dastlabki tergov harakatlari davom etmoqda.
Nikoh shartnomasi er va xotinning nikoh davrida hamda nikoh bekor qilingan taqdirda ularning mulkiy huquq va majburiyatlarini belgilab beruvchi kelishuv hisoblanadi. Qonunchilikka ko‘ra, ushbu shartnoma nikohdan oldin yoki nikoh davomida tuzilishi mumkin, ammo u albatta yozma shaklda rasmiylashtirilib, notarial tartibda tasdiqlanishi shart.
Mutaxassislar ta’kidlashicha, nikoh shartnomasi bo‘lajak er-xotin yoki nikohda bo‘lgan shaxslar o‘rtasidagi mulkiy munosabatlarni huquqiy jihatdan tartibga solishga xizmat qiladi.
Amaldagi tartibga ko‘ra, nikoh shartnomasi nikoh davlat ro‘yxatidan o‘tkazilguniga qadar ham, nikoh rasmiylashtirilganidan keyin ham tuzilishi mumkin.
Agar shartnoma nikoh davlat ro‘yxatidan o‘tkazilishidan oldin imzolangan bo‘lsa, u nikoh davlat ro‘yxatidan o‘tkazilgan kundan boshlab yuridik kuchga kiradi.
Shuningdek, nikoh shartnomasi faqat yozma shaklda tuzilishi va notarius tomonidan tasdiqlanishi lozim. Notarial tasdiqlanmagan shartnoma qonunchilikda belgilangan talablarga javob bermaydi.
Nikoh shartnomasi er-xotinning mol-mulki, undan foydalanish, uni tasarruf etish hamda boshqa mulkiy huquq va majburiyatlarini oldindan belgilash imkonini beradi.
Andijon viloyatining Asaka tumanida joylashgan savdo rastasida tungi vaqtda yong‘in sodir bo‘ldi. Yong‘in-qutqaruv ekipajlari voqea joyiga qisqa vaqt ichida yetib borib, yong‘inni bartaraf etdi. Hodisa oqibatida jabrlanganlar yo‘q.
Favqulodda vaziyatlar vazirligi ma’lumotiga ko‘ra, yong‘in haqidagi xabar 16 iyul kuni soat 23:43 da 112 tizimi orqali kelib tushgan. Hodisa Andijon viloyati, Asaka tumani, Marg‘iloniy ko‘chasida joylashgan savdo rastasida sodir bo‘lgan.
Xabar olingach, yong‘in-qutqaruv ekipajlari soat 23:48 da hodisa joyiga yetib borgan. Yong‘in 17 iyul kuni soat 00:10 da to‘liq o‘chirilgan.
Yong‘in oqibatida savdo rastasining taxminan 60 kvadrat metr maydondagi shift va tom qismi, shuningdek, kiyim-kechak mahsulotlari yonib zararlangan.
Hodisa natijasida tan jarohati olganlar qayd etilmagan.
Ayni paytda yong‘inning kelib chiqish sababi hamda yetkazilgan moddiy zarar miqdori aniqlanmoqda.
Bu yil yozda dunyoning aksariyat mintaqalarida g‘ayrioddiy jazirama hukm surmoqda. Biroq, konditsionerdan foydalanish imkoniyati hammada ham mavjud emas.
Jaziramadan saqlanish bo‘yicha Hindistonning NPR nashri jamlagan maslahatlarning har biri alohida olinganda arzimasdek tuyulishi mumkin, ammo ular birgalikda tananing sovishiga haqiqatan ham yordam beradi.
Alohida ta’kidlanishicha, issiq urish belgilariga quyidagilar kiradi: tana haroratining ko‘tarilishi, bosh og‘rig‘i, ko‘ngil aynishi, ongning chalkashishi yoki holsizlik. Ushbu alomatlar paydo bo‘lganda, darhol tez yordam chaqirish va tibbiy yordamga murojaat qilish kerak.
Jazirama bilan kurashishga yordam beradigan maslahatlar:
1. Ko‘p suyuqlik iching
Tana gidratatsiyasi darajasini doimo kuzatib borish kerak. Har qanday jismoniy faoliyatni boshlash bilan suvni kichik qultumlarda ichish lozim. Ko‘chaga chiqqanda suv olib yurish – jaziramada hayot-mamot masalasidir.
2. Albatta, biror narsa yeb oling
Hech qachon uydan och qoringa chiqmaslik kerak, doim nimadir yeb olish lozim. Masalan, tarkibida erigan elektrolitlar bo‘lgan bodring yoki bir bo‘lak ananas buning uchun ayni muddao.
3. Ruh tetikligi
Agar isib ketayotgan bo‘lsangiz, sovuq dush qabul qiling yoki hech bo‘lmaganda yuzingiz va qo‘llaringizni, shuningdek, boshingizni vaqti-vaqti bilan suv bilan ho‘llab turing – bu tana haroratini pasaytirishga yordam beradi.
4. Dam olish uchun salqin joy toping
Shuni bilish kerakki, issiq havo yuqoriga ko‘tarilgani uchun ko‘p qavatli uylarning pastki qavatlari salqinroq bo‘ladi. Kunduzi quyosh nurini qalin pardalar bilan to‘sing. Qo‘lingiz ostidagi barcha ventilyatorlarni ishga tushiring.
Va salqinlik izlab mebellarni qayta joylashtirishdan qo‘rqmang. Masalan, karavotni deraza yoniga qo‘ysangiz, uxlayotganda yengil shabadani his qilishingiz mumkin.
Agar xona ichida nafas olish qiyinlashib, dim bo‘lib ketsa, tashqariga chiqing va gamakda yoting. Tebranish paytida hosil bo‘ladigan havo oqimi tanani sovutishga yordam beradi.
5. Me’morchilikdan ilhomlaning
Ko‘plab me’moriy yangiliklar orasida «jaali» deb nomlangan me’moriy uslub bor, u hind va urdu tillaridan tarjima qilinganda shunchaki «to‘r» degan ma’noni anglatadi. Aslini olganda, bu tosh devorni yaxlit qoldirish o‘rniga, bir qator kichik teshiklari bor geometrik naqshlarni o‘yib, uni naqshinkor panjaraga aylantirish usulidir.
6. Bug‘lantiruvchi sovutgich
Ushbu elektr qurilma, shuningdek, bug‘lantiruvchi sovutgich sifatida ham tanilgan bo‘lib, xonadagi havoni suvga botirilgan filtrlar orqali o‘tkazadi, bu filtrlar havoni sovutadi va keyin uni xonaga qaytaradi. Bu qurilmalar konditsionerlardan arzonroq va kamroq energiya sarflaydi. Bunday qurilmani hatto o‘zingiz ham yasashingiz mumkin.
7. Oq rangli kiyimlar kiying
Paxta va zig‘ir matolaridan tikilgan kiyimdan foydalaning, oq rang issiqlikni samarali qaytaruvchi hisoblanadi.
8. Bosh va bo‘yningizni yopib yuring
Yozda boshni yopib yurish qadimiy va samarali an’anadir.
9. Tushki quyoshdan saqlaning
Kunning eng issiq vaqtida ko‘chaga chiqish, sport bilan shug‘ullanish yoki ochiq havoda bo‘lish orqali o‘zingizni charchatmaslikka va quvvatingizni behuda sarflamaslikka harakat qiling, chunki jazirama quyosh nuri va issiq havo tana haroratini yanada oshirib yuboradi.
10. Soyadan foydalaning
Ochiq havoda ishlayapsizmi yoki ko‘chada ketyapsizmi, daraxtlar soyasida yurishga harakat qiling. U yerdagi havo harorati aslida quyosh ostidagidek bo‘lsa-da, teringiz quyosh nurlarini yutmaydi va bu tanangizning qizib ketishiga yo‘l qo‘ymaydi.
O‘zbekistonda davlat xizmatlari tizimi yanada soddalashtiriladi
Tadbirkorlar uchun valuta operatsiyalarida yangi yengillik joriy etildi
Navoiyda IIB tergovchisi pora olishda qo‘lga tushdi
-
Siyosat4 days ago
Prezident Shavkat Mirziyoyev Qatar amiriga ta’ziya bildirdi
-
Jamiyat4 days agoToshkent metrosiga yana 3 ta zamonaviy poyezd qo‘shildi
-
Jamiyat5 days ago
Bugun ayrim hududlarda chang-to‘zon kuzatiladi, havo 43 darajagacha isiydi
-
Iqtisodiyot3 days agotadbirkor va davlat organlari o‘rtasida huquqiy bahs yuzaga keldi
-
Iqtisodiyot2 days agoMarkaziy bank huzurida Islomiy moliya kengashi tashkil etildi
-
Sport5 days agoJCh kundaligi. Yana fantastik o‘ynagan Jud, yana qiynalgan Argentina va Emboloda ahmoqona qizil
-
Sport4 days agoIspaniyada Fransiya milliy jamoasi haqidagi bayonot ortidan siyosiy mojaro avj oldi
-
Iqtisodiyot3 days ago
Andijonda Belarus texnologiyasi asosida qishloq xo‘jaligi texnikalari ishlab chiqariladi