Jamiyat
300 yildan keyin topilgan kitob
Bilasiz, yurtimiz telekanallarida milliy kinoasarlar qatori xorijiy seriallar ham namoyish etilmoqda. Ular orasida turkiy xalqlarimizning mushtarak tarixidan hikoya qiluvchi «Erto‘g‘rul» serial-filmi ham bor. Kamina undagi voqealarning sizu biz uchun muhim deya hisoblagan ba’zi jihatlariga e’tiboringizni qaratishni niyat qildim.
Avvalo, Erto‘g‘rulni tarixiy shaxs sifatida aniqlab olsak. O‘zbekiston Milliy Ensiklopediyasi 10-tomining 261-262-sahifalarida keltirilgan ma’lumotlarga ko‘ra, Erto‘g‘rul o‘g‘uzning kayi urug‘idan, harbiy sarkarda, usmonlilar sulolasining to‘qson yoshini yashagan bobokaloni.
1221-yilning bahorida mo‘g‘ullar Marv shahrini istilo qilib, kultepaga aylantirib, Sulton Sanjar maqbarasini yoqib yuborgani ustiga qabrini ham talon-taroj qilishdan qaytmaganini ko‘rgan Erto‘g‘rulning urug‘doshlari Movarounnahr va Xurosondan ko‘chib jo‘naganlar va Kichik Osiyoga borib o‘rnashganlar.
Tarixiy rivoyatga ko‘ra, kayilar Kichik Osiyoga kelgan paytlarida shunday bir voqea sodir bo‘lganki, Erto‘g‘rul va hamrohlari bir-biri bilan jang qilayotgan ikkita noma’lum guruh ustidan chiqib qolishadi, shunda ular o‘zaro maslahatlashib mag‘lub bo‘layotgan tomonga ko‘mak berishadi.
Bu mo‘g‘ullarga qarshi chiqqan Ko‘nyo sultoni Alouddinning qo‘shini edi. Shu voqeadan keyin sulton Alouddin Erto‘g‘rulni qish va yozlik yaylovlari bo‘lgan yaxshigina yerlar bilan taqdirlaydi.
Taqriban shu yerda ular musulmon bo‘lishgani va keyin tez orada islom dinining eng otashin himoyachilariga aylanishganini tarix sahifalari bizga yetkazadi. Erto‘g‘rul boshchiligidagi turkiylar qo‘shini salibchilarga kuchli zarbalar beradi, Vizantiyaga qarshi kurash olib boradi.
Erto‘g‘rul o‘zi asos solgan beklik boshqaruvini 1281-yili Usmonga topshiradi. Qardosh turk xalqi tarixida o‘tgan ulug‘ saltanatning Erto‘g‘rul o‘z o‘g‘liga qo‘ygan ana shu Usmon degan nom bilan olamshumul shuhrat qozonganini sezgan bo‘lsangiz kerak – Usmoniylar imperiyasi!
Usmon va uning otasi Erto‘g‘rul haqida falakshunos olim bo‘lishdan tashqari muarrix sifatida ham tanilgan Mirzo Ulug‘bek so‘z yuritar ekan («Tarixi arba’i ulus» – «To‘rt ulus tarixi» kitobi), Oli Usmon, ya’ni Usmon xonadoni uchun O‘g‘uzxon o‘n beshinchi bobolari sanalishini hamda 55 vositadan keyin ular hazrati Nuh alayhissalomga borib yetishlari haqida ma’lumot berganini ta’kidlaymiz (Toshkent, «Cho‘lpon», 1994, 59-bet).
Bevosita mavzuga o‘tamiz.
Ma’lumki, bugungi kunda Turkiya davlatining kino san’ati dunyo bo‘yicha tilga tushib qoldi, ayniqsa ular yaratayotgan va 2014-yildan beri namoyish etilayotgan «Erto‘g‘rul» seriali!
Ayni damlarda ushbu serial nafaqat Turkiyada, balki butun Osiyoda, hatto Yevropa mamlakatlarida ham katta shuhrat qozonmoqda. Dunyoning 50 mamlakatida turk, ingliz, rus, fransuz, nemis, xitoy, koreys, yapon tillariga tarjima qilingan bu serial O‘zbekiston telekanallarida ham eng ko‘rimli seriallar sirasiga kirdi.
Erto‘g‘rul» serialining bir qancha o‘rinlarida Samarqand va Buxoro shaharlari haqida so‘z ketadi. Film qahramonlari Samarqand va Buxoroni muqaddas shaharlarimiz deb ataydilar, Chingizxon bu shaharlarni yoqib kul etganini afsuslar ila takrorlaydilar. Qahramonlardan biri – Samarqand va Buxoroda ta’lim olgan Artuk (bizda Ortiq deyilsa kerak) ismli kayilar tabibi Abu Ali Ibn Sino hamda Moturidiy nomlarini o‘zining buyuk ustozlari sifatida tilga oladi. Film voqealarini kuzatar ekanmiz, ulug‘ ayyom kunlari kelganda ovul osmoni do‘mbiraning sehrli sadolari bilan to‘lib ketadi, Turkiston avliyosi Ahmad Yassaviyning g‘azal va hikmatlari o‘g‘uzning baxshi-shoirlari tilida qo‘shiq bo‘lib yangraydi.
Bularni ko‘rganda, turk qardoshlar bizga ajoyib mujdalar va hatto joiz ko‘rsangiz jonli, tasvirli mujdalar nisor etibdilar-da, degimiz keladi. Zero, ikki daryo oralig‘ida ota-bobolarimiz kechirgan hayot kabi tanish, qadrdon va o‘xshash manzaralar nigohimizni to‘la qamrab oladiki, bu biz – o‘zbeklarga qanchalar quvonch olib kelmoqda, bu naqadar soz ekanligining aslo ta’rifi yo‘q!
Endi eng asosiy gapga kelamiz. Serialda Ibn Arabiy degan ulug‘ inson obrazi bor. Film ijodkorlari uni o‘ylab chiqarishmagan. Abu Abdulloh Muhammad Ibn Arabiy tarixda bor odam, yetuk musulmon orifi va donishmandi sanaladi, 75 yil umr ko‘rgan, 1165 yili islom Ispaniyasi, ya’ni Andalusiyada tavallud topgan va 1240 yili Damashqda vafot etgan. Ibn Arabiy o‘zining barakali umri davomida olib borgan ko‘p qirrali ilmiy faoliyati uchun borgan barcha joylarida e’tiboru ehtirom qozongan. Sayri sulukini Mag‘rib, Misr, Hijoz, Kichik Osiyo mintaqalarida amalga oshirgan. Istiqomat joylari Makka, Bag‘dod, Halab, Damashq, Ko‘nyo va shu kabi boshqa shaharlar bo‘lgan. Hayotidagi eng ulug‘ «Futuhot al-Makkiya» (Makka kashfiyotlari) kitobini 20 yildan oshiqroq vaqt davomida yaratadi – Makkada boshlagan, Damashqda tugatgan. Umuman esa, yozgan kitob va risolalarining soni to‘rt yuzdan oshar ekan. Islom olamida Ash-shayx al-Akbar, ya’ni hamma zamonlarning Ulug‘ Muallimi unvoni tan olinadi. Buyuk insonning haddini belgilash-bildirish ma’nosida «Ibn Aflotun» (Aflotunning o‘g‘li) degan ta’rifi ham bo‘lgan. Ismiga Muhyiddin, ya’ni dinni qayta tiklovchi laqabini qo‘shib aytishgan, ya’ni Muhyiddin Ibn Arabiy!
Ana shu kishi Erto‘g‘rul» filmida turkiy qavm–kayilar olib borgan kurash va g‘alabalar ilhomchisi, ojiz paytlarida yupanch, adashganda esa haq yo‘lni ko‘rsatuvchi avliyo sifatida namoyon bo‘ladi. Biz uni turli joylarda: o‘tovda, dashtda, o‘rmonda, keng sahroda yolg‘iz yoki odamlar orasida duo o‘qiyotgan holatlarda ko‘ramiz, suhbatlari esa Muhammad payg‘ambarning siyrati, Abobil qushlari, Umar ibn Xattobning asrlarga yetgulik jasorati va boshqa mavzulardagi hikoyayu asotirlar ila o‘tadi.
Endi, muhtaram o‘quvchi, islom olamidagi eng ulug‘ avliyo, eng ulug‘ shoir, shuning barobarida asrlar davomida turli munozara-muhokamalarga sabab bo‘lib barchani hayratga solib kelayotgan vahdat-ul vujud ta’limoti orifining, ya’ni Ibn Arabiyning xuddi shu o‘rinda Muhammad Hakim Termiziyga ma’lum ma’noda shogird (garchi orada 350 yillar atrofidagi vaqt o‘tgan bo‘lsa-da), ishlarining davomchisi va muhimi, bobomiz irfoniy qarashlarining eng buyuk targ‘ibotchisi va muallimi bo‘lganligini aytamiz.
Vohadoshimiz, qalbining ijod bulog‘i Surxondaryo televideniyesida ko‘z ochgan islomshunos faylasuf Ja’far Xolmo‘minovning bu borada alohida tadqiqoti mavjud (rus tilida).
Unga ko‘ra, Movarounnahrda so‘fiylik harakati Hakim Termiziy asos solgan «Hakimiya» maktabidan boshlanadi, jumladan, Termiziyning tasavvuf ahli uchun ma’naviy vasiyatnoma yoxud ta’lim dasturi sifatida xizmat qilgan «Xatm-ul valoyat» asari juda mashhur bo‘lgan. Mazkur asarning ovozasi butun islom olamiga yoyilib ketgan. Ammo bir qancha vaqt o‘tib kitob yo‘qolib qoladi. Oradan uch yuz yillar o‘tadi va uni «Akbariya» so‘fiylik maktabi asoschisi Shayxi Akbar ibn Arabiy topib o‘rganadi. Eng bosh kitobi bo‘lgan «Futuhot al-Makkiya» asarida mazmunidan foydalanadi.
Xullas, termizlik orif qarashlaridan olgan ta’sirotlari ibn Arabiyning Termiziy yaratgan valoyat nazariyasini himoya qilishiga va bu nazariyani takomillashtirishiga olib kelganki, ushbu ulug‘ yo‘l hamon davom etadi va uning sarhadi yo‘q.
Buning natijasida, shuningdek, Shayxi Akbar ibn Arabiy qalamidan chiqqan quyidagi: «Al javob-al mustaqim ’ammo saala ’anho at-Tirmizi al-Hakim» va «Sharh al-masaail ar-ruhaaniya an xaal al-Hakim at-Tirmizi» kitoblari ham dunyo yuzini ko‘rgan.
Yosh va umidli tadqiqotchi olim, Imom Abu Iso Termiziy xalqaro ilmiy markazi raisining o‘rinbosari Jo‘rabek Cho‘tmatov Muhammad Hakim Termiziy bobomizning Andalusiyada mashhurligi sabablarini o‘rganar ekan, Ibn Arabiydan boshqa yana bir nechta islom Ispaniyasi mashoyixlari haqida so‘z yuritadi. Masalan, Kurtubiy degan olim o‘zining tafsir kitoblarida Hakim Termiziydan juda ko‘plab iqtiboslar keltirgan. Granada ahlidan bo‘lgan ibn Atiyya Andalusiy va Abuhayyon Nahviy Andalusiylar ham o‘z asarlarida Termiziyga murojaat etganlar. Ali ibn Sulaymon ibn Ahmad Ibn Sulaymon Murodiy Andalusiy Hakim Termiziyning o‘n ikkita asarini kitobat etib ko‘chirganligi va bu asarlar hozirgi kunda Parij milliy kutubxonasida saqlanayotgani haqidagi xabarlar ham shular jumlasidan (qarang: Jo‘rabek Cho‘tmatov. «Termizning bezavol qalalari yoxud Termiz tarixi», monografiya, Toshkent, «Yangi nashr», 2017, 216-217-betlar).
Umuman, Muhammad Hakim Termiziyning dastlab o‘ziga zamondosh bir andalusiyalik, ya’ni Abu Bakr ibn Sobiq Umaviyga bo‘lgan munosabati ushbu mintaqa bilan ilk aloqasi sifatida baholanadiki, oradan ko‘p zamonlar, to‘g‘rirog‘i, bir necha asr o‘tganda Ibn Arabiyning Termiziyga bo‘lgan qiziqishi va asarlarini o‘qib ta’sirlanishi o‘z navbatida uning Ash-shayx al-Akbar sifatida Markaziy Osiyo so‘fiylik-tasavvufiy qarashlariga ulkan ta’sir ko‘rsatishiga olib kelgan edi.
Abdulla Xolmirzayev.
Ko‘chirib o‘tqazilgan daraxtlarning 107 tupi qurib qolgan va tabiatga 881 million 268 ming so‘m miqdorida zarar yetkazilgan.
Ekologiya va iqlim o‘zgarishi milliy qo‘mitasi Davlat ekologik nazorat inspeksiyasiga kelib tushgan murojaat asosida Toshkent shahri Shayxontohur tumanidagi Abu Ali ibn Sino ko‘chasi hududida o‘rganish ishlari olib borildi.
O‘rganish ishlari davomida yopiq kollektor hududida 108 tup daraxt noqonuniy ko‘chirib o‘tqazilganligi va ularning 107 tupi qurib qolganligi aniqlandi.
Ta’kidlanishicha, bu daraxtlar yuzasidan Toshkent shahar ekologiya bosh boshqarmasiga murojaat qilingan va boshqarma tomonidan rad javobi berilgan. Ammo daraxtlar noqonuniy tarzda ko‘chirib o‘tqazilgan.
Huquqbuzarlik natijasida tabiatga 881 million 268 ming so‘m miqdorida zarar yetkazilganligi hisoblandi.
Holat yuzasidan to‘plangan hujjatlar huquqni muhofaza qiluvchi organlarga taqdim etish uchun tayyorlanmoqda.
Chust tumanida yashovchi ayol mas’uliyati cheklangan jamiyatning soliq qarzdorligini ushbu tizimda ishlovchi tanishlari yordamida bartaraf qilib berish evaziga MChJ ish yurituvchisidan 20 mln so‘m olgan vaqtida ashyoviy dalillar bilan ushlandi.
Davlat xavfsizlik xizmatining Namangan viloyati bo‘yicha boshqarmasi xodimlari tomonidan Iqtisodiy jinoyatlarga qarshi kurashish departamenti bilan hamkorlikda tezkor tadbir o‘tkazildi.
Tadbirda Chust tumanida yashovchi ayol savdo sohasida faoliyat ko‘rsatuvchi mas’uliyati cheklangan jamiyatning 376,6 mln so‘m miqdoridagi soliq qarzdorligini ushbu tizimda ishlovchi tanishlari yordamida bartaraf qilib berish evaziga MChJ ish yurituvchisidan 20 mln so‘m olgan vaqtida ashyoviy dalillar bilan ushlandi.
Tergovga qadar tekshiruv davomida mazkur ishga Chust tumani soliq inspeksiyasining bosh inspektori aloqador ekanligi aniqlandi.
Hozirda holat yuzasidan qonunbuzarlarga nisbatan jinoyat ishi qo‘zg‘atilib, tergov harakatlari olib borilmoqda.
25–28 mart kunlari Buxoro viloyatida “Siz ekologiyaga oid qonunlarni bilasizmi?” ko‘rik-tanlovining kasbiy ta’lim muassasalari jamoalari o‘rtasidagi final bosqichi bo‘lib o‘tdi.
Tanlov Ekologiya va iqlim o‘zgarishi milliy qo‘mitasi, Bosh prokuratura, Oliy ta’lim, fan va innovatsiyalar vazirligi hamda Maktabgacha va maktab ta’limi vazirligi tomonidan tashkil etildi. Unda jamoalar 4 shart bo‘yicha bellashdi.
1-shartda (“Bu bizning hudud”) ishtirokchilar o‘z hududlarining ekologik holati, ekomadaniyati, piknik madaniyatlari, hudud ekologiyasini yaxshilashga doir amalga oshirilayotgan ishlar, yoshlarining ekologiyaga bo‘lgan munosabatini ochib berishdi. Ikkinchi shartda esa (“Intellektual ring”) jamoa a’zolari 3 daqiqa ichida ekologik, ijtimoiy, siyosiy-huquqiy yo‘nalishlardagi l0 ta savolga javob berishdi.
Shuningdek, 3-shartda (“Ekologiya uchun barchamiz mas’ulmiz!”) ishtirokchilar respublikamiz ekologiyasini asrab-avaylash, yoshlar orasida ekomadaniyatni targ‘ib qilish, plogging, iqlim o‘zgarishlari, daraxt ekish hamda suv muammolariga qaratilgan loyihalarini ibratli sahna ko‘rinishlari orqali ko‘rsatib berishdi. 4-shart esa (“Eng yaxshi ekologik loyiha”) respublika miqyosida ekologiya sohasini rivojlantirish, yosh ekologlar sonini ko‘paytirishga erishish, ekologiya yo‘nalishidagi investitsiyalarni jalb qilish, ekologiya salohiyatini kengaytirish borasidagi taklif va loyihalarga bag‘ishlandi.
Yakunda Navoiy viloyatining «Ecoline» jamoasi 1-o‘rinni, Qoraqalpog‘iston Respublikasining «Qoratol» jamoasi 2-o‘rinni, Toshkent viloyatining «Zamin» jamoasi esa 3-o‘rinni egalladi. G‘oliblar munosib taqdirlandi.
Ma’lumot uchun, “Siz ekologiyaga oid qonunlarni bilasizmi?” ko‘rik-tanlovi yoshlarning ekologik-huquqiy ongi va madaniyatini yuksaltirish, qonun ustuvorligini ta’minlash va qonuniylikni mustahkamlash, shuningdek, yoshlarni Konstitutsiya va boshqa qonun hujjatlariga hurmat ruhida tarbiyalash, milliy huquq tizimiga hurmat munosabatini shakllantirish, yoshlarning huquqiy tarbiyasiga salbiy ta’sir ko‘rsatuvchi omillariga nisbatan huquqiy immunitetini shakllantirish, qonun buzilishi holatlariga murosasizlik hissini uyg‘otish maqsadida 2025 yildan boshlab har yili yanvar-mart oylari davomida tashkil etiladi.
Ushbu sexlarda qo‘lbola tarzda “Tivortin”, “Layboten”, “Revarton”, “Diprospan”, “Riyabolel”, “Tsefazolin”, “Streptomitsin”, “Ampitsillin” kabi dori vositalari tayyorlangan.
Foto: Bojxona qo‘mitasi
Andijon viloyati bojxona boshqarmasi Kontrabandaga qarshi kurashish bo‘limi, Davlat xavfsizlik xizmati, Ichki ishlar va Milliy gvardiya xodimlari bilan hamkorlikda sifati kafolatlanmagan dori vositalarini ishlab chiqarish va muomalaga kiritishning oldini olishga qaratilgan tezkor qidiruv tadbirlari o‘tkazildi.
Andijon va Asaka shaharlari hamda Asaka tumanida o‘tkazilgan tezkor tadbirlarda shubha ostiga olingan 3 nafar shaxsning yashash xonadonlarida dori vositalarini ishlab chiqarishga mo‘ljallangan yashirin laboratoriya va sexlar tashkil qilingani aniqlandi.
Qo‘lbola tarzda dori vositalarini ishlab chiqarishga mo‘ljallangan yashirin sexlardan qiymati 1 mlrd 250 mln so‘mlik uskunalar, muhrlar, 214 ming dona bo‘sh flakon va idishlar, turli etiketka va yo‘riqnomalar, ularni qadoqlashga xizmat qiluvchi anjomlar ashyoviy dalil sifatida olindi.
Shuningdek, 163 xil turdagi 286 ming 676 dona sifati kafolatlanmagan dori vositalari olib qo‘yildi.
“Tivortin”, “Layboten”, “Revarton”, “Diprospan”, “Riyabolel” “Tsefazolin”, “Streptomitsin”, “Ampitsillin” kabi qo‘lbola dori vositalarining asl nusxalari qiymati farmatsevtika bozorida o‘rtacha 10 mlrd. so‘mni tashkil qiladi.
Prezident Shavkat Mirziyoyev 24-mart kuni Yangi Toshkentda barpo etilayotgan yirik sport inshooti – zamonaviy futbol stadionining qurilish jarayonini ko‘zdan kechirdi.
Ushbu zamonaviy sport majmuasiga o‘tgan yilning 11-noyabr kuni davlatimiz rahbari tomonidan tamal toshi qo‘yilgan edi.
Ayni paytda o‘yingoh qurilishi jadal davom etmoqda. Jumladan, yerni tekislash ishlari to‘liq yakunlangan. Poydevor quyish ishlari to‘qson besh foizga bajarilgan. Qurilish joyiga metall-konstruksiya materiallari bosqichma-bosqich keltirilmoqda.
Qayd etish kerak, keyingi yillar mamlakatimiz futbol sohasida tub burilish davri bo‘ldi. Jumladan, mahalliy chempionatlar tizimi isloh qilinib, bolalar va o‘smirlar akademiyalari tashkil etildi, hududlarda 75 ta katta va 302 ta mini stadion faoliyat ko‘rsatmoqda.
Ma’lumki, 2017-yilda yurtimizda FIFA va Osiyo futbol konfederatsiyasi talablariga javob beradigan maydonlarning soni atigi 3 ta bo‘lgan. Bugun ularning soni 10 tadan oshdi.
Shuningdek, 1,5 mingta maktabning futbol stadionlari ta’mirlanib, 1 milliondan ziyod o‘quvchi va mahalla yoshlari qamrab olindi. Yoshlar o‘rtasida mahalla, tuman, viloyat va respublika turnirlarini an’anaviy o‘tkazish yo‘lga qo‘yildi.
Bu sa’y-harakatlar o‘z natijasini bera boshladi.
Futbol bo‘yicha olimpiya terma jamoamiz Parijdagi olimpiadada ilk bor ishtirok etdi. Tariximizda birinchi marotaba milliy terma jamoamiz joriy yilda bo‘ladigan jahon chempionati yo‘llanmasini qo‘lga kiritdi.
O‘tgan yilning 2 oktyabr kuni FIFA Kengashi yig‘ilishida futbol bo‘yicha 20 yoshgacha bo‘lganlar o‘rtasida 2027 yildagi jahon chempionatini O‘zbekiston va Ozarbayjonda o‘tkazish bo‘yicha qaror qabul qilindi.
Ushbu jahon chempionati doirasidagi o‘yinlar ikki mamlakatdagi 3 tadan stadionda o‘tkaziladi. Jahon chempionatlarining final va yarim final o‘yinlari sig‘imi 50 mingdan ko‘p bo‘lgan stadionda o‘tkazilishi FIFA talablaridan biri hisoblanadi.
Mamlakatimiz futboli uchun muhim loyiha – Yangi Toshkent stadioni shu maqsadda qurilmoqda. Qiymati 100 million dollarlik ushbu o‘yingoh qurilishi uchun nega aynan Yangi Toshkent hududi tanlandi? Sababi Yangi Toshkent kelajakda mamlakatimizning yangi imkoniyatlar va ilg‘or g‘oyalar markaziga aylanadi.
Yangi Toshkent stadioni FIFAning barcha talablariga mos ravishda barpo etilmoqda. Majmua Osiyodagi eng yirik va zamonaviy infratuzilmaga ega futbol maydonlaridan biri bo‘ladi.
Mazkur inshoot nafaqat 2027 yilgi 20 yoshgacha bo‘lganlar o‘rtasidagi jahon chempionati uchun, balki butun o‘zbek futboli va yoshlar sportining kelgusi rivoji uchun xizmat qiladi.
Davlatimiz rahbariga qurilish jarayoni haqda batafsil ma’lumot berildi.
55 ming tomoshabinga mo‘ljallangan Yangi Toshkent stadioni 6 qavatli bo‘ladi, unda nafaqat sportchilar, balki tashrif buyuruvchilar va matbuot xodimlari uchun ham keng qulayliklar yaratiladi. Tomoshabinlar stadionga tez fursatda kirib-chiqishlari uchun o‘ndan ortiq eskalator o‘rnatiladi. Hududda yana qo‘shimcha 3 ta mashg‘ulot maydoni bo‘ladi. Stadion yaqinida metro bekati barpo etiladi. 5 ming 500 o‘rinli avtoturargoh quriladi.
Prezident bunday katta sig‘imli yopiq stadion mamlakatimizda ilk bor bunyod etilayotgani uchun har bir jihatga ahamiyat berish zarurligini ta’kidladi. Stadion atrofini obodonlashtirish ishlarini hozirdan rejalashtirib, bosqichma-bosqich amalga oshirilishi zarurligi qayd etildi.
Toshkentda 108 tup daraxt noqonuniy ko‘chirib o‘tqazilganligi aniqlandi
Yoxan Vadefl nemis diplomatiyasining asosiy maqsadlarini ochib beradi
Namanganda eksperiment uchun elektr abonentlari va soliq to‘lovchilar bir-biriga bog‘lab chiqildi
-
Dunyodan4 days ago
Prezident Tramp Eronga Hormuz boʻgʻozini ochish uchun 48 soat vaqt berdi
-
Turk dunyosi5 days agoBuyuk Britaniya Tashqi ishlar vazirligi Gretsiya, Turkiya, Kipr va Dubayga sayohatlar haqidagi soʻnggi maʼlumotlarni eʼlon qildi
-
Jamiyat3 days ago
O‘zbekistonliklar qaysi mamlakatlarga eng ko‘p safar qilmoqda (top-10)
-
Jamiyat4 days agoO‘zbekistonda taksichilarni aldashning yangi firibgarlik usuli fosh etildi
-
Dunyodan4 days ago
Eron tarixidagi eng katta banknotalar muomalaga chiqariladi
-
Jamiyat5 days ago
Namanganda yirik turistik majmua qurilishi boshlandi
-
Iqtisodiyot5 days agoO‘zbekiston eksporti 35 yilda qariyb 19 barobarga oshdi
-
Dunyodan2 days ago
Maskat va Toshkent oʻrtasida toʻgʻridan-toʻgʻri reyslar yoʻlga qoʻyiladi.