Jamiyat
“8,5 ball ham yetadi deyishgandi” – 17 yoshidayoq IELTS’dan 9 ball olgan Nozima Qadamova hikoyasi
Nozima hozirda Toshkent shahridagi 357-maktabning 11-sinf o‘quvchisi. U ingliz tilini chuqurroq o‘rganishni atigi ikki yil avval boshlagan. Qisqa vaqt ichida boshlang‘ich darajadan yuqori bosqichga ko‘tarilgan. Kun.uz muxbiri bilan suhbatda Nozima imtihonlarga qanday tayyorgarlik ko‘rgani va maksimal natijaga erishishida unga nimalar yordam bergani haqida so‘zlab berdi.
{Yii::t(}
O’tkazib yuborish 6s
O’tkazib yuborish
Nozima IELTS imtihonini to‘rt marta topshirgan. Birinchi urinishda 8, ikkinchisida 8,5 ballni qayd etgan.
“Ota-onam va ustozlarim “8,5 ball – zo‘r, shuning o‘zi yetarli”, deyishdi. To‘g‘ri, bu ham o‘quvchi uchun katta yutuq. Biroq men o‘zimdan qoniqmadim, eng yuqorisini olaman deb niyat qilgandim. Shu sababli imtihonni yana qayta topshirishga qaror qildim”, – deydi u.
Nozima qisqa vaqt ichida tayyorlanib, imtihonni qayta topshirdi. Biroq bu safar uning natijalari kutilganidek chiqmadi — 7,5 ballga tushib ketdi.
“Imtihon natijasi faqat tayyorgarlik emas, balki omadga ham bog‘liq. Savollarning oson yoki qiyin tushishi yakuniy ko‘rsatkichga ta’sir qiladi. Uchinchi marta topshirganimda atrofimdagi hamma narsa teskarisiga ishlagandek tuyuldi: test yechayotgan kompyuterim ishlamay qoldi. Boshqasiga ko‘chirishguncha vaqtdan yutqazdim. Diqqatim chalg‘idi, fikrimni jamlash qiyin bo‘ldi. Ayniqsa o‘qish (reading) qismi murakkab tushdi”, – deya eslaydi Nozima.
Uchinchi urinishdagi omadsizlik uning ruhiyatiga salbiy ta’sir etgan bo‘lsa-da, o‘quvchi qiz harakatdan to‘xtab qolmadi.
“7,5 ball chiqqanida “balki, endi to‘xtash kerakmikin”, deb o‘ylab qoldim. Lekin ustozim “bu tabiiy hol, yiqilishdan keyin o‘sish bo‘ladi”, deb kuch berdi. Shundan keyin yana urinib ko‘rdim”, – deydi u.
Nozima kamida avvalgi natijalarini tiklash uchun ham imtihonni to‘rtinchi marta topshirishga qaror qiladi. Test kuniga qadar u o‘z ustida yanada ko‘proq ishlab, avvalgi xatolarini tahlil qiladi.
“Darslarni soatlab o‘tirib emas, kun davomida vaqt topilgan paytda muntazam qilib borganman. Eng samarali usullarimdan biri — ovoz yozish va o‘zimni tinglash bo‘lgan. Nutqimni diktofonga yozib olardim, keyin eshitib, xatolarimni topardim. Talaffuz va mazmun yaxshi chiqmaguncha, o‘sha mavzuda takror mashq qilardim. Lug‘atlarni yozib, ularni gaplar orasida ishlatardim.
Ko‘pchilik inglizchani til sifatida emas, IELTS olish vositasidek o‘rganadi. Aslida esa avval tilning o‘zini puxta o‘rganish kerak. Tabiiy tilda fikrlay olmasangiz, maksimal natijaga erishish qiyin”, – deydi u.
Nozima to‘rtinchi urinishda yana 8,5 ball olgan, o‘qish (reading) bo‘limida 8 chiqqani uchun umumiy natija 9 ballga yetmagan. Ustozining maslahatiga ko‘ra, u imtihonning aynan shu qismini qayta topshirgan va yakunda eng yuqori ballni qo‘lga kiritgan.
“Aslida javob bir kundan keyin chiqishi kerak edi. Bizda esa natijalarni olish 21 kunga kechikdi. Har yarim soatda ustozim bilan elektron pochtani tekshirib turardik. 20 kun o‘tdi ham, ammo hech qanday xabar yo‘q. Umidim so‘nib borayotgandi. Keyin ma’lum bo‘ldiki, rasm bilan bog‘liq texnik muammo tufayli natijalar kechikkan ekan. 21-kuni elektron pochtadan xabar keldi. Ochguncha qo‘llarim qaltirab ketdi. Qarasam — yakuniy natija 9. Ota-onam bilan hammamiz yig‘lab yubordik. Bu men uchun oddiy ball emas, ustozim va ota-onam ishonchini oqlash tuyg‘usi edi”, – deydi Nozima.
Suhbat davomida Nozima imtihonning har bir bo‘limidan yuqori ball olish uchun qanday usullardan foydalangani va nimalarga ko‘proq e’tibor qaratgani, ya’ni shaxsiy layfxaklari haqida gapirib bergan.
Intervyuni to‘liq holda Kun.uz’ning YouTube’dagi sahifasida tomosha qilishingiz mumkin.
Muallif: Diyoraxon Nabijonova
Operator: Abdulloh Hasanov
Montaj ustasi: Nuriddin Nursaidov.
Prezidentning «Ish haqi, pensiyalar, stipendiyalar va nafaqalar miqdorini oshirish to‘g‘risida»gi farmoni qabul qilindi.
Hujjatga muvofiq, 2026-yil 1-iyuldan pensiyalar, nafaqalar hamda Ijtimoiy reyestrga kiritilgan oilalarga to‘lanadigan bolalar nafaqasi va moddiy yordam miqdori 7 foizga oshiriladi.
Shunga ko‘ra, yoshga doir eng kam pensiya oyiga 983 ming so‘m, nogironlik pensiyasining eng kam miqdori esa 1 million 83 ming so‘m etib belgilandi.
Ijtimoiy reyestrga kiritilgan oilalar uchun 3 yoshgacha bo‘lgan bir nafar farzandga har oylik nafaqa 386 ming so‘m, 3 yoshdan 18 yoshgacha bo‘lgan bir nafar farzand uchun 295 ming so‘mni tashkil etadi. Ikkinchi farzand uchun qo‘shimcha 177 ming so‘m, uchinchi va undan keyingi har bir farzand uchun esa qo‘shimcha 118 ming so‘m to‘lanadi.
Shuningdek, mazkur toifadagi oilalar uchun moddiy yordam miqdori oyiga 450 ming so‘m etib belgilandi.
Farmonga muvofiq, 2026-yil 1-sentyabrdan budjet tashkilotlari xodimlarining ish haqi hamda talabalar stipendiyalari ham 7 foizga oshiriladi.
Shu sanadan boshlab mehnatga haq to‘lashning eng kam miqdori oyiga 1 million 360 ming so‘m, bazaviy hisoblash miqdori esa 440 ming so‘m etib belgilanadi.
Bundan tashqari, 2026-yil 1-iyuldan pensiyani hisoblashning bazaviy miqdori oyiga 504 ming so‘mni tashkil etadi.
Turli mamlakatlar olimlari inson organizmini vaqtidan oldin qaritadigan asosiy sabablarni aniqlashdi.
Kambag‘allik, past daromad va sifatli ta’lim olish imkoniyatining yo‘qligi inson tanasidagi biologik qarishni tezlashtirishi isbotlandi. Eng yomoni, bu salbiy jarayon ko‘pincha bolalikdanoq boshlanadi.
Xulosa chiqarish uchun mutaxassislar dunyoning 23 ta davlatidan 66 mingdan ortiq odam ishtirok etgan 140 ta ilmiy tadqiqot natijalarini o‘rganib chiqishdi. Unda chaqaloqlardan to 86 yoshgacha bo‘lgan odamlar ishtirok etdi. Olimlar odamlarning qarish tezligini maxsus «epigenetik soatlar» (organizmning ichki holatini ko‘rsatuvchi tizim) yordamida tekshirishdi. Bu haqda «Nature Human Behavior» nashri ma’lum qildi.
Tadqiqot natijalariga ko‘ra agar biologik qarish sekinlashsa inson o‘z yoshiga nisbatan tetik, yosh va sog‘lom bo‘lib yuradi. Uning tashqi ko‘rinishi ham, ichki sog‘lig‘i ham xuddi pasportdagi yoshidek (yoki undan ham yoshroq) saqlanib qoladi.
Agar qarish jarayoni tezlashayotgan bo‘lsa odatda keksalikka xos bo‘lgan kasalliklar insonda vaqtidan ancha oldin paydo bo‘ladi.
Ma’lumotlarga ko‘ra, ta’minoti past va kambag‘al oilalarda o‘sayotgan bolalarning ichki organizmi (biologik yoshi) o‘ziga to‘q oilalardagi tengdoshlariga qaraganda ancha katta, ya’ni ertaroq qariyotgani ma’lum bo‘ldi. Xuddi shunday holat katta yoshli insonlar orasida ham kuzatilmoqda.
U Yaponiyaga qisqa muddatli viza bilan kirib, viza muddati tugaganidan keyin ham mamlakatda noqonuniy qolib ketganligi sababli hibsga olingan.
Yaponiya immigratsiya xizmati agentligi mamlakatda noqonuniy yashab kelgan O‘zbekiston fuqarosini deportatsiya qildi.
Deportatsiya qilingan shaxs Yaponiyaga qisqa muddatli viza bilan kirib, viza muddati tugaganidan keyin ham mamlakatda noqonuniy qolib ketganligi sababli rasmiylar tomonidan hibsga olingan.
Yaponiyaning O‘zbekistondagi elchixonasi ma’lum qilishicha, agar mamlakatda noqonuniy yashash yoki noqonuniy ishlash holatlari aniqlansa, politsiya tomonidan hibsga olish va ushlab turish, immigratsiya muassasalarida qamoqqa olish yoki deportatsiya qilish kabi choralar ko‘riladi.
Shuningdek, bildirilishicha, Yaponiyada qochqin maqomini olish uchun ariza berilsa, “uzoq muddat qolish mumkin” yoki “ishlash mumkin” degan noto‘g‘ri ma’lumot tarqalgan bo‘lib, shu kabi maqsadlar bilan qochqin maqomini olish uchun ariza berishga ruxsat etilmaydi.
Agar qochqin maqomi rad etilsa, immigratsiya muassasasiga joylashtirish yoki deportatsiya qilish kabi choralar qo‘llanilishi mumkin. Bundan tashqari, soxta ma’lumot berish yoki noqonuniy usullar bilan qochqin maqomini olish uchun murojaat qilish jiddiy huquqiy choralarni keltirib chiqarishi mumkin.
Jamiyat
Namanganda 381 ming dollarga 50 sotix yerni rasmiylashtirib berishni va’da qilganlar ushlandi
Ikki fuqaro 5 000 AQSh dollarini, kadastrlar palatasi Pop tumani bo‘limi sobiq boshlig‘i 1 500 AQSh dollari va 6 mln so‘mni olgan vaqtida qo‘lga olingan.
Bosh prokuratura huzuridagi Departamentning Pop tumani bo‘limi va boshqa huquqni muhofaza qiluvchi organ xodimlari hamkorligida tezkor tadbir o‘tkazildi.
Tezkor tadbirda fuqarolar U.A. va M.B. kadastrlar palatasida ishlovchi tanishlari orqali 381 000 AQSh dollari evaziga fermer xo‘jaligi balansidagi 50 sotix yer maydonining hujjatlarini fuqaro A.S.ning nomiga noturar joy sifatida rasmiylashtirib berishlarini aytib, shundan 5 000 AQSh dollarini olgan vaqtida qo‘lga olindi.
Shundan so‘ng tadbir davom ettirilib, kadastrlar palatasi Pop tumani bo‘limi sobiq boshlig‘i S.A. 1 500 AQSh dollari va 6 mln so‘mni olgan vaqtda ashyoviy dalillar bilan ushlandi.
Mazkur holat yuzasidan Jinoyat kodeksining tegishli moddalari bilan jinoyat ishi qo‘zg‘atilib, tergov harakatlari o‘tkazilmoqda.
Viloyat FVB xabariga ko‘ra, yorilish natijasida yong‘in sodir bo‘lmagan, hech kim tan jarohati olmagan.
27 iyun kuni soat 19:00 larda Farg‘ona shahridagi AGTKSh hududida avtobus tom qismiga o‘rnatilgan gaz ballonlariga gaz to‘ldirish vaqtida gaz ballonlaridan birida yorilish paydo bo‘lgan.
Viloyat FVBning xabariga ko‘ra, yorilish natijasida yong‘in sodir bo‘lmagan, tan jarohati olganlar yo‘q.
Voqea joyiga viloyat FVB boshlig‘i va huquqni muhofaza qilish organlari hamda tegishli xizmat vakillari chiqqan.
Yorilish sababi vakolatli tashkilotlar bilan hamkorlikda aniqlanmoqda.
JCh kundaligi. Messi yana gol urdi, Ronaldu yana soyada qoldi, Eron guruhda qolib ketdi
Zilzila qurbonlari soni 1400 dan oshadi, 69 000 kishi bedarak yo’qolgan
O‘zbekiston jahon chempionatini tark etdi
-
Sport5 days ago🔴 LIVE: AQSh-Eron muzokaralari va Starmer iste’fosi
-
Jamiyat3 days ago«Andijon polkasi» tadbiriga ketayotgan o‘quvchilar YTHga uchradi
-
Sport2 days agoYaponiya futbolining buyuk sabog‘i: mag‘lubiyatdan to‘g‘ri xulosa chiqarish
-
Dunyodan1 day agoQirgʻiziston va Oʻzbekiston chegarani delimitatsiya qilish doirasida hudud almashadilar
-
Jamiyat2 days agoVatanparvar jurnalistlarni o‘zimga do‘st va maslakdosh deb bilaman
-
Sport4 days agoEldor Shomurodov muxlislardan uzr so‘radi
-
Siyosat5 days agoPrezident Mirziyoyev Qatar amiriga gaz zavodi portlashi munosabati bilan hamdardlik bildirdi
-
Dunyodan4 days ago
BAAda 15 yoshgacha bo’lgan bolalar uchun ijtimoiy tarmoqlar taqiqlangan