Jamiyat
“40 yillik umrimga achinmayman” – nafaqadagi muallimning kechinmalari
Bir maktabda 40 yildan ziyod o‘qituvchilik qilgan Erkinboy ota Nishonov 90 yoshni qarshilayapti. Ohangaron tumanining Qoraxitoy qishlog‘ida yashovchi ota hamon tetik: ko‘zoynaksiz kitob o‘qiydi, tuman markaziga o‘zi borib gazeta olib keladi. Erkinboy ota shu yoshida ham tunlari uxlamay o‘zi muxlislik qiladigan sevimli jamoasining futbol o‘yinlarini tomosha qiladi, chorvalarga qaraydi.
Nafaqadagi muallimning 5 farzandi pensiyaga chiqqan ekan:
“Umr oqar daryo deyishadi. Bir kam 90 yoshdaman. Ota kasbni ulug‘lab, shu yoshlarga ta’lim-tarbiya berish bilan umrim o‘tdi. Bir maktabda 40 yildan ortiq ishladim. 40 yillik umrimga achinmayman. Bog‘bon ko‘chat ekib hosilini kutadi. Men ham huddi bog‘bonlardek hosilni kutib yashadim, bir maktabda ildiz otdim. O‘quvchilarimning ko‘pchiligi hozirda katta lavozimlarda ishlaydi. Maktabda minglab o‘quvchilarga tarix, jamiyatshunoslik, davlat va huquq asoslari fanlaridan dars berdim. Turmush o‘rtog‘im ham o‘qituvchi edi. To‘rt o‘g‘il, uch qizni tarbiyalab voyaga yetkazdik. Hozirda farzandlarimning besh nafari nafaqada. Uch qizimdan ikki nafari o‘qituvchi.
92 yoshga kirgan do‘stim bor. Ikkimiz bir piyola choy ustida diydorlashib, o‘tgan voqealarni eslab o‘tiramiz. Ikkimiz ham go‘yoki yosh yigitdaymiz.
Odamzot eng avvalo qaysi kasbda ishlashidan qat’iy nazar o‘z ishiga mehr-muhabbati bo‘lishi kerak. Hozirgacha ko‘chada ketayotsak, odamlar “Assalomu alaykum, domlalar, sog‘-salomatmisizlar?”, deyishining o‘zi bu bebaho boylik. Bunday hurmatga hamma ham sazovor bo‘lolmaydi. Dunyoda eng oliy kasb nima, degan savolga har qanday yig‘inda ayta olishim mumkin. O‘qituvchidek, ustozdek inson, bunday ulug‘ kasb dunyoda yo‘q.
Mana yoshim 90ga qarab ketyapti. Hozir ham ko‘zoynaksiz kitob o‘qiyman. Ko‘zoynaksiz 1 yoki 2 soat kitob o‘qisam ham ko‘zimdan yosh oqmaydi. Buning sababiga o‘zim ham hayron qolaman.
Sport o‘yinlarini tomosha qilish kunlik odatim. Yoshligimdan futbolga, yugurishga qiziqqanman. O‘zbekistonda eng sevgan jamoam Paxtakor jamoasi. Dunyoda Realdan kuchli jamoa yo‘q. Real o‘ynaydigan kuni uyqum kelmaydi. Uxlamayman. Futbol chempionatlari asosan tunda bo‘ladi. Yarim tunda bo‘lsa ham Realning o‘yinlarini tomosha qilib keyin uxlayman. Eng sevimli o‘yinchim Realning sobiq o‘yinchisi Krishtianu Ronaldu.
Chorvalarga ham mehrim o‘zgacha. Qo‘y, sigirim bor. Ularga xashak tashlayman, vaqti kelganda yemini beraman. Bolalar katta chelakda suv olib borib qo‘yadi. Suvini beraman. Chorvalar bilan ham ozgina bo‘lsa ham ovunaman. Ancha taskin topaman”, deydi Erkinboy ota.
Erkinboy ota marhum turmush o‘rtog‘i bilan
Erkinboy ota haftaning har payshanba kuni hassasiga suyanganicha yo‘lovchi mashinaga chiqib tuman markazidan gazeta sotib olib kelib o‘qir ekan…
O‘zbekistonda tazyiq va zo‘ravonlikdan jabrlangan xotin-qizlarni himoya qilish tizimi yanada kuchaytirildi. Yangi qonun bilan jabrlanuvchilarning huquqlarini sudda himoya qilish, ularga ijtimoiy ko‘mak ko‘rsatish hamda bolalarning eng ustun manfaatlarini ta’minlashga qaratilgan qator o‘zgartishlar kiritildi.
2026 yil 1 iyulda qabul qilingan O‘RQ–1156-sonli qonun bilan ayrim qonun hujjatlariga o‘zgartish va qo‘shimchalar kiritildi.
Qonunga muvofiq, milliy qonunchilikka «bolaning eng ustun manfaatlari» tushunchasi hamda uni ta’minlash kafolatlari kiritildi. Ushbu tushuncha bolaning oila muhitida tarbiyalanishi, xavfsizligi, sog‘lig‘i, ta’lim olishi, har tomonlama kamol topishi, shaxsiy daxlsizligi, sha’ni va qadr-qimmati, shuningdek, uning fikrini inobatga olgan holda belgilanadigan boshqa manfaatlarni qamrab oladi.
Shuningdek, Ijtimoiy himoya milliy agentligi tizimidagi tashkilotlar, jumladan, Ayollarni reabilitatsiya qilish va moslashtirish markazlariga tazyiq va zo‘ravonlikdan jabrlanganlar manfaatlarini ko‘zlab davlat boji to‘lamasdan sudlarga da’vo arizalari kiritish hamda sud majlislarida ularning vakili sifatida ishtirok etish vakolati berildi.
Qonun bilan yana bir muhim yangilik joriy etildi. Endi tazyiq va zo‘ravonlikdan jabrlangan shaxs maxsus markazga joylashtirilgan taqdirda, bu holat unga bir oygacha bo‘lgan muddatga vaqtincha mehnatga layoqatsizlik varaqasini rasmiylashtirish uchun asos hisoblanadi.
Mazkur qonun rasmiy e’lon qilingan kundan boshlab kuchga kirdi.
O‘zbekistonda davlat organlari va tashkilotlarining arxiv hujjatlarini Yagona milliy arxiv axborot tizimida elektron shaklda saqlash va yuritish tartibi belgilandi. Tegishli nizom hukumat qarori bilan tasdiqlandi.
Hukumatning 2026 yil 30 iyundagi 352-son qarori bilan «Davlat organlari va tashkilotlarining arxiv hujjatlarini Yagona milliy arxiv axborot tizimida elektron shaklda saqlash tartibi to‘g‘risida»gi nizom tasdiqlandi.
Mazkur nizom respublika va mahalliy ijro etuvchi hokimiyat organlari, xo‘jalik birlashmalari hamda boshqa davlat tashkilotlarining arxiv hujjatlarini elektron shaklda shakllantirish, yuritish va saqlash, shuningdek, Yagona milliy arxiv axborot tizimidan foydalanish tartibini belgilaydi.
Nizomga muvofiq, arxiv axborot tizimidan davlat organlari va tashkilotlari hamda operator o‘rtasida tuziladigan shartnoma asosida foydalaniladi.
Tizimga ulanish uchun davlat organlari va tashkilotlari maxsus elektron oyna orqali operatorga ariza yuboradi. Operator ariza kelib tushgan kundan e’tiboran ikki ish kuni ichida uni ko‘rib chiqadi.
Agar ariza nizom talablariga muvofiq deb topilsa, operator davlat organi yoki tashkilotga elektron shaklda shartnoma yuboradi.
Shartnoma imzolanib, unda nazarda tutilgan to‘lovlar amalga oshirilganidan keyin operator foydalanuvchini ikki ish kuni ichida Yagona milliy arxiv axborot tizimiga ulash choralarini ko‘radi.
Jamiyat | 08:49
3296
1 daqiqa o‘qiladi
Qoraqalpog‘iston Respublikasining Beruniy tumanida tijorat banki mas’ullari, mahalladagi hokim yordamchilari va boshqa shaxslar o‘zaro til biriktirib, 37 nafar fuqaro nomidan 1,4 milliard so‘mni talon-toroj qilgani aniqlandi.
Bosh prokuratura huzuridagi departamentning Beruniy tumani bo‘limi tomonidan o‘tkazilgan tergovga qadar tekshiruvda tijorat bankining bank xizmatlari markazi mas’ul shaxslari, 7 ta mahalladagi hokim yordamchilari hamda boshqa shaxslar jinoiy til biriktirgan holda harakat qilgani ma’lum bo‘ldi.
Tekshiruv davomida ular 37 nafar fuqaro nomiga ajratilgan imtiyozli mablag‘larni o‘zlashtirish yo‘li bilan jami 1,4 milliard so‘mni talon-toroj qilgani aniqlangan.
Mazkur holat yuzasidan Jinoyat kodeksining tegishli moddalari bilan jinoyat ishi qo‘zg‘atilgan. Hozirda tergov harakatlari olib borilmoqda.
Toshkent shahrining Yakkasaroy tumanida yuqori tezlikda harakatlangan Malibu rusumli yengil avtomobil haydovchisi boshqaruvni yo‘qotib, qahvaxona binosiga borib urildi. Hodisa yuzasidan surishtiruv ishlari olib borilmoqda.
Toshkent shahar IIBB Yo‘l harakati xavfsizligi boshqarmasi ma’lumotiga ko‘ra, yo‘l-transport hodisasi 2 iyul kuni soat 05:40 larda Yakkasaroy tumanidagi Shota Rustaveli ko‘chasida sodir bo‘lgan.
Dastlabki ma’lumotlarga ko‘ra, Malibu rusumli transport vositasi haydovchisi katta tezlikda harakatlanayotgan vaqtda rul boshqaruvini yo‘qotgan. Oqibatda avtomobil Caffelito qahvaxonasi binosiga borib urilgan.
Ayni paytda mazkur holat yuzasidan Toshkent shahar IIBB YHXB mas’ul xodimlari tomonidan surishtiruv harakatlari olib borilmoqda.
Yo‘l harakati xavfsizligi xizmati haydovchilarni belgilangan tezlik me’yorlariga amal qilishga hamda yo‘l harakati qoidalariga qat’iy rioya etishga chaqirdi.
O‘tkazilgan tezkor tadbirlarda aniqlanishicha fuqarolardan mansabdor tanishlari orqali masalalarni hal qilib berishni va’da qilib, pul talab qilgan ikki advokat ashyoviy dalillar bilan ushlangan.
Davlat xavfsizlik xizmatining xabar berishicha, Samarqand viloyati Urgut tumanida faoliyat yurituvchi advokat mansabdor tanishlari orqali Jizzax viloyatidagi manzil koloniyada jazo o‘tayotgan mahkumning ozodlikdan mahrum qilish muddatini qisqartirib berishni va’da qilgan. Buning evaziga mahkumning tanishidan 15 ming AQSh dollari olgan vaqtida u ashyoviy dalillar bilan ushlandi.
Shuningdek, Samarqand viloyatining Qo‘shrabot tumanida faoliyat yurituvchi yana bir advokat jinoyat ishlari bo‘yicha tuman sudida ko‘rilayotgan ishda himoyachi sifatida ishtirok etib, mansabdor tanishlari orqali sudlanuvchiga yengilroq jazo tayinlanishiga yordam berishini aytgan. U bu xizmat evaziga sudlanuvchining o‘g‘lidan 2 ming AQSh dollari so‘ragan.
Tezkor tadbirda mazkur advokat ham so‘ralgan pul mablag‘ini olgan vaqtida ushlangan.
Hozirda har ikki holat yuzasidan advokatlarga nisbatan jinoyat ishlari qo‘zg‘atilgan bo‘lib, tergov harakatlari olib borilmoqda.
Qirg‘iziston bozor bosimi ostida O‘zbekiston va yana besh davlatdan yoqilg‘i yetkazib berishga intilmoqda
Kaliforniyadagi Jahon chempionati muxlislar zonasi yaqinida sodir bo’lgan otishmada bir kishi halok bo’ldi
“Quyoshli xonadon”larga aprel–may oylari uchun subsidiya to‘lab berildi
-
Dunyodan3 days agoEron Hormuz boʻgʻozi orqali oʻtayotgan kemalarni ogohlantirdi
-
Iqtisodiyot5 days ago
Prezident raisligida videoselektor boshlandi
-
Jamiyat4 days agoToshkent davlat agrar universiteti sport kompleksida yong‘in sodir bo‘ldi
-
Iqtisodiyot4 days ago“Xohlagan ekinni ekish mumkin” – Yangi tartib fermerga nima beradi?
-
Sport4 days agoShomurodov jahon chempionatidagi deyarli imkonsiz gol muallifi bo‘ldi
-
Jamiyat5 days agoO‘zbekistonning 24 ta oliy ta’lim muassasasi top-1000 talik ro‘yxatga kiritildi
-
Sport5 days agoo‘zbek futbolchisi «Chelsi» egalariga tavsiya qilindi
-
Jamiyat5 days agoFarg‘onada gaz to‘ldirish vaqtida avtobus tomidagi gaz balloni yorilib ketdi