Jamiyat
4 davr muzeyi, minglab noyob eksponatlar, kutubxona va Qur’on zali – Islom sivilizatsiyasi markazida nimalar bor?
Toshkentda qad rostlagan mahobatli bino qariyb 9 yil davomida qurildi. Islom sivilizatsiyasi markazi mart-aprel oylarida jamoatchilik uchun ochilishi kutilmoqda. Ushbu fotoreportajda Markaz va uning faoliyati bilan tanishtiramiz.
Toshkentda qad rostlagan muhtasham bino – Islom sivilizatsiyasi markazi O‘zbekiston prezidenti Shavkat Mirziyoyevning 2017 yil 23 iyuldagi qaroriga asosan tashkil qilingan. O‘sha yilda boshlangan qurilish ishlari qariyb 9 yildan so‘ng – 2026 yilga kelib yakunlandi. So‘nggi oylarda markaz nufuzli xorijiy delegatsiyalar uchun ochildi.
Kun.uz Islom sivilizatsiyasi markazida bo‘lib, uning faoliyati bilan tanishdi. Ushbu maqolamizda markaz qurilishi haqida faktlar, uning ichida saqlanayotgan qadimiy artefaktlar va jamoatchilik uchun tayyorlab qo‘yilgan ajoyibotlarni ko‘rsatamiz.
Kirish va yer osti qismi
Bugunga kelib Markazdagi so‘nggi jizohlash ishlari yakunlanmoqda: Islom sivilizatsiyasi markazi keng jamoatchilik uchun shu yil mart aprel oylarida ochilishi kutilmoqda.
Markaz rasmiylarining aytishicha, ayni vaqtda muzeyga kirish tartibi ishlab chiqilmoqda va hukumatga taklif kiritiladi. Katta ehtimol bilan muzeyga kirish pulli bo‘ladi. Lekin, uning summasi aniq emas. Shuningdek, keluvchilarga xizmat ko‘rsatuvchi bir necha toifadagi gidlar xizmati, planshet va quloqchinlar orqali sayohat qilish imkoni ham yaratiladi.
Ma’lum qilinishicha, markaz binosining minus 1-qavatida (podval) bolalar uchun maxsus platforma, restavratsiya va elektron nusxa olish laboratoriyasi, muzey eksponatlarini saqlash fondlari, zamonaviy kafeteriy, muzey vestibyullari mavjud. Pastki qismda ta’mirlash ishlari davom etayotgani uchun rasmlarga olishning imkoni bo‘lmadi.
Mahobatli bino va 4 darvoza
Islom sivilizatsiyasi markazi mashhur Hazrati Imom majmuasi hududidagi 10 gektarlik maydonda barpo etilgan. Binoning o‘zi esa 1,8 gektar maydonda joylashgan, foydalanish hududi 42 ming kv.metrni tashkil etadi. Bino uzunligi 161 metr, eni 118 metrni tashkil etib, uch qavat va yer osti qismidan iborat. Markazidagi gumbaz balandligi 65 metrni tashkil etadi.
Foto: Prezident matbuot xizmati
Markaz binosiga to‘rt tomondan to‘rt asosiy portal – darvozalar orqali kirish mumkin. Markaz binosining asosiy darvozasi – Ulug‘bek portali muzeyga kirish eshigi hisoblanadi. Ushbu portal Registon maydonidagi Ulug‘bek madrasasi bezaklariga uyg‘un holda loyihalashtirilgan. Uning peshtoqida Qur’oni karimning ilk nozil bo‘lgan oyati – «Yaratgan Robbing nomi bilan o‘qi» kalomi bitilgan.
Markazning qolgan uchta darvozasi Xorazm, Buxoro, Qo‘qon portallari, deb nomlangan. Ular ham o‘sha hududlarga xos uslub va naqshlardan foydalanilib bezatilgan.
Binoning tashqi tarafidagi asosiy, katta hamda kichik peshtoqlari, shuningdek, 44 ta ravoqda ilmga targ‘ib qiluvchi, bag‘rikenglik, insonparvarlikka undovchi Qur’oni karim oyatlari va hadislar o‘rin olgan.
Birinchi qavat. Shon-sharaf zali
Markazning birinchi qavatida – bebaho ilmiy-ma’rifiy va madaniy merosi namunalarini o‘z ichiga olgan Islom sivilizatsiyasi markazi muzeyi joylashgan. Ulug‘bek darvozasidan Markazga kirishda foyesida juda katta «Shon-sharaf zali» sizni kutib oladi. Zalning perimetri bo‘ylab 14 ta yarim oval ravoq joylashgan.
Ushbu ravoqlarda boy tariximiz, buyuk allomalarimiz va tarixiy shaxslar faoliyati rangtasvir uslubida mikro-mozaika toshlari yordamida aks ettirilgan. Unda Xorazmiy, Farg‘oniy, Imom Buxoriy va Imom Termiziy, Ibn Sino, Beruniy, Jaloliddin Manguberdi, Amir Temur, Mirzo Ulug‘bek, Alisher Navoiy, Zahiriddin Muhammad Bobur, ma’rifatparvar jadidlar siymolarining tasvirlari va faoliyatlari aks etgan.
Bundan har bir ravoq ostida maxsus sensorli ekranlar o‘rnatilgan bo‘lib, ularda buyuk ajdodlarimizning sun’iy intellekt yordamida yaratilgan siymolari o‘ndan ortiq tilda o‘z hayoti va faoliyati haqidagi «gapirishi mumkin».
Markazning eng asosiy qismida Qur’oni karim zali bunyod etilgan. Bu yerda musulmon dunyosining ma’naviy durdonasi – VII asrda qo‘lda ko‘chirilgan Usmon mushafi va yana 114 dona turli davrlarda ko‘chirilgan mushaflar joylashtirilgan.
65 metrli gumbazga ega, eng jozibali va mahobatli Qur’on zali haqida alohida hikoya qilamiz.
Islom sivilizatsiyasi markazi muzeyi: 4 davrga bo‘lingan
Muzeydagi birinchi qismi – «Islomdan avvalgi davr sivilizatsiyalari» ekspozitsiyasi. Bu yerda 250 metr uzunlikdagi «Vaqt devori» tashkil qilingan.
Unda eng kamida 3000 yillik davlatchilik tarixi miniatyuralar va mahobatli rangtasvir asarlari ko‘rinishida aks ettirilgan.
Shuningdek, ushbu devor bo‘ylab turli davrlarga oid yuzlab eksponatlar, numizmatika namunalari, xaritalar, videoroliklar, interaktiv o‘yinlar joylashtirilgan.
Birinchi Renessans zali VIII–XIII asrlarni qamrab olib, ekspozitsiyada Islomning Movarounnahrga tarqalishi, uning mahalliy aholi madaniyatiga ta’siri, Islom ilmlari rivojiga hissa qo‘shgan Movarounnahr olimlari merosi ko‘rsatiladi.
Zal markazida Birinchi renessans davrida yaratilgan Somoniylar maqbarasi, Mag‘oki Attoriy masjidi, Chashmai Ayyub yodgorligi, Qusamiya madrasasi singari yodgorliklar maketi bor.
Zal to‘rida muqaddas Ka’baning eshigi nusxasi va 1988 yilda ishlatilgan ka’bapo‘shning asl nusxasi joylangan. Shuningdek, bu yerda 13-14 asrlarda Misrda mamluklar davrida yasalgan ka’ba kalitlarini, 2023 yilda Saudiya podshohi O‘zbekistonga tuhfa qilgan Kisva parchasini ko‘rish mumkin.
Zalda birinchi renessansga aloqador va Islomning tarqalishi bilan bog‘liq ma’lumotlar, sahifalar va qo‘lyozmalar o‘rin olgan.
Ikkinchi Renessans ekspozitsiyasida Amir Temur hukmronligi davri va O‘zbek xonliklari davridagi madaniy-ma’rifiy hayot aks ettirilgan. Unda Amir Temur davriga oid kashfiyotlar va ilmiy yutuqlar xaritasi ilk bor namoyish qilingan.
«Vaqt devorida» Amir Temur va temuriylar yaratilgan qo‘lyozmalardan olingan miniatyuralar, ularda aks etgan tarixiy shaxslar siymosini ko‘rish mumkin.
Shayboniylar, Ashtarxoniylar va boshqa sulolalar ham temuriylar davri madaniyatini davom ettirgan. Muzeyda qurdirgan obidalar, shu davrda yaratilgan madaniy meros namunalari ham joy olgan.
So‘nggi qismda «Yangi O‘zbekiston – Yangi Renessans» ekspozitsiyasi joylashgan. Unda O‘zbekistondagi ijtimoiy-iqtisodiy, siyosiy-huquqiy va ma’naviy-ma’rifiy jarayonlar, erishilgan yutuqlar, davlatning tashqi va ichki siyosati ustuvor yo‘nalishlari, amalga oshirilgan islohotlar yoritilgan.
Markaz rasmiylariga ko‘ra, ushbu zaldagi interaktiv panellar orqali murojaat yo‘llash, huquqiy savollarga javoblar, yuridik maslahatlar olish mumkin.
Bulardan tashqari, Markaz binosining birinchi qavatida 550 o‘ringa mo‘ljallangan Anjumanlar zali joylashgan. Zalga binoning g‘arbiy tomonidan, Buxoro darvozasidan kiriladi. Milliy va zamonaviy arxitektura an’analari asosida qurilgan ushbu zalda 2025 yil 14 noyabr kuni O‘zbekiston prezidenti tashabbusi bilan ta’sis etilgan «Kelajak merosi» xalqaro mukofotlari topshirilgandi.
Foto: Prezident matbuot xizmati
Umuman olganda noyabr oyida Markaziy Osiyo va Ozarbayjon davlat rahbarlari ham ushbu muhtasham binoning ilk faxriy mehmonlari bo‘ldi.
2-qavat. Kutubxona va boshqa ofislar
Islom sivilizatsiyasi markazi binosining ikkinchi qavatidagi innovatsion kutubxona joylashgan. 226 o‘rinli bu kutubxonaning kitob fondi 350 ming bosma kitob sig‘imiga ega, undan 100 mingi qo‘lyozma va toshbosma, 250 ming zamonaviy nashrlar. Ularning 50 mingi ochiq fonddan joy olishi aytilmoqda.
Kutubxonaning elektron fondi 5 million resursga mo‘ljallangan. Ayni paytda joylashtirilgan kitoblarning umumiy fondi 35 mingdan oshgan. Bu respublikada eng katta sig‘im, ekani aytilmoqda.
Bundan tashqari, kutubxonada xalqaro ilmiy va ta’limga oid nashrlarga obuna bo‘lingan. Xorijiy kutubxonalar bilan umumiy platformalar tashkil etilgan. Qo‘lyozma manbalar umrini uzaytirish maqsadida konservatsiya va restavratsiya laboratoriyasi tashkil etilgan.
Markaz binosining ikkinchi qavatiga O‘zbekiston Musulmonlari idorasi ham to‘liq ko‘chib chiqishi rejalashtirilgan.
Shuningdek, UNESCO, ISESCO, IRCICA, TURKSOY kabi xalqaro tashkilotlarning vakolatxonalari, “Al-Furqan”, Oksford Islom tadqiqotlari markazi, Turkiya, Rossiya va Markaziy Osiyo davlatlarining ilmiy institutlari, markazning administratsiyasi ham ikkinchi qavatdan joy oladi.
Ma’lumot uchun, 2020 yilda e’lon qilingan investitsiya dasturida Islom sivilizatsiyasi markaziga 119 million dollar investitsiya kiritilishi haqida yozilgandi. 2021 yil oxirida loyiha quruvchisi Trest-12 bilan tuzilgan shartnoma qiymati 161 million dollarga yetkazilgan.
Farrux Absattarov – Kun.uz muxbiri.
Rasmlar muallifi: Muhammadjon G‘aniyev.
2026-yilning yanvar-mart oylarida 164 ta mamlakatdan jami 2 872 502 nafar chet el fuqarolari turistik maqsadlarda O‘zbekistonga tashrif buyurgan.
Milliy statistika qo‘mitasi ma’lumotlariga ko‘ra, bu ko‘rsatkich o‘tgan yilning mos davriga nisbatan 770 ming nafarga yoki 36,6 foizga oshgan.
Turistlar soni bo‘yicha TOP-10 davlatlar:
Qirg‘iz Respublikasi – 807 095 nafar;
Tojikiston – 713 904 nafar;
Qozog‘iston – 681 921 nafar;
Rossiya – 223 285 nafar;
Afg‘oniston – 120 184 nafar;
Xitoy – 87 023 nafar;
Turkmaniston – 79 046 nafar;
Turkiya – 39 445 nafar;
Hindiston – 12 600 nafar;
Koreya Respublikasi – 7 813 nafar.
Hiyla
Source link
2026-yil yanvar–mart oylarida 1 million 631 ming nafardan ortiq O‘zbekiston fuqarolari turizm maqsadida xorijga safar qildi. Milliy statistika qo‘mitasiga ko‘ra, bu ko‘rsatkich 2025-yilning mos davriga nisbatan 111,6 ming nafarga oshgan.
Ma’lum bo‘lishicha, asosiy safarlar qo‘shni davlatlar hissasiga to‘g‘ri kelmoqda. Jumladan, 2026 yilning dastlabki uch oyida eng ko‘p safar qilingan davlat Qirg‘iziston bo‘lib, 660 579 nafar fuqaro ushbu mamlakatga borgan.
Keyingi o‘rinlarda Qozog‘iston (284 024 nafar) va Tojikiston (282 040 nafar) qayd etilgan. Shuningdek, Saudiya Arabistoni 136 060 nafar bilan yuqori o‘rinni egallagan. Rossiya, Turkiya, BAA, Xitoy, Tailand va Misr ham eng ko‘p tanlangan yo‘nalishlar qatoriga kirgan.
Ma’lumot o‘rnida, 2026-yilning yanvar-mart oylarida 164 ta mamlakatdan jami 2 872 502 nafar chet el fuqarolari turistik maqsadlarda O‘zbekistonga tashrif buyurgan.
“Toshkent yog‘-moy kombinati” nomi bilan mashxur zavod bo‘lgan. Unda bir vaqtlar minglab odamlar ishlagan, ro‘zg‘or tebratgan. 2022 yilda kombinat xususiylashtirilib, 2025 yilda tugatilgan. Bu vaqtda kombinatning o‘nlab ishchilaridan qariyb 10 mlrd so‘m qarzi bo‘lgan. Mol-mulklari sotilib, binolari buzilib ketgan kombinatning qarzini qoplashga yaragulik xech vaqosi yo‘q. Hujjatda 2 ta yuk mashinasi bor: ularning ham qayerda ekani “noma’lum”.
Tarixiy zavodning tugatilishi
Bir vaqtlar Yashnobod tumanida “Toshkent yog‘-moy kombinati” nomi bilan mashxur zavod bo‘lgan. Davlat aktivlarini boshqarish agentligining Toshkent shahar hududiy boshqarmasi 2022 yil noyabrida “Toshkent yog‘-moy kombinati” aksiyadorlik jamiyatidagi 56 foiz davlat ulushini “Toyloq Toza Hudud” mas’uliyati cheklangan jamiyatiga sotgan.
Keyinroq, 2024 yil iyunida kombinatning aksiyadorlari uni ixtiyoriy tugatishga qaror qiladi va I.Irnazarov tugatish boshqaruvchisi etib tayinlanadi.
Tugatuvchining 2025 yil 21 yanvardagi onlayn arizasiga asosan jamiyat ixtiyoriy tugatish jarayoniga o‘tkazilgan va 2025 yil 21 may kuni Yashnobod tuman davlat xizmatlari markazi “Toshkent yog‘-moy kombinati” AJni davlat reyestridan chiqargan.
Haqdorlar bor edi…
Ammo bu paytda kombinatning o‘nlab ishchilari mehnat qonunchiligining qo‘pol buzilishlaridan jabr ko‘rayotgan, milliardlab haqlarini undira olishmayotgan edi.
Jumladan, Fuqarolik ishlari bo‘yicha Mirobod tumanlararo sudi “Toshkent yog‘-moy kombinati”dan uning turli sexlarida faoliyat yuritgan ellik nafardan ortiq ishchilariga ish beruvchining aybi bilan bekor turib qolgan vaqt uchun ish haqi va boshqa to‘lovlarni undirib berishni nazarda tutuvchi qarorlar chiqargan.
“O‘lgan o‘lolmagan” kombinat
Pulni undirishning yagona yo‘li kombinatni tiklash edi. Ishchilar bor harakatni shunga qaratishdi va sud orqali buning uddasidan chiqishdi.
Toshkent tumanlararo ma’muriy sudining 2025 yil 4 sentabrdagi hal qiluv qarori bilan “Toshkent yog‘-moy kombinati” AJni davlat reyestridan chiqarish va tugatish haqidagi vakolatli organ yozuvlari haqiqiy emas deb topildi.
«Juda katta hudud edi. Hozir mana shu katta hududni buzib tashlab, ko‘zimiz oldida bizni ishsiz qoldirib uy qurishyapti. Odamlarning ko‘z yoshi ustiga uy qurishyapti, ishsizligi ustiga uy qurishyapti. Biz aksionerlar bilan hisob-kitob qilishmadi. Noqonuniy bizni ishdan bo‘shatgani uchun oliy sud quyi instansiyalar ishga tiklab qo‘ydi, pullarimizni undirib berdi, lekin shularni ijro qilishdan bosh tortishyapti. Bizning huquqlarimizni poymol qilishyapti.
Biz aksiyadormiz ham, aksiyalarimiz ulushlarini bermasdan turib, biz bilan hisob-kitob qilmasdan turib, tugatib tashladi. Biz keyin ma’muriy sudga berdik. Sudyalar bizning tomonimizga hal qilib berishdi. Lekin huquqlarimizni poymol qilgan holda mablag‘larimizni, ish haqlarimizni to‘lab bermayapti. Rahbar o‘zini olib qochib yuribdi. Korxona rahbari, tugatuvchi Ernazarov Nodir. U bizga hozirda MIBda turgan sakkiz milliarddan oshiq pullarimizni to‘lab bermayapti», deydi murojaatchilardan biri Sanobar Qahhorova.
Ma’lumotlarga ko‘ra, ayni paytda sobiq korxona hududida yangi Bashkent turar joy majmuasi qurilyapti. Hududning sotilishida monetar aksiyadorlarning roziligi olinmagan.
“Kuchuklar bilan mazamizni qochirishdi”
«Qonuniy bizga chiqarib bergan oliy sudga, iqtisod sudiga, hammasiga rahmat. Lekin bizga nimagadir MIB yordam bermayapti. O‘sha pullarni qonuniy olishimizga yordam berishlarini so‘raymiz. Aksiyalarimiz ham 30 yil davomida bir marta olganman.
Ishdan bizlarni bo‘shatib yubordi. Bo‘shatganda ham bizlar hisob-kitob qilib, oxirida berishi kerak bo‘lgan hisob-kitoblarining hech qaysisini bergan yo‘q, bosh tortishdi hammasidan, chiqarib yuborishdi. Darvozadan kiramiz desak, bizlarni haydab kuchuklar bilan mazalarimizni qochirib qo‘yishdi», deb ta’kidlaydi Karima Murodova.
Undiruv MIBda
Xozir undiruv majburiy ijro buyurosi yurituvida – undiriladigan miqdor sal kam 10 mlrd so‘m atrofida.
Majburiy ijro byurosi markaziy mahkamasining Kun.uz’ga ma’lum qilishicha, Fuqarolik ishlari bo‘yicha Mirobod tumanlararo sudining tegishli qarorlariga asosan qarzdor “TOSHKENT YOG’-MOY KOMBINATI” AJdan 51 nafar fuqaro foydasiga jami 9 mlrd 896 mln so‘m qarz, davlat foydasiga 32 ta ijro xujjati bo‘yicha 382 mln 463 ming so‘m davlat boji, 12 nafar fuqarolarni ishga tiklash hamda 12 nafar fuqaro bo‘yicha ish haqilarni soliqda aks ettirish majburiyatini yuklash bilan bog‘liq ijro hujjatlari mavjud.
Kombinatda qo‘lga ilingulik xech vaqo yo‘q
Ma’lum bo‘lishicha kombinat nomida 2 ta:
– 1991 yilda ishlab chiqarilgan GBK 8350 rusumli
– 1993 yilda ishlab chiqarilgan “KAMAZ 53212” rusumli yuk va tirkama transport vositalari borligi aniqlangan.
MIB tomonidan tegishli tartibda taqiq qo‘yilib, qidiruv e’lon qilingan.
Kombinat yo‘q, o‘rnida «novostroyka»lar
Qiziq tomoni, Kombinat joylashgan Yashnobod tuman, Jarqo‘rg‘on ko‘chasi 47-uy manzilida Kombinatga tegishli bino va inshoatlar butkul buzib tashlangan, uning o‘rnida ko‘p qavatli turar joy binolari qurilmoqda. Shu sababli 7 nafar fuqarolarning “TOSHKENT YOG’-MOY KOMBINATI” AJga ishga tiklash to‘g‘risidagi ijro xujjatlari ijrosini ta’minlash imkoniyati bo‘lmagan.
Xullas, guvohi bo‘lganingizdek bir vaqtlar O‘zbekistonning qudratli korxonalaridan biri bo‘lgan kombinat bugun yo‘q – uning o‘nlab ishchilari esa haqini ololmay sarson, sargardon.
«Mening yoshim 29 da, sakkiz yoshli qizim bor. Boshqa farzandim yo‘q. Mana, bir necha yilki, turmush o‘rtog‘im bilan davolanmagan joyimiz qolmadi. Oilamiz to‘kis, erim juda yaxshi pul topadi. Ammo odamlarning menga nisbatan «tug‘mas» degan gaplari jonimga tegdi. Ba’zi qarindoshlar hatto, «ajrashinglar», deyishyapti. Qizimga maktabida bittasi «sening aka-ukang yo‘q, yolg‘izsan», debdi. Uyga kelib: «Oyijon, nega mening ukam, singlim yo‘q?» deya xafa bo‘ldi. Turmush o‘rtog‘im farzand asrab olishni taklif qilyapti. Lekin uni atrofdagilar keyinchalik asrandi deyishidan qo‘rqaman. Tavakkal qilaveraymi, nima deysiz?»
Yu.U.
Savol bergan bu ayolda ichki aybdorlik hissi kuchli. U «turmush o‘rtog‘imga farzand tug‘ib bera olmayapman», deb faqat o‘zini ayblayapti. Inson nimadan qo‘rqsa, ya’ni «falon ish bo‘lsa-ya, odamlar gapirsa-ya» deb qanchalik ko‘p gapiraversa, xuddi shu tashvishlar boshiga tushadi.
Aybdorlik hissi ko‘paygan sari farzandli bo‘lish imkoniyati ham kamayib boradi. Gap shundaki, bunday odam ichki noroziligi bilan birga Xudoga shukr qilmasdan, aksincha, «Qachon farzand berasan, berasanmi o‘zi?» deya uni koyigan bo‘lyapti.
Agar ayol farzandsizlikdan tamoman tushkunlikka tushgan bo‘lsa, bu holat ham onalikka erishish yo‘lida to‘siq sifatida xizmat qiladi. Aslida esa mazkur vaziyatga duch kelgan ayol ichki aybdorlik hissidan voz kechib, ko‘nglidagi e’tiqodi-yu ixlosi bilan harakat qilsa, atrofdagilarning gap-so‘zini yengib, boshi berk ko‘chadan g‘alaba bilan chiqishi mumkin.
Insonni har qanday murakkab vaziyatdan olib chiqadigan tuyg‘u, bu – ishonch. Shifokorlar tomonidan «tuzalmaydi» deb tashxis qo‘yilib, aynan hayotga bo‘lgan ishonchi tufayli sog‘ayib ketgan bemorlar buning yaqqol misolidir.
Savol bergan ayolga ham faqat ana shu ishonch yordam beradi. «Kim nima desa, desin. Mening fikrim ularnikidan ustun. Men qanday bo‘lmasin, farzandli bo‘laman. Istasam, farzand boqib olaman. Bu mening ishim, mening hayotim», – desin-u, o‘zining umr yo‘liga, xohishiga e’tiqodi kuchli bo‘lsin.
Qolaversa, birinchi farzandni dunyoga keltirgan ayolning yana bir bor ona bo‘lish imkoniyati shu muammodan aziyat chekayotgan ayollarga nisbatan ko‘proq. Savol egasini turmush o‘rtog‘i bilan birga nafaqat jismonan, balki ruhan tekshirib, psixologik tavsiyalarni ham berish kerak.
Baxtiniso Azimboyeva, shifokor-ruhshunos
3 oyda O‘zbekistonga 2,8 mlndan ortiq turist tashrif buyurdi
Shavkat Mirziyoyev amaliy tashrif bilan Ostonaga boradi
Hiyla
-
Siyosat3 days ago
«Muruvvat» internat uylari «G‘amxo‘rlik» markazlariga aylantiriladi
-
Dunyodan3 days ago
Eron nega Hurmuzni yana qamal qildi?
-
Iqtisodiyot4 days ago21 mlrd so‘mdan ortiq davlat xaridlarida qonunbuzilishlar aniqlandi
-
Jamiyat4 days ago
Reklama qonunchiligini buzgan qurilish kompaniyalari jarimaga tortildi
-
Sport5 days ago
O‘zbekistonning Osiyo kubogidagi raqiblari may oyida aniq bo‘ladi
-
Jamiyat2 days ago16:13 “Qo‘rquv bo‘lishi tabiiy, ammo bu sizni to‘xtatmasin”, – 17 yoshida NASA va SpaceX bilan kosmik loyihani amalga oshirgan Akbar hikoyasi
-
Siyosat2 days agoO‘zbekistonda bolalar va nogironligi bo‘lgan shaxslarni ijtimoiy qo‘llab-quvvatlash va himoya qilishni kuchaytirmoqda
-
Jamiyat3 days ago«World Content Market»da ilk bor O‘zbekiston milliy paviloni tashkil etildi