Iqtisodiyot
“2026 yil martda O‘zbekistonning a’zoligini nishonlaymiz”
Nyu Yorkda media bilan gaplashgan JST bosh kotibiga ko‘ra, O‘zbekiston a’zolikka erishishi uchun kam qoldi. Ishlar jiddiy olg‘a siljimoqda, shunday davom etilsa, 2026 yilning martida chinakam a’zo bo‘lish mumkin. Lekin tugamagan muzokaralar hali bor.
Prezident Mirziyoyev AQShda JST bosh kotibi Ngozi-Okonjo Iveala bilan ham uchrashdi. Muloqot mavzusi aniq – JSTga a’zolik masalasi va bu borada ishlarning borishi. Bosh kotibning ko‘ngli to‘q, O‘zbekiston shu yo‘sinda kelasi yili a’zo bo‘lishidan umidvor.
O‘zbekiston sizning qo‘llab-quvvatlashingizni doim his qilib turadi va ishlar yaxshi ketyapti. Tez orada JST oilasiga qo‘shilamiz. Prezident bilan nimani gaplashdingiz?
“Xo‘sh, Prezident bilan uchrashuv a’lo darajada o‘tdi. Biz O‘zbekistonning a’zo bo‘lish yo‘lida muzokarachilar guruhi bilan birgalikda erishayotgan yutuqlari hamda bu jarayon uchun Prezident tomonidan qo‘llab-quvvatlanayotgan ishlar haqida suhbatlashdik.
Ishlar juda tez sur’atda olg‘a siljiyapti. Buning ta’sirini iqtisodiyotda ham ko‘rish mumkin, chunki u yiliga deyarli 6 foiz yoki undan ham yuqori sur’atda o‘smoqda. Bu jahon iqtisodiyoti sur’atlaridan ikki baravar yuqori. Jahon iqtisodiyoti 3 foizga o‘sayotgan bir paytda, O‘zbekiston iqtisodiyoti 6 foizga o‘smoqda. Bu, albatta, juda yaxshi ko‘rinadi.
Shu bois, ishlarni jadal davom ettiryapmiz. Jarayon deyarli yakunlandi. Noyabr oyida ishchi guruh yig‘ilishini o‘tkazamiz va umid qilamanki, mart oyidagi muddatga yaqinlashganimiz sari barcha ishlarni yakunlab, O‘zbekistonning JSTga a’zoligini nishonlay olamiz”.
Demak, 2026 yilga borib tayyor bo‘lamiz demoqchisiz, shundaymi?
“Biz bu yo‘lda qattiq ishlayapmiz va buning uddasidan chiqishimizga ishonaman”.
Bizning jamoamiz qanday ishlayapti?
“Ajoyib. Jiddiy aytyapman. Ular juda qattiq mehnat qilmoqda. Jamoani qo‘llab-quvvatlashda Prezidentning yetakchiligi va muhtarama Saida Mirziyoyeva xonimning yordamidan minnatdormiz. Menimcha, ular a’lo darajada ishlamoqda”.
Lekin bilamizki, muzokaralar oson kechmaydi. Qiyin bo‘lyapti, shundaymi?
“Umuman oson emas. Lekin deyarli barcha ikki tomonlama muzokaralar yakunlangan. Albatta, Amerika Qo‘shma Shtatlari bilan muzokaralar hali ochiq va bu yo‘nalishda jiddiy ishlash talab etiladi. O‘ylaymanki, bu qolgan eng jiddiy masalalardan biri, ammo biz harakatni davom ettiramiz. Keling, yaxshi niyatda bo‘laylik”, deydi bosh kotib Iveala.
O‘zbekiston Prezidenti Shavkat Mirziyoyev «Wabtec» kompaniyasi direktorlar kengashi raisi va bosh ijrochi direktori Rafael Santanani qabul qildi. Bu haqda Prezident matbuot xizmati xabar berdi.
Uchrashuvda mamlakatda temir yo‘l infratuzilmasi va tranzit salohiyati rivojlanayotganini hisobga olib, lokomotivlar parkini yangilash va kengaytirish masalalari ko‘rib chiqildi.
AQSh moliya institutlari ishtirokida lokomotivlarni uzoq muddatli servis xizmati bilan birga yetkazib berish imkoniyatlari muhokama qilindi.
Shuningdek, O‘zbekistonda texnik xizmat ko‘rsatishni yo‘lga qo‘yish, butlovchi qismlar ishlab chiqarish va mutaxassislar tayyorlash masalalari ko‘rib chiqildi.
Tog‘-kon korxonalari karer texnikasiga xizmat ko‘rsatuvchi servis markazini tashkil etish hamda dizel-generator qurilmalari bo‘yicha hamkorlik qilishga ham e’tibor qaratildi.
«Wabtec» lokomotivlar, temir yo‘l texnikasi, raqamli va servis yechimlarini ishlab chiqarish bo‘yicha jahondagi yetakchi kompaniyalardan biri hisoblanadi. Kompaniya Markaziy Osiyo mamlakatlarida ham loyihalarni amalga oshirmoqda.
Iqtisodiyot
Saida Mirziyoyeva Gonkongning Henderson Land Group xoldingi boshqaruvi raisi bilan uchrashdi
Prezident Administratsiyasi rahbari Saida Mirziyoyeva XXRning Gonkong maxsus ma’muriy hududidagi eng yirik xoldinglardan biri — Henderson Land Group boshqaruvi raisi Piter Li bilan uchrashuv o‘tkazdi.
Tomonlar qayta tiklanuvchi energetika, Yangi Toshkent infratuzilmasini rivojlantirish va ta’lim sohalaridagi istiqbolli qo‘shma loyihalarni muhokama qildi.
«Mamlakatimiz investitsiyalar uchun ochiq va biz Gonkongning yetakchi biznes doiralari bilan hamkorlikdan manfaatdormiz. Sheriklikdagi tashabbuslarni, jumladan, yangi tashkil etilayotgan Toshkent xalqaro moliya markazi orqali ham qo‘llab-quvvatlashga tayyormiz», — deb yozdi Saida Mirziyoyeva.
Administratsiya rahbari O‘zbekiston va Gonkong o‘rtasida uzoq muddatli iqtisodiy hamkorlikni rivojlantirish uchun katta imkoniyatlar borligiga ishonch bildirdi.
Markaziy bank 2026-yil 9-oktyabrdan valyutalarning yangi kursini belgiladi.
AQSh dollari 37,38 so‘mga oshib, 11 846,57 so‘m etib belgilandi.
Yevro kursi 34,69 so‘mga oshdi va 13 240,91 so‘m bo‘ldi. Funt-sterling 15 631,55 so‘mni tashkil qildi (29,25).
Rossiya rubli 138,95 so‘m etib belgilandi (+0,8).
Markaziy bank 2026-yil 6-oktyabrdan valyutalarning yangi kursini belgiladi.
AQSh dollari 5,5 so‘mga oshib, 11 778,45 so‘m etib belgilandi.
Yevro kursi 25,62 so‘mga tushdi va 13 198,93 so‘m bo‘ldi. Funt-sterling 15 580,53 so‘mni tashkil qildi (+31,99).
Rossiya rubli 138,35 so‘m etib belgilandi (-2,79).
Milliy statistika qo‘mitasi ma’lumotlariga ko‘ra, 2026-yil yanvar–iyul oylarida O‘zbekistonga 46 davlatdan qariyb 28,5 ming tonna shokolad mahsulotlari olib kirilgan.
Import qilingan mahsulotlarning umumiy qiymati 123,7 mln AQSh dollarini tashkil etgan. Bu o‘tgan yilning mos davriga nisbatan 1,6 ming tonnaga yoki 6 foizga ko‘p.
Import hajmi bo‘yicha Rossiya keskin ustunlik qilgan. Yilning dastlabki yetti oyida Rossiyadan O‘zbekistonga 19,5 ming tonna shokolad mahsulotlari yetkazib berilgan.
Rossiyadan kelgan shokolad mahsulotlari umumiy importning qariyb 70 foizini tashkil etgan. Keyingi o‘rinda Ukraina bo‘lib, undan 2,2 ming tonna mahsulot import qilingan.
Qozog‘istondan 914 tonna, Belarusdan 805,2 tonna shokolad mahsulotlari olib kirilgan. Litvadan import 746,2 tonnani tashkil etgan.
Turkmaniston 715,2 tonna, Turkiya esa 569,5 tonna ko‘rsatkich bilan keyingi o‘rinlarda qayd etilgan. Qolgan davlatlar hisobiga 3 ming tonna mahsulot to‘g‘ri kelgan.
O‘zbekiston do‘konlarida 73 turdagi mahsulot sifatsiz deb topildi
Tadbirkorlar jarimaning 50 foizini to‘lab, qolgan qismidan ozod etilishi mumkin
O‘zbekiston «Wabtec» kompaniyasi bilan lokomotivlar parkini yangilashni muhokama qildi
-
Iqtisodiyot4 days ago
Saida Mirziyoyeva Gonkongning Henderson Land Group xoldingi boshqaruvi raisi bilan uchrashdi
-
Jamiyat4 days ago
Toshkentda xalqaro moda akademiyasi tashkil etiladi
-
Iqtisodiyot1 day ago
O‘zbekiston «Wabtec» kompaniyasi bilan lokomotivlar parkini yangilashni muhokama qildi
-
Jamiyat1 day ago
Tadbirkorlar jarimaning 50 foizini to‘lab, qolgan qismidan ozod etilishi mumkin
-
Jamiyat23 hours ago
O‘zbekiston do‘konlarida 73 turdagi mahsulot sifatsiz deb topildi