Jamiyat
“15 kundirki bog‘cha darvozasi yopiq” – Oltiariqdagi davlat bog‘chasida bolalar ovqatdan zaharlandi
Farg‘ona viloyati Oltiariq tumani Qiziltepa qishlog‘idagi 7-sonli davlat maktabgacha ta’lim tashkilotida 13 nafar tarbiyalanuvchi shu yil 22 avgust kuni ovqatdan zaharlanib, shifoxonaga yotqizilgan. Ayni paytda muassasa ishlamayapti. Bu tumanda bog‘cha tarbiyalanuvchilarining ovqatdan ommaviy zaharlanishi bilan bog‘liq birinchi holat emas.
{Yii::t(}
O’tkazib yuborish 6s
O’tkazib yuborish
Shu yil 22 avgust kuni Farg‘ona viloyati Oltiariq tumani Qiziltepa qishlog‘idagi 7-sonli davlat maktabgacha ta’lim tashkilotida 13 nafar tarbiyalanuvchi ovqatdan zaharlanib, shifoxonaga yotqizilgan.
Tumanda bog‘cha tarbiyalanuvchilarining ovqatdan ommaviy zaharlanish holati birinchi marotaba emas, 2022 yilda ham 39-maktabgacha ta’lim tashkilotida 42 nafar bola ovqatdan zaharlanib, yuqumli kasalliklar shifoxonasiga yotqizilgan edi.
“O‘g‘limning ikki marta ichi o‘tdi. Qo‘rqib ketib, shifoxonaga olib bordik. Nimadan zaharlanganini aytishmadi. Diareya deyishdi. Shifoxonada besh kun yotdik. Bog‘cha yopib qo‘yilganiga 15 kuncha bo‘ldi. Bolalarimizga qaraydigan odam yo‘q. Sarson bo‘lib yurishibdi endi”, deydi farzandi ovqatdan zaharlangan Hayotxon Tursunova.
Hayotxon Tursunova
“Ikki farzandim shu bog‘chada tarbiyalanadi. 22 avgust kuni o‘g‘lim 38,5 isitma bilan uy keldi. Undan keyin qizimda ham isitma chiqdi. Ertasi kuni esa o‘g‘limning ichi ketishni boshladi. Kechgacha ichi o‘tdi. Uyda dori-darmon qildim. Shanbadan yakshanbaga o‘tar kechasi o‘g‘limning ichi to‘xtamay, qayt qildi, eplay olmay qoldik uyda. Shifoxonaga borsak, yotishlaring shart, deb olib qolishdi. To‘rt kun to‘liq yotib davolandik. Qizimda ham isitma tushmadi, uni ham yotqizib davolatishga majbur bo‘ldik”, deydi Umida Teshaboyeva.
Umida Teshaboyeva
“22 avgust kuni farzandim bog‘chaga keldi. Kechki payt uyga qaytib kelib qayt qildi. Kechga yaqin isitmasi chiqdi. Ertasi kuni yana isitmasi ko‘tarildi. Mahalladagi ambulatoriyada olib kirdim. Foydasi bo‘lmay yana isitmasi ko‘tarila boshladi. Keyin viloyat yuqumli kasalliklar shifoxonasiga olib borishga majbur bo‘ldim. Shifoxonaga borsak, u yerda boshqa bog‘cha bolalari ham davolanayotgan ekan. Shifokorlar nimadan zaharlanganini aniq aytmadi”, deydi Omina Rizaqova.
Omina Rizaqova
“22 avgust kuni ish faoliyatimiz har doimgidek tinch o‘tdi. O‘sha kuni bolalarni ota-onalarining qo‘liga topshirdik. Shanba kuni SESdan telefon qilishib, ichi o‘tgan bolalaringiz yuqumli kasalliklar shifoxonasiga yotqizildi degan xabar keldi. Bog‘chada jami 390 nafar bola tarbiyalanadi. Shifoxonada jami bo‘lib 13 nafar bola davolanib chiqdi.
Dilnoza Mirzayeva, Oltiariq tumanidagi 7-sonli davlat maktabgacha ta’lim tashkiloti direktori
“2023 yil 18 iyundan beri bolalarni ovqatlantirish “My gold Oltiariq” MChJ tomonidan autsors tizimida olib borilayotgan edi”, deydi Oltiariq tumanidagi 7-sonli davlat maktabgacha ta’lim tashkiloti direktori.
“2-sonli viloyat yuqumli kasalliklar shifoxonasiga 7-sonli bog‘chadan birinchi kuni kechasi ikki nafar bemorimiz murojaat qilgan. Jami 13 nafar shu bog‘chaga boruvchi bolalarimizda ich ketish kasalligi kuzatildi.
Muhammadjon Egamberdiyev, 2-sonli viloyat yuqumli kasalliklar shifoxonasi reanimatsiya bo‘limi boshlig‘i
Nimadan zaharlangani, qanday bo‘lgani haqida SES xodimlari ma’lumot beradi. U bolalarda asoratli, og‘ir holatlar kuzatilmadi. Reanimatsiya bo‘limiga reanimatsion holatdagi bemorlarimiz murojaat qilmadi. Yotgan bemorlarimiz, bolalarimizda bu formamiz oshqozon-ichak sistemasining funksional buzilishi, alimentar formasi deb aniqlandi”, deydi 2-sonli viloyat yuqumli kasalliklar shifoxonasi reanimatsiya bo‘limi boshlig‘i Muhammadjon Egamberdiyev.
Tuman sanitariya-epidemiologik osoyishtalik va jamoat salomatligi markazi boshlig‘i Jahongir Musoxonov holat bo‘yicha izoh berishdan bosh tortdi. Ma’lumot taqdim etish uchun kelayotgan markazning yana bir xodimi esa keyinchalik telefonini o‘chirib oldi.
Jahongir Musoxonov
Markazning jamoatchilik bilan ishlash bo‘limi mudiri Davron Muqimovning javobidan esa qoniqmadik.
“Maktabgacha ta’lim tashkilotida belgilangan tartibda o‘rganishlar olib borildi. Bolalar oshqozon-ichak faoliyatining buzilishi bilan yotgan. Aniqlangan kamchiliklarni bartaraf etish choralari ko‘rilyapti.
Davron Muqimov
Ichimlik suv ta’minoti, oshxonadagi holatlar yaxshilanyapti. Bajarilgan ishlar bo‘yicha yig‘ma jildlari bor. O‘rganish natijalari boshliqning xonasida bo‘lgani uchun uni taqdim eta olmayman. Yakuniy xulosa bo‘yicha ovqatdan zaharlanish deb ayta olmaymiz. Bolalarda o‘sha oshqozon-ichak faoliyatining buzilishi bo‘lgan. Tegishli tartibda laboratoriya namunalari olingan. Namunalarning chiqish muddati besh kun. Shu laboratoriya namunalariga asosan ma’lumotlar yuqori tashkilotlarga taqdim etilmoqda”, deydi tuman sanitariya-epidemiologik osoyishtalik va jamoat salomatligi markazi jamoatchilik bilan ishlash bo‘limi mudiri Davron Muqimov.
Kun.uz holatni kuzatishda davom etadi.
Sarvar Ziyoyev,
Sardor Mamirov,
Kun.uz
Toshkent viloyatida favqulodda vaziyatlar tizimida faoliyat yurituvchi mansabdor shaxs tadbirkordan katta miqdorda pul talab qilgani aniqlandi. U tuman hududidan oqib o‘tuvchi uchta soy qirg‘oqlarini mustahkamlash va beton plitali yo‘l o‘tkazgichlari qurishga oid umumiy qiymati 5,04 mlrd so‘mlik shartnomalarni olib berganini ro‘kach qilgan.
Mazkur shartnomalarni go‘yoki vazirlikdagi hamkasblari orqali mahalliy mas’uliyati cheklangan jamiyatga rasmiylashtirib berganini aytgan mansabdor, korxona rahbaridan 63 ming AQSh dollari miqdorida «ulush» talab qilgan.
2026-yilning mart-aprel oylarida u ushbu mablag‘ning 24 ming dollarini olgani ham ma’lum bo‘ldi. Keyinchalik esa tadbirkordan qolgan 39 ming dollarni ham berishni talab qilishda davom etgan.
Davlat xavfsizlik xizmati xodimlari tomonidan Bosh prokuratura huzuridagi Departamentning Toshkent viloyati boshqarmasi hamda Favqulodda vaziyatlar vazirligining Shaxsiy xavfsizlik boshqarmasi bilan hamkorlikda tezkor tadbir o‘tkazildi.
Unda mansabdor talab qilingan pulning navbatdagi qismi — 25 ming AQSh dollarini olayotgan vaqtida qo‘lga olindi. Holat uning «Tracker» rusumli xizmat avtomashinasida sodir bo‘lgani qayd etildi.
Tezkor tadbir davomida u ashyoviy dalillar bilan ushlangani rasman tasdiqlandi. Bu holatda pul mablag‘larining aynan talab qilingani va olingani hujjatlashtirildi.
Hozirda mansabdor shaxsga nisbatan jinoyat ishi qo‘zg‘atilgan. Tergov organlari tomonidan barcha holatlar yuzasidan surishtiruv ishlari olib borilmoqda.
Unga nisbatan «qamoq» ehtiyot chorasi qo‘llanilgani ma’lum qilindi.
Ijtimoiy tarmoqlarda tarqalgan video ortidan Samarqandda ikki nafar qizga nisbatan zo‘ravonlik holati fosh etildi. Voqea Bolalar ombudsmani nazoratiga olindi.
Samarqand viloyatining Toyloq tumanida voyaga yetmagan ikki nafar qizga nisbatan jismoniy va ruhiy zo‘ravonlik holati aniqlandi. Bu haqda Bolalar ombudsmani ma’lum qildi.
Ma’lum bo‘lishicha, joriy yilning 21-aprel kuni fuqaro M.S. o‘zining vaqtincha vasiyligida bo‘lgan 2019-yilda tug‘ilgan B.D. va 2017-yilda tug‘ilgan B.M.ga nisbatan turli shaklda tazyiq o‘tkazgan. U bolalarning xorijda bo‘lgan onasi D.M.dan pul undirish maqsadida zo‘ravonlik qilgani va bu holatni videoga olgani qayd etilgan.
Holat ijtimoiy tarmoqlarda tarqalgach, bolalar ombudsmani tomonidan nazoratga olindi. Samarqand viloyatidagi mintaqaviy vakil joyiga chiqib, vaziyatni o‘rgandi va bolalarni himoya qilish bo‘yicha zarur choralarni ko‘rdi.
Hozirda mazkur holat yuzasidan tuman ichki ishlar bo‘limi tomonidan tergovga qadar tekshiruv ishlari olib borilmoqda.
Tuman vasiylik organi — «Inson» markazi mas’ullari tomonidan M.S. vasiylik vazifasidan chetlatildi. Bu qaror bolalar manfaatlarini himoya qilish maqsadida qabul qilingan.
Shuningdek, bolalarga yetkazilgan tan jarohatlari darajasini aniqlash uchun sud-tibbiy ekspertiza tayinlangan. Bu jarayonda barcha holatlarga huquqiy baho berilishi kutilmoqda.
Zo‘ravonlikdan jabrlangan qizlarning ruhiy holatini barqarorlashtirish maqsadida psixolog jalb qilingan. Hozirda ular tumandagi oilaviy bolalar uyiga joylashtirildi. Shu bilan birga, yashash hududiga yaqin maktab va maktabgacha ta’lim muassasalariga rasmiylashtirilib, ta’lim olish huquqlari tiklandi.
Ayni paytda xorijda bo‘lgan onaning o‘z ota-onalik majburiyatlarini qay darajada bajarayotgani ham o‘rganilmoqda. Bolalar ombudsmani mazkur ish bo‘yicha kuzatuvni davom ettirmoqda.
O‘zbekistonda aholini uy-joy bilan ta’minlashni rag‘batlantirish maqsadida ipoteka bozorida yangi mexanizm — «maqsadli ipoteka omonati» amaliyotini joriy etish rejalashtirilmoqda.
Ushbu tashabbus Prezidentning 2026-yil 24-fevraldagi PF–29-son farmoni ijrosi doirasida ishlab chiqilgan bo‘lib, 2026-yil 1-iyuldan boshlab tajriba-sinov tarzida amalga oshirilishi ko‘zda tutilgan.
Yangi tizimning asosiy g‘oyasi — aholining vaqtincha bo‘sh mablag‘larini uy-joy xaridiga yo‘naltirish. Fuqarolar ipoteka krediti olishdan oldin maxsus omonat hisobvarag‘ida mablag‘ jamg‘aradi. Bu mablag‘lar keyinchalik dastlabki badalni shakllantirishda ishlatiladi.
Bunda:
– tijorat banklarida maxsus omonat hisoblari ochiladi;
– omonatlarga bozor stavkalarida foiz hisoblanadi;
– davlat tomonidan subsidiyalar ajratiladi;
– jamg‘arilgan mablag‘lar ipoteka krediti uchun maqsadli yo‘naltiriladi.
Yangi mexanizm ikki tomonlama samara beradi. Birinchidan, fuqarolar uchun uy-joy sotib olish imkoniyati kengayadi – chunki ular oldindan mablag‘ jamg‘arib, kredit yukini kamaytiradi. Ikkinchidan, banklar uchun uzoq muddatli moliyaviy resurslar bazasi shakllanadi.
Dastlabki badalning bir qismi davlat subsidiyasi hisobidan qoplab berilishi, ipoteka foizlarining ma’lum qismiga ham kompensatsiya berilishi (5 yilgacha) hamda fuqaro uy olmasa, omonat mablag‘lari foizlari bilan qaytarilishi kabi shartlar qo‘shimcha imkoniyatlar sifatida taqdim qilinmoqda.
«Maqsadli ipoteka omonati» tizimi ipoteka bozorida yangi bosqichni boshlab berishi mumkin. U nafaqat aholining uy-joyga bo‘lgan ehtiyojini qondirishga xizmat qiladi, balki ichki moliyaviy resurslarni iqtisodiyotga jalb qilish orqali umumiy iqtisodiy barqarorlikni ham mustahkamlaydi.
U Samarqand tumanida istiqomat qiluvchi fuqaroning turmush o‘rtog‘iga issiqxona tashkil qilish uchun ajratib berilgan 2 gektar yer maydonini sotishni rejalashtirgan.
Samarqand shahrida yer uchastkasini noqonuniy sotishga uringan shaxs qo‘lga olindi.
Davlat xavfsizlik xizmati xabariga ko‘ra, u Samarqand tumanida istiqomat qiluvchi fuqaro bilan til biriktirib, uning turmush o‘rtog‘iga issiqxona tashkil qilish uchun ajratib berilgan 2 gektar yer maydonini sotishni rejalashtirgan.
Shaxs xaridorga ushbu yerni 490 ming AQSh dollariga sotishini, shuningdek mansabdor tanishlari orqali hujjatlarni rasmiylashtirib berishini aytib, oldindan 50 ming dollar talab qilgan.
U Davlat xavfsizlik xizmati, Iqtisodiy jinoyatlarga qarshi kurashish departamenti va ichki ishlar organlari hamkorligida o‘tkazilgan tezkor tadbirda 50 ming AQSh dollarini olgan vaqtida ashyoviy dalillar bilan ushlandi.
Hozirda mazkur fuqarolarga nisbatan jinoyat ishi qo‘zg‘atilgan bo‘lib, tergov harakatlari olib borilmoqda.
Jamiyat
Andijonda ikki kishini katta pul evaziga haj ziyoratiga yuborishni va’da qilgan shaxs ushlandi
U kelishilgan 18 ming dollar puldan 9 ming dollarini olgan vaqtida ushlangan.
Foto: Bosh prokuratura huzuridagi Departament
Bosh prokuratura huzuridagi Departamentning Asaka tumani bo‘limi va boshqa huquqni muhofaza qiluvchi organ xodimlari hamkorligida tezkor tadbir o‘tkazildi.
Qayd etilishicha, fuqaro M.Ch. 18 000 AQSh dollari evaziga fuqarolar A.I. va B.X.ni haj ziyorati uchun Saudiya Arabistoniga yuborishni va’da qilgan.
U kelishilgan puldan 9 000 AQSh dollarini olgan vaqtida ashyoviy dalillar bilan ushlangan.
Mazkur holat yuzasidan Jinoyat kodeksining 168-moddasi (firibgarlik) bilan jinoyat ishi qo‘zg‘atilib, tergov harakatlari o‘tkazilmoqda.
Avvalroq O‘zbekiston musulmonlari idorasi hajga borishda firibgarlarga aldanib qolmaslikka chaqirgandi.
Isroil Hizbullohga qarshi kuchli hujum tayyorlamoqda
Prezident Tramp delegatsiya parvozini bekor qildi
Neft, geosiyosat va AQSh yordamiga qaramlik
-
Siyosat5 days agoPrezident Shavkat Mirziyoyev JSST bosh direktorini qabul qildi
-
Siyosat4 days agoPrezident Mirziyoyev mintaqaviy sammitda yashil savdo yoʻlaklari va yagona iqlim investitsiya strategiyasini taklif qildi
-
Jamiyat4 days ago
Giyohvand moddalar aylanmasini nazorat qilishning milliy tizimi takomillashtiriladi
-
Jamiyat4 days agoShavkat Mirziyoyev Ostonaga yetib bordi
-
Iqtisodiyot4 days ago
Markaziy bank: 24-aprelda dollar pasayadi
-
Dunyodan3 days ago
Buyuk Britaniyada “chekmaydigan avlod” dunyoga keldi
-
Iqtisodiyot3 days ago“QQSni oson qaytarib olish ta’minlanmasa, stavkani 6 foizga tushirishni taklif qilamiz” – Davron Vahobov
-
Iqtisodiyot3 days agoQirg‘iziston ilk marta Yevropa Ittifoqining sanksiyalarni chetlab o‘tishga qarshi kurashish mexanizmiga tushdi