Chet elga ish yuborish bilan bog‘liq noqonuniy holatlar aniqlandi. Bu haqda «Xavfsizlik» kanali xabar berdi. 

Noqonuniy migratsiyaga qarshi kurashish yo‘nalishida Davlat xavfsizlik xizmati hamda Bosh prokuratura huzuridagi Departament xodimlari hamkorligida Navoiy va Qashqadaryo viloyatlarida tezkor tadbirlar o‘tkazildi.

Jumladan, Navoiy shahrida faoliyat yurituvchi sayyohlik firmasi rahbari Xatirchi tumanida yashovchi, 2006-y.t. fuqaroning ishonchiga kirib, barcha hujjatlarni o‘zi tayyorlagan holda, uni Bolgariya davlatiga ishga yuborish evaziga 3 ming AQSh dollari olgan vaqtida ashyoviy dalillar bilan ushlandi. 

Kitob tumanida ham shu kabi holat fosh etildi. Xususan, Toshkent viloyatida yashovchi, 1997-y.t. shaxs 2 nafar fuqaroning ishonchiga kirib, ularni Isroil davlatiga ishlash uchun yuborish va ishchi vizasini o‘zining tanishlari orqali tayyorlatib berish evaziga 20 ming AQSh dollari talab qilgan.

O‘tkazilgan tezkor tadbirda mazkur shaxs Qashqadaryo viloyatiga borib, so‘ralgan pul mablag‘i hisobidan 5 ming AQSh dollarini olgan vaqtida ushlandi. 

Hozirda har ikki holat yuzasidan jinoyat ishlari qo‘zg‘atilib, tergov harakatlari olib borilmoqda.

Source link

Kun.uz Farg‘ona shahridagi davlat bog‘chasida 6 yashar tarbiyalanuvchi ochiq qoldirilgan yuqori kuchlanishli transformator ustiga yiqilib, tok urishi oqibatida tana a’zolari kuyib ketgani haqida surishtiruv e’lon qilgan edi. Bolakayning otasi tahririyatga qayta murojaat yo‘llab, bog‘cha mas’ullari bolaning holidan xabar olmayotganini ma’lum qildi.

Voqea shu yil 18 fevral kuni, yangi qurilgan 66-sonli davlat bog‘chasida ro‘y bergan. Transformator punkti joylashgan yerto‘la usti tayinli yopilmagan, atrofi to‘siqlar bilan o‘ralmagan. Faqat fojiadan keyingina bu kamchiliklar bartaraf etilgan.

Jabrlanuvchi bolaning otasiga ko‘ra, transformatorni o‘rnatgan xususiy pudratchi-tashkilot o‘tgan vaqt davomida uning tuzalishi jarayoni bilan qiziqib turgan, lekin maktabgacha va maktab ta’limi bo‘limi mas’ullaridan darak bo‘lmagan.

“Bolangizni o‘g‘limning o‘rniga qo‘yib ko‘ring”

Abuzar Ravshanjonovning otasi Abdurahmon Qodirov:

— Avvalo, bunday fojia hech kimning boshiga tushmasin. O‘g‘lim Abuzarni bog‘chaga soppa-sog‘ olib kirganman. Mana, nogiron bo‘lib chiqdi. 10 ming volt tok qo‘lidan kirib, son sohasidan teshib chiqib ketgan.

Men boshida tuzalib oyoqqa turib ketadi, shunchaki kuygan deb o‘ylagan edim. Lekin shifokorlar chap sonidagi terisini shilib, o‘ng tomonga o‘tkazib yamaymiz, deyishganida holat dahshatli ekanini his qildim. Ko‘zingiz yonida farzandingiz terisini shilishsa… buni his qilish dahshatli… Strescli kunlarni boshimdan o‘tkazyapman.

 

Abdurahmon Qodirov

Menga alam qilayotgani – maktabgacha ta’lim boshqarmasi shu paytgacha o‘g‘limning holidan xabar olmadi… Ikki oydan oshibdiki halovatimiz yo‘q, er-xotin uxlamay navbati bilan bolaga qarab chiqamiz. Ikki oydan beri ishga ham bora olganim yo‘q. O‘g‘limning kelajagi haqida o‘ylasam, dahshatga tushaman.

Ayb ishni qilib o‘g‘limning to‘shakka mixlanib qolishiga sababchi bo‘lganlarga aytar so‘zim – ozgina bo‘lsa ham vijdoningiz bo‘lsa, bolangizni o‘g‘limning o‘rniga qo‘yib ko‘ring…

“Qo‘li ishlab ketishiga vaqt bor…”

Respublika shoshilinch tibbiy yordam ilmiy markazi Farg‘ona filiali kombustiologiya bo‘limi boshlig‘i Davlat Oripov:

— Bemor Abuzar Ravshanjonov 18 fevral kuni RShTYoIM Farg‘ona filiali qabul diagnostika bo‘limiga olib kelingan. Elektr tokidan, elektr yoyidan tananing III-IV darajali 25-30 foiz termik kuyish jarohati, kuyish shoki og‘ir darajasi bilan reanimatsiya bo‘limiga olingan.

 

Davlat Oripov

Holati barqarorlashganidan keyin, kombustiologiya bo‘limiga olib o‘tildi va 1-bosqich nekroektomiya operatsiyalari bajarildi. Boshqa son qismidan teri olib oraliq sohasiga ko‘chirish operatsiyasini ham o‘tkazdik.

Hozirgi kunda bemorning holati barqaror, faqat chap qo‘l tomoni bilak sohasidan elektr toki kirgan hamda oraliq sohadan chiqib ketgani hisobiga jarohat chuqur bo‘lgani uchun sekin-astalik bilan teri osti yog‘ qavatlarining o‘sishini kutyapmiz. Nervlar ham anchagina shikastlangani uchun qo‘lda hayotiylik saqlangan, ammo ishlashiga vaqt bor.

 

Abuzar Ravshanjonov

Tergov ketmoqda

Farg‘ona viloyati prokuraturasining Kun.uz’ga ma’lum qilishicha, holat yuzasidan Farg‘ona shahar prokuraturasi tomonidan Jinoyat kodeksining 116-moddasi (Kasb yuzasidan o‘z vazifalarini lozim darajada bajarmaslik) 1-qismi bilan jinoyat ishi qo‘zg‘atilib, dastlabki tergov harakatlari olib borilmoqda.

Jinoyat ishi bo‘yicha bog‘cha mansabdorlari va tarbiyachilaridan hamda ishga aloqador 16 nafar shaxslar guvoh tariqasida so‘roq qilinib, ish materiallariga qo‘shilgan.

Ushbu jinoyat kelib chiqishi, sabablari hamda mutasaddi tashkilot xodimlarining harakatlariga huquqiy baho berish yuzasidan xizmat tekshiruvi o‘tkazish haqidagi taqdimnomalar tegishli idoralarga kiritilgan.

Source link

So‘nggi kunlarda tadbirkorlarga soliq organlari nomidan yuborilayotgan soxta elektron xatlar ko‘paydi. Mutaxassislar bunday xabarlardagi havolalarni bosish yoki fayllarni ochish shaxsiy va bank ma’lumotlarining o‘g‘irlanishiga, hatto hisobdagi mablag‘larni yo‘qotishga olib kelishi mumkinligidan ogohlantirmoqda.

Foto: O‘zbekiston Respublikasi Soliq qo‘mitasi

Ma’lum qilinishicha, Toshkent shahar soliq boshqarmasi hamda yirik soliq to‘lovchilar inspeksiyasi nomidan yuborilayotgan ayrim elektron xatlar rasmiy tizimda ro‘yxatdan o‘tmagan. Ushbu xabarlar ortida firibgarlar turgan bo‘lib, ular orqali qurilmalarga zararli dasturlar yuklanishi, shuningdek, foydalanuvchilarning shaxsiy va moliyaviy ma’lumotlari qo‘lga kiritilishi mumkin.

Qayd etilishicha, ayni shunday holatlar orqali karta ma’lumotlari o‘g‘irlanib, hisobdagi pullarni yechib olish holatlari ham ko‘paymoqda. Shu bois tadbirkorlar har qanday shubhali xat va xabarlarga nisbatan juda ehtiyotkor bo‘lishi kerak.

Eslatilishicha, soliq organlarining barcha rasmiy xabarlari faqat shaxsiy kabinet orqali yuboriladi. Boshqa manbalardan kelgan shubhali xatlarga ishonish, ulardagi havolalarni bosish, fayllarni ochish yoki ma’lumot kiritish xavfli hisoblanadi.

Source link

Janubiy Koreyada vafot etgan o‘zbekistonlik Kim Nozima Akmal qizining o‘limi yuzasidan tarqalayotgan turli tasdiqlanmagan xabarlar ortidan O‘zbekistonning Seuldagi elchixonasi rasmiy munosabat bildirdi. Unga ko‘ra, holat yuzasidan Koreya huquq-tartibot organlari bilan hamkorlikda tergov ishlari olib borilmoqda.

Elchixona ma’lum qilishicha, voqea sodir bo‘lgan kundan buyon Koreya politsiyasi bilan yaqin hamkorlik o‘rnatilgan bo‘lib, tergov jarayonlarining xolis va to‘liq o‘tkazilishi ta’minlanmoqda. Shu maqsadda marhumaning onasi Feruza Alimbekova ham Koreyaga taklif etilgan.

14 aprel kuni Pyontek shahrida marhumaning onasi, uning advokati hamda elchixona xodimlari ishtirokida mahalliy politsiya vakillari bilan uchrashuv o‘tkazildi. Unda tergov jarayoni va qo‘shimcha tekshiruv natijalari haqida ma’lumot berilgan.

Koreya huquq-tartibot organlari dastlabki tergov va sud-tibbiy ekspertiza xulosalariga ko‘ra, marhumaning o‘limida qotillik alomatlari aniqlanmaganini bildirgan. Shuningdek, chuqurlashtirilgan tahlillar natijasida o‘lim holati o‘z joniga qasd qilish tashxisi asosida qayd etilgani ma’lum qilingan.

Ekspertiza jarayonida DNK, qon va barmoq izlari tekshirilgani, tanada zaharli moddalar yoki kuchli zarba izlari aniqlanmagani qayd etilgan. Shuningdek, voqea sodir bo‘lgan joy va tibbiy muassasalardagi kuzatuv kameralari yozuvlari marhumaning yaqinlariga taqdim etilgan.

Koreya politsiyasi ijtimoiy tarmoqlarda tarqalayotgan ayrim suratlar rasmiy tergov doirasida olinmaganini va ularni tarqatish mamlakat qonunchiligiga zid ekanini ta’kidlagan.

Hozirda tergov harakatlari davom etmoqda. O‘zbekistonning Seuldagi elchixonasi mazkur holatni nazoratga olgan bo‘lib, Koreya tomoni bilan hamkorlikni davom ettirmoqda.

Elchixona fuqarolarni marhumaning xotirasini hurmat qilishga va tasdiqlanmagan ma’lumotlarni tarqatmaslikka chaqirdi.

Source link

«O‘zbekneftgaz» AJ tomonidan 2026-yil 1-chorak hamda «Dolzarb 100 kunlik» dasturi doirasida erishilgan natijalarga bag‘ishlangan matbuot anjumani o‘tkazildi.

Qayd etilishicha, «Dolzarb 100 kunlik» dasturi doirasida amalga oshirilgan ishlar o‘zining amaliy samarasini berib, geologiya-qidiruv ishlaridan tortib, burg‘ilash, qazib chiqarish, qayta ishlash, investitsiya siyosati va ijtimoiy himoya yo‘nalishlarigacha bo‘lgan barcha bosqichlarda tizimli o‘zgarishlar kuzatilmoqda.

Dastur doirasida, eng avvalo, moliyaviy barqarorlikni ta’minlash va xarajatlarni maqbullashtirishga alohida e’tibor qaratildi.

Jumladan:

sarf-xarajatlarni tizimli qisqartirish va optimallashtirish natijasida ushbu chorakda 2,5 trln so‘m;
tovar-moddiy resurslar va xizmatlar narxlarini pasaytirish, debitor qarzdorliklarni undirish hamda ishlab chiqaruvchilar bilan to‘g‘ridan-to‘g‘ri muzokaralar olib borish natijasida 1,8 trln so‘m;
sohaga oid bo‘lmagan aktivlarni tasarrufdan chiqarish orqali saqlash xarajatlaridan 30 mlrd so‘m;
qurilish va burg‘ilash loyihalari qiymatini optimallashtirish hisobiga esa yil boshidan 438 mlrd so‘m tejaldi.

Shuningdek, matbuot anjumanida 2026-yilda geologiya-qidiruv ishlari mutlaqo yangi bosqichga ko‘tarili aytilib, zamonaviy 3D seysmik tadqiqotlari asosida yangi istiqbolli maydonlar aniqlanib, zahira bazasi kengaytirilishi ta’kidlandi.

«Respublikadagi kon va maydonlarning chuqur geologik tuzilishini o‘rganish hamda izlov burg‘ilashga yangi stukturalar aniqlash maqsadida jami 10 ming kv.km hajmda 3D seysmik ishlar amalga oshirilishi rejalashtirilgan bo‘lib, bu o‘tgan yilga nisbatan 4 baravar ko‘p.

Shuningdek, yer qa’ridan samarali foydalanish maqsadida 42 ta investitsiya bloki bo‘yicha ruxsatnomalar olindi. Zamonaviy geofizik uskunalarni jalb etish, seysmik tadqiqotlar sifatini oshirish orqali resurs bazasini kengaytirish bo‘yicha ishlar izchil davom ettirilmoqda», – dedi kompaniya  Bosh geologi Nodirbek Muhiddinov.

Ta’kidlanishicha, pudratchilar bilan ilgari tuzilgan shartnomalarni qayta ko‘rib chiqish natijasida narxlarni 20 foizgacha arzonlashtirishga va loyiha-smeta hujjatlarini takomillashtirish va ishlarni bajarish muddatini 3 oyga qisqartirish hisobiga umumiy hisobda 26,3 mlrd so‘m tejamkorlikka ham erishilgan.

Shu bilan birga, joriy yilda kompaniya tarixidagi eng katta burg‘ilash hajmi amalga oshirilishi rejalashtirilgani ham qayd etildi. Jami 102 ta quduq burg‘ilash ko‘zda tutilgan bo‘lib, shundan 57 tasi izlov-qidiruv, 45 tasi esa ishlatish quduqlaridir.

Source link