Dunyodan
Yevropa mudofaa xarajatlarini oshirishi kerak – NATO Bosh kotibi
NATO Bosh kotibi Mark Ryutte Qo’shma Shtatlar Yevropa davlatlariga alyans doirasida mudofaa xarajatlarini oshirish uchun bosimni kuchaytirishini kutmoqda. Uning so‘zlariga ko‘ra, AQSh Davlat kotibi Marko Rubio Myunxen xavfsizlik konferensiyasida Yevropa ittifoqchilaridan mas’uliyatni oshirishga chaqiradi.
Ruttening ta’kidlashicha, Rubio “Yevropa davlatlari NATOda ko’proq yetakchilikni qo’lga kiritishi va ittifoqni yanada “evropalashtirishi” kerakligini aniq targ’ib qilgan”. Shu bilan birga, u AQSh NATOga sodiq qolishiga ishonch bildirdi.
“Bu Qo’shma Shtatlar NATOdagi o’z pozitsiyasini mustahkamlasagina samarali bo’ladi”, – deydi u.
Shimoliy Atlantika Shartnomasi Tashkiloti (NATO) rahbari Yevropa davlatlari mudofaa xarajatlarini “nafaqat Amerika talablari, balki Rossiya tahdidi tufayli” oshirayotganini aytdi.
Janob Ruttening so‘zlari Rossiya-Ukraina urushi ortidan Yevropa xavfsizlik arxitekturasi va NATO doirasida mas’uliyatni qanday taqsimlash masalasi tobora dolzarb bo‘lib borayotgan bir paytda yangradi.