Siyosat
Yaponiya tomonidan Rossiya agressiyasiga qarshi kiritilgan sanksiyalar ko‘lami ma’lum qilindi
Yaponiya Rossiyaning Ukrainaga bosqinini to‘xtatish, adolatli va barqaror tinchlikni o‘rnatish maqsadida sanksiyalar qo‘llamoqda. Bu haqda Yaponiya tashqi ishlar vazirligi mulozimi Xabar.uz muxbiriga ma’lum qildi.
«2025-yil sentyabr oyi holatiga ko‘ra, 1017 ta jismoniy shaxs, 370 ta tashkilot, 17 ta bank kabi Rossiya sub’yektlari mablag‘lari muzlatilgan. 561 ta tashkilot eksportiga taqiq qo‘yilgan. Shuningdek, uchinchi davlatlardagi (14 mamlakat va bitta mintaqa) bir qator sub’yektlarga ham mablag‘ni muzlatish va eksport taqiqi choralari tatbiq etilgan», – deydi TIV vakili.
Sanksiyalar xronologiyasiga e’tibor qaratilsa, 2022-yil fevral oyida Ukraina urushi boshlanganidayoq Rossiyaning bir qator davlat amaldorlari, jumladan, prezident Vladimir Putin va tashqi ishlar vaziri Sergey Lavrov, oligarxlar, harbiylarga tegishli mablag‘lar muzlatilgan. Moliyaviy sanksiyalar qo‘llangan, Rossiyadan muayyan mahsulotlar eksporti man etilgan.
2022-yil apreldan keyin energetika sektorida Rossiyaga qaramlikni kamaytirish maqsadida rasmiy Tokio rus ko‘miri va nefti importidan bosqichma-bosqich voz kechishga kirishgan. Rossiyadan muayyan tovarlar importi man etilgan.
2025-yil sentyabr oyidan sanksiyalarni aylanib o‘tishga urinishlarning oldini olish maqsadida uchinchi davlatlardagi tashkilotlarga qarshi choralar ko‘rila boshlagan. Shuningdek, yana boshqa qator ta’sir usullari tatbiq etilmoqda.
Qayd etilishicha, Yaponiya sanksiyalar bo‘yicha xalqaro hamjamiyat bilan hamkorlik qilar ekan, Ukraina muammosini hal etishga o‘z hissasini qo‘shishni istaydi.
Rossiya bosqini boshlangan ilk kezlardayoq rasmiy Tokio Ukraina suvereniteti va hududiy yaxlitligi buzilishi, xalqaro huquq hamda BMT Nizomi poymol etilishini keskin qoralagan hamda Kremldan hujumni zudlik bilan to‘xtatish va o‘z qo‘shinini Rossiya hududiga qaytarishni talab qilgan.
Yaponiya Rossiyaga qarshi sanksiyalar bo‘yicha xalqaro hamjamiyat, xususan, «Katta yettilik» davlatlari bilan yaqindan hamkorlik qilib keladi.
Yaponiya Ukrainaga moliyaviy, iqtisodiy, texnik va gumanitar yo‘nalishlarda ham ko‘mak ko‘rsatmoqda. Siyosiy va diplomatik dastak orqali esa rasmiy Tokio xalqaro huquq ustuvorligi prinsipini ilgari surmoqda.
Kunchiqar o‘lka Ukrainani tiklash va rekonstruksiya qilish bo‘yicha sa’y-harakatlarni faollashtirish niyatini ham bildirgan.
O‘zbekiston Respublikasi Prezidenti Shavkat Mirziyoyev davlat tashrifi bilan Tbilisi shahriga keldi.
Shota Rustaveli nomidagi xalqaro aeroportda davlatimiz rahbarini Gruziya Bosh vazirining o‘rinbosari, tashqi ishlar vaziri Maka Bochorishvili hamda boshqa rasmiylar kutib oldi.
Oliy martabali mehmon sharafiga ikki mamlakatning davlat bayroqlari ko‘tarildi va faxriy qorovul saf tortdi.
Bugun Gruziya Prezidenti Mixail Kavelashvili bilan muzokaralar bo‘lib o‘tadi. Ertaga, 3-iyul kuni O‘zbekiston yetakchisi Gruziya Bosh vaziri Irakliy Kobaxidze bilan uchrashuvlar o‘tkazadi.
Prezident Shavkat Mirziyoyev Gruziyaga davlat tashrifi doirasida 3 iyul kuni Tbilisi shahridagi Qahramonlar maydoniga tashrif buyurdi.
Davlat rahbari sharafiga faxriy qorovul saf tortdi.
Shavkat Mirziyoyev Gruziya birligi uchun halok bo‘lgan qahramonlar yodgorligi poyiga gulchambar qo‘ydi. Harbiy orkestr ijrosida O‘zbekiston va Gruziya davlat madhiyalari yangradi.
Avvalroq Tbilisidagi Orbeliani saroyida Shavkat Mirziyoyev va Gruziya prezidenti Mixail Kavelashvilining muzokaralari bo‘lib o‘tgandi.
O‘zbekiston Respublikasi Prezidenti Shavkat Mirziyoyev va Gruziya Bosh vaziri Irakliy Kobaxidze tor doirada hamda rasmiy delegatsiyalar ishtirokida muzokaralar o‘tkazib, ikki mamlakat o‘rtasidagi hamkorlikni yanada kengaytirishga qaratilgan qator muhim kelishuvlarga erishdilar.
Muzokaralar davomida O‘zbekistonning Gruziyadagi elchixonasini ta’sis etish to‘g‘risida qaror qabul qilindi. Shuningdek, erishilgan kelishuvlarning ijrosini ta’minlash maqsadida qo‘shma «yo‘l xaritasi» ishlab chiqiladi.
Tomonlar savdo-iqtisodiy, investitsiya, transport-tranzit, sanoat kooperatsiyasi, energetika, qishloq xo‘jaligi, farmatsevtika, axborot texnologiyalari, turizm va madaniy-gumanitar sohalardagi hamkorlikni yangi bosqichga olib chiqishga kelishib oldilar.
Qayd etilishicha, o‘tgan yili O‘zbekiston va Gruziya o‘rtasidagi tovar ayirboshlash hajmi 270 million dollarni tashkil etgan. Tomonlar yaqin yillarda ushbu ko‘rsatkichni 1 milliard dollarga yetkazishni maqsad qilgan.
Uchrashuvda transport-tranzit sohasiga ham alohida e’tibor qaratildi. Xususan, Poti va Batumi portlari infratuzilmasidan yanada faol foydalanish, Gruziyada O‘zbekiston logistika xabini tashkil etish hamda «Boku – Tbilisi – Kars» temir yo‘lini «Xitoy – Qirg‘iziston – O‘zbekiston» temir yo‘l magistrali bilan bog‘lash imkoniyatlarini o‘rganish masalalari muhokama qilindi.
Shuningdek, qo‘shma biznes forumi yakunlari yuqori baholandi va 2027-yilgacha mo‘ljallangan sanoat kooperatsiyasi dasturi imzolangani qayd etildi.
Prezident Shavkat Mirziyoyevning Gruziyaga davlat tashrifi doirasidagi tadbirlar yakuniga yetdi. Shota Rustaveli nomidagi xalqaro aeroportda oliy martabali mehmonni Gruziya Bosh vaziri Irakliy Kobaxidze kuzatib qo‘ydi.
Tbilisi shahrida davlatimiz rahbari Gruziya Prezidenti Mixail Kavelashvili va Bosh vaziri Irakliy Kobaxidze bilan muzokaralar o‘tkazdi.
O‘zbekiston – Gruziya do‘stlik va ko‘p qirrali hamkorlik munosabatlarini yanada mustahkamlash hamda siyosiy, savdo-iqtisodiy, investitsiyaviy, transport-tranzit, turizm hamda madaniy-gumanitar sohalardagi amaliy hamkorlikni kengaytirishning muhim masalalari ko‘rib chiqildi.
Muzokaralar yakunida Strategik sheriklik munosabatlarini o‘rnatish to‘g‘risidagi deklaratsiya imzolandi. Bundan tashqari, ustuvor yo‘nalishlardagi hamkorlikni yanada rivojlantirishga qaratilgan ikki tomonlama hujjatlarning salmoqli to‘plami almashildi.
Orbeliani saroyida O‘zbekiston yetakchisiga Gruziyaning oliy davlat mukofoti – “Oltin mo‘yna” ordenini tantanali topshirish marosimi bo‘lib o‘tdi.
Shuningdek, davlatimiz rahbari Tbilisi shahrida buyuk shoir va mutafakkir Alisher Navoiy haykalining ochilish marosimida ishtirok etdi.
Davlat tashrifi yakunlangach, O‘zbekiston Prezidenti Toshkent shahriga jo‘nab ketdi.
Siyosat
Irakliy Kobaxidze Shavkat Mirziyoyevni «O‘zbekistonni rivojlantirishga to‘liq o‘zini bag‘ishlagan chinakam rahbar» deb atadi
Prezident Shavkat Mirziyoyevning Gruziyaga amalga oshirgan tarixiy tashrifi yakunlandi.
Davlat rahbarini aeroportda kuzatish chog‘ida jurnalist Jahongir Olimov Gruziya Bosh vaziri Irakliy Kobaxidzedan eksklyuziv intervyu oldi.
Irakliy Kobaxidze oliy darajadagi muzokaralar hamda ularning natijalariga to‘xtaldi. Hukumat rahbari, shuningdek, global miqyosda siyosiy yetakchilar tanqisligi kuzatilayotgan bir paytda, O‘zbekiston buyuk rahbarga ega ekanini alohida ta’kidladi.
«Dunyoda rahbarlar tanqisligi bor, ammo O‘zbekistonda buyuk bir yetakchi bor. U O‘zbekistonni rivojlantirishga to‘liq o‘zini bag‘ishlagan chinakam rahbar. Uning ulkan yutuqlari o‘zining shaxsiy yetakchiligi samarasi», — dedi Gruziya Bosh vaziri.
Eslatib o‘tamiz, O‘zbekiston prezidenti Tbilisiga so‘nggi 23 yilda ilk bor tashrif buyurdi. Gruziya va O‘zbekiston o‘rtasida Strategik sherikchilik bo‘yicha shartnoma imzolandi.
Shavkat Mirziyoyev Tbilisi shahriga yetib bordi
Mustaqillik to‘yi» xalqimizni yanada birlashtirmoqda
Ikki nafar futbolchimiz Portugaliyaning “Braga” klubiga o‘tdi
-
Siyosat2 days agoO‘zbekiston va Gruziya strategik sheriklik deklaratsiyasini imzoladi
-
Dunyodan3 days ago
NATO davlatlari Rossiyadan xavotirda…
-
Jamiyat4 days agoSog‘liqni saqlash vaziri korrupsiyaga qarshi murojaat bilan chiqdi
-
Sport4 days agoJCh kundaligi. Mbappe Messini ta’qib qilmoqda
-
Jamiyat4 days agoGaz ta’minoti va kadastr tizimida korrupsion jinoyatlar aniqlandi
-
Siyosat2 days agoShavkat Mirziyoyev Gruziyaning oliy milliy mukofoti bilan taqdirlandi
-
Jamiyat5 days agoNavoiyda 7 yoshli bolaga yuk mashinasi boshqaruvini bergan shaxsga chora ko‘rildi
-
Jamiyat2 days agoO‘zbekistonda ayollar umr ko‘rish bo‘yicha erkaklardan oldinda