Yangi tartibga ko‘ra, ishlab chiqarilganiga 30 yildan oshgan transport vositalari egalaridan bozor narxida baholanib, xarid qilinadi. Avtomobil egalariga yangi avtomobilning boshlang‘ich to‘lovi uchun elektron vaucher taqdim etish yoki vaucher summasini naqdlashtirib berish taklif etiladi.

2026 yildan boshlab ishlab chiqarilganiga 30 yil va undan ortiq bo‘lgan avtomobillarni bozor narxida sotib olish va utilizatsiya qilish tizimi yo‘lga qo‘yiladi. 

Yangi tartibga ko‘ra, ishlab chiqarilganiga 30 yildan oshgan transport vositalari egalaridan bozor narxida baholanib, xarid qilinadi. Avtomobil egalari bilan hisob-kitob qilish jarayonida yangi avtomobilning boshlang‘ich to‘lovi uchun elektron vaucher taqdim etish yoki vaucher summasini pulga aylantirib berish taklif etiladi.

Iste’molchi ushbu vaucher orqali O‘zbekistonda ishlab chiqarilgan yangi avtomobillarni imtiyozli shartlarda xarid qilishi mumkin bo‘ladi. Bunda vaucherdagi mablag‘ chegirma sifatida hisoblanib, qolgan to‘lovni bir yildan ortiq muddatga bo‘lib to‘lash imkoni yaratiladi.

Eski avtomashinasini o‘z vaqtida utilizatsiyaga topshirmagan fuqarolar yiliga bir marotaba bazaviy hisoblash miqdorining 30 barobari miqdorida ekologik kompensatsiya to‘laydi.

Source link

U tanishining uch ming dollar pulini sanash jarayonini videoga olib Instagramga joylashtirishini aytib, undan ushbu pullarni olgan va 1,5 ming dollarini o‘zida bo‘lgan qalbaki 1,5 ming dollarga almashtirib qo‘ygan.

Foto: Prokuratura departamenti

Sirdaryo viloyatida yashovchi ayol tanishining 1500 dollarini qalbaki kupyuralarga almashtirib qo‘ygani aniqlandi. 

Xabar qilinishicha, Bosh prokuratura huzuridagi Departamentining Boyovut tumani bo‘limi tomonidan o‘tkazilgan tergovga qadar tekshiruvda fuqaro A.T. tanishi M.Q.da 3 000 AQSh dollari borligini bilib, sanash jarayonini videotasvirga tushirishi va Instagram sahifasiga joylashtirishini aytib, undan ushbu pullarni olgan.

Keyin esa 1 500 AQSh dollarini o‘zida bo‘lgan qalbaki 1 500 AQSh dollariga almashtirib qo‘yganligi aniqlangan.

Mazkur holat yuzasidan Jinoyat kodeksining 168- va 176-moddalari bilan jinoyat ishi qo‘zg‘atilib, tergov harakatlari o‘tkazilmoqda.

Source link

Ushbu holat aks etgan video ijtimoiy tarmoqlarda tarqalib, keng muhokamalarga sabab bo‘lgandi.

Toshkent viloyatida Cobalt rusumli avtomobilda yo‘l chetidagi qizlarga nisbatan axloqsiz xatti-harakat qilgan ikki yigitga ma’muriy qamoq jazosi tayinlandi.

Qayd etilishicha, holat Toshkent viloyatining Qibray tumanida sodir bo‘lgan. Tuman ichki ishlar boshqarmasi xodimlari tomonidan transport vositasida bo‘lganlarning shaxsi aniqlangan va jazo choralari ko‘rilgan.

Mazkur shaxslarga nisbatan Ma’muriy javobgarlik to‘g‘risidagi kodeksning 183-moddasi bilan hujjatlar rasmiylashtirilib, transport vositasi haydovchisi hamda uning yo‘lovchisiga nisbatan besh sutka ma’muriy qamoq jazosi tayinlangan

Source link

Fedinning o‘zi esa O‘rmon agentligiga ishga olinadi va dendrologiya bog‘i hududida u uchun uy-joy barpo qilinadi.

Foto: Ekologiya qo‘mitasi

Ekologiya va iqlim o‘zgarishi milliy qo‘mitasi raisi Aziz Abduhakimov Surxondaryo viloyati Jarqo‘rg‘on tumanida ekologiya fidoyisi Aleksandr Fedin bilan uchrashib, «Oqtepa» suv ombori hududida yaratilgan bog‘ni ko‘zdan kechirdi.

Abduhakimov muloqot davomida Fedin davlat himoyasida ekanligi hamda Ekologiya qo‘mitasi tizimidagi O‘rmon agentligiga ishga olinishini ta’kidladi.

Uning so‘zlariga ko‘ra, uzoq yillar davomida noyob daraxtzorga aylantirilgan, yovvoyi hayvonlar, qushlar va boshqa bioxilma-xillik obektlari mavjud bo‘lgan ushbu yer maydonida “Dendrologiya bog‘i” tashkil etiladi.

Shuningdek, Fedin uchun dendrologiya bog‘i hududida zarur qulayliklarga ega kichik uy-joy ham barpo qilinadi.

Bog‘ xodimlariga esa kerakli shart-sharoitlar yaratiladi, xususan, ular kvadrosikllar bilan ta’minlanadi.

Avvalroq shoir va jurnalist Fozil Farhod ijtimoiy tarmoqlardagi sahifalarida Surxondaryo viloyati Jarqo‘rg‘on tumani «Oqtepa» suv ombori yaqinidagi o‘rmonni barpo qilgan Aleksandr Fedinni ko‘rishga borgani, ammo o‘rmon undan olib qo‘yilgani, o‘zi viloyat ruhiy kasalliklar shifoxonasida qolayotgani haqida xabar berib, jamoatchilikni bu holatga e’tibor qaratishga chaqirgandi.

Source link

Namangan viloyati To‘raqo‘rg‘on tumanida yashovchi 75 yoshli Zohida Karimova nazariy va amaliy imtihonlarni birinchi urinishda muvaffaqiyatli topshirdi va shu yoshida haydovchilik guvohnomasiga ega bo‘ldi.

“Endi menda ham “prava” bor. Yaqinda yangi mashina sotib olmoqchiman”, – deydi onaxon xursandchiligini yashira olmay.

Zohida Karimova haydovchilik guvohnomasini olishga qachon qaror qilgani haqida aytib berdi:

“O‘tgan yili ish bilan Toshkentga bordim. Taksiga chiqay deb qo‘limni ko‘tarsam menga o‘xshagan yoshi ulug‘ ayol kelib to‘xtadi. Haydovchi ayol 86 yoshda ekan. Uning shu yoshda ham hech bir qiyinchiliklarsiz mashina boshqarganini ko‘rib havasim keldi. Men ham “prava” olaman deb niyat qildim o‘zimcha. Mana, niyatimga yetib turibman. To‘raqo‘rg‘on tumani Vatanparvar tashkilotida o‘qib bir urinishda “prava”li ham bo‘ldim.

Mana “prava”ni oldik. Reja “minimum” bajarildi, endi orzuning “maksimum”ini bajaramiz. Bu nima degani? Xudo xohlasa, yangi mashina olishni niyat qilib qo‘ydim, umid qilyapman. Har doim Allohim niyatlarimga yetkazgan, albatta bunga ham yetaman deb niyat qilaman, Allohdan so‘rayman.

Harakat qilsangiz, astoydil intilsangiz odam qilgan ish ekan, bo‘laverar ekan. Mana bir martada ham amaliy, ham nazariy imtihondan muvaffaqiyatli o‘tdim. Hamma hayron qolib, qoyil onaxon deyishyapti. Inson tirik ekan yashash kerak, bor imkoniyatlardan foydalanish kerak.

Bir urinishdayoq imtihondan o‘tganimni ko‘rgan “prava” ololmay yurgan bolalar hayron bo‘lishyapti. “Endi biz ham astoydil harakat qilamiz, siz olganda, biz ham “prava”olamiz” deb harakatga tushib qolishdi.

1969 yilda maktabni bitirib Namangan Davlat Universitetining Matematika fakultetiga o‘qishga kirganman. 38 yil maorif sohasida ishladim. Turmush o‘rtog‘im vafot etib ketganlar, ikki nafar farzandim bor. Agar turmush o‘rtog‘im bo‘lganlarida edi yonimdagi o‘rindiqqa o‘tqazib olib shahar aylantirib yurgan bo‘lar edim”, – deydi 75 yoshida haydovchilik guvohnomasi olgan Zohida Karimova.

Source link