Mahalliy
Toshkentdagi School 21 o‘z faoliyatining bir yilligini nishonladi
Joriy yilning 2 oktyabr sanasida Toshkent shahridagi School 21 raqamli texnologiyalar maktabi tashkil topganligining bir yilligi keng nishonlandi. O‘tgan bir yil mobaynida minglab insonlar o‘zlarini IT sohasida bepul sinab ko‘rishga erishdilar, ular uchun maktab yangi kasb va yangi imkoniyatlar uchun haqiqiy portalga aylandi. Aynan shuning uchun bayram «IT olamiga portal» konsepsiyasi ostida o‘tib, maktab ishtirokchilari, Raqamli texnologiyalar vazirligi vakillari, mahalliy va xalqaro kompaniyalar hamkorlari, shuningdek, School 21 do‘stlarini birlashtirdi.
Video na YouTube – (ssilka skoro poyavitsya)
Marosimda maktab jamoasi yil yakunini sarhisob qilishdi. Ma’lum bo‘lishicha, bu davrda kampusga 45 mingdan ortiq ariza kelib tushgan, 5000 dan ortiq kishi saralash intensivlari – «hovuz»dan o‘tgan. Maktab tashqi tadbirlarda faol ishtirok etish bilan birga, o‘z ideatonlari, xakatonlari va mahorat darslarini o‘tkazdi. Joriy yilda Toshkent kampusida robototexnika laboratoriyasi ishga tushirildi, unda ishtirokchilar yangi texnologik yechimlarni yaratish va sinovdan o‘tkazish imkoniga ega bo‘lishadi, laboratoriya bazasida esa Launch Lab 21 talabalar loyihalari akseleratori ishga tushirilmoqda.
Ta’kidlash lozimki, o‘tgan vaqt mobaynida hamkor kompaniya va OTM lar soni 80 nafarga yetdi, o‘nlab ishtirokchilar milliy va xalqaro tashkilotlarda dastlabki amaliyotlarini o‘tashni boshlashdi – bu ko‘pchilik uchun kelajak kasbi sari qo‘yilgan ishonchli qadam bo‘ldi. Shuningdek, tadbir davomida ishtirokchilar bugungi kunda rivojlantirayotgan startaplari haqidagi taqdimot bilan sahnaga chiqishdii. Ular orasida bolalar uchun «Step to the moon» onlayn ta’lim platformasi, jonivorlarga g‘amxo‘rlik qilish va uy hayvonlarini izlashga mo‘ljallangan «PetLink» ilovasi, ma’ruzachilarning taqdimotlari va transkripsiyalarini turli tillarga tarjima qilish uchun «MultiTarj» xizmati va boshqalar mavjud.
Zarina Luxmanova, School 21 ijrochi direktori:
«School 21 – bu maktabni qo‘llab-quvvatlaydigan va uning missiyasiga ishonadigan barcha xodimlar, ishtirokchilar va hamkorlardan iborat katta jamoadir. Ushbu jamoa bilan birgalikdagi sa’y-harakatlarimiz tufayli bugun haqiqiy natijalarni ko‘rmoqdamiz: o‘n minglab arizalar, yangi loyihalar, amaliyotlar va ishtirokchilar yutuqlari shular jumlasidandir. Shularni inobatga olib, bugun biz tashabbuslarni birgalikda amalga oshirayotgan hamkorlarimizga minnatdorchilik bildirdik va oltita nominatsiya bo‘yicha eng shijoatli ishtirokchilarni taqdirladik. Bu barchaning sa’y-harakatlari behuda emasligi va birgalikda yanada ko‘proq narsaga qodir ekanligimizning isbotidir».
Bayramning asosiy qismi maktab ekotizimini rivojlantirishga salmoqli hissa qo‘shayotgan School 21 hamkorlariga mukofotlar topshirish, shuningdek, klub yetakchilari, volontyorlar, ambassadorlar, loyiha yaratuvchilar, eng faol va intiluvchan ishtirokchilarni taqdirlashdan iborat bo‘ldi.
Zulfizar Maxkamova, «Yil piri» nominatsiyasi g‘olibi:
«To‘g‘risini aytsam, maktab mukofotining bosh nominatsiyasini qo‘lga kiritaman deb o‘ylamagandim, chunki School 21da bilimli, shijoatli va yorqin ishtirokchilar juda ko‘p. O‘ylashimcha, ishtirokchilar mening faolligimga ovoz berishdi, chunki men volontyorlik loyihalarida, tadbirlarda ishtirok etyapman, qolaversa, hozirda traybmasterlik vazifasini bajaryapman».
Tushlikdan so‘ng barcha xohishiga qarab o‘zini turli o‘yinlar va do‘stona turnirlarda sinab ko‘rish, raqsga tushish, qo‘shiq aytish, mahorat darslarida qatnashish, kampus klublari bilan tanishish va sport dasturlash bo‘yicha bellashish imkoniga ega bo‘lishdi. Kun asosiy ta’lim ishtirokchilari o‘rtasidagi jamoaviy turnir, bayram torti va DJ bilan yakunlandi.
Dilshodbek Sarimsoqov, asosiy ta’lim ishtirokchisi, robototexnika klubi yetakchisi:
«Bayram maroqli lahzalarga boy bo‘ldi, chunki turli tadbirlar, loyihalar va insonlar bir yerga jamlangan! Bizning robototexnika klubimiz a’zolari mehmonlarga klubimizda yig‘ilgan robotlarni namoyish etishdi. Ular orasida itlar, kamerali va kamerasiz mashinalar va boshqalarni ko‘rish mumkin. Biz uchun bu yutuqlarimiz bilan o‘rtoqlashish, tadbir ishtirokchilarini muhandislik va robototexnika sohasida o‘zlarini sinab ko‘rishga ilhomlantirish imkonini berdi».
Toshkentdagi School 21 maktabi tashkil topganligining bir yilligi bilim, birdamlik va yangi imkoniyatlar bayramiga aylandi. Ushbu kun maktabning IT kompaniyalari, jamoalar, sohada karera qurayotganlar uchun e’tiborga molik markazga va O‘zbekiston raqamli ekotizimining muhim vositasiga aylanganini yana bir karra namoyon etdi.
School 21 a’zosi bo‘lishni va IT sohasida o‘z kuchini sinab ko‘rishni istaganlarni saralash «hovuzi»ga taklif qilamiz. Uning eng yaxshi ishtirokchilari xohishlariga qarab, o‘rtacha 9 oydan 2 yilgacha davom etadigan asosiy ta’lim bosqichiga qabul qilinadi.
Navbatdagi saralash «hovuzlari» sanalari:
Toshkent – 10 noyabr, arizalar 5 noyabrgacha qabul qilinadi
Samarqand – 10 noyabr, arizalar 5 noyabrgacha qabul qilinadi
21-school.uz havolasi orqali o‘qish uchun ariza topshirish mumkin.
Samarqand
📧 samarkand@21-school.uz
📞 +998930394442
📍 Samarqand, Ibn Sino ko‘chasi, 17a
Toshkent
📧 tashkent@21-school.uz
📞 +998 93 039 4447
📍 Toshkent, Ziyolilar ko‘chasi, 13
Mahalliy
O‘zbekistonda bazaviy va tabaqalashtirilgan kontrakt mablag‘larini to‘lash muddati uzaytirildi
Oliy ta’lim, fan va innovatsiyalar vazirligining tegishli bayoni bilan quyidagi toifadagi fuqarolar uchun to‘lov-kontrakt muddatlari uzaytirildi:
bakalavriat va magistraturada bugungi kunga qadar darslarda qatnashib, yakuniy imtihonlarni muvaffaqiyatli topshirgan abituriyentlar (birinchi bosqich);
o‘qishi ko‘chirilgan (ko‘chirib tiklangan) va qayta tiklangan talabalar.
Ular uchun bazaviy va tabaqalashtirilgan to‘lov-kontraktning bir yillik o‘qitish qiymatining 100 foizini to‘lash hamda talabalar safiga qabul qilishni rasmiylashtirishning so‘nggi muddati 2026 yil 10 iyunga qadar (shu kuni ham) uzaytirildi.
Amaldagi tartibga ko‘ra, ikkinchi va undan yuqori bosqich talabalar kontraktini to‘lash muddati oliy ta’lim tashkilotlari rahbari tomonidan uzaytirilishi mumkin.
Butun dunyo bo‘ylab millionlab o‘quvchilar may oyining so‘nggida o‘ziga xos hissiyotlar domiga tushadi. Bir tarafdan — kelajakka bo‘lgan intilish, ikkinchi tarafdan esa jonajon maktab, o‘qituvchilar va bolalikning beg‘ubor lahzalari bilan vidolashuv og‘rig‘i.
Ammo hech o‘ylab ko‘rganmisiz, har tanaffusda jiringlab bizni voyaga yetkazgan va bugun oxirgi bor chalinayotgan «so‘nggi qo‘ng‘iroq» aslida qaydan paydo bo‘lgan va nima uchun u shunchalik sehrli kuchga ega?
Biz o‘ylagan qo‘ng‘iroq tarixi aslida qadimgi yunon faylasufi Aflotun davriga borib taqaladi. Ilgari idishdan idishga oqayotgan suv bosimi ostida naydan chiqqan tovush o‘quvchilarni darsga chaqirgan. Bu texnikaning ta’limga kirib kelishidagi ilk qadami edi.
Biroq, tizimlashtirilgan darslar va ularning boshlanish-yakunlanish tartibini XVII asrda chex pedagogi Yan Amos Komenskiy o‘rnatgan. Aynan u ta’lim jarayonini ritmga solgan inson sifatida tarixda qoldi.
1948-yilda Rossiyaning Krasnodar o‘lkasidagi 182-maktab direktori Fyodor Bryuxovetskiy tarixda birinchi marta «so‘nggi qo‘ng‘iroq»ni alohida bayram sifatida nishonlashni taklif qildi. Bryuxovetskiy nafaqat so‘nggi qo‘ng‘iroq, balki biz bugun odatiy hol deb biladigan:
«Bilimlar kuni» (1-sentyabr);
«Alifbo bayrami»;
Maktabdagi navbatchilik tizimi kabi an’analarning ham asoschichidir.
Uning maqsadi oddiy edi: maktabni shunchaki «ta’lim oladigan joy» emas, balki har bir bola o‘z o‘rnini topadigan, xotiralar shakllanadigan katta oilaga aylantirish.
Dunyo bo‘ylab bu kun turlicha nishonlanadi:
Germaniyada bitiruvchilar imtihonlaridan so‘ng o‘ziga xos «oxirgi hafta» tashkil qilishadi. Bu yerda so‘nggi qo‘ng‘iroqdan ko‘ra, o‘quvchilarning o‘qituvchilar ustidan hazil-mutoyibasi va «parad»lari mashhur.
Yaponiyada «So‘nggi qo‘ng‘iroq» — bu g‘amginlik va hurmat ramzi. O‘quvchilar formalaridan bitta tugmachani (ko‘pincha yurakka yaqin joydagi) sevgan yoki qadrlagan insoniga sovg‘a qilish an’anasi bor.
O‘zbekistonda esa bu kun milliy urf-odatlar, «Xayr, maktabim» deya aytilgan qo‘shiqlar va bitiruvchilarning ko‘zidagi yosh bilan qorishib ketgan katta tantanaga aylandi.
Psixologlarning fikricha, «so‘nggi qo‘ng‘iroq» — bu inson hayotidagi birinchi katta «marra chizig‘i». Bu yoshlikning tugab, mas’uliyatli katta hayot boshlanishini anglatuvchi psixologik signaldir.
Mazkur qo‘ng‘iroq faqat maktabni emas, balki insonning o‘tmishdagi «men»ini ham ortda qoldirib, kelajakdagi mustaqil shaxsga yo‘l ochadi. Shu bois ham, yillar o‘tsa-da, o‘sha qo‘ng‘iroq sadosi qulog‘imizda yangraganda, ichimizda nimadir titraydi.
Maktab qo‘ng‘irog‘i — bu shunchaki signal emas, u avlodlarni birlashtiruvchi, insonni ulg‘aytiruvchi va xotiralarimizni muhrlovchi tarix sadosidir. Siz o‘z maktabingizdagi «so‘nggi qo‘ng‘iroq»ni qanday eslaysiz?
Ertaga, 25-may kuni davlat tashkilotlari va idoralari xodimlari uchun navbatdagi «Avtomobilsiz kun» aksiyasi o‘tkaziladi. Ushbu kunda xizmat avtotransport vositalaridan foydalanish qat’iyan taqiqlanadi.
Mazkur cheklov 2026-yil 25-martda qabul qilingan «Atmosfera havosi sifatini yaxshilashga qaratilgan “Toza havo” umumilliy loyihasini amalga oshirish bo‘yicha chora-tadbirlar to‘g‘risida»gi 46-sonli farmon talablariga asoslanadi. Hujjatga muvofiq, har oyning 10 va 25-sanalarida mamlakatimizda «Avtomobilsiz kun» va «Avtomobilsiz hafta» aksiyalarini tashkil etish belgilangan.
Farmon talablariga rioya qilmagan va belgilangan kunlarda xizmat avtotransportidan foydalangan davlat xizmatchilariga nisbatan intizomiy choralar ko‘rilishi mumkin.
Agar aksiya sanasi ish kuniga to‘g‘ri keladigan bo‘lsa, xizmatda bo‘lgan haydovchilarning ish haqi to‘liq saqlab qolinadi.
Aksiyaning asosiy maqsadi — shaharlarda atmosfera havosi sifatini yaxshilash, tirbandliklarni kamaytirish hamda aholi o‘rtasida ekologik madaniyatni shakllantirishdan iborat.
Mas’ul idoralar xodimlaridan ushbu talablarga amal qilishlari hamda belgilangan kunlarda ish joyiga yetib olish uchun alternativ transport vositalaridan foydalanishlari so‘raladi.
Vazirlar Mahkamasining 2022-yil 1-iyundagi 295-son qarori bilan tasdiqlangan Ma’muriy reglament asosida amalga oshirilayotgan o‘quvchilarni bir maktabdan boshqasiga ko‘chirish bo‘yicha davlat xizmati vaqtincha to‘xtatiladi.
Ma’lum qilinishicha, mazkur xizmat 2026-yil 26-maydan 31-iyulga qadar ishlamaydi. Bu davrda umumiy o‘rta ta’lim muassasalarini yangi o‘quv yiliga tayyorlash va o‘quvchilarni sinfdan sinfga o‘tkazish jarayonlari amalga oshiriladi.
Shu munosabat bilan «erp.maktab.uz» elektron platformasi orqali maktab almashtirish bo‘yicha arizalar qabul qilinmaydi.
Ma’lum qilishicha, ushbu muddat ichida elektron platformada yangi o‘quv yili uchun texnik va tashkiliy ishlar olib boriladi.
Ma’lumotga ko‘ra, o‘quvchilarni bir maktabdan boshqasiga ko‘chirish bo‘yicha davlat xizmati 2026-yil 1-avgustdan qayta ishga tushiriladi.
Bolalar kichikligida juda ko‘p savollar beradi. Ba’zida savollari shu qadar murakkab bo‘ladiki, aksariyat ota-onalar javob bera olmaydilar yoki qisqa, mazmunsiz javob bilan qutilib qo‘ya qoladilar. Mana shunaqa payt bolalar kitoblari yordamga keladi.
Bolalar beradigan qiziq savollarni qarang:
Podshoh qanday paydo bo‘ladi, men ham istasam podshoh bo‘la olamanmi?
Nega kimdur avtobusda yuradi, kimdur mashina haydaydi?
Nega ko‘l balchiq emas?
Kim xaritada mamlakatlarni bo‘lib chiqqan?
Nega biz o‘zbekmiz?
Siz kichkina bo‘lganingizda men qayerda edim?
Nega daraxtlarning oyog‘i (ildizi) bo‘lsa-da bir joyda turaveradi?
Nega dinozavrlar hozir yo‘q?
So‘zlarni kim o‘ylab topgan?
Bir qarashda bolaning bunday savollariga javob bersa bo‘ladi, ya’ni shunchaki, lekin bu chindan yaxshi, savodli, qiziq va haqiqiy javob hisoblanadimi?
Bolalar kitobini izlayotganimda, yozayotganimda kichkintoyning mana shu kabi savollaridan bittasiga javob bera olishini istayman. Shunda ota-ona uchun ham, bola uchun ham foydali bo‘ladi, deb o‘ylayman.
Kitob ota-ona va bola orasidagi suhbatga sababchi bo‘lishi kerak. Bu yerda eng muhimi, suhbat ota-onaga muhim emas, balki bolani qiziqtiradigan mavzuda bo‘lishi kerak.
Shuning uchun “yomon bo‘lsang, jazosini olasan” mavzudagi kitoblarni yoqtirmayman. Chunki bola yomon bo‘lish niyatida xato qilmaydi yoki qiziqishlari yomonlik ustiga qurilgan bo‘lmaydi, bu ota-onaning dardi. Bola faqat va faqat dunyoni, odamlarni, o‘zini bilishga qiziqadi. Shu yo‘lda savollari va qiziqishlari cheksiz bo‘ladi. Kattalar farzandlarining shunday savollariga to‘g‘ri javob berishsa, bola uchun nafaqat manfaatli, ular nima yaxshi yoki yomon ekanligini anglaydi.
Sizning ham farzandingiz qiziq, noodatiy yoki g‘alati savollar berganmi? Shunday paytda siz qanday yo‘l tutasiz?
Dinara Mo‘minova, bolalar yozuvchisi
Haftalik ob-havo ma’lumoti: harorat 38 darajagacha oshadi
Qurbon hayiti namozi vaqtlari e’lon qilindi
Tadbirkorlar kredit olishida yangi tizim yo‘lga qo‘yiladi
-
Siyosat4 days agoBirlashgan Millatlar Tashkiloti Bosh Assambleyasi Markaziy Osiyodagi chegaralarni tinch yoʻl bilan tartibga solish boʻyicha rezolyutsiyani qabul qildi
-
Jamiyat4 days ago
Kontent markazida «Yurt qayg‘usida 365 kun» nomli kitob taqdimoti bo‘lib o‘tdi
-
Siyosat4 days ago
Shavkat Mirziyoyev YeXHT bosh kotibini qabul qildi
-
Dunyodan2 days agoPrezident Trampning Gʻazo boʻyicha 15 banddan iborat rejasi eʼlon qilindi
-
Iqtisodiyot4 days ago
O‘zbekistonda IPO investorlari huquqini himoya qilish bo‘yicha qonun ishlab chiqilmoqda
-
Iqtisodiyot3 days ago
O‘zbekistonda har 100 ta uyga nechta kompyuter to‘g‘ri kelishi ma’lum bo‘ldi
-
Mahalliy3 days ago
Yoshlar umrini sotgan jinoyatchilar qo‘lga olindi
-
Iqtisodiyot5 days agoOLX onlayn reklama bozorida ustun mavqega ega deb topildi