Jamiyat
Tirbandlikda qolmaydigan mashina, o‘zimizga mos tibbiy moslama va sun’iy yomg‘ir – Eco Expo qanday o‘tmoqda?
Tirbandliklar uchun qulay, parking uchun ko‘p joy talab qilmaydigan mashina qanaqa bo‘ladi? Bitta moslama orqali bo‘y, vazn, harorat, qondagi kislorod miqdori va boshqa tibbiy ko‘rsatkichlarni bilib olsa bo‘ladimi? Orol dengizidagi ekotizimni tiklash uchush sun’iy yomg‘ir yog‘dirish taklifiga nima deysiz? Ekologiya vazirligi tomonidan tashkil etilgan Eco Expo Central Asia 2025 xalqaro ko‘rgazmasida shunaqa qiziq narsalar ko‘rdikki, hammasini ham gapirishga vaqt va sahifa yetmay qolishi mumkin.
Misol uchun, ko‘rgazmada Oroldagi ekotizimni yaxshilash uchun sun’iy yomg‘ir yog‘dirish borasidagi mulohazalarni eshitdik. Tadbirda aytilishicha, tabiatni asrash uchun har qanday tashabbusni qo‘llash kerak. Sun’iy yomg‘ir yog‘dirish masalasini esa olimlar hal qilgani ma’qul, agar ular shuni lozim topishsa, balki qachondir qo‘llab ham ko‘rishar.
Ekoturizm
Ko‘pincha toqqa chiqish, dam olish deganda tasavvurlarimiz Bo‘stonliq tumani bilan chegaralanadi. Chorvoq, Bildirsoy va Yusufxonaga bo‘lgan hurmatimiz ulkan, ammo O‘zbekiston undan ham ulkanroq. Keng va juda keng. Tog‘lari, ko‘llari va dashtlari bir olam.
Shu ma’noda ko‘rgazma juda manfaatli bo‘lmoqda. Birgina xaritada ekoturizmning hamma salohiyatini ko‘rishingiz mumkin. Zamonaviy pavilonda cho‘l manzarasi tiklab qo‘yilgani esa, alohida masala. Bularni ko‘rarkansiz, hali boradigan joylaringiz ko‘p ekanini his qilasiz.
Ekomobil
Zamonaviy dunyoning eng katta muammolaridan biri – tirbandlik. Sababi esa o‘zimizda. Ko‘chada yurganingizda bir qiziqib ko‘ring, tirbandlikda turgan aksariyat mashinalarda yakka haydovchi o‘tirganini ko‘rasiz. Oddiy Matiz bo‘ladimi, yoki o‘zi bir uycha chiqadigan kattakon mashinami, bir kishiga xizmat qiladi xolos.
Turin universiteti tomonidan namoyish qilingan ixchamgina elektromobil esa shu ma’noda chinakam haloskor bo‘lishi mumkin. Tasavvur qiling, tirbandlikda energiya isrof qilmaydigan, osongina yo‘lini topib ketadigan, to‘xtab turish uchun katta joy talab qilmaydigan bunday avtomobil qancha muammolarni hal qilgan bo‘lardi. Eng yaxshi tomoni – bunaqa mashina yo‘lakni bir chetida turaveradi, joy talashib qo‘shnilar bilan janjallashishga ham hojat yo‘q.
O‘zimizning odat
Har bir millatning o‘ziga hos jihatlari bo‘ladi, bizga yaqinrog‘i esa – o‘z vaqtida shifokorga bormaslik bo‘lsa kerak. Tan olaylik, hammamiz ham og‘rib qolganimiz hamono shifoxonaga chopavermaymiz.
Shu tomonlama Eco Expo Central Asia 2025da namoyish etilgan tibbiy moslama juda manfaatli bo‘lishi mumkin. Bu moslama bir vaqtning o‘zida kishining bo‘yi, vazni, harorati, qon bosimi, undagi kislorod miqdori va boshqa ko‘rsatkichlarni aniqlab bera oladi. Qulay tomoni, uni istalgan joyga o‘rnatsa bo‘ladi – metro, supermarketlar, konsert zallari va hokazo. Muhimi – qimmat ham emas.
Havo tozalagich
Vahimalarning turi har-xil bo‘ladi, so‘nggi yillarda ommalashgani esa – havo ifloslanishi. Bu ekologik xavfning oldini olish oson emas, ammo mumkin. Eng avvalo tabiatni asrashimiz lozim, qolaversa uy havosini tozalab turish ham katta ahamiyatga ega.
Siz suratda ko‘rib turgan moslama xonadoningiz havosini tezda tozalab beradi. Xorijdagi muqobillariga nisbatan ancha arzon va samarali, uni yasash uchun ham ko‘p narsa kerak emas. Muhimi – tozalagich filtrlarini esa uch oyda almashtirsangiz kifoya.
MehrGo
Endilikda yo‘l chetida taksi kutib turish tarixda qolgan, zamonaviy dunyoni onlayn taksi xizmatisiz tasavvur qilish qiyin. Ammo qanaqa taksi keladi, bilmaysiz. Shu tomonlama MehrGo startapi juda qimmatli – u bilan ayniqsa bolalarni kerakli joyga muammosiz yuborishingiz mumkin. Qulay va xavfsiz.
Startaplar dunyosi
Eco Expo Central Asia 2025 xalqaro ko‘rgazmasi davomida shu qadar ko‘p startaplar namoyish etildiki, har biriga soatlab vaqt ajratsa arziydi. Dala chetidan turib boshqariladigan urug‘ qadagich, tinch maqsadlarda qo‘llaniladigan dronlar, suvni tozalash moslamalari – ularning har biri hayotimizni yaxshilashga qaratilgan. Zotan ko‘rgazmaning maqsadi ham aynan shu edi, har bir o‘tgan kun avvalgisidan yaxshiroq bo‘lishi lozim.
Prezident farmonida tadbirkorlik subyektlarining huquqiy himoyasini kuchaytirishga qaratilgan «tadbirkorlik subyektining haqlilik prezumpsiyasi» belgilandi.
Unga ko‘ra, davlat organi tomonidan aksi isbotlanmaguncha tadbirkorlik subyekti va uning mansabdor shaxsi qonunchilikka muvofiq harakat qilgan hamda o‘z majburiyatlarini lozim darajada bajargan deb hisoblanadi.
Sudda tadbirkorga nisbatan huquqiy ta’sir chorasi qo‘llash uchun uning asosli, qonuniy va mutanosib ekanini, shuningdek, huquqbuzarlik faktini isbotlash majburiyati davlat organiga yuklanadi.
Qonunchilikdagi bartaraf etib bo‘lmaydigan ziddiyatlar, noaniqlik va tushunmovchiliklar, shuningdek, dalillar yetarli emasligi tufayli yuzaga keladigan shubhalar tadbirkorlik subyekti foydasiga talqin qilinadi.
Ko‘ksaroy qarorgohida O‘zbekiston Prezidenti Shavkat Mirziyoyev va Hindiston Bosh vaziri Narendra Modi o‘rtasida muzokaralar bo‘lib o‘tdi. Uchrashuv avvalida mehmon davlatimiz rahbarini Mustaqillik kuni bilan samimiy tabrikladi. Ushbu tarixiy tashrif ikki mamlakat o‘rtasidagi munosabatlarni keng qamrovli strategik sheriklik darajasiga olib chiqib, o‘zaro hamkorlikda yangi bosqichni boshlab berishi ta’kidlandi.
Tomonlar savdo-iqtisodiy aloqalar izchil rivojlanayotganini mamnuniyat bilan qayd etdilar. O‘tgan yili tovar ayirboshlash hajmi ilk bor 1 milliard dollardan oshdi, qo‘shma korxonalar soni esa 7 barobarga ko‘paydi, haftasiga 14 ta to‘g‘ridan-to‘g‘ri aviaparvoz amalga oshirilmoqda. Ikki davlat rahbarlari 2030-yilga qadar o‘zaro savdo hajmini 5 milliard dollarga yetkazish bo‘yicha zarur choralarni ko‘rishga kelishib oldilar. Shuningdek, energetika, farmatsevtika, metallurgiya, sog‘liqni saqlash va qishloq xo‘jaligi kabi ustuvor sohalarda yangi sanoat kooperatsiyasi loyihalarini amalga oshirishga alohida e’tibor qaratildi.
Hamkorlikni samarali muvofiqlashtirish maqsadida tashqi siyosat idoralari rahbarlari darajasida yangi muvofiqlashtiruvchi mexanizm ta’sis etiladigan bo‘ldi. Tomonlar parlamentlararo, Hukumatlararo komissiya va Ishbilarmonlar kengashi doirasidagi muloqotlarni faollashtirishga kelishib oldilar. Andijon va Gujarat, Farg‘ona va Haryana, Samarqand va Agra o‘rtasidagi hududlararo yaqin sheriklik aloqalari ham yuqori baholandi.
Gumanitar sohada ta’lim va madaniyat yo‘nalishidagi aloqalar kengaymoqda. Hozirda O‘zbekistonda Hindistonning 4 ta universiteti faoliyat yuritmoqda. Madaniy-gumanitar aloqalarni rivojlantirishga alohida e’tibor qaratilmoqda. Bunda Lal Bahodur Shastri nomidagi Hind madaniyati markazi va Mahatma Gandi nomidagi Hindshunoslik markazi muhim o‘rin tutmoqda.
Shuningdek, O‘zbekistonda yoga tobora ommalashib borayotgani va ushbu sohadagi hamkorlik faol rivojlanayotgani qayd etildi.
Tashrif doirasida Madaniy almashinuv bo‘yicha besh yillik dastur imzolanishi, madaniyat kunlari va kinofestivallar muntazam o‘tkazilishi belgilandi. Rahbarlar BMT, ShHT va BRIKS kabi xalqaro tashkilotlar doirasida bir-birini izchil qo‘llab-quvvatlashni davom ettirishlarini bildirdilar. Muzokaralar yakunida belgilangan barcha vazifalar bo‘yicha aniq «yo‘l xaritalari» ishlab chiqilishiga kelishib olindi.
Buxoro viloyati hokimiga birinchi o‘rinbosar tayinlandi.
Jamshid Sharopov Buxoro viloyati hokimining moliya-iqtisodiyot va kambag‘allikni qisqartirish masalalari bo‘yicha birinchi o‘rinbosari – viloyat iqtisodiyot va moliya boshqarmasi boshlig‘i lavozimiga tayinlandi.
Jamshid Sharopov 1984-yil 27-yanvarda G‘ijduvon tumanida tug‘ilgan. 2005-yilda Buxoro davlat universiteti, 2009 yilda Toshkent davlat iqtisodiyot universitetini tamomlagan. Ma’lumoti bo‘yicha mutaxassisligi-iqtisodchi.
Mehnat faoliyatini 2002-yilda AT “Paxta Bank”ning Buxoro viloyati boshqarmasi bank jarayonlari bo‘limi iqtisodiy bo‘linmasi mutaxassisi sifatida boshlab, ATB “Agrobank” Buxoro viloyati boshqarmasi boshlig‘i (2014-2020), O‘zbekiston Respublikasi Markaziy banki Buxoro viloyati bosh boshqarmasi boshlig‘i (2020-2021), Shofirkon tumani hokimi (2021-2023), ATB “Agrobank” agrosanoat majmuasi korxonalarini moliyalashtirish departamenti direktori o‘rinbosari (2023-2026) lavozimlarida faoliyat yuritgan.
Ayni paytga qadar u ATB “Agrobank” muammoli kreditlar bilan ishlash departamenti direktori vazifasida ishlab kelayotgan edi.
«O‘zbekiston Respublikasi mustaqilligining o‘ttiz besh yilligi munosabati bilan chet el fuqarolari va xorijda istiqomat qilayotgan vatandoshlarimizni mukofotlash to‘g‘risida»gi Prezident farmoni e’lon qilindi.
Mukofotlanganlar ro‘yxati:
“Do‘stlik” ordeni bilan
Ivan Sao – “BYD Auto” kompaniyasining Yevropa sotuv bo‘limi bosh direktori o‘rinbosari
Klod Imoven – Fransiyaning “MEDEF International” harakatining O‘zbekiston-Fransiya ishbilarmonlar kengashi raisi
Masayoshi Fujimoto – “Sojitz” kompaniyasi direktori
Sabine Maxl – BMTning O‘zbekistondagi doimiy koordinatori
Turaman Sinan – Shayxontohur tumanidagi “Outdoor Factory Toshkent” mas’uliyati cheklangan jamiyati kuzatuv kengashi raisi, Toshkent shahri
II darajali “Salomatlik” ordeni bilan
Qahorova Nilufar Hamroyevna – AQShning Garvard universiteti huzuridagi Boston bolalar shifoxonasi loyiha menejeri
Yuldasheva Nodira Muxamedovna – Kanadaning Toronto shahridagi Kanadadagi o‘zbekistonliklar uyushmasi asoschisi, “Sog‘lom yo‘l” tibbiy va diagnostik markazi rahbari
“Shuhrat” medali bilan
Abdullayeva Shahlo Abdirashidovna – Koreya Respublikasining Kvangju shahridagi Migrant ayollar huquqlarini himoya qilish va ta’lim berish markazi rahbari.
Podpolkovnik Baxtiyor Inoqov Surxondaryo viloyati ichki ishlar boshqarmasi boshlig‘i etib tayinlandi. U bunga qadar Ichki ishlar vazirligi Akademiyasi magistratura bosqichida tahsil olgan.
Tayinlov Xalq deputatlari Surxondaryo viloyati Kengashining jamoat xavfsizligi va kriminogen vaziyatga bag‘ishlangan navbatdan tashqari sessiyasida ma’lum qilindi.
Sessiyada viloyatdagi jinoyatchilik holati ham tahlil qilindi. Joriy yilning hisobot davrida hududdagi 723 ta mahallaning 528 tasida (73 foiz) bironta ham jinoyat sodir etilmagan. Ichki ishlar xodimlarining tashabbusi bilan aniqlanadigan jinoyatlar soni 40 foizga yaxshilangan.
Shu bilan birga, 28 ta mahalla «qizil» toifada qolayotgani qayd etildi.
Yangi IIB boshlig‘iga jinoyatchilikka qarshi kurashish samaradorligini oshirish, har bir mahallada xavfsizlikni ta’minlash, aholi bilan yaqin muloqotni yo‘lga qo‘yish va fuqarolarning ichki ishlar organlariga ishonchini mustahkamlash vazifalari yuklatildi.
«Beradigan boshqa narsam qolmadi» — Messi Argentina terma jamoasidagi faoliyatini yakunladi
Pokiston bosh vaziri bilan uchrashuv o‘tkazildi
Qonunchilikdagi noaniqliklar tadbirkor foydasiga talqin qilinadi
-
Sport2 days ago
EChL 2026/2027. Umumiy guruh bosqichi taqvimi e’lon qilindi
-
Jamiyat2 days ago
Ko‘ksaroyda O‘zbekiston va Hindiston yetakchilariningg tarixiy muzokaralari bo‘lib o‘tdi
-
Sport2 days ago
Akademik eshkak eshish bo‘yicha O‘zbekiston terma jamoasi tarixda ilk bor jahon chempioni bo‘ldi
-
Siyosat3 days ago
Prezidentning Mustaqillik bayrami tabrigidan o‘rin olgan asosiy fikrlari
-
Siyosat1 day ago
Saida Mirziyoyeva Pekinda Va I bilan muloqot o‘tkazdi
-
Jamiyat19 hours ago
Qonunchilikdagi noaniqliklar tadbirkor foydasiga talqin qilinadi
-
Siyosat18 hours ago
Pokiston bosh vaziri bilan uchrashuv o‘tkazildi
-
Sport8 hours ago
«Beradigan boshqa narsam qolmadi» — Messi Argentina terma jamoasidagi faoliyatini yakunladi