Javohir Sindorov Nomzodlar turniridagi yetakchiligini yanada mustahkamladi. U Rameshbabu Pragnanandha ustidan ikkinchi g‘alabasini qo‘lga kiritdi.

O‘zbekistonlik shaxmatchi Javohir Sindorov Nomzodlar turnirining 10-turidan keyingi matbuot anjumanida qatnashdi.

U bu turda oq donalarda o‘ynab, hindistonlik Rameshbabu Pragnanandhani mag‘lub etdi va ochkolari sonini 8 taga yetkazib, peshqadamlikni mustahkamladi. Uning eng yaqin ta’qibchisi Anish Giri bilan oradagi farq endi 2 ochkoni tashkil etmoqda va qolgan 4 turda bu farqni yo‘qqa chiqarish deyarli imkonsiz ish.

Bundan tashqari, o‘zbekistonlik shaxmatchi Nomzodlar turnirida eng ko‘p g‘alabaga erishgan shaxmatchi sifatida rekord o‘rnatdi, turnirda hozirgacha hech kim 6 marta g‘alaba qozonmagandi.

Javohir hindistonlik raqibga qarshi partiya boshida xatoga yo‘l qo‘yganini tan oldi.

«Rostini aytsam, bir payt tayyorgarligimni unutib qo‘ydim va kerakli yurishni emas, boshqa yurishni tez qilib yubordim. Bu xato edi. Lekin keyin o‘zimni yig‘ib oldim va vaziyatdan chiqib ketdim. Biroz vaqt ketdi, lekin o‘yinni yana nazoratga oldim. Omad ham yordam berdi», – dedi u.

Sindorov shundan keyin tashabbusni qo‘lga olish maqsadida donalardan birini qurbon qilishga qaror qildi va yuzaga kelgan endshpilda uning farzini ortiqcha piyodalar yordamida raqibning ikki ruxidan ko‘ra kuchliroq pozitsiyaga ega bo‘ldi.

U turnirda g‘alabaga yaqinligini his qilayotganini tan olgan:

«Maqsadga juda yaqinman, lekin oldinda yana ikkita muhim o‘yin bor. Ikkalasi ham qora donalarda. Shuning uchun natija haqida o‘ylamasdan, shunchaki o‘ynashga harakat qilyapman».

U oldingi turda germaniyalik Mattias Blyubaum bilan bahsda g‘alabani qo‘ldan chiqargandi va shu tufayli bosim ostida qolgandi. O‘zining aytishicha, bu vaziyatdan murabbiyi bilan suhbat orqali chiqib ketgan:

«Turnirdagi vaziyat albatta bosim beradi. Kecha yutishim kerak bo‘lgan pozitsiyani yuta olmadim. Shunda murabbiyim menga: “Agar sen bu unvonga loyiq bo‘lsang, baribir uni olasan. Agar yo‘q bo‘lsa, demak yanada ko‘proq ishlaymiz. Shuning uchun natija haqida emas, o‘yin haqida o‘yla” deb aytdi. Men ham aynan shuni qilishga harakat qilyapman», – deydi u.

U turnir oldi rejalarini ham eslab o‘tgan:

«Turnir oldidan +1 natija ham yaxshi bo‘ladi, degan edim. Agar shunday bo‘lganida, men shunchaki xotirjam o‘ynardim. Hozir esa vaziyat butunlay boshqacha. Hozir har bir partiya juda og‘ir o‘tyapti. Bosim katta. 

Kecha ham qiyin kun bo‘ldi – hatto partiyadan oldin durangga ham rozi edim. Lekin keyin yaxshi pozitsiya olib ham yuta olmaganimdan xafa bo‘ldim».

Rekord haqida:

«Bu haqida umuman o‘ylamayapman. Turnir hali tugamagan, hozir eng muhimi keyingi partiyaga tayyorlanish.

Endi dam olish kunida tiklanib, ayniqsa qora donalarda bo‘ladigan o‘yinlarga yaxshilab tayyorlanishim kerak».

10 aprel kuni turnirda dam olish kuni e’lon qilindi. 11 aprel kuni esa Javohir qora donalar bilan Fabiano Karuanaga qarshi o‘ynaydi. Karuana turnirning asosiy favoriti sifatida ko‘rilgandi, ammo 10 imkoniyatdan 5 ochko jamg‘argan holda uchinchi o‘rinda kelmoqda.

Source link

Jahon chempionatiga O‘zbekistondan qaysi hakamlar borishi aniq bo‘ldi. Bu haqda O‘FA xabar berdi. 

O‘zbekistonlik hakamlar AQSh, Kanada va Meksikada bo‘lib o‘tadigan jahon chempionatida faoliyat olib boradi. 

11 iyundan 19 iyulga qadar AQSh, Kanada va Meksika maydonlarida Jahon chempionati bo‘lib o‘tadi. Ushbu mundialda o‘zbekistonlik hakamlar: Ilgiz Tantashev bosh hakam sifatida, Andrey Sapenko va Timur Gaynullin esa yordamchi hakam sifatida ishlaydi.

Tarixda ilk bor, terma va hakamlar birgalikda JChda ishtirok etadi. 

Source link

O‘zbekistonlik shaxmatchi hindistonlik Rameshbabu Pragnanandxani mag‘lub etdi va 10 turdan keyin 8 ochko bilan peshqadamlik qilmoqda.

O‘zbekistonlik grossmeyster Javohir Sindorov 9 aprel kuni Nomzodlar turnirining 10-turida oq donalarda o‘ynab, hindistonlik Rameshbabu Pragnanandhani mag‘lub etishga muvaffaq bo‘ldi.

Bu natijadan so‘ng, Sindorov 8 ochko bilan peshqadamlikni saqlab qolmoqda. Eng yaqin ta’qibchisi – Niderlandiyalik Anish Giri undan 2 ochko ortda boryapti.

Musobaqa yakunlanishiga yana to‘rtta tur bor. Sindorovning keyingi raqiblari: Fabiano Karuana (AQSh), Hikaru Nakamura (AQSh), Anish Giri (Niderlandiya), Vey I (Xitoy).

Nomzodlar turniri Kiprning Peyye shahrida o‘tkazilmoqda. Musobaqa g‘olibi 70 ming yevro mukofotni qo‘lga kiritadi va shaxmat toji uchun amaldagi chempion hindistonlik Gukesh Dommarajuga qarshi o‘ynash huquqini qo‘lga kiritadi.

Source link

Ilgiz Tantashev bosh hakam sifatida ishlaydi. Unga qanotlarda Andrey Tsapenko va Timur Gaynullin yordam beradi.

O‘zbekistonlik hakamlar AQSh, Kanada va Meksikada bo‘lib o‘tadigan futbol bo‘yicha jahon chempionatida ishtirok etadi. Bu haqda FIFA (.pdf) e’lon qildi.

Jahon chempionatida bosh hakam sifatida ishtirok etadigan 52 nafar shaxs orasida Ilgiz Tantashev bor. Shuningdek, unga qanotlarda Andrey Tsapenko va Timur Gaynullin yordam beradi.

Timur Gaynullin va Andrey Tsapenko

Ilgiz Tantashev 42 yoshda, faoliyatini qanot hakami sifatida boshlagan. Keyinchalik Buxoro shahri vakili sifatida O‘zbekiston chempionati o‘yinlarida bosh hakam bo‘ldi. Shuningdek, Saudiya Arabistoni va Hindiston chempionatlari o‘yinlarini boshqarishga taklif qilindi.

2013 yildan FIFA hakami. 2014 yilda xalqaro darajadagi hakamlikni boshladi va OFK Kubogida, keyingi yili esa OFK Chempionlar ligasida debyut qildi. 2016, 2020, 2022 yillarda 23 yoshgacha bo‘lgan futbolchilar o‘rtasidagi Osiyo chempionati o‘yinlarini boshqardi. 2019 yilgi yoshlar o‘rtasidagi jahon chempionatida zaxira hakami bo‘ldi. 2019 va 2023 yillardagi Osiyo Kuboklarida bosh hakam sifatida ishladi. 2021 yil yakunlariga ko‘ra, O‘zbekistonning eng yaxshi hakami deb topildi.

2024 yilda Tantashev Parijdagi Olimpiya o‘yinlari o‘yinlarini boshqarishga taklif qilindi. Marokash va Ispaniya olimpiya jamoalari o‘rtasidagi yarimfinal o‘yinida 12-daqiqada himoyachi Mark Pubil bilan to‘qnashib, jarohat oldi. Oqibatda, o‘yinning qolgan qismini Glenn Nyuberg (Shvetsiya) boshqargan edi.

Jahon chempionati o‘yinlari 11 iyundan 19 iyulga qadar AQSh, Kanada va Meksika maydonlarida bo‘lib o‘tadi.

Source link

Toshkentliklar shu vaqtgacha mag‘lubiyatsiz kelayotgan Farg‘ona klubini to‘xtatishga erishdi.

Superligada nafaqat 6-turning, balki chempionatning muhim o‘yinlaridan biri o‘tkazildi.

«Neftchi» 9 aprel kuni Farg‘onada «Paxtakor»ni qabul qildi. Norasmiy ravishda «O‘zbek klasikosi» deb nomlanadigan bahs qizg‘in kurashlarga boy bo‘ldi.

Birinchi bo‘limda har ikkala jamoa faol o‘ynadi. Ammo faqat «Paxtakor» o‘z imkoniyatidan unumli foydalandi. 22-daqiqada Doston Hamdamov raqib jarima maydoni ichida chaqqonroq harakat qilib, to‘pni darvozaga aniq yo‘lladi.

Ikkinchi bo‘limda «Neftchi» katta ustunlikka ega bo‘ldi, biroq bosh murabbiy Kamoliddin Tojiyev shogirdlari o‘ziga kerakli natijani ushlab qolishga erishdi.

Bu g‘alabadan keyin «Paxtakor» ochkolar (15) soni bo‘yicha «Neftchi»ga yetib oldi. Ammo o‘zaro o‘yindagi natijaga ko‘ra, jadvalning yuqori pog‘onasiga ko‘tarildi.

Bosh murabbiy Islombek Ismoilov qo‘l ostidagi «Neftchi» mavsumda birinchi marta ochko yo‘qotdi.

Superliga, 6-tur

9 aprel, Farg‘ona, «Istiqlol» stadioni

NeFTChI – PAXTAKOR 0:1

Gol: Dostonbek Hamdamov (22)

Bosh hakam: Ilgiz Tantashev.

Neftchi: Botirali Ergashev, Boyan Tsiger, Ibrohimhalil Yo‘ldoshev, Abror Ismoilov (Zoran Marushich 73), Jamshid Iskanderov (Asilbek Jumayev 73), Stipe Peritsa, Anvar G‘ofurov, Muhsin Ubaydullayev, Alisher Odilov (Xurshid G‘iyosov 73), Yovan Jokich, Ratino (Vladimir Yovovich 62).

Paxtakor: Sanjar Quvvatov, Muhammadqodir Hamraliyev, Hojiakbar Alijonov, Akmal Mozgovoy, Rustam Turdimurodov (Pyotr Pajishek 74), Dostonbek Hamdamov (Bashar Resan 46), Abdurauf Bo‘riyev, Sardor Sobirxo‘jayev (Shahzod Azmiddinov 78), Sherzod Nasrullayev, Flamarion (Hojimat Erkinov 90), Muhammadrasul Abdumajidov.

Ogohlantirishlar: Hojiakbar Alijonov (2), Ratino (7), Rustam Turdimurodov (60), Sanjar Quvvatov (78), Vladimir Yovovich (83)

Source link