Jamiyat
Stolda pichoq, uning oldida mast odam, xodim telefon “titib” o‘tiribdi – Buxorodagi hodisada kim antiqahramon?
Buxoroda shifokor pichoq bilan o‘ziga zarar yetkazmoqchi bo‘lgan erkakni zararsizlantirib, qahramonlik ko‘rsatdi. Biroq erkakni mastlik darajasini aniqlash uchun narkolog huzuriga olib kelgan mayor va katta leytenant ushbu holatni beparvolik bilan kuzatib turdi. Ulardan biri – telefon “titib” o‘tirgan, vaziyat jiddiyligini ko‘rib turgan holda hatto o‘rnidan turgani ham yo‘q. Hozirda xodimlarga nisbatan xizmat tekshiruvi tayinlangan.
{Yii::t(}
O’tkazib yuborish 6s
O’tkazib yuborish
Tomoshabin mayor
So‘nggi kunlarda IIB xodimlari bilan bog‘liq bir nechta voqea OAV e’tiboriga tushdi: Andijonda keksa yoshdagi odam profilaktika inspektorini pichoqlab o‘ldirgan bo‘lsa, Buxoroda mast erkak o‘ziga jarohat yetkazmoqchi bo‘ldi. Biroq har ikki holatda pichoqli erkaklarni xodimlar zararsizlantira olmagan.
Buxoro shahrida sodir etilgan holatda mast erkak stol ustida turgan pichoqni olib, o‘ziga jarohat yetkazishga uringan. Buni ko‘rib turgan IIB xodimlari shunchalik beparvo bo‘lganki, hatto ulardan biri o‘tirgan o‘rnidan turmagan ham. Shu payt xonaga kirib kelgan narkolog vrach Elbek Dilov chaqqonlik va sovuqqonlik bilan mast erkak qo‘lidagi pichoqni tortib olgan va uni zararsizlantirgan. IIB xodimlaridan biri erkak qo‘lidagi pichoq yerga tushib ketgachgina uning yoniga yugurib borgan. Ikkinchisi esa shunda ham o‘rnidan turmay voqeani tomoshabin sifatida kuzatishni davom etgan.
Xizmat tekshiruvi tayinlandi
IIV matbuot xizmati rahbari Shohrux G‘iyosovning Kun.uz’ga ma’lum qilishicha, holat 2 iyul kuni sodir bo‘lgan. Buxoro shahrining Losha mahallasida yashovchi 1979 yilda tug‘ilgan B.N. mast holatda uyida janjal qilgan. Holat yuzasidan voqea joyiga chiqqan profilaktika inspektorlari mayor D.Avezov va katta leytenant E.Muhamedov mastlik holatini aniqlash hamda huquqbuzarlik holatini rasmiylashtirish maqsadida erkakni Buxoro viloyati narkologiya dispanseriga olib kelgan.
Narkolog ko‘rigidan o‘tkazish jarayonida mast erkak ichki ishlar organlari xodimlarining o‘ta mas’uliyatsizligi tufayli stol ustida turgan oshxona pichog‘ini qo‘lga kiritib o‘ziga jarohat yetkazish bilan tahdid qilgan. Narkolog vrach Elbek Dilovning o‘z vaqtida, jasorat bilan amalga oshirgan harakati natijasida fuqaro zararsizlantirilib, og‘ir oqibatga olib kelishi mumkin bo‘lgan fojianing oldi olingan.
Xozirda, profilaktika inspektorlari mayor D.Avezov hamda katta leytenant E.Muhamedovga nisbatan Ichki ishlar vazirligi tomonidan xizmat tekshiruvi tayinlangan.
Shuningdek, narkolog vrach Elbek Dilov jamoat tartibini saqlashda ko‘rsatgan jasorati uchun Buxoro viloyati IIB boshlig‘ining buyrug‘i bilan rag‘batlantirilgan.
Xodimlar hushyor emas…
OAV e’tiboriga tushayotgan ko‘p hollarda xodimlarning hushyor emasligi ko‘zga tashlanmoqda. Joriy yil 19 may kuni Toshkent shahridagi Yunusobod dehqon bozorida ruhiy kasal erkak yonidagi pichoq bilan ichki ishlar xodimining bo‘ynini jarohatlab, uni o‘ldirib qo‘yishiga bir baxya qolgandi. Andijonda esa shunga o‘xshash holatda profilaktika inspektori halok bo‘ldi. Agar shifokor jasorat ko‘rsatmaganida Buxorodagi holat ham og‘ir oqibatlarga olib kelishi mumkin edi. Buxorodagi keysga e’tibor qaratilsa, xodimlar jiddiy qarshilikka uchragan deb ham bo‘lmaydi.
Bu kabi holatlar xavfni baholash va unga qarshi tayyor turishda xodimlarda psixologik hamda jismoniy uquv yetishmayotganligini ko‘rsatmoqda. Shu sababli Ichki ishlar vazirligi rahbariyati huzurida shaxsiy tarkibning jangovar jismoniy tayyorgarligini oshirish, qurol va maxsus vositalardan to‘g‘ri foydalanish ko‘nikmalarini rivojlantirish chora-tadbirlari yuzasidan videoselektor yig‘ilishi o‘tkazilgan.
Yig‘ilishda jismoniy tayyorgarlik mashg‘ulotida xodimlarning xizmat vazifalarini bajarish vaqtida o‘zini o‘zi himoya qilish bo‘yicha maxsus jismoniy tayyorgarlik usullarini yetarli darajada o‘zlashtirishi zarurligiga alohida e’tibor qaratilgan. Shaxsiy tarkib haftaning belgilangan kunlari jismoniy tayyorgarlik mashg‘ulotlariga qatnashishi ustidan nazorat kuchaytirilib, bu borada barcha darajadagi rahbarlarning shaxsiy o‘rnak bo‘lishlari asosiy vazifalaridan biri etib belgilangan.
Ruslan Saburov,
Kun.uz
Hukumatning joriy yil 18-martdagi 19-son qarori bilan respublika va mahalliy ijro etuvchi hokimiyat organlari faoliyatida ish jarayonlarini raqamlashtirish doirasida qog‘ozdan foydalanishni tartibga solish chora-tadbirlari to‘g‘risidagi qarori qabul qilindi.
Qarorga ko‘ra, 2026-yil 1-iyunga qadar:
ishlatilgan qog‘ozlarni yig‘ish uchun maxsus chiqindi quti (konteyner)lari tashkil etiladi va ularni qayta ishlash korxonalariga yetkazish tizimi yo‘lga qo‘yiladi;
har bir tarkibiy bo‘linmadagi xodimlar soni, ish hajmi va haqiqiy ehtiyojdan kelib chiqqan holda, qog‘oz sarfi uchun cheklov joriy qilinadi.
2026-yil 1-maydan respublika va mahalliy ijro etuvchi hokimiyat organlarida:
kelgusi 5 yilda xarajatlar smetasini tuzish jarayonida qog‘oz, siyoh, printer va nusxa ko‘chirish uskunalarini xarid qilish xarajatlari miqdori har yili 15 foizga kamaytirilgan holda rejalashtiriladi;
printerlardan markazlashgan holda umumiy foydalanish tizimi joriy qilinadi. Bunda umumiy foydalanishdagi ochiq ofisda faoliyat yurituvchi har 20 nafar xodim uchun 1 dona printer ajratiladi;
har oyda 1 marotaba «Qog‘ozsiz bir kun» ekoaksiyasi o‘tkaziladi.
O‘zbekiston Respublikasi Prezidenti Shavkat Mirziyoyev 19-mart kuni Ozarbayjon Respublikasi Prezidenti Ilhom Aliyev bilan telefon orqali muloqot qildi.
Davlat rahbarlari yaqinlashib kelayotgan Ramazon hayiti va Navro‘z bayrami munosabati bilan bir-birlarini samimiy qutlab, birodar xalqlarimizga tinchlik-osoyishtalik, farovonlik va ravnaq tiladilar.
Suhbatda Oliy davlatlararo kengashning ikkinchi yig‘ilishida erishilgan kelishuvlarni amalga oshirish doirasida O‘zbekiston – Ozarbayjon strategik sheriklik va ittifoqchilik munosabatlarini yanada kengaytirish masalalariga alohida e’tibor qaratildi.
Tovar ayirboshlash barqaror ortib borayotgani, savdo-iqtisodiy, investitsiyaviy, transport, madaniy-gumanitar va boshqa ustuvor sohalarda qo‘shma kooperatsiya loyihalari ilgari surilayotgani mamnuniyat bilan qayd etildi.
Tomonlar, shuningdek, Yaqin Sharqdagi vaziyatni muhokama qildilar. Uning yanada keskinlashishi keng mintaqa uchun oldindan aytib bo‘lmaydigan oqibatlarga, jahon iqtisodiyoti retsessiyasiga olib kelishi mumkinligi, vaziyatni faqat siyosiy-diplomatik vositalar bilangina tez fursatda yumshatish zarurligi qayd etildi.
Bo‘lajak ikki va ko‘p tomonlama tadbirlar rejasi ham ko‘rib chiqildi.
Toshkent shahar hokimligi ayni kunlardagi ob-havo sharoitini inobatga olgan holda poytaxtda isitish mavsumini bosqichma-bosqich yakunlash to‘g‘risidagi qarorni qabul qildi.
Shu bilan birga, aholi qulayligi uchun kelayotgan bayram kunlari issiqlik ta’minoti saqlab qolinishi, isitish davri rejali yakunlanishi ma’lum qilingan.
Shunga ko‘ra, isitish mavsumini yakunlash 24 martdan boshlanishi rejalashtirilgan. U bosqichma-bosqich amalga oshiriladi.
Ta’kidlanishicha, mavsumni yakunlashga o‘tish, shuningdek, kommunal infratuzilmaga tushadigan yuklamani kamaytirishga va resurslardan oqilona foydalanishga xizmat qiladi.
Ramazon hayiti hamda Navro‘z umumxalq bayrami davrida yo‘lovchilarni o‘z manzillariga xavfsiz yetib borishlarini ta’minlash maqsadida qo‘shimcha poyezd qatnovlari tashkil etilmoqda.
Jumladan, 19 – 25 mart kunlari aholi talabini qondirish uchun jami 25 000 ta qo‘shimcha yo‘lovchi o‘rni yaratiladi.
Qo‘shimcha «Afrosiyob» reyslari:
19 – 21 mart kunlari (6 ta reys)
Toshkent — Samarqand — Toshkent yo‘nalishida;
19, 20, 21, 22, 23 va 25 mart kunlari
Toshkent — Buxoro — Toshkent yo‘nalishida qo‘shimcha qatnovlar yo‘lga qo‘yildi.
Shuningdek, 19 – 25 – mart kunlari quyidagi yo‘lovchi poyezdlarga 4 tadan qo‘shimcha vagonlar ulanadi:
Toshkent – Xiva – Toshkent
Toshkent – Shovot – Toshkent
Toshkent – Qo‘ng‘irot – Toshkent
Toshkent – Termiz – Toshkent
Toshkent – Buxoro – Toshkent (Sharq)
Chiptalarni «O‘zbekiston temir yo‘llari» AJ rasmiy sayti, mobil ilovasi hamda temir yo‘l kassalaridan xarid qilish mumkin.
Shu bilan birga, «Toshkent» avtovokzalidan amaldagi reyslardan tashqari har kuni shaharlararo yo‘nalishlarda 70 dan ortiq qo‘shimcha avtobus qatnovlari ham tashkil etilmoqda.
Qatnovlar «Toshkent» avtovokzalidan Zomin, Samarqand, Jarqo‘rg‘on, Buxoro, Qorako‘l, Mirbozor, Navoiy, Jo‘sh, Nurota, Zarmitan, Zarafshon, Xatirchi, Qiziltepa, Konimex, Uchquduq, Kadan, Payariq, Shahrisabz, Qarshi, G‘uzor, Sherobod, Termiz, Denov, Uzun, Urganch, Xiva, Gurlan, To‘rtko‘l va Nukus shaharlariga amalga oshirilyapti.
Qatnov jadvali va chipta narxlari bilan avtovokzalning ijtimoiy tarmoqlardagi rasmiy sahifalarida tanishish mumkin. Chiptalarni esa «Toshkent» avtovokzali chiptaxonalaridan hamda «UzBus» mobil ilovasi orqali onlayn tarzda sotib olish mumkin.
Surxondaryo viloyati Boysun tumanida FVV qutqaruvchilari 25-30 metr pastlika sirpanib tushib ketgan fuqaroning hayotini saqlab qolishdi.
21 mart kuni soat 10:00 da Surxondaryo viloyati FVBga Boysun tumanida yashovchi fuqaro uyidan 20 metr narida joylashgan adirlikka tomosha qilish maqsadida chiqib, ehtiyotsizligi oqibatida taxminan 25-30 metr pastlikka sirpanib tushib ketganligi to‘g‘risida xabar kelib tushgan.
Xabarga asosan, FVV qutqaruvchilari aytilgan manzilga yetib borib, fuqaroni jarlikdan chiqarib olgan va uning hayotini saqlab qolishgan.
Shundan so‘ng fuqaro tibbiyot xodimlariga topshirilgan.
Xabar qilinishicha, hozirda fuqaroning ahvoli yaxshi.
Davlat ishxonalarida har oyda bir marta «Qog‘ozsiz bir kun» aksiyasi o‘tkaziladi
AQSh Senati prezident Trampning Eronga qarshi urush vakolatlarini ma’qulladi
Shavkat Mirziyoyev va Ilhom Aliyev o‘rtasida telefon orqali muloqot bo‘lib o‘tdi
-
Dunyodan4 days ago
Eron Hormuz boʻgʻozi orqali cheklangan oʻtishga ruxsat beradi
-
Siyosat4 days agoSoʻnggi savdo maʼlumotlariga koʻra, Oʻzbekiston temir yoʻllari importi eksportdan 2,5 barobar koʻp
-
Iqtisodiyot4 days agopayme Tez QR orqali to‘lovni 3% keshbek bilan ishga tushirmoqda
-
Jamiyat4 days ago
Tadbirkor boshpanasiz bo‘lgan 5 ta oilani uy-joy bilan ta’minladi
-
Dunyodan4 days ago
Istanbulda yetti yil avval sodir etilgan qotillik ishi fosh etildi. O’zbek ayoli vafot etdi
-
Dunyodan4 days ago
Isroil mintaqaviy tuzilmani qayta tiklamoqchi
-
Iqtisodiyot4 days agoQashqadaryo viloyati ijtimoiy-iqtisodiy rivojlantiriladi
-
Siyosat5 days agoOnlayn suiiste’mollik va zararli kontentga qaratilgan qonun loyihasi Senatga kiritiladi