Jamiyat
«Sizlar Yangi O‘zbekistonning eng katta ishonchi va tayanchisiz» — Shavkat Mirziyoyev maktab bitiruvchilarini tabrikladi
Prezident Shavkat Mirziyoyev bugun, 25 may kuni mamlakat maktablarini bitiruvchi o‘g‘il-qizlarga tabrik yo‘lladi.
Bugun mamlakatimizdagi barcha umumta’lim maktablarida «so‘nggi qo‘ng‘iroq»lar yangrab, bayram tadbirlari bo‘lib o‘tmoqda. Mana shu hayajonli damlarda 472 ming nafar o‘g‘il-qizlar maktab ta’limini tugatib, katta hayotga yo‘llanma olmoqda.
«Biz bugun kelajak rejalarini tuzayotgan sizdek farzandlarimiz timsolida Yangi O‘zbekistonni dunyoga tarannum etadigan bunyodkor kuchni ko‘ramiz.
Joriy yil birinchi marta 11 ming nafardan ziyod farzandlarimiz maktabni oltin va kumush medallar bilan tamomlamoqda. Bunday intiluvchan o‘g‘il-qizlarimiz kelajakda ham o‘z tengdoshlariga namuna bo‘lib, yurtimiz taraqqiyotiga munosib hissa qo‘shadi deb ishonaman.
Har bir maktab bitiruvchisining hayotda munosib o‘rin egallashi uchun hozirgi kunda katta kuch va imkoniyatlarimizni safarbar etyapmiz.
Albatta, bugungi bitiruvchi – ertangi muhandis, shifokor, olim, shoir va adib, tadbirkor degani. Bugungi bitiruvchi – Uchinchi Renessans bunyodkori degani. Sizlar Yangi O‘zbekistonning eng katta ishonchi va tayanchisiz», — deyiladi tabrikda.
Aytilishicha, mamlakatimizda 207 ta oliygoh va 643 ta texnikum bitiruvchilarga zamonaviy bilim, kasb va malaka berishga tayyor. Tirishqoq, o‘z kuchiga ishongan yoshlar hali maktabni tugatmasdan turib, yurtimizdagi, chet eldagi nufuzli oliygohlarga kirishga ulgurdi. Masalan, 171 nafar yoshlar dunyoning yetakchi universitetlariga, yana minglab bitiruvchilar mamlakatimizdagi oliygohlarga qabul qilindi.
Prezident shu farzandlar, ularning ota-onalari va ustozlarini bunday yutuqlari bilan chin dildan tabrikladi.
«O‘zingiz ko‘ryapsiz, bugun hayot ham, mehnat bozoridagi talab ham shiddat bilan o‘zgarib bormoqda. Yangi-yangi kasblar paydo bo‘lyapti. Til, kasb, kompyuter savodxonligi va mustaqil daromad topish ko‘nikmasini egallash muhim zaruratga aylanmoqda. Mehnat bozori endi, avvalo, “hujjat” emas, amaliy bilim, malaka va natija so‘rayapti.
Bugun qishloqdagi oddiy maktab bitiruvchisi ertaga dunyo tan oladigan olim bo‘ladi. Bugun oldiga katta maqsadlar qo‘ygan, intiluvchan, izlanuvchan yoshlarimiz ertaga millionlab insonlarga xizmat qiladigan texnologiyalarni yaratadi. Bugun kitob o‘qiyotgan bir qizaloq ertaga mamlakat taraqqiyotini yangi bosqichga olib chiqadigan farzandlarni tarbiyalaydi.
Shu bois, har biringiz kamida bittadan xorijiy til va zamonaviy kasbni egallashga harakat qiling. Bu kelajakka ochilgan eshik, siz uchun qo‘shimcha imkoniyat va rag‘batdir.
Tadbirkor bo‘lishni istaydigan yoshlarimiz uchun banklar joriy yil 25 trillion so‘m arzon kreditlar taklif etmoqda. Startap loyihalarini boshlagan bitiruvchilarga esa 100 million dollar mablag‘ tayyorlab qo‘yganmiz. Eng yirik AT kompaniyalar har yili kamida 50 ming bitiruvchini sun’iy intellekt bo‘yicha o‘qitib, yuqori daromadli ishga joylashtirishga tayyor. Kelgusi yillarda 168 ming gektar super intensiv sanoatlashgan bog‘lar tashkil qilamiz. Mazkur loyihalarda qatnashmoqchi bo‘lgan bolalarimni men doim qo‘llab-quvvatlayman.
Mana shu yangi sohalarda sizlar, albatta, o‘z kasbingizning haqiqiy egasi bo‘lasiz!», — dedi davlat rahbari.
Ta’kidlanishicha, bugungi tez o‘zgarayotgan davrda hayotga, uning keskin talablariga tayyor bo‘lish bu – eng muhim vazifa.
Ushbu yo‘lda yoshlar uchun eng yaqin do‘st va eng kuchli qurol – kitobdir. Chunki kitob – nur, ilm va ibrat manbai. Ko‘p kitob o‘qigan inson hech qachon to‘g‘ri yo‘ldan adashmaydi, kuchli iroda, keng dunyoqarashga ega bo‘ladi.
Prezident bugungi hayotda tengdoshlari uchun o‘rnak bo‘ladigan yosh qahramonlarni sanab o‘tdi.
Masalan, to‘rt-besh yil oldin maktabni tugatgan Javohir Sindorov, Nodirbek Abdusattorov, Abduqodir Husanov kabi mashhur sportchilarimiz shaxmat va futbol olamida butun dunyoni qoyil qoldirmoqda.
Yosh kino ijodkorlar suratga olgan qisqa metrajli film Kann xalqaro kinofestivali doirasidagi inklyuziv filmlar festivalida Gran-pri mukofotini olishga sazovor bo‘ldi.
Kuni kecha futbol bo‘yicha milliy terma jamoamizni jahon chempionatiga katta tantana bilan kuzatildi.
Barchaga cheksiz g‘urur va iftixor bag‘ishlaydigan bunday yutuqlar ilgari tariximizda hech qachon bo‘lmagan.
«Ko‘ryapsizlarmi, chin dildan intilsa, harakat qilsa, Yangi O‘zbekiston yoshlari qanday buyuk marralarni zabt etishga qodir!
Men ishonaman, sizlarning orangizdan ham ana shunday millat qahramonlari, Yangi O‘zbekiston iftixorlari yetishib chiqadi!
Bu dunyoda har bir ongli inson ota-onasi, ustozlari va el-yurti ishonchini oqlashga intilib yashaydi. Inson uchun eng ulug‘ baxt, ulkan sharaf aslida shu.
Siz bugun maktabni tugatdingiz, lekin katta hayot maktabi endi boshlanmoqda.
Men sizlarga ana shunday tengsiz baxt, yuksak saodat egasi bo‘lishlaringizni tilayman.
Oldingizga katta maqsadlar qo‘yishdan hech qachon qo‘rqmang!
O‘zingizga ishonib, hamisha olg‘a boring!
Doimo o‘zgarishlar, islohotlar ruhi bilan yashaydigan avlod bo‘ling!
Shu yo‘ldagi ilk qadamlaringiz qutlug‘ va barakali bo‘lsin!
Barchangizga baxt va omad hamisha yor bo‘lsin, aziz farzandlarim!», — deya tabrik yo‘lladi Shavkat Mirziyoyev.
Toshkent shahrida Davlat xavfsizlik xizmati va ichki ishlar organlari xodimlari hamkorligida o‘tkazilgan tezkor tadbir davomida 34 kilogrammdan ortiq og‘ir turdagi giyohvandlik vositalari aniqlanib, musodara qilindi. Mazkur holat yuzasidan jinoyat ishi qo‘zg‘atilib, gumonlanuvchilar qamoqqa olindi.
Ma’lum qilinishicha, giyohvandlik vositalarining noqonuniy aylanmasiga qarshi kurashish doirasida Toshkent shahridagi Qo‘yliq bozori yaqinida shubhali tarzda to‘xtab turgan Lacetti rusumli avtomashina tekshiruvdan o‘tkazilgan.
Tezkor tadbir davomida transport vositasida Surxondaryo viloyatining Sariosiyo tumanida yashovchi, muqaddam sudlangan 1968 yilda tug‘ilgan shaxs hamda 1984 yilda Denov shahrida tug‘ilgan, hozirda Toshkent shahrida istiqomat qiluvchi fuqaro bo‘lgani aniqlangan.
Avtomashina salonidagi yelim idish ichida jami 30 dona o‘ramda 34 kilogramm 610 gramm og‘ir turdagi giyohvandlik vositalari saqlanayotgani ma’lum bo‘lgan. Ular orasida 12 kilogramm 960 gramm «opiy» va 21 kilogramm 650 gramm «gashish» moddalari borligi aniqlanib, ashyoviy dalil sifatida rasmiylashtirib olingan.
Qayd etilishicha, bunday turdagi giyohvandlik vositalari mamlakat hududiga xorijdan kontrabanda yo‘li bilan olib kiriladi.
Hozirda mazkur shaxslarga nisbatan DXX Tergov boshqarmasi tomonidan Jinoyat kodeksining tegishli moddalari bilan jinoyat ishi qo‘zg‘atilib, «qamoq» ehtiyot chorasi qo‘llangan.
Tergov harakatlari davom etmoqda. Shuningdek, ushbu jinoyatga aloqador bo‘lishi mumkin bo‘lgan boshqa shaxslarni aniqlash bo‘yicha chora-tadbirlar ko‘rilmoqda.
Farg‘ona viloyatidagi «Rishton» chegara bojxona posti orqali mamlakat hududiga giyohvandlik moddasi saqlovchi dori vositalarini noqonuniy olib kirishga bo‘lgan urinishning oldi olindi. Fuqaro ichki kiyimiga yashirib olgan qariyb 950 dona kapsula bojxonachilar tomonidan aniqlandi.
Foto: Bojxona qo‘mitasi
Farg‘ona viloyati bojxona boshqarmasining «Rishton» chegara bojxona posti orqali qo‘shni davlatdan kirib kelayotgan fuqaroning xatti-harakatlari bojxona xodimlarida shubha uyg‘otgan. Shundan so‘ng u belgilangan tartibda shaxsiy ko‘rikdan o‘tkazilgan.
Tekshiruv davomida fuqaro ichki kiyimiga yashirib olgan, deklaratsiyalanmagan va tegishli hujjatlari mavjud bo‘lmagan 23 dona qadoqdagi jami 950 ga yaqin «Tawon Liar» nomli dori vositasini bojxona nazoratidan yashirincha olib kirishga uringani ma’lum bo‘lgan.
Mutaxassislar xulosasiga ko‘ra, mazkur dori vositasi tarkibida giyohvandlik vositalari ro‘yxatiga kiritilgan «tapentadol» moddasi mavjudligi aniqlangan.
Hozirda mazkur holat yuzasidan bojxona organlari tomonidan jinoyat ishi qo‘zg‘atilib, tergov harakatlari olib borilmoqda.
Amerika Qo‘shma Shtatlari migratsiya qonunchiligini buzgani uchun deportatsiya qilingan 24 nafar O‘zbekiston fuqarosi navbatdagi charter reys orqali Toshkentga olib kelindi. Vatandoshlarning qaytarilishi O‘zbekiston va AQSh vakolatli idoralari o‘rtasidagi hamkorlik asosida amalga oshirildi.
“Dunyo” axborot agentligi ma’lum qilishicha, AQShdan uchib kelgan charter reys 11 iyun kuni ertalab Toshkent xalqaro aeroportiga qo‘ngan.
Fuqarolarni vatanga qaytarish jarayoni O‘zbekiston va AQShning tegishli idoralari o‘rtasidagi kelishilgan hamkorlik doirasida tashkil etilgan. Unda shaxsni aniqlash, zarur hujjatlarni rasmiylashtirish hamda xavfsiz tashish bilan bog‘liq tashkiliy va huquqiy masalalar tezkor tarzda muvofiqlashtirilgan.
Qayd etilishicha, O‘zbekiston xorijiy davlatlar bilan migratsiya sohasidagi hamkorlikni izchil davom ettirmoqda. Xususan, migratsiya qonunchiligi buzilishining oldini olish va chet ellardagi O‘zbekiston fuqarolarining huquq hamda manfaatlarini himoya qilish bo‘yicha ishlar muntazam olib borilmoqda.
Joriy yilning 12 may kuni ham Stokholm shahridan tashkil etilgan charter reys orqali 20 nafar O‘zbekiston fuqarosi Toshkentga qaytarilgan edi.
Toshkent viloyatining Angren shahri va Navoiy viloyatida o‘tkazilgan tezkor tadbirlar davomida jami 120 ming AQSh dollari miqdoridagi qalbaki valutani muomalaga kiritishga uringan shaxslar qo‘lga olindi.
Foto: Prokuratura departamenti
Bosh prokuratura huzuridagi Departamentning Angren shahri bo‘limi hamda boshqa huquqni muhofaza qiluvchi organlar xodimlari hamkorligida o‘tkazilgan tezkor tadbirda fuqarolar M.Yu. (muqaddam sudlangan), M.A. va Z.A. fuqaro A.D.ga 100 dollarlik kupyuralardagi qalbaki 80 ming AQSh dollarini 40 ming dollarga sotgan vaqtida ashyoviy dalillar bilan ushlangan.
Shuningdek, Departamentning Navoiy viloyati boshqarmasi va boshqa huquqni muhofaza qiluvchi organlar xodimlari tomonidan o‘tkazilgan tezkor tadbirda fuqaro I.Q. fuqaro R.B.ga 100 dollarlik kupyuralardagi qalbaki 40 ming AQSh dollarini 28 ming dollarga sotishga kelishib, shundan 10 ming dollarini sotgan vaqtida qo‘lga olingan.
Mazkur holatlar yuzasidan Jinoyat kodeksining 168-moddasi (firibgarlik) va 176-moddasi (qalbaki pul, aksiz markasi yoki qimmatli qog‘ozlar yasash, ularni o‘tkazish) bilan jinoyat ishlari qo‘zg‘atilib, tergov harakatlari olib borilmoqda.
11 iyun kuni Toshkent shahri, Bektemir tumani, Nurafshon mahallasi hududidan oqib o‘tuvchi Chirchiq daryosida joylashgan «Suv so‘ndirgich» inshootining oqim bo‘ylab o‘ng nishabligidagi beton qoplamasi hamda qirg‘oq bo‘yi mintaqasida o‘pirilish sodir bo‘ldi.
Suv xo‘jaligi vazirligi xabariga ko‘ra, hodisa oqibatida atrofdagi bino-inshootlar, obektlar hamda aholi xonadonlariga zarar yetmagan, ayni vaqtda ular uchun hech qanday xavf mavjud emas.
Xabarga ko‘ra, suv xo‘jaligi vaziri Sh.Xamrayev boshchiligidagi ishchi guruh voqea joyiga yetib borgan. Favqulodda vaziyatlar vazirligi, tegishli tashkilotlar va Toshkent shahar hokimligi mas’ullaridan iborat tezkor shtab tuzilgan.
Ta’kidlanishicha, sodir bo‘lgan o‘pirilish holatini bartaraf etish ishlarini olib borish uchun 2 ta ekskavator, 10 ta samosval, 2 texnika hamda ishchi kuchi jalb etilib, Chirchiq daryosi qirg‘og‘ini mustahkamlash ishlari olib borilmoqda.
Ishchi guruhlar tomonidan Bektemir tumani hududidan oqib o‘tuvchi Chirchiq daryosining oqim bo‘ylab ikki yon atrofida joylashgan fuqarolarning yashash xonadonlari va tadbirkorlik sub’yektlarida profilaktik suhbatlar o‘tkazilmoqda, ularga xavotirga o‘rin yo‘qligi tushuntirilmoqda.
Qayd qilinishicha, Chirchiq daryosida 11 iyun, soat 18:00 holatiga suv sathi 278 m3/sek ni tashkil etmoqda va daryo suvi kamaytirilmoqda.
«Dunyoni biz boshqarmaymiz» – Infantino arbitr Artan AQShga kiritilmaganiga munosabat bildirdi
Tashqi ishlar vazirligi xorijdagi konsullik xizmatlari uchun mobil ilovani ishga tushirdi
Mundial tanishtiruvi. B guruhi haqida nimalarni bilish kerak?
-
Jamiyat5 days agoYetim va ota-ona qaramog‘idan mahrum bo‘lgan bolalar oromgohlarda bepul dam oladi
-
Iqtisodiyot4 days ago«Gazprom» O‘zbekistonga eksportni 15 foizga oshirganini ma’lum qildi
-
Jamiyat5 days agoMurojaatlarni ko‘rib chiqish muddatlari buzgan 19 nafar xodim ishdan olindi
-
Dunyodan5 days ago
Aktyor Jeyms Handi qotillik qurboniga aylandi
-
Dunyodan23 hours agoYevropa Ittifoqi Oʻrta Yer dengizidagi “soya flotlari”ga qarshi reydlarni kuchaytirdi
-
Iqtisodiyot8 hours agoSpaceX tarixdagi eng yirik IPOʻni amalga oshirdi
-
Jamiyat5 days ago
Tadbirkorlar sayyohlar uchun sug‘urta xizmatlarini soddalashtirishni taklif qildilar
-
Iqtisodiyot5 days ago
O‘zbekiston hududlarida 1 kg palov tayyorlash qanchaga tushishi ma’lum qilindi