Siyosat
“Shimoldan esgan sovuq shamol”. Rossiyalik yana bir propagandachi O‘zbekistonga til tekkizdi
Rossiyalik faylasuf va siyosatshunos Aleksandr Dugin postsovet makonida mustaqil davlatlar davri ortda qolgani haqidagi iddaoni ilgari surar ekan, Qozog‘iston, O‘zbekiston, Qirg‘iziston, Tojikiston, Armaniston, Gruziya, Ozarbayjon kabi davlatlarning suverenitetini shubha ostiga oldi.
Dugin “dunyoning yangi modeli”da postsovet makonda suveren davlatlar mavjud bo‘la olmasligini ta’kidlab, Moskva nazoratida yangi ittifoqni tuzish kerakligini urg‘ulagan.
O‘zbekistonlik tahlilchi va ekspertlar Aleksandr Duginning buyuk davlatchilik hidi anqib turgan bayonotiga keskin e’tiroz bildirmoqda.
“Rossiya axborot maydonida Markaziy Osiyo davlatlari suverenitetiga qarshi qaratilgan tajovuzkor ritorika to‘xtash o‘rniga, yangi va yanada xavfli tus olmoqda. Hali Vladimir Solovyovning mintaqa davlatlariga qarshi “maxsus harbiy operatsiya” o‘tkazish haqidagi tahdidlari jamoatchilik xotirasidan o‘chmasdan turib, sahnaga “rus dunyosi”ning asosiy mafkurachilaridan biri hisoblangan Aleksandr Dugin chiqdi. Uning so‘nggi chiqishlari shunchaki hissiyotli jurnalistning gapi emas, balki mustaqil davlatchilik asoslarini inkor etuvchi mafkuraviy hujum sifatida baholanmoqda… Uning mustaqil davlatlarni “o‘tmish qoldig‘i” deb atashi nafaqat diplomatik odobga, balki xalqaro huquqning barcha normalariga tupurish bilan barobardir…
Shimoldan kelayotgan bunday “sovuq shamollar” bir haqiqatni yana bir bor eslatmoqda: Mustaqillik – bu “sovg‘a” emas, balki har kuni, har soatda himoya qilinishi kerak bo‘lgan oliy qadriyatdir. Rossiya propaganda mashinasining bugungi hujumlari ertangi real xavfga aylanmasligi uchun mintaqa davlatlari nafaqat ogoh bo‘lishi, balki o‘z suvereniteti masalasida qat’iy va yakdil pozitsiyada turishi shart. Zero, o‘zligini himoya qila olmagan davlatlar, Dugin aytmoqchi bo‘lganidek, tarix arxiviga uloqtirilish xavfi ostida qoladi – ammo O‘zbekiston bu ssenariyni allaqachon rad etgan”, – deb yozdi tahlilchi G‘ayratxo‘ja G‘afforxo‘ja o‘g‘li.
“Rossiyalik propagandachilarning ketma-ket chiqishlari tasodif emas, bu individual fikr ham emas, bu – juda aniq xavfli, mafkuraviy signal. Kecha Solovyovning Markaziy Osiyoda “maxsus harbiy operatsiya” o‘tkazish haqidagi chaqirig‘i, bugun esa Dugin bergan mana bu bayonot Rossiya siyosiy doiralarida postimperial tafakkur hanuz tirik ekanini yana bir bor isbotlamoqda.
Bunday sharoitda “sodda, yumshoq diplomatiya” ishlamaydi, chunki kuch siyosatini targ‘ib qilayotgan tomon faqat kuchni va qat’iy pozitsiyani tan oladi. Ozarboyjon misolida buni ko‘rdik.
Tashqi ishlar vazirligi va mamlakat rahbariyati tushunishi kerak: suverenitetimizning ochiq inkor etilishini javobsiz qoldirish xavfsizlik vakuumini yuzaga keltiradi. Doimiy sukut – betaraflik yoki bosiqlik emas, balki zaiflik sifatida qabul qilinadi.
Shu sabab, yana qaytaraman, birinchi va eng tabiiy javob sifatida bunday chaqiriqlar bilan chiqqan shaxslarni “persona non grata” deb e’lon qilishni boshlang. Ortiq kutish mumkin emas.
Ikkinchi bosqichda esa urush va bosqinchilik mafkurasini targ‘ib qilayotgan Rossiya telekanallarini O‘zbekiston hududida bloklash kabi axborot xavfsizligi richaglarini ishga solaylik. Agar bu aniq choralar ham samara bermasa, keyingi bosqichda Markaziy Osiyo davlatlarining birlashgan, jamoaviy va ochiq siyosiy javobi kun tartibiga chiqishi lozim. Yumshoq diplomatiya emas, ongli, prinsipial va izchil pozitsiya – mintaqaviy barqarorlikning yagona kafolati bo‘la oladi”, – deb yozdi jurnalist Ilyos Safarov.
“Bugungi RFning fashistik va imperialistik da’volarini ko‘rib, nima uchun avvalgi tuzum vaqtida bizning qo‘shnilar bilan munosabatlarimiz sovuq bo‘lganini tushunib boryapman. Markaziy Osiyodagi ittifoqchilarimizda harbiy va iqtisodiy mustaqillik yo‘qligi yetmaganidek, har bittasida Rossiya harbiy bazalari mavjud. Ya’ni, O‘zbekiston bugun to‘rt tomondan rus harbiylari bilan qurshab olingan, atrofimizdagi elita ham doim rusparastlardan iborat bo‘lib kelgan. Qolaversa, yillar davomida Moskvaning mintaqada iqtisodiy ta’siri ham kuchayib boravergan. Karimovning YeOII haqida aytgan o‘sha mashhur iqtibosini eslab qo‘yishning ayni vaqti: “Ular faqat iqtisodiy bozor yaratayotganini, bu suverenitet va mustaqillikka hech qachon daxl solmasligini aytishyapti. Lekin, ayting-chi, iqtisodiy mustaqilliksiz siyosiy mustaqillikka erishish mumkinmi?”
E’tibor bering, Dugin aynan O‘zbekistonni nishonga olib gapiryapti. U: “Yo bizning ta’sir ostimizdagi mamlakatlar umumiy ittifoqqa qo‘shiladi yoki AQSh va Yevropa uchun harbiy platsdarmga aylanadi”, deb aynan bizni aytyapti. Chunki Markaziy Osiyo mamlakatlari allaqachon Rossiyaning sun’iy YeOII va KXShT kabi ittifoqlariga qo‘shilib bo‘lgan. Yagona suveren hudud bu yerda faqat bizmiz.
Tasavvur qiling, agar Moskvaning o‘zi bugun bizning ahvolimizga tushganida, ya’ni uning atrofini NATO harbiy bazalari qurshab olganida qanday reaksiya bildirgan bo‘lar edi? Ukrainadagi urushni shu sabab boshlamaganmidi? Biz bu borada yillar davomida ancha diplomatik va pragmatik yo‘l tutganmiz, ayniqsa ikkinchi ma’muriyat davrida. To‘g‘ri, biz hozir istasak ham balki Rossiya kabi kuch pozitsiyasini namoyish eta olmasmiz, chunki yillar davomida Kremldagi og‘alarni xafa qilmaslik uchun ataylab qo‘shinlarni modernizatsiya qilmadik, mudofaani zamonaviy qurol-aslahalar bilan to‘yintirmadik. Hech bir qurolli harakatlarga qo‘shilmadik, doim neytral pozitsiyani saqlab keldik. Rossiya esa bu vaqtda o‘z harbiylarini Markaziy Osiyoda joylashtirib, atrofimizda kengayib boraverdi. Mana bugun endi Kreml “laychalari” xohlaganicha bizga tahdid qilishi mumkin. Biz esa indamay “yeb yuboradigan” pozitsiyadamiz…
Lekin, bir narsa xursand qiladi, Rossiya o‘zining agressiv ritorikalari bilan yillar davomida birodar ukrain xalqini qanday qilib o‘zidan sovutgan bo‘lsa, bugun MO aholisi ham xuddi shu tariqa ulardan bezib ketyapti”, – deb yozdi Telegramdagi “Fayzbog‘” kanali.
“Aleksandr Dugin – akademik muhitdan chiqqan shaxs, u olim sifatida o‘z qarashlariga ega bo‘lishi tabiiy. Shu ma’noda, har bir gapini favqulodda “hujum” yoki to‘g‘ridan-to‘g‘ri siyosiy signal sifatida qabul qilib, ortiqcha reaksiya qilish ham shart emas. Ortiqcha, hissiyotga to‘la reaksiya qanchalik ko‘p bo‘lsa, tashqi tomondan shunchalik zaif ko‘rinamiz. Buni Game of Thrones serialidan bir epizod yaxshi ifoda qiladi. Yosh podshoh Joffri bobosi Tayvin Lannisterga qattiq ovozda: “Men podshohman”, deb aytadi. Tayvin esa javob beradi: “Kim o‘zini ‘men podshohman’ deb aytishga majbur bo‘lsa, u haqiqiy podshoh emas”.
Xalqaro siyosatda ham shunga o‘xshash qoida bor: kim suverenitet haqida baqirib gapirsa, ko‘pincha uning o‘zi suveren emasligini namoyon qiladi. Haqiqiy suverenlik bayonotlarda emas, qaror qabul qilish qobiliyatida va amaliy mustaqillikda ko‘rinadi. Lekin bu uni aytgan fikrlarni mutlaqo inkor etish yoki e’tiborsiz qoldirish kerak degani emas. Chunki Dugin – shunchaki marginal publitsist emas, balki Rossiyadagi geosiyosiy tasavvurlarni shakllantirgan asosiy ideologlardan biri”, – deb yozdi siyosatshunos Otabek Akromov.
Ma’lumot o‘rnida: Aleksandr Dugin “Russkiy mir” ideologiyasi muallifi hisoblanadi. Uning targ‘ibot nazariyasiga ko‘ra, Yevroosiyo ittifoqi integratsiyalashuvi orqali, Rossiya sobiq ittifoq respublikalari bilan birgalikda yangi – Yevroosiyo superdavlatini yaratishi kerak.
Dugin avvalroq Qozog‘iston tomonidan istalmagan shaxslar ro‘yxatiga kiritilgan.
Eslatib o‘tamiz, 10 yanvar kuni rossiyalik yana bir propagandachi Vladimir Solovyov Rossiya Armaniston va Markaziy Osiyo mamlakatlarida maxsus harbiy amaliyot o‘tkazishi haqidagi da’voni ilgari surgan, bunga javoban “It hurar, karvon o‘tar” maqoli esga olingan edi.
O‘zbekiston prezidenti Shavkat Mirziyoyev Gruziya bosh vaziri Irakliy Kobaxidzening taklifiga binoan 2-3 iyul kunlari davlat tashrifi bilan ushbu mamlakatda bo‘ladi.
Tbilisi shahrida ushbu mamlakat prezidenti Mixail Kavelashvili hamda bosh vaziri Irakliy Kobaxidze bilan muzokaralar o‘tkazilishi ko‘zda tutilgan.
Muzokaralar kun tartibidan O‘zbekiston – Gruziya do‘stlik va ko‘p qirrali hamkorlik munosabatlarini yanada rivojlantirish masalalari o‘rin olgan.
Siyosiy muloqotni mustahkamlash, parlamentlararo va hududlararo aloqalarni rivojlantirish, savdo-iqtisodiy hamkorlikni kengaytirish hamda madaniy-gumanitar almashinuvlarni faollashtirishning amaliy jihatlari atroflicha muhokama qilinadi.
Tomonlar sanoat, farmatsevtika, kimyo, qishloq xo‘jaligi, turizm, energetika va axborot texnologiyalari sohalarida kooperatsiya loyihalarini ilgari surishga alohida e’tibor qaratadilar.
Shu bilan birga, transport-logistika sohasida hamkorlik qilish hamda mahsulotlar eksporti geografiyasini kengaytirish uchun qo‘shimcha imkoniyatlar yaratish masalalari diqqat markazida bo‘ladi.
Yetakchilar xalqaro va mintaqaviy ahamiyatga molik dolzarb mavzular yuzasidan ham fikr almashadilar.
Sammit yakunlari bo‘yicha hamkorlikning turli yo‘nalishlarini qamrab oladigan ikki tomonlama hujjatlarning salmoqli to‘plamini imzolash rejalashtirilgan.
General-mayor Maykl J. Reaney boshchiligidagi AQSh Armiya Markazi (ARCENT) delegatsiyasi O‘zbekiston Milliy gvardiyasining yuqori martabali mulozimlari bilan uchrashib, ikki tomonlama mudofaa sohasidagi sa’y-harakatlarini bayon qildi.
Foto: O‘zbekiston Milliy gvardiyasi
Yig‘ilish delegatsiyaning O‘zbekistonga amaliy tashrifi doirasida bo‘lib o‘tdi va unda Milliy gvardiya qo‘mondoni o‘rinbosari, polkovnik S.Mamayusupov, tegishli tuzilmaviy boshqarma boshliqlari ishtirok etdi.
Muhokamada Milliy gvardiya va AQSH Markaziy qoʻmondonligi oʻrtasidagi harbiy hamkorlikning hozirgi holatiga eʼtibor qaratildi va kelgusidagi hamkorlikning asosiy yoʻnalishlari belgilab olindi. Tomonlar 2026-2027 yillarga mo‘ljallangan keng qamrovli hamkorlik rejasi va ikki tomonlama munosabatlarni mustahkamlash va aniq strategik ustuvorliklarni belgilashga qaratilgan yangi hamkorlik memorandumi loyihalarini ko‘rib chiqdilar.
Oʻzbekistonlik xodimlarning taʼlim olish imkoniyatlarini kengaytirish anjumanning asosiy mavzusi boʻldi. Ishtirokchilar Milliy gvardiya a’zolarining AQSh homiyligidagi Xalqaro harbiy ta’lim va ta’lim (IMET) dasturidagi ishtirokini oshirish yo‘llarini o‘rganib chiqdilar. Bundan tashqari, delegatsiyalar Milliy gvardiya boʻlinmalarining kasbiy salohiyati va umumiy sifatini oshirishga qaratilgan qoʻshma taʼlim loyihalarini amalga oshirish masalalarini ham muhokama qildilar.
Siyosat
Prezident Mirziyoyev oliy darajadagi ikki tomonlama maslahatlashuvlar uchun Gruziyaga tashrif buyurdi
Prezident Shavkat Mirziyoyev Gruziya Bosh vaziri Irakliy Kobaxidzening taklifiga binoan 2-3 iyul kunlari rasmiy davlat mehmoni sifatida ushbu mamlakatda bo‘ladi.
Foto: Prezident matbuot xizmati
Tbilisiga tashrif jadvaliga Gruziya prezidenti Mixail Kavelashvili va bosh vazir Irakliy Kobaxidze bilan ikki tomonlama muzokaralar kiritilgan. Sammitda asosiy e’tibor O‘zbekiston va Gruziya o‘rtasidagi diplomatik munosabatlar, ko‘p yillik do‘stlik va ko‘p qirrali hamkorlikni mustahkamlashga qaratiladi.
Tomonlar siyosiy muloqotni mustahkamlash, parlamentlararo aloqalarni kengaytirish va ikki mamlakatning turli mintaqalari o‘rtasida yaqin sheriklik munosabatlarini rivojlantirish bo‘yicha aniq chora-tadbirlarni baholaydilar. Kun tartibi, shuningdek, savdo hajmini sezilarli darajada oshirish va qo’shma madaniy-gumanitar almashinuvlarni rag’batlantirishga qaratilgan.
Iqtisodiyotning keng ko‘lamli tarmoqlarida qo‘shma investitsiya loyihalarini rag‘batlantirishga alohida e’tibor qaratiladi. Ularga ishlab chiqarish, farmatsevtika, kimyo, qishloq xo‘jaligi, turizm, energetika va axborot texnologiyalari kiradi.
Transport va logistika tarmoqlarini mustahkamlash har ikki hukumat uchun ham ustuvor vazifa bo‘lib qolmoqda. Delegatsiya yanada samarali savdo yo‘llarini yaratish va O‘zbekiston eksportining geografik ko‘lamini kengaytirish maqsadida mintaqaviy transport yo‘laklarini mustahkamlash borasidagi sa’y-harakatlarni ko‘rib chiqadi.
Davlat rahbarlari iqtisodiy va savdo masalalaridan tashqari dolzarb mintaqaviy va xalqaro muammolar yuzasidan fikr almashadilar. Oliy darajadagi sammit yakunida ko‘plab sohalarda institutsional hamkorlikni chuqurlashtirishga qaratilgan keng qamrovli ikki tomonlama bitim imzolanishi kutilmoqda.
Prezident Shavkat Mirziyoyev yoshlar bilan uchrashuv o‘tkazmoqda.
Davlatimiz rahbari yurtimizdagi barcha yoshlarni bayram bilan samimiy tabrikladi.
Prezidentimiz O‘zbekiston milliy terma jamoasining futbol bo‘yicha jahon chempionatidagi ishtirokiga to‘xtalib o‘tdi.
«Milliy jamoamizning AQSh va Meksika maydonlaridagi o‘yinlarini butun xalqimiz bilan bir tan-u, bir jon bo‘lib, katta his-hayajon bilan kuzatib bordik. Futbolchilarimiz FIFA reytingida 5-o‘rinda turgan Portugaliya, 13-o‘rindagi Kolumbiya hamda ko‘plab futbolchilari Yevropaning yetakchi klublarida to‘p suradigan Kongo terma jamoalari bilan o‘tkazilgan o‘yinlar orqali o‘ziga tajriba orttirdi, mundial nafasini his qildi desak, to‘g‘ri bo‘ladi. Abbos Fayzullayev va Eldor Shomurodov jahon chempionatidagi ilk gollarini kiritib, xalqimizga xursandchilik bag‘ishladi.
Milliy terma jamoamizning jahon chempionatidagi ishtiroki to‘g‘risida turli fikrlar bildirilmoqda.
Lekin Vatanimiz sharafini himoya qilgan terma jamoamiz a’zolariga ortiqcha his-tuyg‘u bilan e’tiroz bildirish, ulardan ayb qidirish xalqimizga xos ish emas. Aksincha, bugun ularni qo‘llab-quvvatlash, ruhini ko‘tarish har qachongidan ham muhim»,– dedi Prezidentimiz.
Katta g‘alabalar hali oldinda ekani, buning uchun futbolni rivojlantirishga yanada keng sharoitlar yaratilishi, bu sohaga investitsiya ko‘paytirilishi ta’kidlandi. Eng avvalo, bolalar futboliga e’tibor kuchaytirilib, mazkur sport umummilliy harakatga aylantiriladi.
Kelasi yilning yanvarida Saudiya Arabistoni maydonlarida o‘tkaziladigan futbol bo‘yicha Osiyo kubogiga tayyorgarlik hozirdan boshlanadi.
«Biz jamoamizga ishonamiz va ushbu musobaqada ham butun xalqimiz bilan qo‘llab-quvvatlaymiz!» – dedi Prezidentimiz.
Siyosat
Saida Mirziyoyeva Emmanuel Makron bilan uchrashib, O‘zbekiston va Fransiya o‘rtasidagi hamkorlikni kengaytirish masalalarini muhokama qildi
O‘zbekiston Prezidenti kotibi Saida Mirziyoyeva Fransiya prezidenti Emmanuel Makron bilan uchrashib, ikki tomonlama munosabatlarni kengaytirish masalalarini muhokama qildi.
Foto: Telegram/SShMirziyoyeva
Uchrashuvda Mirziyoyeva xonim Fransiya Prezidentiga samimiy qabul uchun minnatdorlik bildirib, O‘zbekiston Prezidenti Shavkat Mirziyoyev nomidan samimiy salomlar yo‘lladi.
Mirziyoyeva oʻzining rasmiy Telegram-kanalida ikki davlat oʻrtasida muhim strategik sohalarni qamrab olgan uzoq muddatli hamkorlik aloqalari mavjudligini maʼlum qildi. Toshkent va Parij kelgusida ham ko‘plab o‘zaro manfaatli tashabbuslar va qo‘shma loyihalarni muvaffaqiyatli amalga oshirishiga katta ishonch bildirdi.
Oliy darajadagi uchrashuv Saida Mirziyoyeva va Fransiyaning Yevropa va tashqi ishlar vaziri Jan-Noel Barro bilan bir kun avval bo‘lib o‘tgan mazmunli muhokamalaridan so‘ng bo‘lib o‘tdi. Ushbu muzokaralar chog‘ida oliy hukumat amaldori Fransiya O‘zbekiston uchun Yevropadagi muhim strategik sherik bo‘lib qolayotganini alohida ta’kidladi.
Ikki mamlakat oʻrtasidagi koʻp qirrali hamkorlik bir qancha muhim yoʻnalishlarni, jumladan, energetika, transport, infratuzilmani rivojlantirish, taʼlim va sogʻliqni saqlashni oʻz ichiga oladi. Mirziyoyeva xonim Oʻzbekiston Markaziy Osiyoda ishonchli, bashorat qilinadigan va barqaror hamkor sifatidagi oʻz mavqeini saqlab qolgan holda Fransiya va keng Yevropa hamjamiyati bilan hamkorlikni izchil mustahkamlash tarafdori ekanini yana bir bor taʼkidladi.
Mustaqillik shohko‘chasining bir qismi 13 iyulgacha yopiladi
NATO davlatlari Rossiyadan xavotirda…
Yosh ixtirochi qizga Prezident sovg‘asi — Volkswagen elektromobili topshirildi
-
Dunyodan3 days agoEron Hormuz boʻgʻozi orqali oʻtayotgan kemalarni ogohlantirdi
-
Dunyodan5 days agoQirgʻiziston va Oʻzbekiston chegarani delimitatsiya qilish doirasida hudud almashadilar
-
Jamiyat4 days agoToshkent davlat agrar universiteti sport kompleksida yong‘in sodir bo‘ldi
-
Iqtisodiyot4 days ago
Prezident raisligida videoselektor boshlandi
-
Iqtisodiyot4 days ago“Xohlagan ekinni ekish mumkin” – Yangi tartib fermerga nima beradi?
-
Jamiyat5 days agoYunusobodda hojatxonaga tushib ketgan bola qutqarildi
-
Mahalliy3 days ago
Birov bildi, birov bilmadi…
-
Sport5 days agoJCh kundaligi. Kabo-Verdeda mo‘jiza, Urugvayda sharmandalik, Dembeleda het-trik, Eronda drama