Siyosat
«Shaffoflik, hisobdorlik va erkin axborot». YIning maxsus vakili demokratiyaning muhim shartiga e’tibor qaratdi
Inqirozli vaziyatlarda ommaviy axborot vositalari haqqoniy axborot manbasi sifatida hal qiluvchi rol o‘ynashi lozim. Bu haqda Yevropa Ittifoqining Markaziy Osiyo bo‘yicha maxsus vakili Eduards Stiprays Ostona shahrida 4-dekabr kuni bo‘lib o‘tgan «Raqamli muhit: sun’iy intellekt va axborot manipulyasiyasi zamonida onlayn faoliyat» mavzusidagi III mediaforumda so‘zlagan nutqida ta’kidladi.
«Ommaviy axborot vositalari axboriy jihatdan uyg‘oq jamiyatni shakllantirish va demokratiyani mustahkamlashda o‘ta muhim o‘rin tutadi. OAV shaffoflik, hisobdorlik va erkin axborot oqimini ta’minlagan holda fuqarolar orasida, shuningdek, aholi va institutlar o‘rtasida ko‘prik vazifasini o‘taydi. Axborot agentliklari turli nuqtai nazarlarni taqdim etarkan, hamjamiyatlar o‘rtasida o‘zaro tushunish va muloqotni kuchaytiradi», — dedi YIning Markaziy Osiyo bo‘yicha maxsus vakili Eduards Stiprays.
Sun’iy intellekt vositasida amalga oshirilayotgan manipulyasiya, raqamli tahdidlar va dezinformatsiya kabi muammolarga e’tibor qaratgan yuqori martabali diplomat YI mintaqa davlatlari bilan bu borada ham hamkorlikni kuchaytirayotganini qayd etdi.
«YI va Markaziy Osiyo o‘rtasidagi hamkorlik haqida so‘z borganda, yangiliklar sarlavhalarida asosan bizning infratuzilma va jismoniy robitalar yo‘nalishidagi qo‘shma tashabbuslarimiz ustunlik qiladi. Aslida, bizning hamkorligimiz OAV bilan o‘zaro aloqalarni ham qamraydi. YI Markaziy Osiyodagi hamkorlar bilan mediasavodxonlikni oshirish, faktlarni tekshirish ko‘nikmasini takomillashtirish va sun’iy intellektdan foydalanishda axloqiy me’yorlarni ilgari surishda ham yelkama-yelka ishlamoqda», — dedi Eduards Stiprays.
Ta’kidlanishicha, ushbu xatti-harakatlar YIning inson huquqlari va asosiy erkinliklarni himoya qilish, ochiq jamiyatni dastaklash, Markaziy Osiyoda o‘zaro manfaat hamda mushtarak qadriyatlarga asoslangan hamkorlik robitalarini mustahkamlash kabi strategik maqsadlariga uyg‘undir.
Jumladan, Markaziy Osiyoda raqamli muhit bo‘yicha tashabbus raqamli tengsizlikka barham berish barobarida iqtisodiyotda ham ijobiy o‘sish sur’atlarini ta’minlashga qaratilgandir.
«Dezinformatsiya va ta’sir ko‘rsatishga urinishlar xuddi javob choralari kabi milliy chegaralarni-da oshib o‘tmoqda. Markaziy Osiyodagi media hamjamiyatlar o‘rtasidagi aloqalarni mustahkamlash ushbu tahdidlar ko‘lamini kamaytirishda hal qiluvchi ahamiyat kasb etadi. YI Markaziy Osiyoda so‘z erkinligi va raqamli barqarorlik masalalarida ishonchli va uzoq muddatli hamkorlik bo‘lib qoladi», — dedi YI maxsus vakili.
YIning Qozog‘istondagi delegatsiyasi Maqsud Narikbayev nomidagi universitet bilan hamkorlikda tashkil etgan ilmiy-amaliy anjumanda Markaziy Osiyo davlatlarida faoliyat yuritib kelayotgan 100 ga yaqin ekspertlar, jurnalistlar, fuqarolik jamiyati namoyandalari va ilmiy tadqiqotchilar ishtirok etdi.
III mintaqaviy mediaforum sun’iy intellekt texnologiyalarining jurnalistika va siyosatga ta’siri, axborot manipulyasiyasi, ob’yektiv va haqqoniy axborot muhitini shakllantirish kabi mavzularda o‘zaro tajriba almashuv, yangi bilimlar bilan o‘rtoqlashuv va ilmiy-amaliy ko‘nikmalarni oshirish bo‘yicha maydon vazifasini o‘tadi.
TIV rahbari Baxtiyor Saidov Eron Islom Respublikasi tashqi ishlar vaziri Sayyid Abbos Aroqchi bilan telefon orqali muloqot o‘tkazdi.
Suhbat davomida Yaqin Sharqdagi ziddiyatni yakunlashga qaratilgan kelishuvlarni amalga oshirish jarayonining so‘nggi bosqichlari yuzasidan ma’lumot olingan hamda mintaqadagi mavjud vaziyat yuzasidan fikr almashildi.
O‘zbekistonning mintaqadagi keskinlikni yumshatishga qaratilgan diplomatik sa’y-harakatlarni izchil qo‘llab-quvvatlashini yana bir bor ta’kidlab, muloqotni davom ettirish va erishilgan kelishuvlarni izchil amalga oshirish muhimligini qayd etildi.
«Shuningdek, O‘zbekiston–Eron munosabatlarini yanada mustahkamlash masalalarini muhokama qilib, o‘zaro manfaatli yo‘nalishlar bo‘yicha yaqin muloqotni davom ettirishga kelishib oldik», deya ta’kidlaydi Saidov.
Prezident Shavkat Mirziyoyev 25-iyun kuni AQSh Savdo vakili Jeymison Greerni qabul qildi va ikki mamlakat o‘rtasidagi strategik sheriklikni chuqurlashtirish, iqtisodiy va savdo aloqalarini kengaytirishga alohida e’tibor qaratdi.
Foto: Prezident matbuot xizmati
Uchrashuv avvalida AQSH delegatsiyasi rahbari Shavkat Mirziyoyevga AQSh Prezidenti Donald Trampning samimiy salomi va tabriklarini yetkazdi.
Muhokamalarda asosiy e’tibor o‘zaro savdo va sarmoyalarning barqaror o‘sishiga qaratildi, har ikki tomon ham ishbilarmonlar o‘rtasidagi qoniqarli aloqalar ko‘payib borayotganini ta’kidladilar. Davlat rahbarlari Toshkent xalqaro investitsiya forumi doirasida yaqinda AQSH ishbilarmonlari bilan oʻtkazilgan davra suhbatlarining amaliy natijalarini koʻrib chiqdilar.
Muzokaralarda asosiy e’tibor O‘zbekistonning Jahon savdo tashkilotiga (JST) a’zo bo‘lish jarayoniga qaratildi. Prezident Mirziyoyev va Amerika Qoʻshma Shtatlari Savdo vakili idorasi mamlakatning Jahon savdo tashkilotiga aʼzo boʻlishini ragʻbatlantirishda Qoʻshma Shtatlarning doimiy qoʻllab-quvvatlashi va hamkorligini muhokama qildi.
Shuningdek, tomonlar Amerika-O‘zbekiston biznes va sarmoyaviy kengash imkoniyatlaridan to‘liq foydalanish muhimligini ta’kidladilar. Bu mexanizm endilikda Amerika kompaniyalari va Oʻzbekiston hamkorlari oʻrtasida yangi loyiha tashabbuslarini aniqlash, ishlab chiqish va ilgari surish uchun asosiy platforma boʻlib xizmat qiladi.
O‘zbekiston Respublikasi Prezidenti Shavkat Mirziyoyev 25-iyun kuni Buyuk Britaniyaning sobiq Bosh vaziri, Global o‘zgarishlar instituti raisi Toni Blerni qabul qildi.
Mamlakatimizda amalga oshirilayotgan islohotlarni ekspertlik jihatidan qo‘llab-quvvatlash maqsadida Global o‘zgarishlar instituti bilan amaliy hamkorlikni yanada rivojlantirish masalalari ko‘rib chiqildi.
Toni Bler Yangi O‘zbekistondagi izchil va keng ko‘lamli transformatsiya jarayonlariga yuksak baho berdi. Yaqinda bo‘lib o‘tgan Toshkent xalqaro investitsiya forumi yurtimiz investitsiyaviy jozibadorligini mustahkamlash, ishbilarmonlik aloqalarini rivojlantirish va istiqbolli tashabbuslarni ilgari surish uchun samarali xalqaro maydon bo‘lgani e’tirof etildi.
Iqtisodiyotning muhim tarmoqlarida qo‘shma loyihalarni amalga oshirish, yetakchi xalqaro texnologik kompaniyalar va yirik strategik investorlarni jalb etish hamda raqamli transformatsiya jarayonlarini jadallashtirish, jumladan, ilg‘or innovatsion yechimlarni joriy qilish kelgusidagi hamkorlikning ustuvor yo‘nalishlari sifatida belgilandi.
O‘zbekiston Respublikasi Prezidenti Shavkat Mirziyoyev va Qozog‘iston Respublikasi Prezidenti Qosim-Jo‘mart To‘qayev 24-iyun kuni bo‘lib o‘tgan telefon orqali muloqotda O‘zbekiston – Qozog‘iston strategik sheriklik va ittifoqchilik munosabatlarini yanada mustahkamlash muhim ekanini ta’kidladilar.
Amaliy hamkorlik, eng avvalo, savdo, sanoat kooperatsiyasi, energetika, transport, ekologiya, qishloq va suv xo‘jaligi sohalarida yuqori sur’at bilan rivojlanayotgani mamnuniyat bilan qayd etildi.
Barcha darajadagi faol almashinuvlar alohida e’tirof qilindi. Yetakchilar ikki mamlakat Prezidentlari Administratsiyalari o‘rtasida erishilgan kelishuvlarni o‘z vaqtida amalga oshirish hamda sheriklik kun tartibini yangi loyiha va tashabbuslar bilan boyitishga xizmat qilayotgan yaqin hamkorlik yo‘lga qo‘yilganini olqishladilar.
O‘zbekiston va Qozog‘iston yetakchilari mintaqaviy siyosatning dolzarb masalalari yuzasidan ham fikr almashib, bo‘lajak ikki va ko‘p tomonlama tadbirlar rejasini ko‘rib chiqdilar.
Bugun Prezident Shavkat Mirziyoyev Namangan viloyatiga tashrif buyuradi.
Davlat rahbari joylarda olib borilayotgan bunyodkorlik ishlari hamda turli sohalarda amalga oshirilayotgan loyihalar va joriy qilingan ilg‘or yechimlar bilan tanishadi.
Shuningdek, Xalqaro maqom festivalining ochilish marosimida ishtirok etishi rejalashtirilgan.
O‘zbekistonning 24 universiteti xalqaro reytingga kirdi
o‘zbek futbolchisi «Chelsi» egalariga tavsiya qilindi
Yaponiyada noqonuniy yashab kelgan O‘zbekiston fuqarosi deportatsiya qilindi
-
Sport4 days ago🔴 LIVE: AQSh-Eron muzokaralari va Starmer iste’fosi
-
Siyosat5 days ago
O‘zbekiston uchun nimalar muhim? (video)
-
Iqtisodiyot5 days ago
Octobank xalqaro hamkorlikni va global kapital bozorlariga kirishni kengaytirmoqda: TXIF-2026 natijalari
-
Jamiyat3 days ago«Andijon polkasi» tadbiriga ketayotgan o‘quvchilar YTHga uchradi
-
Sport2 days agoYaponiya futbolining buyuk sabog‘i: mag‘lubiyatdan to‘g‘ri xulosa chiqarish
-
Iqtisodiyot4 days ago1 iyuldan pensiya va nafaqalar, 1 sentabrdan oyliklar oshadi
-
Jamiyat1 day agoVatanparvar jurnalistlarni o‘zimga do‘st va maslakdosh deb bilaman
-
Sport4 days agoEldor Shomurodov muxlislardan uzr so‘radi