Prezident administratsiyasi rahbari Saida Mirziyoyeva Qozog‘istonga tashrifi doirasida mamlakat poytaxtidagi «Ostona» xalqaro moliya markazi faoliyati bilan tanishdi. Bu haqda u o‘zining Telegram sahifasida ma’lum qildi.

Mirziyoyeva O‘zbekistonda Toshkent xalqaro moliya markazini tashkil etish ustida ish olib borilayotgan bir paytda, Qozog‘istonning bu boradagi tajribasini o‘rganish muhim ekanini ta’kidladi.

«Ishonamanki, mazkur yo‘nalishda o‘zaro tajriba almashish nafaqat mamlakatlarimiz, balki butun Markaziy Osiyo mintaqasiga yanada ko‘proq investitsiya jalb qilishga yordam beradi», — deb yozdi administratsiya rahbari.

Avvalroq Saida Mirziyoyeva Qozog‘iston Prezidenti Qosim-Jo‘mart To‘qayev bilan uchrashgandi.

Source link

Shavkat Mirziyoyev Qatar amiriga ta’ziya yo‘lladi. 

O‘zbekiston Respublikasi Prezidenti Shavkat Mirziyoyev Qatar Davlati Amiri Shayx Tamim bin Hamad Ol Soniyga Ras-Laffan sanoat zonasidagi gazni qayta ishlash majmuasida sodir bo‘lgan kuchli portlash va yong‘in oqibatida ko‘plab insonlar halok bo‘lgani va jiddiy jarohat olgani munosabati bilan ta’ziya yo‘lladi. 

Davlatimiz rahbari qurbonlarning oila a’zolari va yaqinlariga chuqur hamdardlik bildirdi, jarohatlanganlar tez orada shifo topishini tiladi.

21-iyun kuni kechqurun Qatarning Doha shahri yaqinidagi Ras Laffan sanoat zonasida joylashgan, davlatga qarashli QatarEnergy kompaniyasining gaz uzatish inshootida kuchli portlash va yirik yong‘in yuz berdi.

Natijada kamida 13 kishi hayotdan ko‘z yumgan, o‘nlab kishilar jarohat oldi. 

Source link

Bugungi dunyoda xalqaro siyosat shiddat bilan o‘zgarmoqda. Bir tomonda geosiyosiy raqobat kuchaysa, ikkinchi tomonda esa yangi iqtisodiy va xavfsizlik masalalari kun tartibiga chiqmoqda. 2025-2026 yillar xalqaro munosabatlar uchun alohida ahamiyatga ega bo‘lmoqda.

Jumladan, bu yil Amerika Qo‘shma Shtatlari mustaqilligining 250 yilligini nishonlaydi, bu nafaqat tarixiy sana, balki AQShning kelajakdagi global maqsadlarini belgilab berish nuqtai nazaridan ham muhim voqea hisoblanadi.

Shuningdek, bugun har bir uchrashuv, sammitlarda xavfsizlik, mudofaa xarajatlari va yangi tahdidlarga qarshi kurash masalalari muhokama qilinyapti.

Bunday jarayonlar fonida O‘zbekistonning tashqi siyosati, AQSh va Yevropa Ittifoqi bilan munosabatlari, Markaziy Osiyoning xalqaro maydondagi o‘rni haqida ham ko‘plab savollar paydo bo‘lmoqda.

Ana shu dolzarb mavzular yuzasidan siyosatshunos olim, ekspert Sayfiddin Jo‘rayev bilan suhbatlar davom etadi.

Ekspertdan:
– Amerika Qo‘shma Shtatlari mustaqilligining 250 yilligi yubileyi, AQSh tashqi siyosatining asosiy ustuvor yo‘nalishlari nimalardan iborat ekanligi, Markaziy Osiyo, jumladan O‘zbekiston bu siyosatda qanday o‘rin tutishi haqida fikrlarini so‘radik.

Bundan tashqari keyingi yillarda O‘zbekiston-AQSh munosabatlari yangi bosqichga ko‘tarilayotgani hamkorlikning eng istiqbolli sohalari, Yevropa Ittifoqi qanday asosiy sinovlar oldida turgani, iqtisodiy raqobat, migratsiya, xavfsizlik va energetika kabi masalalar bo‘yicha vaziyatni qanday baholashi bilan qiziqdik.

Suhbat davomida yangi siyosiy fikrlar qarama-qarshiligi bo‘layotgan bir paytda O‘zbekiston qanday tashqi siyosiy yondashuvni saqlab qolishi muhimligi haqida ham fikrlar bildirildi.

Xalqaro siyosatda kechayotgan jarayonlar endi faqat yirik davlatlar taqdiriga emas, balki har bir mamlakatning taraqqiyoti va xavfsizligiga ham bevosita ta’sir ko‘rsatmoqda. AQShning 250 yilligi, NATO va Yevropa Ittifoqi doirasida qabul qilinayotgan qarorlar, xalqaro munosabatlardagi yangi tendensiyalar – bularning barchasi kelajak dunyo tartibotini shakllantiruvchi muhim omillardir.

Eng muhimi, O‘zbekiston ham bu jarayonlarni kuzatuvchi emas, balki xalqaro maydonda o‘z o‘rniga ega bo‘lgan faol ishtirokchi sifatida harakat qilmoqda.

Source link

O‘zbekiston Prezidenti Shavkat Mirziyoyev Birlashgan Arab Amirliklari energetika va infratuzilma vaziri Suhayl al-Mazruiy boshchiligidagi delegatsiya bilan uchrashuv o‘tkazdi. Bu haqda Prezident matbuot xizmati xabar berdi.

Qayd etilishicha, suhbat avvalida vazir Shavkat Mirziyoyevga BAA Prezidenti Shayx Muhammad Ol Nahayon, Bosh vaziri, Dubay amiri Shayx Muhammad Ol Maktum, Vitse-prezidenti Shayx Mansur Ol Nahayon va Abu-Dabi Amirligi valiahdi Shayx Holid Ol Nahayonning salomi va eng ezgu tilaklarini yetkazdi.

O‘zbekiston – BAA strategik sheriklik munosabatlari jadal rivojlanib borayotgani alohida qayd etildi. Jumladan, tovar ayirboshlash va investitsiyalar hajmi, qo‘shma korxonalar soni ortib bormoqda. Beshinchi Toshkent investitsiya forumi doirasida BAA kompaniyalari bilan qator yangi kelishuvlar imzolanishi kutilmoqda.

Shuningdek, «yashil» energetika, yoqilg‘i ishlab chiqarish, transport, logistika, sun’iy intellekt, raqamlashtirish va boshqa yo‘nalishlardagi yirik loyihalarni jadallashtirishga kelishib olindi.

Source link

Prezident Shavkat Mirziyoyev Ozarbayjonning mamlakatimizdagi Favqulodda va muxtor elchisi Huseyin Guliyevni mamlakatimizdagi diplomatik missiyasi yakunida qabul qildi.

Foto: Prezident matbuot xizmati

Uchrashuvda Prezident elchining ikki davlat oʻrtasidagi strategik sheriklik va ittifoqchilik munosabatlarini rivojlantirish va mustahkamlashga qoʻshgan shaxsiy hissasini taʼkidladi. Uning faoliyati davomida Toshkent va Boku o‘rtasidagi aloqalar ko‘plab sohalarda sezilarli darajada kengaydi.

O‘zbekiston va Ozarbayjon o‘rtasidagi ko‘p qirrali hamkorlikni chuqurlashtirish yo‘lidagi ulkan sa’y-harakatlarini e’tirof etib, janob Husayn Guliyev “Mehnat shuhrati” medali bilan taqdirlandi.

Elchi davlat rahbariga uning diplomatik faoliyatiga bergan yuksak bahosi uchun chuqur minnatdorlik bildirdi. U O‘zbekiston rahbariyatiga o‘z mandati doirasida ikki qardosh davlat o‘rtasidagi keng ko‘lamli hamkorlik loyihalarini ilgari surishda ko‘rsatilayotgan har tomonlama ko‘mak uchun minnatdorlik bildirdi.

Husayn Guliyev Ozarbayjonning O‘zbekistondagi diplomatik vakolatxonasini 2012-yil oktabr oyida lavozimga kirishganidan keyin taxminan 14 yil davomida boshqargan.

Source link