Dunyodan
Rossiyada tibbiy ko‘rikdan bosh tortgan migrantlar deportatsiya qilinishi mumkin
Agar Rossiyaga kirgan xorijlik tibbiy ko‘rikdan o‘tishdan bosh tortsa, sud qarori asosida deportatsiya qilish imkoniyati bilan jarimaga tortiladi. Bu haqda Rossiya Davlat dumasi raisi Vyacheslav Volodin ma’lum qildi.
Uning so‘zlariga ko‘ra, tartib Rossiyada uch oydan ortiq bo‘lgan barcha xorijliklar uchun amal qiladi. Shu bilan birga, majburiy tibbiy ko‘rikdan o‘tish muddatini 90 kundan 30 kunga qisqartirish taklif etilmoqda.
Taklif etilayotgan tuzatishlar doirasida tibbiyot muassasalari uchun yangi axborot majburiyatlari joriy etiladi.
“Tezroq deportatsiya qilish maqsadida tibbiy muassasalarga, Rossiya Ichki ishlar vazirligiga rasmiy xulosalar toʻgʻrisida, Rospotrebnadzorga esa migrantlarda yuqumli kasalliklar aniqlangani haqida maʼlumot yuborish majburiyatini yuklaydi”, — deya qoʻshimcha qildi Davlat Dumasi spikeri.
Bundan tashqari, rejada boshqalarga xavf tug‘diruvchi kasallik yo‘qligini ko‘rsatuvchi hujjatlarni qalbakilashtirish yoki soxtalashtirish uchun jinoiy javobgarlik kuchaytiriladi.