Iqtisodiyot
Quyosh paneli o‘rnatgan korxonalardan elektrning xarid narxi pasaytirilishi mumkin
O‘z ehtiyoji uchun quyosh paneli o‘rnatgan tadbirkorlarning ortiqcha energiyani davlatga sotishida 1 kWh uchun belgilangan 800 so‘mlik narx 250 so‘mga tushirilishi mumkin. Quyosh paneliga investitsiya kiritib qo‘ygan tadbirkorlar bunga e’tiroz bildirmoqda. O‘zLiDeP masalani atroflicha o‘rganib, mas’ullarni so‘roqqa chaqirishini ma’lum qildi.
O‘zbekistonda quyosh paneli o‘rnatgan tadbirkorlar ehtiyojidan ortiq ishlab chiqargan elektr energiyasini davlatga sotish narxi 1 kWh uchun 800 so‘mdan 250 so‘mgacha pasaytirilishi mumkin.
4 may kuni Liberal-demokratik partiyaning tadbirkorlar bilan uchrashuvida biznes vakillaridan biri shu haqda savol berdi:
“Zavodimizga 350 kW quyosh panellari o‘rnatganmiz. Hozir yana 350 kW qo‘yish niyatidamiz. Hozirgi qonunchilik bo‘yicha orttirilgan elektrni davlatga 800 so‘mdan sotyapmiz. Hozirda ijtimoiy tarmoqlarda shunaqa hujjat loyihasi yuribdi: endi tadbirkorlar orttirilgan elektrni 250 so‘mdan sotishga majbur bo‘lar ekanmiz.
Nimaga davlatdan sotib olsak, 1000 so‘mdan sotib olamiz, agar sotsak 250 so‘mdan sotamiz – qani bu yerda adolat? Shu to‘g‘rimi? […] Endi 250 so‘mdan sotish iqtisodiy tomondan bizga qanchalik to‘g‘ri kelish-kelmasligini o‘ylab qoldik”.
Deputat Bobur Bekmurodov Qonunchilik palatasidagi tegishli qo‘mita bu masala ustida ish olib borishini aytdi.
“Bu masaladan xabarimiz bor, qo‘mitada o‘rganishni boshlaganmiz. Milliardlab pul sarflab, quyosh panellarini o‘rnatgan tadbirkorlar bor. Bundan tashqari, pullarni o‘z vaqtida bermaslik va boshqa byurokratik to‘siqlar ham bor. Birinchidan, biz muammoning ko‘lamini aniqlab olishimiz kerak. Chunki butun respublika bo‘ylab “800 so‘mdan sotar ekanman” degan ishonch bilan, risk qilib shu biznesga pul tikkanlar kam emas. Buning ko‘lamini aniqlab olishimiz kerak. Agar 250 so‘mdan belgilanadigan bo‘lsa, bu qanday ta’sir qiladi? Buni albatta aniqlashimiz kerak.
Ikkinchi navbatda, qo‘mita sifatida nima uchun aynan 250 so‘mligi, buning kalkulyatsiyasini ham ko‘rishimiz kerak. Tadbirkorlardan 250 so‘mdan olsa, boshqa ishlab chiqaruvchilardan necha puldan oladi, oradagi farq mutanosibmi yoki yo‘qmi, degan chuqur masalalar bor. Albatta, bularni o‘rganamiz”, – dedi u.
Bekmurodov panel o‘rnatgan tadbirkorlardan elektr energiyasini 800 so‘mdan sotib olish bo‘yicha davlat uzoq yillik majburiyat olmaganini qo‘shimcha qildi.
O‘zLiDeP raisi Aktam Hayitovning e’tirof etishicha, tadbirkorlar nafaqat avvalboshdan belgilangan “o‘yin qoidalarining o‘zgarishi”, balki mavjud qoidalar doirasida davlat o‘z majburiyatlarini yetarlicha bajarmasligi: xarid qilingan elektr uchun to‘lovni o‘z vaqtida to‘lamasligi muammosi bilan yuzlashib turibdi.
“Bu bilan tizimli shug‘ullanish uchun qo‘mitamizning kuchi yetarli. Fraksiyamiz bilan birgalikda bu borada parlament nazorati eshituvini tashkil qilsak-da, keyin kattaroq darajaga ham olib chiqamiz. Ungacha buni yuridik nuqtayi nazardan chuqurroq o‘rganamiz: shartnomalar qanday tuzilgan, tomonlarning mas’uliyati qanday bo‘lgan?” – dedi Aktam Hayitov.
Ma’lumot uchun, 2021 yilda qabul qilingan prezident qaroriga asosan, jismoniy va yuridik shaxslar tomonidan o‘z ehtiyojlari uchun o‘rnatiladigan quvvati 1 MVtgacha bo‘lgan quyosh, shamol va biogaz elektr stansiyalarida ishlab chiqarilgan elektr energiyasining o‘z ehtiyojidan ortiqcha qismi davlat tomonidan (kafolatlangan tarzda II tarif guruhi iste’molchilari uchun belgilangan tarifning 80 foizi miqdorida) iste’molchi xohishiga ko‘ra kamida 10 yil muddat davomida xarid qilinishi belgilangan.
2025 yil oktyabr oyida Iqtisodiyot va moliya vazirligi tomonidan jamoatchilik muhokamasiga qo‘yilgan hujjat loyihasida yuqoridagi 80 foizlik normani 70 foizga tushirish ko‘zda tutilgan edi.
O‘zbekiston Prezidenti Shavkat Mirziyoyev «Wabtec» kompaniyasi direktorlar kengashi raisi va bosh ijrochi direktori Rafael Santanani qabul qildi. Bu haqda Prezident matbuot xizmati xabar berdi.
Uchrashuvda mamlakatda temir yo‘l infratuzilmasi va tranzit salohiyati rivojlanayotganini hisobga olib, lokomotivlar parkini yangilash va kengaytirish masalalari ko‘rib chiqildi.
AQSh moliya institutlari ishtirokida lokomotivlarni uzoq muddatli servis xizmati bilan birga yetkazib berish imkoniyatlari muhokama qilindi.
Shuningdek, O‘zbekistonda texnik xizmat ko‘rsatishni yo‘lga qo‘yish, butlovchi qismlar ishlab chiqarish va mutaxassislar tayyorlash masalalari ko‘rib chiqildi.
Tog‘-kon korxonalari karer texnikasiga xizmat ko‘rsatuvchi servis markazini tashkil etish hamda dizel-generator qurilmalari bo‘yicha hamkorlik qilishga ham e’tibor qaratildi.
«Wabtec» lokomotivlar, temir yo‘l texnikasi, raqamli va servis yechimlarini ishlab chiqarish bo‘yicha jahondagi yetakchi kompaniyalardan biri hisoblanadi. Kompaniya Markaziy Osiyo mamlakatlarida ham loyihalarni amalga oshirmoqda.
Iqtisodiyot
Saida Mirziyoyeva Gonkongning Henderson Land Group xoldingi boshqaruvi raisi bilan uchrashdi
Prezident Administratsiyasi rahbari Saida Mirziyoyeva XXRning Gonkong maxsus ma’muriy hududidagi eng yirik xoldinglardan biri — Henderson Land Group boshqaruvi raisi Piter Li bilan uchrashuv o‘tkazdi.
Tomonlar qayta tiklanuvchi energetika, Yangi Toshkent infratuzilmasini rivojlantirish va ta’lim sohalaridagi istiqbolli qo‘shma loyihalarni muhokama qildi.
«Mamlakatimiz investitsiyalar uchun ochiq va biz Gonkongning yetakchi biznes doiralari bilan hamkorlikdan manfaatdormiz. Sheriklikdagi tashabbuslarni, jumladan, yangi tashkil etilayotgan Toshkent xalqaro moliya markazi orqali ham qo‘llab-quvvatlashga tayyormiz», — deb yozdi Saida Mirziyoyeva.
Administratsiya rahbari O‘zbekiston va Gonkong o‘rtasida uzoq muddatli iqtisodiy hamkorlikni rivojlantirish uchun katta imkoniyatlar borligiga ishonch bildirdi.
Markaziy bank 2026-yil 9-oktyabrdan valyutalarning yangi kursini belgiladi.
AQSh dollari 37,38 so‘mga oshib, 11 846,57 so‘m etib belgilandi.
Yevro kursi 34,69 so‘mga oshdi va 13 240,91 so‘m bo‘ldi. Funt-sterling 15 631,55 so‘mni tashkil qildi (29,25).
Rossiya rubli 138,95 so‘m etib belgilandi (+0,8).
Markaziy bank 2026-yil 6-oktyabrdan valyutalarning yangi kursini belgiladi.
AQSh dollari 5,5 so‘mga oshib, 11 778,45 so‘m etib belgilandi.
Yevro kursi 25,62 so‘mga tushdi va 13 198,93 so‘m bo‘ldi. Funt-sterling 15 580,53 so‘mni tashkil qildi (+31,99).
Rossiya rubli 138,35 so‘m etib belgilandi (-2,79).
Milliy statistika qo‘mitasi ma’lumotlariga ko‘ra, 2026-yil yanvar–iyul oylarida O‘zbekistonga 46 davlatdan qariyb 28,5 ming tonna shokolad mahsulotlari olib kirilgan.
Import qilingan mahsulotlarning umumiy qiymati 123,7 mln AQSh dollarini tashkil etgan. Bu o‘tgan yilning mos davriga nisbatan 1,6 ming tonnaga yoki 6 foizga ko‘p.
Import hajmi bo‘yicha Rossiya keskin ustunlik qilgan. Yilning dastlabki yetti oyida Rossiyadan O‘zbekistonga 19,5 ming tonna shokolad mahsulotlari yetkazib berilgan.
Rossiyadan kelgan shokolad mahsulotlari umumiy importning qariyb 70 foizini tashkil etgan. Keyingi o‘rinda Ukraina bo‘lib, undan 2,2 ming tonna mahsulot import qilingan.
Qozog‘istondan 914 tonna, Belarusdan 805,2 tonna shokolad mahsulotlari olib kirilgan. Litvadan import 746,2 tonnani tashkil etgan.
Turkmaniston 715,2 tonna, Turkiya esa 569,5 tonna ko‘rsatkich bilan keyingi o‘rinlarda qayd etilgan. Qolgan davlatlar hisobiga 3 ming tonna mahsulot to‘g‘ri kelgan.
O‘zbekiston do‘konlarida 73 turdagi mahsulot sifatsiz deb topildi
Tadbirkorlar jarimaning 50 foizini to‘lab, qolgan qismidan ozod etilishi mumkin
O‘zbekiston «Wabtec» kompaniyasi bilan lokomotivlar parkini yangilashni muhokama qildi
-
Iqtisodiyot4 days ago
Saida Mirziyoyeva Gonkongning Henderson Land Group xoldingi boshqaruvi raisi bilan uchrashdi
-
Jamiyat3 days ago
Toshkentda xalqaro moda akademiyasi tashkil etiladi
-
Iqtisodiyot19 hours ago
O‘zbekiston «Wabtec» kompaniyasi bilan lokomotivlar parkini yangilashni muhokama qildi
-
Jamiyat15 hours ago
Tadbirkorlar jarimaning 50 foizini to‘lab, qolgan qismidan ozod etilishi mumkin
-
Jamiyat14 hours ago
O‘zbekiston do‘konlarida 73 turdagi mahsulot sifatsiz deb topildi