Jamiyat
quruvchi qamaldi, odamlar mo‘jiza kutishda davom etmoqda
Samarqand shahrining Shohrux ko‘chasida 2018 yilda boshlangan ko‘p qavatli uy qurilishi orqali ko‘plab insonlarga boshpana va’da qilingandi. Hududdagi xonadon egalari esa issiq joyidan ko‘chirilgandi. Oradan sakkiz yil o‘tib ham uylar bitmadi, quruvchi qamaldi. Mijozlar ham, ular to‘lagan pullar ham qadrsizlanishda davom etmoqda.
Kun.uz surishtiruvi shuni ko‘rsatdiki, ushbu chala qolgan loyiha “muammoli uy” deb malakalangan. Hozircha bu muammoning yechimi yoki aniq reja bo‘yicha ma’lumot bera oladigan mas’ulning o‘zi yo‘q.
Qurilish boshlangan paytda hududdagi 20 ga yaqin xonadon egalari turli shartlar asosida quruvchi – “JAHON KAFOLAT STIL” xususiy korxonasi bilan kelishuvga erishgan. Kimdir uyini sotgan, boshqalar yangi uy olish sharti bilan ijaraga chiqqan, yana bir qismi esa yillar davomida jamg‘argan mablag‘ini yangi kvartira uchun to‘lagan. Bugun esa ularning aksariyati og‘ir ijtimoiy va moliyaviy ahvolga tushib qolgan.
Mijozlardan biri Asror Turdiyevning aytishicha, 2018 yilda quruvchi korxona rahbari hokimlik qarori bilan kelib, ikki yil ichida uylarni bitkazib berishni va’da qilgan. Ammo bu muddat avval cho‘zilgan, keyin esa qurilish butunlay to‘xtab qolgan. Hozirgacha u oilasi, nabiralari bilan ijarada yashashga majbur bo‘lmoqda.
Hovlisini quruvchiga berib, o‘rniga yangi uy olish bo‘yicha kelishganlar ko‘pchilik. Mavjuda Ro‘ziqulovaning to‘rtta kadastrli xonadoni bo‘lgan. U uchtasini yangi uyga almashtirishga, bittasini esa kompensatsiyasini olishga kelishgan. O‘zi esa o‘sha vaqtda ijaraga chiqib ketgan.
“Bu vaqt ichida o‘zim kasallik orttirib oldim, 2023 yilda o‘g‘lim nobud bo‘ldi. U juda orzu qilardi yangi uyimizga ko‘chib kirishni. Hozir ahvolim ancha og‘ir, shu sababli ijaradan chiqishga majbur bo‘ldim. Shu yerdagi eski, buzilishdan qolgan garajimizni ta’mirlab kirib oldik. Farzandlarim, nabiralarim bilan shu sharoitda yashashga majbur bo‘lyapmiz”, dedi Mavjuda Ro‘ziqulova.
Umuman, bu yerdan uy olish istagida bo‘lganlarning barchasining o‘z hikoyasi bor. Kimdir xorijda ishlab topgan pulini “JAHON KAFOLAT STIL” xususiy korxonasi rahbariga naqd shaklda to‘lagan. Yana kimdir shahar chekkasidagi uyini sotgan, kimdir mashinalarini sotgan va yangi uy uchun to‘lov qilgan. Deyarli barcha mijozlar bugun moddiy-ijtimoiy tomondan jiddiy muammo bilan to‘qnash kelgan.
Shu hududda 35 yildan buyon yashab kelgan Radik Mo‘minovning qarori esa butunlay noodatiy. Otaxon ijarada yashashga sharoiti bo‘lmagani uchun chala qolgan ko‘p qavatli uyga ko‘chib kira qolgan. Faqat eshik-derazasi bor ushbu xonadonda yashayotgan oqsoqolning ahvoliga havas qilib bo‘lmaydi, albatta.
Samarqand viloyati hududiy qurilish va uy-joy kommunal xo‘jaligi vakili Bekzod Xo‘jayorovning aytishicha, ushbu uylarning qurilishi 2018 yilda boshlangan. Qurilish me’yorlariga amal qilinmagani sababli qurilish to‘xtatib qo‘yilgan. Quruvchining o‘zi esa ayni paytda qamoqqa olingan.
Xo‘jayorovga ko‘ra, bu hududdagi uylar qurilishi 11 metrdan oshmasligi qayd etilgan. 11 metrli ko‘p qavatli uylar odatda uch qavatdan oshmaydi. Quruvchi esa loyihadan tashqariga chiqqan, uyni to‘rt qavat qilib qurgan. Qolaversa, mijozlardan ham ko‘plab e’tirozlar, murojaatlar tushgan. Natijada Samarqand shahar hokimligi tomonidan sudga da’vo arizasi kiritilgan va quruvchining o‘zi hisobidan ortiqcha qavatni buzish bo‘yicha sud qarori qabul qilingan.
Inspeksiya vakili ayni paytda “JAHON KAFOLAT STIL” xususiy korxonasi rahbari qamalib qolgani sababli uning yaqinlari, jumladan, otasi bilan bog‘langanini aytmoqda. Biroq hujjatlarni rasmiylashtirish, masalani joyiga chiqib o‘rganish bo‘yicha qilingan takliflarni qabul qilmagan.
Samarqand shahar hokimligi bergan ma’lumotga ko‘ra, “JAHON KAFOLAT STIL” xususiy korxonasi tomonidan amalga oshirilgan ko‘p qavatli uylar qurilishi jarayonida bir qator jiddiy qonunbuzilishlar aniqlangan. Jumladan, qurilish ishlari tasdiqlangan loyiha hujjatlari va shaharsozlik normalariga zid ravishda olib borilgani, belgilanganidan ortiqcha qavatlar qurilgani, tegishli ruxsatnomalar va xulosalarsiz ishlar davom ettirilgani qayd etilgan. Shu sababli vakolatli idoralar tomonidan qurilish ishlari to‘xtatilgan. Hozirda mazkur obekt muammoli uylar ro‘yxatiga kiritilgan bo‘lib, holatni huquqiy jihatdan tartibga solish, kamchiliklarni bartaraf etish va loyihaning keyingi taqdirini hal qilish yuzasidan o‘rganish va yechim topish ishlari amalga oshirilmoqda.
Bu o‘rinda “masalaning yechimi bo‘yicha ishlar olib borilmoqda”, degan javobning o‘zi yetarli emas. Yechim aniq bo‘lishi kerak: hokimlik yoki viloyat darajasidagi biror mas’ul organ belgilanib, shu kabi obektlar bo‘yicha to‘liq reyestr e’lon qilinishi shart – kim qancha pul to‘lagan, qaysi kvartiraga da’vo qilyapti, barchasi ro‘yxatga olinishi lozim. Keyin esa ikki yo‘ldan biri tanlanadi: yo yangi investor kiritilib, qurilish aniq muddat bilan tugatiladi, yoki fuqarolarga keltirilgan zarar to‘liq hisoblanib, kompensatsiya to‘lab beriladi.
Kun.uz voqealar rivojini kuzatishda davom etadi.
Ro‘zixon Haydarova II guruh nogironi, u oilasi bilan Oltiariq tumanining Zilol mahallasida yashaydi. Turmush o‘rtog‘i G‘ulomjon Haydarov gapira olmaydi. Ikki o‘g‘il va nevarasining ham nogironligi bor. “Otam ham gapirmasdi. Bir-birimizni imo-ishoralar bilan tushunardik. Yaratgan menga oliyjanob jufti halol berdi. Gapira olmasa ham juda baxtliman”, – deydi Ro‘zixon opa.
Uch o‘g‘il, bir qizning onasi bo‘lgan Ro‘zixon opa quyoshdan avval uyg‘onadi. G‘ulomjon aka bilan birga issiqxonadagi ekinlarni parvarishlab, chorvasi xashak, tovuqlariga don beradi. Bodring, pomidor, qalampir ko‘chatlarini bozorga olib borib sotib keladi. Dehqon opaning aytishicha, issiqxonada ish qishning chillasidan boshlangan. Mart oyigacha opa ko‘chat sotib 30 mln so‘mdan ortiq daromad qilgan.
“Otam ham gapira olmas edi. Turmush o‘rtog‘imning tili yo‘q, lekin oliyjanob inson, hayotimiz yaxshi, sog‘lomlardan ko‘ra yaxshi yashaymiz. O‘zim ham II guruh nogironiman.
Uch o‘g‘il, bir qizning onasiman. Ikki o‘g‘lim, bir nevaram nogiron. Lekin ularni nogiron demayman. Nevaralarimning gapini eshitsangiz faxrlanib ketasiz-da, imo bilan gaplashamiz.
Odamlar “xo‘jayiningiz bilan qanday tanishgansiz, tilsiz odam bilan qanday yashayapsiz?”, deb savol berishadi. 35 yildan beri imo-ishoralar bir-birimizni tushunib yashayapmiz.
Dehqonchilikni yig‘ishtirib, pul jamg‘arib avval o‘g‘limga, keyin esa turmush o‘rtog‘imga skuter olib berdim. Shunday xursand bo‘ldilarki, nevaralarimni solib mahallada aylantirib yuribdi, bog‘chaga olib boradi.
Dehqonchiliklarim ham juda zo‘r, gap bo‘lishi mumkin emas, yanvardan boshlangan dehqonchilik. Issiqxonamiz bo‘sh turmasin deb ukrop, kashnich, sarimsoq piyoz, jambil, karam ekib qo‘yganmiz. Bundan avval qishi bilan ko‘katlargacha sotdik. Ekish uchun joy qolmadi hisob. Qani endi boshqa yerim bo‘lsa yana ekinlar eksam.
Yanvardan ko‘chat chiqarishni boshlaganman. Hozirgacha mana to‘rt marta hosil olishga ulgurdim. 40 mingta ko‘chat chiqardim. 30 milliondan oshiqlik ko‘chat sotdim. Yana sotiladigan ko‘chatlarim hali turibdi.
To‘rtta molim bor edi, ikkitasini sotib to‘ylarga ishlatdim. Endi hozir yana mol olishga harakat qilyapman. Yana mol olmoqchiman, qiynalgan paytimda sotib foydalanaman.
Mol uyning qassobi, deyishadi. Chorva boqishni yaxshi ko‘raman. Chorvasiz tirikchiligim o‘tmaydi. 50 ta tovug‘im ham bor. Uyimdan tuxum arimaydi. Tovuqlarim qishin-yozin tuxum tug‘ishdan to‘xtamaydi.
Zilol mahallasi hokim yordamchisi hovlimizga kelib sharoitni o‘rganib issiqxona qurib bergan edi. Unga darrov ko‘chatlar ekdimda, sotib issiqxona qarzini uzvordim”, – deydi Ro‘zixon opa Haydarova.
Samarqand viloyati Payariq tumani Xo‘ja Ismoil mahallasida joylashgan ulug‘ muhaddis bobomiz – Imom Buxoriy hazratlari nomi bilan ataladigan muqaddas ziyoratgoh joriy yilning 18 mart sanasida, Ramazon hayiti bayrami arafasida qayta ochildi.
Davlat rahbarining tashabbusi bilan qaytadan bunyod etilgan mazkur majmua buyuk muhaddis olimning musulmon olamida tutgan o‘rni va salohiyatiga munosib bo‘y ko‘rsatdi.
Qayriyb 8 yil davom etgan qurilish-bunyodkorlik ishlarida ushbu manzilda ulkan maqbara, 10 ming kishilik masjid va ma’muriyat binosi, muzey, kirish va chiqish ayvonlari qurildi. Ziyoratgohning to‘rt burchagida 75 metr balandlikdagi minoralar qad ko‘tardi.
Shuningdek, tashrif buyuruvchi ziyoratchilar uchun majmua atrofida uch va to‘rt yulduzli 20 dan ortiq zamonaviy mehmonxona, milliy va dunyo xalqlari taomlarini tayyorlovchi 10 ga yaqin restoran va oshxonalar, 1800 dan ortiq transport vositasini saqlashga mo‘ljallangan 4 ta avtoturargoh, 40 ga yaqin elektromobillarni quvvatlash nuqtalari, 100 ga yaqin savdo va servis shoxobchalari tashkil etildi.
Ziyoratgoh joylashgan Xo‘ja Ismoil mahallasi infratuzilmasi ham yangilandi, mehmonxona-uylar tashkil qilindi. Ayni paytda mahallada 18 ta ko‘p qavatli uy qurildi, ko‘plab savdo va servis shoxobchalari faoliyat ko‘rsatmoqda.
Toshkent shahrining Yunusobod tumanida Niyozbek yo‘li ko‘chasida yo‘l harakatini tashkil etish tartibiga o‘zgarishlar kiritildi.
“Buyuk Turon” mahallasi hududida tirbandliklarning oldini olish va maktab o‘quvchilari xavfsizligini ta’minlash maqsadida tuman hokimining qarori qabul qilindi.
Yangi tartibga ko‘ra, Niyozbek yo‘lining 43-maktab hududiga tutash qismida bir tomonlama harakat joriy etildi. Endilikda transport vositalari Chingiz Aytmatov ko‘chasidan Amir Temur shohko‘chasi tomon harakatlanadi.
Shuningdek, ushbu ko‘chaga chiqish tartibi ham o‘zgartirildi: Niyozbek yo‘liga Amir Temur shohko‘chasi tomonidan ushbu ko‘chaning uchinchi yo‘lagi orqali kirish mumkin (mo‘ljal – «PAUL»).
Haydovchilarga kiritilgan o‘zgarishlarni inobatga olish, yangi yo‘l belgilariga amal qilish va yangilangan harakat sxemasiga qat’iy rioya qilish tavsiya etilmoqda.
Jamiyat
Qashqadaryo va Andijonda kuchli ta’sir qiluvchi dori vositalari sotib kelgan shaxslar ushlandi
Ushbu holatlar yuzasidan Jinoyat kodeksining tegishli moddasi bilan jinoyat ishlari qo‘zg‘atilib, tergov harakatlari o‘tkazilmoqda.
Foto: Prokuratura departamenti
Bosh prokuratura huzuridagi Departamentning Qarshi shahar bo‘limi va boshqa huquqni muhofaza qiluvchi organ xodimlari hamkorligida o‘tkazilgan tezkor tadbirda qonunga xilof ravishda dori vositalari savdosi bilan shug‘ullanib kelgan fuqaro Z.Q. 29 dona kapsula hamda 60 dona “Gabaten” nomli kuchli ta’sir qiluvchi dori vositalarini fuqaroga 500 AQSh dollariga sotgan vaqtida ashyoviy dalillar bilan ushlangan.
Shu kabi, Departamentning Ulug‘nor tuman bo‘limi va boshqa huquqni muhofaza qiluvchi organ xodimlari hamkorligida o‘tkazilgan tezkor tadbirda fuqaro J.A. fuqaro M.X.ga xorijda ishlab chiqarilgan 4 dona “Regapen” hamda 1 dona “Tropikamid” nomli kuchli ta’sir qiluvchi dori vositalarini 670 ming so‘mga sotgan vaqtida ushlanib, undan dori vositalari ashyoviy dalil sifatida olingan.
Mazkur holatlar yuzasidan Jinoyat kodeksining tegishli moddasi bilan jinoyat ishlari qo‘zg‘atilib, tergov harakatlari o‘tkazilmoqda.
Yong‘in oqibatida yuk avtomobilining saloni to‘liq va tirkamasi qisman yonib zararlangan.
«Qamchiq» dovonida «Iveko» yuk avtomobilida yong‘in sodir bo‘ldi. Bu haqda FVV xabar berdi.
Ma’lumot berilishicha, 11 aprel kuni soat 15:43 da A-373 avtomobil yo‘lining «Qamchiq» dovonidan o‘tgan qismida «Toshkent-Vodiy» yo‘nalishida harakatlangan «Iveko» rusumli yuk avtomobilida yong‘in yuzaga kelganligi to‘g‘risida «Qamchiq» maxsus qutqaruv boshqarmasiga xabar kelib tushgan.
Qutqaruv bo‘linmasi soat 15:53 da yetib borgan va soat 16:00 da yong‘in o‘chirilgan.
Yong‘in oqibatida yuk avtomobilining saloni to‘liq va tirkamasi qisman yonib zararlangan.
Tezkor harakatlar natijasida yong‘indan yuk avtomobili tirkamasining taxminan 90 foiz qismi saqlab qolingan.
Hodisa oqibatida tan jarohati olganlar yo‘q.
“Gapira olmasa ham baxtliman” – matonatlilar oilasi haqida hikoya
Kreml Pasxa bayrami arafasida bir tomonlama sulh tuzdi
Imom Buxoriy majmuasidan fotoreportaj
-
Siyosat4 days agoSaida Mirziyoyevaning Vashingtonga tashrifi chogʻida AQSh Oʻzbekistonning JSTga kirishini qoʻllab-quvvatlashga vaʼda berdi
-
Iqtisodiyot3 days agoAmir Temur yubileyiga bag‘ishlangan oltin va kumush tangalar chiqarildi
-
Jamiyat4 days agoNavoiyda xususiy bog‘cha tarbiyachisi bolalarni kaltakladi
-
Siyosat3 days agoSenat yashirin iqtisodiyotga chek qoʻyish maqsadida rieltorlik faoliyati toʻgʻrisidagi yangi qonunni maʼqulladi
-
Sport4 days agoO‘zbekistonda krossfit ommalashtiriladi – prezident topshirig‘i
-
Dunyodan4 days ago
AQSh va Eron o’rtasidagi sulh bitimi bugun kuchga kirishi mumkin
-
Siyosat5 days agoPrezident sobiq maslahatchisi Vyacheslav Golishev vafot etdi
-
Iqtisodiyot5 days agoBirjadagi oxirgi 2 savdo sessiyasida dizel narxi 17,5 foizga qimmatlashdi