Central Asian University tibbiy ta’lim nafaqat nazariya, balki sog‘liqni saqlashning real tizimlarini ishga tushirishdan avval ularni ishlab chiqish, joriy etish va sinovdan o‘tkazish orqali ham yo‘lga qo‘yilishi mumkinligini amalda namoyish etmoqda.

Central Asian University kampusi hududida faoliyat konsepsiyasi, bemorlarni yo‘naltirish, oqimlarni taqsimlash va asosiy bo‘linmalarning o‘zaro hamkorligi jihatidan real klinikaga maksimal darajada yaqinlashtirilgan diagnostika markazining to‘liq formatli modeli yo‘lga qo‘yilgan. Bu o‘quv konsepsiyasi emas, balki bugungi kunda faol ishlab chiqish bosqichida turgan bo‘lajak tizimning prototipidir.

Simulyasion sinovlar kuniga 1000 nafarga yaqin bemorni qabul qilish quvvatiga ega olti kunlik ish formatida o‘tkazilmoqda. Loyiha qurilayotgan Social diagnostika markaziga nisbatan 1:3 masshtabida amalga oshirilayotgan bo‘lib, bu alohida elementlarni emas, balki bo‘lajak tizimning ishlash mantiqini bir butun majmua sifatida sinovdan o‘tkazish imkonini beradi. Bunday ko‘lam real amaliyotga maksimal darajada yaqinlashtirilgan sharoitlarda yuqori yuklama, nostandart vaziyatlar, ortiqcha zo‘riqishlar, uzilishlar va bemorlarning o‘zgaruvchan xatti-harakatlarini qayta tiklash uchun zamin yaratadi.

Simulyasiyaning maqsadi nafaqat ssenariylarni ishlab chiqish, balki navbatlar qaysi bosqichlarda paydo bo‘lishini, bemorlar oqimi qayerda uzilib qolishi mumkinligini, cheklangan vaqt sharoitida shifokorlar ishining sifati qanday bo‘lishini va oilaviy shifokorlarga qanday real yuklama tushishini aniq belgilashdan ham iboratdir. Universitet natijalarni tahlil qilishda ilmiy yondashuvni qo‘llaydi: barcha ma’lumotlar tizimlashtiriladi, o‘rganiladi va simulyasiya yakunlari bo‘yicha CAU alohida ilmiy tadqiqot chop etishni rejalashtirmoqda.

Loyihaga yuzlab ishtirokchilar, jumladan, shifokor rolida ishlaydigan, bemorlarni real vaqtda qabul qiladigan, klinik ssenariylarda qatnashadigan va cheklangan vaqt ichida qaror qabul qiladigan CAU talabalari va rezidentlari jalb etilgan. Bunday yondashuv kuzatuvga asoslangan emas, balki amaliy tayyorgarlik shaklini yaratadi. Unda bo‘lajak mutaxassislar ta’lim bosqichining o‘zidayoq mavjud tizimning bir qismiga aylanadi.

Bu men shu vaqtga qadar duch kelgan eng qimmatli va ilhomlantiruvchi ta’lim shakllaridan biridir. Simulyasiya klinika faoliyati ichkaridan qanday yo‘lga qo‘yilganini yaqqol ko‘rish hamda shifokor mas’uliyatini nazariyada emas, amalda his etish imkonini beradi. Tez qaror qabul qilish, bemorlar bilan muloqot o‘rnata olish va jamoada ishlash naqadar muhim ekanini tushunib yetasan kishi. Bunday tajriba ta’lim jarayonini yanada mazmunli qiladi va bo‘lajak kasbingizga chinakamiga yaqinlashtiradi.

Shunchaki o‘qishni emas, balki ilk bosqichlardanoq haqiqiy tibbiyot muhitiga sho‘ng‘ishni istagan abituriyentlarga aynan shunday tayyorgarlik formatiga e’tibor qaratishni, albatta, tavsiya qilgan bo‘lardim, — deya o‘z fikrlari bilan o‘rtoqlashdi Central Asian University tibbiyot maktabi talabasi Marlen Ibragimov.

Unda stressli va tanqidiy ssenariylarga alohida e’tibor qaratilgan. Simulyasiya doirasida ish hajmining haddan tashqari ortib ketishi, belgilangan yo‘nalishlarning buzilishi, bemorlar oqimining keskin ko‘payishi va ish jarayonidagi uzilishlar modellashtiriladi. Shoshilinch diagnostika va tez yordamga alohida blok ajratilgan bo‘lib, unda xato qilishning bahosi vaqt va bemor hayoti bilan o‘lchanadigan sharoitlarda tezkor hamda aniq qarorlar qabul qilishni talab etadigan keskin holatlar va vaziyatlar qayta jonlantiriladi.

Barcha jarayonlar raqamlashtirilgan. Ma’lumotlar maxsus ishlab chiqilgan IT-infratuzilma hamda simulyasiya loyihasi uchun yaratilgan yagona boshqaruv markazi orqali boshqariladi va tahlil qilinadi. Kutish vaqti, mutaxassislarning ish yuki, bemorlar oqimi va yo‘nalishlar samaradorligi kabi asosiy ko‘rsatkichlar real vaqt rejimida kuzatib boriladi. Bu nafaqat kelajakdagi modelning barqarorligini baholash, balki “Social” diagnostika markazi faoliyatini tashkil etish uchun amaliy tushunchalarni aniqlash imkonini ham beradi.

Bu nafaqat universitet, balki butun mintaqa uchun ham noyob va haqiqatan ham innovatsion loyihadir. Biz talabalar va rezidentlar sog‘liqni saqlashning real tizimiga maksimal darajada yaqinlashtirilgan sharoitda amaliy tajriba orttiradigan muhitni yaratmoqdamiz. Bunday simulyasiyada ishtirok etish klinik tafakkurni, bosim ostida ishlash ko‘nikmasini, noaniqlik sharoitida qaror qabul qilish qobiliyatini va butun tizim mantiqini tushunishni shakllantiradi. Bu tibbiyot mutaxassislarini tayyorlashning tamomila yangi bosqichidir, — deya ta’kidladi CAU Tibbiyot maktabi dekani, doktor Murodbek Ahrorov.

Ushbu loyiha mintaqa uchun tibbiyot kadrlarini tayyorlashda yangi bir mezon bo‘lib xizmat qiladi. Central Asian University nafaqat bo‘lajak shifokorlarni o‘qitibgina qolmay, ayni paytda boshqariladigan, raqamli va real amaliyotga asoslangan yangi avlod sog‘liqni saqlash modelini oldindan sinovdan o‘tkazadigan yondashuvni namoyish etmoqda.

Central Asian University (CAU) haqida

2019-yilda O‘zbekistonda tashkil etilgan bo‘lib, mamlakatdagi eng jadal rivojlanayotgan xususiy universitetlardan biri hisoblanadi. Universitet tibbiyot, stomatologiya, biznes, muhandislik, arxitektura va turizm sohalarida xalqaro ta’lim dasturlarini amalga oshiradi.

Zamonaviy kampus, xalqaro tajribaga ega o‘qituvchilar va amaliyotga yo‘naltirilgan yondashuv CAUni turli mamlakatlar talabalari uchun jozibador qiladi.

Central Asian University Round University Ranking 2025 jahon reytingining TOP-1000 taligiga kirgan, THE Impact Rankings 2025 reytingida debyut qilgan hamda QS Stars xalqaro baholash tizimida 4 yulduzga sazovor bo‘lgan. Universitet, shuningdek, Science and Innovation Awards talqiniga ko‘ra O‘zbekistonning eng innovatsion oliy ta’lim muassasasi deb e’tirof etilgan va HE Higher Education Ranking 2026 talqiniga ko‘ra TOP-30 oliygohlar qatoridan joy olgan.

CAU Yevropa va AQSh universitetlari bilan qo‘shma ta’lim hamda tadqiqot loyihalarini amalga oshirib, xalqaro hamkorlikni rivojlantirmoqda va mintaqada zamonaviy oliy ta’lim modelini shakllantirmoqda.

Sayt: centralasian.uz

Instagram: @cauuniversity.official

Telegram: t.me/centralasianuni

Call-markaz: +998 71 208 12 34

Source link

Toshkent davlat sharqshunoslik universitetida «Xorijiy tillarni o‘qitishdagi yangi tendensiyalar: inklyuziv ta’lim va EFL/ESPdagi innovatsiyalar» mavzusida tashkil etilgan ilmiy konferensiya xalqaro va mahalliy oliy ta’lim muassasalari professorlarini oflayn va onlayn shaklda bir joyga jamladi.

Mazkur anjuman xorijiy tillarni o‘qitishda zamonaviy yondashuvlar, inklyuziv ta’limning dolzarb masalalari hamda EFL (ingliz tilini xorijiy til sifatida o‘qitish) va ESP (maxsus maqsadlar uchun ingliz tili) yo‘nalishlaridagi innovatsion usullarni muhokama qilishga bag‘ishlandi.

Unda xorijiy va mahalliy olimlar tomonidan til o‘qitish metodikasi, madaniyatlararo kommunikatsiya, korpus lingvistikasi, inklyuziv ta’lim, sun’iy intellektning metodik imkoniyatlari hamda leksik xaritalash orqali so‘z boyligini oshirish kabi dolzarb mavzularda ma’ruzalar taqdim etildi.

Konferensiya doirasida xorijiy tillarni o‘qitishda innovatsion metodlarni joriy etish, inklyuziv ta’limni rivojlantirish, zamonaviy pedagogik texnologiyalardan samarali foydalanish hamda xalqaro tajribalarni o‘rganishga bag‘ishlangan sho‘’ba yig‘ilishlari ham tashkil etildi.

Source link

Toshkentdagi Islom sivilizatsiyasi markazida “Amir Temur va temuriylar tamaddunining jahon tarixi va madaniyatidagi o‘rni va ahamiyati” mavzusidagi xalqaro ilmiy konferensiyaning birinchi yalpi majlisi bo‘lib o‘tdi.

Anjumanning ochilish qismida dunyoning turli mamlakatlaridan tashrif buyurgan olimlar, ekspertlar va diplomatlar ishtirok etib, Temuriylar davri merosining jahon sivilizatsiyasi taraqqiyotidagi o‘rni va ahamiyati yuzasidan fikr almashdilar.

Yalpi majlis davomida Amir Temur shaxsiyati, uning davlatchilik an’analari, ilm-fan va madaniyatga qo‘shgan hissasi, shuningdek Temuriylar renessansi fenomeni zamonaviy ilmiy yondashuvlar asosida tahlil qilindi.

Shuningdek, birinchi yalpi majlis doirasida “Amir Temur va dunyo tamadduni” hujjatli filmining taqdimoti ham bo‘lib o‘tdi. Unda Sohibqironning jahon tarixi va madaniyatiga qo‘shgan ulkan hissasi, uning davlatchilik maktabi va sivilizatsion ta’siri badiiy-hujjatli yondashuvda yoritilgan.

Source link

O‘zbekiston Islom sivilizatsiyasi markazida tarixiy voqea va zamonaviy san’atning eng ta’sirli uchrashuvi bo‘lib o‘tdi.

Buyuk davlat arbobi va sarkarda, ilm-fan, madaniyat va san’at homiysi Sohibqiron Amir Temur tavalludining 690 yilligi munosabati bilan «Amir Temur va Donna Mariya» badiiy filmining taqdimoti o‘tkazildi!

Bu film — «O‘zbekfilm» va Turkiya «Kanguru» kompaniyasi hamkorligida, tariximizga beqiyos ehtirom va zamonaviy badiiy talqin bilan yaratildi.

Filmda Amir Temurning oliyjanoblik, bag‘rikenglik, mehr-shafqat kabi fazilatlari Vengriya malikasi Donna Mariya orqali namoyon etiladi. «Kuch – adolatda» tamoyili va inson tabiatining sirli cheksizliklari filmning asosiy g‘oyasi hisoblanadi.

Filmda har ikki zamon parallel rivojlanadi — tarixiy o‘tmish va zamonaviy hayot. Avlodlar o‘rtasidagi rishtalar, kechirim va bag‘rikenglik haqidagi falsafiy yondashuv tomoshabinni uyg‘otadi va fikrlashga undaydi.

Bu film faqat tarixiy shaxslarning hayotini yoritibgina qolmaydi, balki insoniyat qadriyatlari, ruhiy cheksizlik va ma’rifiy energiyani ham namoyon qiladi. Tomoshabin har bir kadrda tarix bilan yashashni his qiladi!

Source link

Prezidentning tegishli farmoniga muvofiq, O‘zbekistonda yangi ishlanmalar asosida ishlab chiqarishni tashkil etish va ilm-fanni qo‘llab-quvvatlashga qaratilgan yangi mexanizm joriy etilmoqda. Hujjatga ko‘ra, oliy ta’lim va ilmiy muassasalar muassisligida «spin-off» korxonalari tashkil etiladi.

Farmonda belgilanishicha, ushbu korxonalar innovatsion ishlanmalarni tijoratlashtirish va ularni real iqtisodiyotga joriy etishda muhim vosita sifatida qaraladi.

Shu bilan birga, 2026-yil 1-maydan boshlab korxonalar ustav fondidagi davlat ulushini boshqarish funksiyasi muassislarga ishonchnoma asosida beriladi. Davlat ulushini 5 yil davomida xususiylashtirish taqiqlanadi.

Yangi tartibga ko‘ra, «spin-off» korxonalarini davlat ro‘yxatidan o‘tkazish jarayoni sezilarli darajada soddalashtiriladi. Xususan, davlat aktivlarini boshqarish agentligi qarori yoki raqobat qo‘mitasining oldindan roziligini olish talab etilmaydi.

Shuningdek, agar korxonalar muassislar tomonidan innovatsion jamg‘arma mablag‘lari hisobidan tashkil etilsa, ular venchur moliyalashtirish shakliga tenglashtiriladi. Farmonga ko‘ra, korxona jamoasi tarkibida professor-o‘qituvchilar, ilmiy xodimlar yoki talabalar ishtirok etishi shart.

Source link