O‘zbekistonlik shaxmatchi hindistonlik Rameshbabu Pragnanandxani mag‘lub etdi va 10 turdan keyin 8 ochko bilan peshqadamlik qilmoqda.

O‘zbekistonlik grossmeyster Javohir Sindorov 9 aprel kuni Nomzodlar turnirining 10-turida oq donalarda o‘ynab, hindistonlik Rameshbabu Pragnanandhani mag‘lub etishga muvaffaq bo‘ldi.

Bu natijadan so‘ng, Sindorov 8 ochko bilan peshqadamlikni saqlab qolmoqda. Eng yaqin ta’qibchisi – Niderlandiyalik Anish Giri undan 2 ochko ortda boryapti.

Musobaqa yakunlanishiga yana to‘rtta tur bor. Sindorovning keyingi raqiblari: Fabiano Karuana (AQSh), Hikaru Nakamura (AQSh), Anish Giri (Niderlandiya), Vey I (Xitoy).

Nomzodlar turniri Kiprning Peyye shahrida o‘tkazilmoqda. Musobaqa g‘olibi 70 ming yevro mukofotni qo‘lga kiritadi va shaxmat toji uchun amaldagi chempion hindistonlik Gukesh Dommarajuga qarshi o‘ynash huquqini qo‘lga kiritadi.

Source link

Toshkentliklar shu vaqtgacha mag‘lubiyatsiz kelayotgan Farg‘ona klubini to‘xtatishga erishdi.

Superligada nafaqat 6-turning, balki chempionatning muhim o‘yinlaridan biri o‘tkazildi.

«Neftchi» 9 aprel kuni Farg‘onada «Paxtakor»ni qabul qildi. Norasmiy ravishda «O‘zbek klasikosi» deb nomlanadigan bahs qizg‘in kurashlarga boy bo‘ldi.

Birinchi bo‘limda har ikkala jamoa faol o‘ynadi. Ammo faqat «Paxtakor» o‘z imkoniyatidan unumli foydalandi. 22-daqiqada Doston Hamdamov raqib jarima maydoni ichida chaqqonroq harakat qilib, to‘pni darvozaga aniq yo‘lladi.

Ikkinchi bo‘limda «Neftchi» katta ustunlikka ega bo‘ldi, biroq bosh murabbiy Kamoliddin Tojiyev shogirdlari o‘ziga kerakli natijani ushlab qolishga erishdi.

Bu g‘alabadan keyin «Paxtakor» ochkolar (15) soni bo‘yicha «Neftchi»ga yetib oldi. Ammo o‘zaro o‘yindagi natijaga ko‘ra, jadvalning yuqori pog‘onasiga ko‘tarildi.

Bosh murabbiy Islombek Ismoilov qo‘l ostidagi «Neftchi» mavsumda birinchi marta ochko yo‘qotdi.

Superliga, 6-tur

9 aprel, Farg‘ona, «Istiqlol» stadioni

NeFTChI – PAXTAKOR 0:1

Gol: Dostonbek Hamdamov (22)

Bosh hakam: Ilgiz Tantashev.

Neftchi: Botirali Ergashev, Boyan Tsiger, Ibrohimhalil Yo‘ldoshev, Abror Ismoilov (Zoran Marushich 73), Jamshid Iskanderov (Asilbek Jumayev 73), Stipe Peritsa, Anvar G‘ofurov, Muhsin Ubaydullayev, Alisher Odilov (Xurshid G‘iyosov 73), Yovan Jokich, Ratino (Vladimir Yovovich 62).

Paxtakor: Sanjar Quvvatov, Muhammadqodir Hamraliyev, Hojiakbar Alijonov, Akmal Mozgovoy, Rustam Turdimurodov (Pyotr Pajishek 74), Dostonbek Hamdamov (Bashar Resan 46), Abdurauf Bo‘riyev, Sardor Sobirxo‘jayev (Shahzod Azmiddinov 78), Sherzod Nasrullayev, Flamarion (Hojimat Erkinov 90), Muhammadrasul Abdumajidov.

Ogohlantirishlar: Hojiakbar Alijonov (2), Ratino (7), Rustam Turdimurodov (60), Sanjar Quvvatov (78), Vladimir Yovovich (83)

Source link

O‘zbekistonlik shaxmatchi Javohir Sindorov Mattias Blyubaum bilan ham durang o‘ynadi, lekin 9 imkoniyatdan 7 ochko jamg‘arib, peshqadamlikni saqlab qolmoqda va eng yaqin ta’qibchisidan 1,5 ochko oldinda bormoqda.

O‘zbekistonlik grossmeyster Javohir Sindorov 8 aprel kuni Nomzodlar turnirining 9-turida qora donalarda o‘ynab, germaniyalik Mattias Blyubaum bilan durang qayd etdi.

Sindorov debyutda katta ustunlikka ega bo‘ldi, biroq 25-yurishga kelib kompyuter Javohirning g‘alaba qozonish imkoniyatini 4 ballga baholayotgandi. Ammo, aynan 25-yurishda Sindorov farzin b7 yurishini ko‘rmay qoldi. Oqibatda farzinlar va ba’zi yengil sipohlar almashib, partiya teng endshpilga o‘tdi va durang bilan yakunlandi.

Qatorasiga ikkinchi turda yuta olmaganiga qaramay, Javohir Sindorov 7 ochko bilan peshqadamlikni saqlab qolmoqda.

Bu tur doirasida 4,5 ochko bilan 2 va 3-o‘rinni egallab turgan Fabiano Karuana va Anish Giri o‘rtasida kechgan to‘qnashuvda niderlandiyalik shaxmatchining qo‘li baland keldi. Natija Giri 5,5 ochko to‘plagan holda Sindorov bilan oradagi farqni 1,5 ochkoga qisqartirdi.

Sindorov bugun 10-partiyani oq donalarda hindistonlik Rameshbabu Praggnanandhaga qarshi o‘tkazadi.

Sindorov navbatdagi durangdan keyingi intervyusida aytishicha, qaroriga turnir jadvalidagi holati va yanada ishonchliroq o‘ynash istagi ta’sir qilgan. U turnir boshida bo‘lganida ko‘proq jasorat ko‘rsatgan bo‘lishi mumkinligini bildirdi.

«Menimcha, biz birinchi turda o‘ynaganimizda, bu yo‘lni topgan bo‘lardim. Ammo bugun iloji boricha puxta o‘ynashga harakat qildim. Endshpilda shunchaki bitta piyoda yutib oldim va shu ruhda davom etmoqchi edim, lekin uning f5 yurishini butunlay ko‘zdan qochiribman. Bu yurish juda kuchli bo‘lib chiqdi», – dedi Sindarov Chess24’ga bergan intervyusida.

Source link

Kataloniyaliklarga yana qizil kartochka pand berdi. «Liverpul» esa safarda yirik hisobda mag‘lub bo‘lishdan qutulib qoldi.

Madridliklar «Kamp Nou»dan maksimum natija bilan qaytdi

«Barselona» – «Atletiko» 0:2

Gollar: Alvares, 45 (0:1). Syorlot, 70 (0:2)

«Barselona»: X. Garsiya, Kubarsi, Martin, Joau Kanselu (Balde, 86), Kunde (Arauxo, 73), Pedri (Gavi, 46), E. Garsiya, Olmo, Reshford (Torres, 73), Yamal, Levandovski (Fermin Lopes, 46)

«Atletiko»: Musso, Gansko (Pubil, 31), Le Norman, Rudjyeri, Molina, Koke (Baena, 60), Liorente, Lukman (Syorlot, 60), Simeone (Almada, 80), Grizmann (Gonsales, 80), Alvares

Ogohlantirishlar: Gavi, 65. Joau Kanselu, 90 – Koke, 31. Pubil, 45. Baena, 63

Chetlatish: Kubarsi, 44

8 aprel oqshomida «Nou Kamp» o‘yingohida Yevropa Chempionlar ligasi chorakfinali doirasida «Barselona» va «Atletiko» o‘rtasida kechgan o‘yinni 44-daqiqada ro‘y bergan epizod hal qildi.

Hansi Flik jamoasiga yuqori himoya chizig‘i yana bir bor pand berdi – dam olish kunlarida la liga doirasidagi o‘yinda bo‘lganidek Juliano Simeone ofsayd qopqoniga tushmasdan himoyachilar ortiga ochildi, Kubarsi esa unga nisbatan so‘nggi umid folini ishlatib to‘xtatishga majbur bo‘ldi.

O‘yin bosh hakami Ishtvan Kovach avvaliga sariq kartochka ko‘rsatgandi.

Ammo vaziyatga VAR aralashdi va kartochkaning rangi o‘zgardi.

Kubarsi darvozabon bilan yakkama-yakka vaziyatga chiqib borayotgan Simeoneni qo‘li bilan turtib yiqitgandi.

Bu vaziyat uchun «Barsa» ikki karra jazolandi. Birinchi bo‘limning o‘zida son jihatdan ozchilik bo‘lib qolgani yetmagandek, tanaffus arafasida gol o‘tkazib yuborildi.

Belgilangan jarima zarbasini Xulian Alvares qoyilmaqom ijro etdi va to‘p darvoza to‘qqizligiga borib tushdi.

Ikkinchi bo‘limni 10 kishi bo‘lib o‘tkazganiga qaramay, ko‘k-anorranglilar hisobni tenglashtirish uchun to‘xtovsiz oldinga tashlanishdi.

«Atletiko» esa hisobdan kelib chiqib o‘ynadi va qarshi hujumlarga tayandi. Simeone ikkinchi bo‘limda baland bo‘yli Aleksandr Syorlotni maydonga tashladi va ushbu norvegiyalik hujumchi Rudjyerining jarima maydoniga uzatmasini golga aylantirib, amalda o‘yin masalasini hal qildi.

Mezbonlar ikkinchi goldan keyin ham to‘liq hujumda o‘ynadi, ammo hech bo‘lmaganda bitta javob golini urishning uddasidan chiqa olmadi va hisob o‘zgarmay qoldi.

Endi 14 aprel kuni «Metropolitano» o‘yingohida kechadigan javob bahsida «Atletiko» ikki gol ustunligini boy berishiga ishonish qiyin.

«PSJ» amalda yarimfinalda

«PSJ» – «Liverpul» 2:0

Gollar: Due, 11 (1:0). Kvaratsxeliya, 65 (2:0)

«PSJ»: Safonov, Markinos, Pacho, Nunu Mendesh, Hakimi, Vitinya, Zair-Emeri, Joau Nevesh, Kvaratsxeliya, Due (Li Kan In, 78), Dembele (Ernandez, 88)

«Liverpul»: Mamardashvili, van Deyk, Gomes, Konate, Soboslai (Jons, 79), Makallister, Gravenberh, Kerkez (Roberson, 78), Frimpong (Nioni, 90+1), Virs (Gakpo, 78), Ekitike (Isak, 79)

Ogohlantirishlar: Gomes, 28. Makallister, 31

«Liverpul» Parijda «PSJ»ga qarshi kechgan o‘yinda asosiy yulduzisiz o‘ynadi. Angliya kubogi chorakfinalida «Siti»ga qarshi o‘yinni muvaffaqiyatsiz o‘tkazgan Saloh zaxira o‘rindig‘ida qoldi. Arne Slot o‘ziga noodatiy bo‘lgan besh himoyachidan iborat sxema tanladi: Kerkez, Gomes, van Deyk, Konate va Frimpong mudofaa chizig‘i bo‘ylab joylashdi.

Ammo tig‘iz himoya jamoaga yordam bermadi. «PSJ» ilk daqiqalardanoq to‘liq tashabbusga egalik qildi va tezkor gol urdi. 11-daqiqada Duening jarima maydoniga kirib yo‘llagan zarbasi Gravenberhning oyog‘iga tekkan holda yo‘nalishini o‘zgartirib, darvoza to‘riga borib tushdi. Shundan keyin ham o‘yin «Liverpul» darvozasi tomonda kechishda davom etdi. Mezbonlar bir kishi ko‘p bo‘lib o‘ynayotgandek tasavvur uyg‘otdi.

Birinchi bo‘limni «Liverpul» uchun joriy mavsumdagi eng yomon bo‘limlardan biri deb hisoblash mumkin. Mehmonlar 45 daqiqa davomida raqib darvozasi tomon biror marta zarba yo‘llamadi – jamoada bunaqasi so‘nggi besh yilda kuzatilmagan. «Liverpul»ning birinchi bo‘limda to‘pga egalik qilish ko‘rsatkichi 25 foiz atrofida bo‘ldi, maydonda xuddi birinchi va ikkinchi liga jamoalari o‘ynayotgandek edi.

Tanaffusda o‘zgarishlar qilinmadi, ammo «Liverpul» ikkinchi bo‘limda oldinga o‘ta boshladi. Slot shogirdlari nihoyat hujumga hujum bilan javob qaytarishga kirishdi. 49-daqiqadayoq Ekitike birinchi zarbani yo‘lladi. Lekin «PSJ» yaxshiroq o‘ynashda davom etdi va 65-daqiqada amalda o‘yin masalasi hal qilindi. Xvicha jarima maydoniga yorib kirib, Gravenberh va Mamardashvilini ortda qoldirdi va bir necha metr masofadan to‘pni darvoza to‘riga kiritib yubordi.

Ko‘p o‘tmay bosh hakam «Liverpul» darvozasiga penalti belgiladi, ammo VAR uni monitor qarshisiga chaqirdi. Videotakrorda Konate to‘pni toza olib qo‘ygani oydinlashdi. U raqib oyog‘iga ortdan tashlangan bo‘lsa-da, to‘pga teginishga ulgurgandi.

«PSJ»da uchinchi golni urish uchun yetarlicha vaziyatlar bo‘ldi, ammo Mendesh avvaliga ustunni poyladi, so‘nggi daqiqalarda esa juda qulay pozitsiyada turib to‘g‘ri zarba berolmadi.

«PSJ» o‘z uyida ishonchli hisobda g‘alaba qozondi va bir oyog‘i bilan yarim finalda turibdi. «Liverpul» olti kundan keyin o‘z uyida bo‘ladigan javob bahsida ikki gol farqini yo‘qqa chiqarishi kerak bo‘ladi.

Source link

Mahallalarda aholi fitnes bilan shug‘ullanishga jalb etiladi. Maktablarda krossfit bo‘yicha to‘garaklar ochilib, fitnesning bu turi “Besh tashabbus” musobaqalariga ham kiritiladi. Aholi salomatligi yaxshilanishiga erishgan mahalla raisi, sport volontyori va trenerlar moddiy rag‘batlantiriladi.

O‘zbekiston aholisi orasida krossfit bilan shug‘ullanishni ommalashtirish choralari ko‘riladi. Bu haqda prezident Shavkat Mirziyoyev sport sohasi bo‘yicha 7 aprel kungi selektorda topshiriqlar berdi.

“Dunyoda maxsus jihoz va infratuzilma talab qilmaydigan intensiv sport mashg‘ulotlari, ya’ni krossfit ommalashyapti. Krossfit, bu nima degani? Yugurish, sakrash, egilish, turnikda tortilish kabi oddiy jismoniy mashqlarni ketma-ket bajarish.

Quronboyev (Mahallalar uyushmasi – tahr.), Sa’dullayev (Yoshlar ishlari agentligi), Ikromov (Sport vazirligi) hokimlar bilan mahalla yettiligi, trenerlar va “Sog‘lom hayot” volontyorlar ishtirokida odamlarni fitnes bilan shug‘ullanishga jalb qilishi zarur.

E’zoza Karimova (Maktab vazirligi), Azim Husanov (Kasbiy ta’lim agentligi), Ikromov va hokimlar 1 maygacha barcha maktab va texnikumlarda krossfit bo‘yicha to‘garaklar tashkil qilsin.

Ikromov, Quronboyev, Sa’dullayev kelgusi yildan krossfitni “Besh tashabbus” tizimiga kiritsin”, – dedi prezident.

Davlat rahbarining qayd etishicha, endi qaysi mahallada sport qamrovi oshib, aholining salomatligi yaxshilansa, yurak-qon tomir, diabet bilan kasallanish ko‘rsatkichi kamaysa, volontyorga va mahalla raisiga yil yakuni bilan 15 mln so‘mgacha mukofot puli beriladi. Shu mahallaga ommaviy sportga mas’ul trenerga esa 200 foizgacha oylik ustama to‘lanadi.

Source link