Jamiyat
O‘zbekistonda IUCN’ning Markaziy Osiyo bo‘yicha ofisi ochildi
2 iyun kuni Toshkentda, Markaziy Osiyo atrof-muhit va iqlim o‘zgarishini o‘rganish universitetida («Green University») Tabiatni muhofaza qilish xalqaro ittifoqining (IUCN) Markaziy Osiyo bo‘yicha birinchi ofisining tantanali ochilish marosimi bo‘lib o‘tdi.
Yuqori darajadagi tadbirda Markaziy Osiyo hukumatlari, xalqaro tashkilotlar, ilmiy jamoatchilik va fuqarolik sektori vakillari ishtirok etdi. Yangi ofis mintaqadagi barcha beshta davlat – Qozog‘iston, Qirg‘iziston, Tojikiston, Turkmaniston va O‘zbekistonga tabiatni muhofaza qilish, biologik xilma-xillik va iqlim barqarorligini ta’minlashdagi ustuvorliklarini ilgari surishga xizmat qiladi.
Ekologiya, atrof-muhitni muhofaza qilish va iqlim o‘zgarishi vaziri Aziz Abduhakimov o‘z nutqida O‘zbekistonda Prezident Shavkat Mirziyoyev boshchiligida izchil va keng ko‘lamli ekologik siyosat olib borilayotgani, bu mamlakatimiz barqaror rivojlanishining muhim tarkibiy qismiga aylanganini ta’kidladi.
«Biz CAREC, IFAS, CAMI, Ramsar tashabbusi va boshqa platformalar kabi mintaqaviy tashabbuslarning faol ishtirokchilarimiz, bu bizga sa’y-harakatlarni birlashtirish imkonini beradi. Shu nuqtai nazardan, O‘zbekiston Tabiatni muhofaza qilish xalqaro ittifoqi bilan birgalikda nafaqat O‘zbekiston uchun, balki mintaqaning barcha beshta davlatida ekologik tashabbuslarni qo‘llab-quvvatlash maqsadida Mintaqaviy ofis ochganini faxr bilan qayd etish mumkin. Qolaversa, ofisning Markaziy Osiyodagi ekologiya va iqlim o‘zgarishiga ixtisoslashgan birinchi universitet bo‘lgan «Green University»da joylashishi tasodif emas, balki strategik qarordir. Bu talabalar, olimlar, tadqiqotchilar va IUCN jamoasi uchun birgalikda ishlash va mintaqaviy tadbirlarda ishtirok etish uchun imkoniyat yaratadi», – dedi vazir.
A.Abduhakimov, shuningdek, ofisning ochilishi O‘zbekistonning mintaqaviy hamkorlikka intilishi, bilim almashishi va tabiatni asrash yo‘lida birgalikda harakat qilish timsoli ekanini alohida ta’kidladi.
«Biz Toshkentda O‘zbekiston va butun Markaziy Osiyo bilan hamkorligimizni mustahkamlash ramzi bo‘lgan IUCN ofisining rasmiy ochilishini nishonlayotganimizdan mamnunmiz. O‘zbekiston hukumatiga esa chuqur minnatdorlik bildiramiz, — dedi IUCN Bosh direktori, doktor Gretel Agilar. — Bu ofis bioxilma-xillikni saqlash, ekotizimlarni tiklash va iqlim o‘zgarishiga chidamlilikni oshirish uchun yelkama-yelka ishlashga sodiqligimizni aks ettiradi. Muhofaza qilinadigan hududlar tizimini qo‘llab-quvvatlash va mintaqaviy muloqotni rag‘batlantirishdan tortib, siyosat asoslarini yaratish va tabiatni muhofaza qilish bo‘yicha amaliy loyihalarni amalga oshirishgacha biz tabiat va insonlarning barqaror kelajagi uchun Markaziy Osiyo hukumatlari va xalqi bilan hamkorlik qilishga tayyormiz».
«Green University»da turar joy, ofis, shuningdek, IUCN a’zolari bilan sinergiya o‘rnatadi, hamkorlik va bilim almashish uchun yangi imkoniyatlar yaratadi. Ofis ochilishi O‘zbekistonda 2025 yilni «Atrof-muhitni asrash va «yashil iqtisodiyot» yili» deb e’lon qilinishi bilan bir vaqtga to‘g‘ri keladi va bu hukumatning barqarorlikka e’tibor qaratayotganini ta’kidlaydi.
Markaziy Osiyoda IUCN tashabbuslari atrof-muhitni boshqarish va muhofaza qilinadigan hududlarni qo‘llab-quvvatlashdan tortib, tabiatga asoslangan yechimlar va biologik xilma-xillik va iqlim o‘zgarishiga integratsiyalashgan yondashuvlargacha o‘zgarib turadi. Landshaftni rejalashtirish vavboshqarishda ekotizim va inson salomatligini birlashtiradigan Tabiatni muhofaza qilishda yagona salomatlik» tashabbusi ham mavjud. «Blue Peace Central Asia 2.0» loyihasi suv masalalari bo‘yicha transchegaraviy hamkorlik va mintaqada gidrodiplomatiyani rivojlantirishga yordam beradi. O‘zbekistonda FOLUR kichik komponent loyihasi qimmatli tabiiy ekotizimlarni tiklash va yerdan barqaror foydalanishga yordam beradi.
Ushbu loyihalar IUCNning ilm-fan, siyosat va hamkorlikka asoslangan tabiatni muhofaza qilishga integratsiyalashgan, tarmoqlararo yondashuvini aks ettiradi. Yangi tayinlangan mintaqaviy koordinator Dmitriy Gorshkov boshchiligidagi Markaziy Osiyo jamoasi IUCN dasturlarini amalga oshiradi va muvofiqlashtirish hamda bilim uchun mintaqaviy markaz vazifasini bajaradi. Ofis milliy va mintaqaviy manfaatdor tomonlarni global vositalar va standartlar, jumladan IUCN Qizil ro‘yxati, IUCN qo‘riqlanadigan hududlarning yashil ro‘yxati va Tabiatga asoslangan yechimlar uchun IUCN Global standarti™ bilan bog‘laydi.
Markaziy Osiyodagi vakolatxonasining ochilishi bilan IUCN tabiatni muhofaza qilish va barqaror rivojlanish bo‘yicha uzoq muddatli hamkor sifatidagi rolini kuchaytiradi, Kunming-Monreal Global Bioxilma-xillik Dasturi maqsadlariga erishish, bioxilma-xillikni yo‘qotishni to‘xtatish va qayta tiklash bo‘yicha global sa’y-harakatlarni qo‘llab-quvvatlaydi.
Olingan tezkor ma’lumot asosida tadbir o‘tkazilib, jabrlanuvchining o‘ldirilgani sahnalashtirilgan. Shartli yollanma qotil holatni tasvirga olib, buyurtmachilarga ko‘rsatgan. Erining o‘lganiga ishongan ayol va uning jazmani shartli yollanma qotilga kelishilgan 6 ming dollardan 5,5 mingini berayotganda qo‘lga olingan.
Davlatobod tumanida qasddan odam o‘ldirish bilan bog‘liq jinoyatning oldi olindi. Bu haqda Ichki ishlar vazirligi axborot xizmati xabar berdi.
Ma’lum qilinishicha, 4 mart kuni Davlatobod tumanida yashovchi ayol turmush o‘rtog‘ini notanish shaxs orqali 6 ming dollar evaziga o‘ldirishni rejalashtirayotgani haqida tezkor ma’lumot olingan. U buning uchun o‘zining jazmani bilan oldindan jinoiy til biriktirgan.
DXX, viloyat IIB hamda viloyat prokuraturasi hamkorligida tezkor tadbir o‘tkazilgan. Buyurtmachilar Telegram orqali shartli qotil bilan suhbatlashgan. Ayol turmush o‘rtog‘i Cobalt mashinasida yolg‘iz yurishini, uni “Andijon–Namangan” yo‘lidagi ovloq joyda o‘ldirib, mashinasini yoqib yuborish kerakligini, buning evaziga 6 ming dollar berishini aytgan.
Darhol jabrlanuvchining o‘ldirilgani aks etgan qotillik jinoyati sahnalashtirilgan.
Shartli qotil ushbu holatni tasvirga olib, buyurtmachi ayol va uning jazmaniga ko‘rsatgan. Buyurtmachilar kelishilgan puldan 5,5 ming dollarni shartli qotilga berayotgan vaqtida ashyoviy dalillar bilan qo‘lga olingan.
Holat yuzasidan Jinoyat kodeksining 25,97-moddasi 2-qismi tegishli bandlari bilan jinoyat ishi qo‘zg‘atilib, gumonlanuvchilar protsessual tartibda ushlangan. Hozirda dastlabki tergov harakatlari olib borilmoqda.
Avvalroq Samarqandda yollanma qotil orqali tanishini o‘ldirmoqchi bo‘lgan shaxslar qo‘lga olingandi.
Shuhrat Oripov Xolmurod Salimovning o‘rnini egalladi.
Shuhrat Oripov O‘zbekiston Jurnalistlar uyushmasi raisi vazifasini bajaruvchi etib tayinlandi.
Bu qaror Jurnalistlar uyushmasi boshqaruvining yig‘ilishida qabul qilindi.
U ayni vaqtda Biznesni rivojlantirish banki matbuot kotibi lavozimida ishlab kelmoqda.
Shuhrat Oripov mehnat faoliyatini 1999 yilda jurnalist sifatida boshlagan va bir qancha gazetalarda faoliyat yuritgan.
Keyinchalik davlat va jamoat tashkilotlarida, shuningdek, O‘zLiDep tizimida axborot siyosati va matbuot xizmati yo‘nalishlarida faoliyat olib borgan.
Kecha, 2-mart kuni Milliy statistika qo‘mitasi Axborot, kommunikatsiyalar va media markazida mamlakatimizda o‘tkazilgan aholi va qishloq xo‘jaligini ro‘yxatga olish tadbirlari yakunlariga bag‘ishlangan brifing bo‘lib o‘tdi.
Ma’lum qilinganidek, O‘zbekiston Respublikasi Prezidentining 2025-yil 19-sentyabrdagi 173-son Farmoniga muvofiq, ushbu keng ko‘lamli tadbir ikki bosqichda amalga oshirildi va mamlakat tarixida ilk bor to‘liq raqamlashtirilgan formatda tashkil etildi.
Onlayn bosqich: 30 milliondan ortiq aholi qamrab olindi
2026-yil 15–31-yanvar kunlari census.stat.uz portali orqali onlayn ro‘yxatga olish o‘tkazildi. 17 kun ichida jami xonadonlarning 82,3 foizida istiqomat qiluvchi 30 milliondan ortiq fuqaro mustaqil ravishda savolnomani to‘ldirib, onlayn ro‘yxatdan o‘tdi.
Ta’kidlanishicha, bu ko‘rsatkich aholining faolligi va fuqarolik mas’uliyatini, shuningdek, raqamli xizmatlardan foydalanish madaniyati izchil o‘sib borayotganini namoyon etdi. Yuqori natijaga erishishda ommaviy axborot vositalari orqali olib borilgan keng tushuntirish ishlari, mahalla tizimi hamda davlat organlari va tashkilotlarining uyushqoq faoliyati muhim omil bo‘lgani qayd etildi.
Uyma-uy bosqich va to‘liq qamrov
Onlayn bosqichda ishtirok etmagan yoki ma’lumotlarni xatolik bilan kiritgan fuqarolar 4–28-fevral kunlari o‘tkazilgan ikkinchi bosqichda qamrab olindi. Bu jarayonda mahalla yettiligi vakillari uyma-uy yurib, planshetlar orqali ma’lumotlarni bevosita elektron platformaga kiritdilar.
Dastlabki ma’lumotlarga ko‘ra, respublika bo‘yicha jami 8,3 millionta xonadonlarda yashovchi aholi to‘liq qamrab olingan. Shuningdek, qo‘shimcha turar joy ob’yektlari, jumladan yangi qurilgan uy-joylar ham aniqlangan.
Qayd etilishicha, xonadon a’zolarining vaqtincha xorijda bo‘lishi yoki boshqa ob’yektiv sabablar tufayli uyda bo‘lmasligi natijasida kam sonli fuqarolar ro‘yxatga olish jarayonida ishtirok eta olmagan.Bunday holatlarda 1851 qisqa raqamli koll-markaziga murojaat qilish so‘ralgan.
Avtomatik nazorat va ma’lumotlar sifatini ta’minlash
Ro‘yxatga olish jarayoni to‘liq raqamli tizim asosida amalga oshirildi. Har bir shaxsning ma’lumoti JShShIR orqali tekshirildi. Agar ma’lumotlar takror kiritilgan bo‘lsa, tizim avtomatik ravishda bunday holatlarni aniqlab, faqat bitta yozuvni qabul qildi.
Inson omilini kamaytirishga qaratilgan avtomatik nazorat mexanizmlari ma’lumotlar sifatini ta’minlashda muhim ahamiyat kasb etdi.
Xalqaro tavsiyalarga muvofiq, natijalarning aniqligini baholash maqsadida tasodifiy tanlab olingan xonadonlarda qayta o‘rganish ishlari ham o‘tkaziladi. Umumiy qamrovning 10 foizigacha bo‘lgan qismida qayta tekshiruvlar amalga oshirilishi rejalashtirilgan.
Natijalar qachon e’lon qilinadi?
Ma’lum qilinishicha, ro‘yxatga olish jarayoni yakunlangani bilan yakuniy raqamlar darhol e’lon qilinmaydi. Hozirda barcha ma’lumotlar yagona bazada jamlanib, texnik va mantiqiy tekshiruvdan o‘tkazilmoqda, nomuvofiqliklar bo‘yicha qo‘shimcha tahlillar amalga oshirilmoqda.
Dastlabki natijalar 2026 yil 1 iyuliga qadar, yakuniy va to‘liq tahlil qilingan ma’lumotlar esa 2027 yil 1 iyuliga qadar e’lon qilinishi rejalashtirilgan.
Qayd etilishicha, e’lon qilinadigan raqamlar bir necha bosqichli tekshiruvdan o‘tgan, rasmiy tasdiqlangan va ishonchli ma’lumotlar bo‘ladi.
Ma’lumotlar maxfiyligi ta’minlanadi
Fuqarolar taqdim etgan barcha ma’lumotlar amaldagi qonunchilikka muvofiq himoya qilinadi. Shaxsiy ma’lumotlar maxfiy saqlanadi va faqat umumlashtirilgan statistik ko‘rinishda ishlatiladi.
Axborot tizimi yuqori ishonchli ma’lumotlarni qayta ishlash markazida joylashtirilgan bo‘lib, milliy sertifikatga ega kriptomodul orqali ma’lumotlar shifrlangan holda saqlanadi. Shuningdek, statistik qayta ishlashdan oldin ma’lumotlar shaxssizlantiriladi.
Toshkent viloyatining Qibray tumanida kuchli ta’sir qiluvchi dori vositalarini noqonuniy sotish bilan shug‘ullangan shaxslar tezkor tadbir davomida ushlandi.
Foto: Prokuratura departamenti
Bosh prokuratura huzuridagi departamentning Qibray tumani bo‘limi hamda boshqa huquqni muhofaza qiluvchi organlar xodimlari hamkorligida o‘tkazilgan tezkor tadbirda mazkur holat fosh etildi.
Ma’lum qilinishicha, muqaddam sudlangan M.M.ning BYD Chazor rusumli avtomashinasi to‘xtatilib, tekshiruvdan o‘tkazilgan. Ko‘zdan kechirish jarayonida avtomashinadagi yo‘lovchi U.M. qora rangli polietilen paketni ko‘chaga tashlab yuborgan vaqtda ushlangan.
Tekshiruv davomida ushbu paket ichida 12 dona yelim idish hamda “zakladka” usulida sotish maqsadida olib kelingan 28 dona oq rangli idishda kuchli ta’sir qiluvchi vositalar borligi aniqlangan.
Shuningdek, avtomashinaning old o‘rindig‘idan 3 dona dori vositasi, 3 dona mobil telefon va 9 dona bank plastik kartasi ashyoviy dalil sifatida olingan.
Mazkur holat yuzasidan Jinoyat kodeksining 251-1-moddasi bilan jinoyat ishi qo‘zg‘atilib, tergov harakatlari olib borilmoqda.
2026/2027 o‘quv yilidan boshlab tibbiyot yo‘nalishida kadrlar tayyorlash tizimida muhim o‘zgarishlarni amalga oshirish rejalashtirilmoqda.
Jumladan, SSV taklif qilayotgan Prezident farmoni loyihasida tibbiyot sohasida kadrlar tayyorlovchi oliy ta’lim tashkilotlarining bakalavriat yo‘nalishlarida oshirilgan to‘lov-kontrakt asosida qabul qilish tartibi bekor qilinishi rejalashtirilgan. Bu qaror qabul jarayonida sifat mezonlarini kuchaytirishga qaratilgani bilan izohlanmoqda.
Shuningdek, bakalavriat, rezidentura (klinik ordinatura) va magistratura mutaxassisliklarida:
shifokor mutaxassisliklari uchun minimal o‘tish bali — 70 foiz;
o‘rta tibbiy xodim mutaxassisliklari uchun — 60 foiz etib belgilanadi.
Mazkur talab har bir o‘quv modulini o‘zlashtirishda hamda davlat imtihonlarida qo‘llaniladi.
Bundan tashqari, aholi orasida eng ko‘p uchraydigan va o‘lim xavfi yuqori bo‘lgan kasalliklar hamda holatlar bo‘yicha ajratiladigan kredit soatlari ko‘paytiriladi. Bu amaliyot klinik tayyorgarlikni real ehtiyojlarga moslashtirishni nazarda tutadi.
Ta’lim jarayoniga ilmiy tadqiqotlar va dalillarga asoslangan tibbiyot uslubiyoti, simulyasion markazlarda amaliy ko‘nikmalarni o‘zlashtirish majburiy tartibda joriy etiladi.
Tor soha mutaxassisligi faqat rezidentura va magistratura orqali shifokorlar uchun tor ixtisosliklar bo‘yicha birlamchi va qo‘shimcha ixtisoslashtirish endilikda faqat rezidentura (klinik ordinatura) va magistratura orqali amalga oshiriladi.
Qisqa muddatli qayta tayyorlash kurslari orqali tor soha mutaxassisligi berish tartibi bekor qilinadi (qo‘shimcha yoki chuqurlashtirilgan tayyorgarlik bundan mustasno).
Shuningdek, birlamchi maqsadli ixtisoslashtirish kurslari — internatura qabul qilinishi ham bekor qilinadi.
Eron maktabiga hujum ortida AQSh turgan bo‘lishi mumkin
Nuriddin Ismoilov Eron elchixonasiga borib, ta’ziya bildirdi
Rossiya Eronga AQShning Yaqin Sharqdagi ob’ektlari haqida ma’lumot bermoqda – WP
-
Turk dunyosi5 days agoTurkiya Eron chegarasida bir kunlik sayohatlar toʻxtatilganini eʼlon qildi
-
Turk dunyosi5 days agoTurkiyaning hukmron partiyasi 10% virtual valyuta daromad solig’ini taklif qilmoqda
-
Iqtisodiyot4 days agoYanvarda tashqi savdo aylanmasi 1,3 mlrd dollarga oshdi
-
Iqtisodiyot3 days ago
O‘zbekiston–Yaponiya: startaplar yo‘nalishida hamkorlik imkoniyati mavjud
-
Iqtisodiyot14 hours agoSodiqlik kartasini skanerlash va xarid uchun to‘lov qilish — endi payme’da barchasi bir urinishda!
-
Siyosat4 days agoEnergetika vazirligi 1 martdan tabiiy gaz narxi oshishi haqidagi mish-mishlarni rad etadi
-
Siyosat3 days agoO‘zbekiston mudofaa qobiliyatini mustahkamlash masalalari muhokama qilindi
-
Iqtisodiyot3 days agoAQSh Eronga zarbalarni qo‘llab-quvvatlamagan Ispaniya bilan savdoni to‘xtatadi