Iqtisodiyot
O‘zbekistonda go‘sht narxi oshishiga qaysi omillar ta’sir qilyapti?
Markaziy bankka ko‘ra, qo‘shni davlatlardagi cheklovlar va import narxlarining oshishi O‘zbekistonda go‘sht qimmatlashishiga ta’sir o‘tkazgan. Xususan, 2025 yilning dastlabki 4 oyida 1 kg import qoramol go‘shtining o‘rtacha bahosi 4,07 dollarni tashkil etgan. Bu ko‘rsatkich o‘tgan yilning mos davrida 3,89 dollarga teng bo‘lgan. Shuningdek, oxirgi 7 oyda yem-ozuqa narxlari ham keskin oshib ketgan.
O‘zbekistonda go‘sht narxlarining oshishiga qo‘shni davlatlardagi eksport cheklovlari ham ta’sir qilgan. Bu haqda Markaziy bankning «Pul-kredit siyosati sharhi»da keltirib o‘tilgan.
«Qo‘shni mamlakatlardagi go‘sht eksportiga qo‘yilgan cheklovlar natijasida go‘sht taklifi kamayishi, shuningdek, import narxlari oshgani ichki narxlar ham o‘zgarishiga sabab bo‘ldi. Mart oyida go‘sht mahsulotlari narxi 6,1 foizga o‘sib, yillik hisobda 21,6 foizga yetdi», deyiladi MB sharhida.
O‘zbekistonga go‘sht importi
Bojxona qo‘mitasi ma’lumotlariga ko‘ra, 2025 yilning yanvar-aprel oylarida O‘zbekistonga 197 mln dollarlik go‘sht mahsuloti import qilingan. Bu o‘tgan yilning mos davriga nisbatan (118,5 mln dollar) 66 foizga ko‘p.
Hisobot davrida O‘zbekistonga 156,2 mln dollarlik 38,3 ming tonna qoramol go‘shti olib kirilgan. Bunda 1 kg go‘shtning o‘rtacha bahosi 4,07 dollarni tashkil etgan. Taqqoslash uchun, o‘tgan yilning mos davrida bu ko‘rsatkich 3,89 dollarga teng bo‘lgan.
Ozuqa narxi ham keskin qimmatlashgan
Qishloq xo‘jaligi vazirligi 2025 yilning I choragida go‘sht narxining oshishiga ta’sir qilgan omillardan biri sifatida yem-ozuqa, elektr energiyasi va yoqilg‘i–moylash materiallari ham qimmatlashganini keltirib o‘tgandi.
«Chorvachilikda go‘sht yetishtirish uchun kuchli ozuqaga bo‘lgan talab yuqoriligi, ozuqa yetishtirish uchun yer maydonlari yetishmasligi tufayli chorva mollarining ozuqa bilan ta’minlanish darajasining 35-40 foizini tashkil etmoqda. 2024 yil oktyabr oyidagi narxlar bilan solishtirilganda, bugungi kunda shrot narxi 3 ming so‘mdan 7 ming so‘mga, sheluxa 2 800 so‘mdan 4 ming so‘mga, omuxta yem 2 900 so‘mdan 3 700 so‘mga, bug‘doy 2 200 ming so‘mdan 3 500 ming so‘mga, makkajo‘xori silosi 500 so‘mdan 900-1 000 so‘mga, somon 15 ming so‘mdan 25 ming so‘mga, beda esa 25 ming so‘mdan 45 ming so‘mga oshgan. Ozuqa xarajatlari, mehnatga haq to‘lash va elektr energiyasi xarajatlarining oshishi ham go‘sht tannarxiga bevosita ta’sir ko‘rsatayotganini alohida ta’kidlash zarur», deyiladi Qishloq xo‘jaligi vazirligi izohida.
Oxirgi yetti oy ichida shrot narxi 2,3 barobarga, sheluxa 43 foizga, omuxta yem 28 foizga, bug‘doy 59 foizga, makkajo‘xori silosi qariyb 2 barobarga, somon 67 foizga, beda esa 80 foizga qimmatlashgan.
Rasmiy ma’lumotlarga ko‘ra, 2024 yilda O‘zbekistonda 2,9 mln tonna go‘sht (tirik vaznda) yetishtirilgan. Bu ko‘rsatkich 2023 yilga nisbatan 3,9 foizga ko‘p. O‘z navbatida go‘sht yetishtirish 2023 yilda 2,8 mln tonnani, 2022 yilda esa 2,7 mln tonnani tashkil etgan. Ya’ni aholi iste’mol qiladigan go‘shtning asosiy qismi mamlakat ichkarisida yetishtiriladi.
Iqtisodiyot
Saida Mirziyoyeva Gonkongning Henderson Land Group xoldingi boshqaruvi raisi bilan uchrashdi
Prezident Administratsiyasi rahbari Saida Mirziyoyeva XXRning Gonkong maxsus ma’muriy hududidagi eng yirik xoldinglardan biri — Henderson Land Group boshqaruvi raisi Piter Li bilan uchrashuv o‘tkazdi.
Tomonlar qayta tiklanuvchi energetika, Yangi Toshkent infratuzilmasini rivojlantirish va ta’lim sohalaridagi istiqbolli qo‘shma loyihalarni muhokama qildi.
«Mamlakatimiz investitsiyalar uchun ochiq va biz Gonkongning yetakchi biznes doiralari bilan hamkorlikdan manfaatdormiz. Sheriklikdagi tashabbuslarni, jumladan, yangi tashkil etilayotgan Toshkent xalqaro moliya markazi orqali ham qo‘llab-quvvatlashga tayyormiz», — deb yozdi Saida Mirziyoyeva.
Administratsiya rahbari O‘zbekiston va Gonkong o‘rtasida uzoq muddatli iqtisodiy hamkorlikni rivojlantirish uchun katta imkoniyatlar borligiga ishonch bildirdi.
Markaziy bank 2026-yil 9-oktyabrdan valyutalarning yangi kursini belgiladi.
AQSh dollari 37,38 so‘mga oshib, 11 846,57 so‘m etib belgilandi.
Yevro kursi 34,69 so‘mga oshdi va 13 240,91 so‘m bo‘ldi. Funt-sterling 15 631,55 so‘mni tashkil qildi (29,25).
Rossiya rubli 138,95 so‘m etib belgilandi (+0,8).
Markaziy bank 2026-yil 6-oktyabrdan valyutalarning yangi kursini belgiladi.
AQSh dollari 5,5 so‘mga oshib, 11 778,45 so‘m etib belgilandi.
Yevro kursi 25,62 so‘mga tushdi va 13 198,93 so‘m bo‘ldi. Funt-sterling 15 580,53 so‘mni tashkil qildi (+31,99).
Rossiya rubli 138,35 so‘m etib belgilandi (-2,79).
Milliy statistika qo‘mitasi ma’lumotlariga ko‘ra, 2026-yil yanvar–iyul oylarida O‘zbekistonga 46 davlatdan qariyb 28,5 ming tonna shokolad mahsulotlari olib kirilgan.
Import qilingan mahsulotlarning umumiy qiymati 123,7 mln AQSh dollarini tashkil etgan. Bu o‘tgan yilning mos davriga nisbatan 1,6 ming tonnaga yoki 6 foizga ko‘p.
Import hajmi bo‘yicha Rossiya keskin ustunlik qilgan. Yilning dastlabki yetti oyida Rossiyadan O‘zbekistonga 19,5 ming tonna shokolad mahsulotlari yetkazib berilgan.
Rossiyadan kelgan shokolad mahsulotlari umumiy importning qariyb 70 foizini tashkil etgan. Keyingi o‘rinda Ukraina bo‘lib, undan 2,2 ming tonna mahsulot import qilingan.
Qozog‘istondan 914 tonna, Belarusdan 805,2 tonna shokolad mahsulotlari olib kirilgan. Litvadan import 746,2 tonnani tashkil etgan.
Turkmaniston 715,2 tonna, Turkiya esa 569,5 tonna ko‘rsatkich bilan keyingi o‘rinlarda qayd etilgan. Qolgan davlatlar hisobiga 3 ming tonna mahsulot to‘g‘ri kelgan.
Prezident Shavkat Mirziyoyev raisligida Andijon viloyatini ijtimoiy-iqtisodiy rivojlantirish, tadbirkorlikni qo‘llab-quvvatlash va aholi daromadlarini oshirish masalalari bo‘yicha yig‘ilish o‘tkazilmoqda.
Joriy yilning birinchi yarmida viloyat iqtisodiyoti 8,8 foiz, sanoat 9,2 foiz, xizmatlar 16,1 foiz, investitsiyalar 8,9 foizga o‘sgani qayd etildi.
– Bizga o‘sishdagi raqamlar emas, balki har bir ko‘rsatkich har bir oilaning kundalik hayotiga qanday o‘zgarish olib kirgani muhim,– dedi davlatimiz rahbari.
Andijonda yer va tabiiy boyliklar cheklangan bo‘lsa-da, harakatchan aholi, kuchli tadbirkorlik ruhi, ko‘p sonli yoshlar, sanoat maktabi va katta bozor kabi imkoniyatlar borligi ta’kidlandi.
So‘nggi o‘n yilda viloyatga respublika budjetidan 20 trillion so‘m, banklar tomonidan tadbirkorlik uchun 90 trillion so‘m yo‘naltirildi. Birgina joriy yilda aholi farovonligini oshirishga 6 trillion so‘m ajratildi.
Hokimlarga berilgan vakolatlar va yaratilgan moliyaviy imkoniyatlar shunga munosib natijaga aylanishi zarurligi ko‘rsatib o‘tildi.
