Qoraqalpog‘iston Respublikasida “O‘zyo‘lko‘prik” klasteri davlat muassasasi filiali mansabdor shaxsi qurilish ishlarini olib berish evaziga 10 ming AQSh dollari talab qilgan vaqtida tezkor tadbirda ushlandi. Unga nisbatan jinoyat ishi qo‘zg‘atilib, ayni paytda tergov harakatlari olib borilmoqda.

Foto: Davlat xavfsizlik xizmati

“O‘zyo‘lko‘prik” klasteri davlat muassasasining Qoraqalpog‘iston Respublikasi filiali mansabdor shaxsi xizmat mavqeidan foydalangan holda qurilish faoliyati bilan shug‘ullanuvchi MChJga o‘zining yuqori lavozimda ishlovchi tanishlari orqali “Beruniy–To‘rtko‘l” A380-sonli magistral yo‘l qurilishi loyihasining 5 kilometrlik ish hajmini olib berishni va’da qilgan.

Evaziga u MChJ rahbaridan 10 ming AQSh dollari talab qilgan.

Davlat xavfsizlik xizmatining Qoraqalpog‘iston Respublikasi bo‘yicha boshqarmasi xodimlari tomonidan o‘tkazilgan tezkor tadbir davomida ushbu mansabdor shaxs so‘ralgan pul mablag‘ini olgan vaqtida qo‘lga olindi.

Hozirda unga nisbatan Jinoyat kodeksining 168-moddasi 3-qismi “v” bandi va 28,211-moddasi 1-qismi bilan jinoyat ishi qo‘zg‘atilib, tergov harakatlari olib borilmoqda.

Fuqarolardan shu kabi qonunbuzilish holatlarga duch kelsa, Davlat xavfsizlik xizmatining 1520 qisqa raqamiga qo‘ng‘iroq qilib xabar berish so‘ralgan. Shaxsning sir saqlanishi kafolatlanadi.

Source link

Jamiyat | 08:51

835

1 daqiqa o‘qiladi

Toshkent shahrining Yunusobod tumanida joylashgan shaxsiy xonadonlardan birida yong‘in sodir bo‘ldi. Favqulodda vaziyatlar xizmati ma’lumotiga ko‘ra, hodisa 15 mart kuni Oqtepa 6-tor ko‘chasida joylashgan uyda yuz bergan bo‘lib, yong‘in haqida xabar soat 11:09 da Toshkent shahar Favqulodda vaziyatlar boshqarmasiga kelib tushgan.

Foto: Ijtimoiy tarmoqlar

Tushgan murojaatga asosan, qutqaruv texnika va ekipajlari ko‘rsatilgan manzilga soat 11:19 da yetib borgan. Olib borilgan tezkor harakatlar natijasida yong‘in soat 11:57 da qurshab olingan va soat 12:16 ga kelib to‘liq o‘chirilgan.

Dastlabki ma’lumotlarga ko‘ra, hodisa oqibatida jarohatlanganlar qayd etilmagan. Ayni paytda yong‘inning kelib chiqish sabablari hamda yetkazilgan moddiy zarar miqdori aniqlanmoqda.

Mutasaddi idoralar tomonidan holat yuzasidan tegishli surishtiruv ishlari olib borilmoqda.

Source link

Toshkent viloyati Bo‘ka tumani Soliq inspeksiyasi bosh inspektori fermer xo‘jaligi rahbaridan soliq qarzdorligini to‘lash muddatini uzaytirib berish evaziga 10 mln so‘m talab qilgan vaqtida qo‘lga olindi.

U paxta va g‘alla yetishtirishga ixtisoslashgan fermer xo‘jaligining soliq organlarida mavjud bo‘lgan 165,6 mln so‘mlik qarzdorligini viloyati soliq boshqarmasidagi hamkasbi orqali kechiktirib berishni va’da qilgan.

Davlat xavfsizlik xizmati hamda Bosh prokuratura huzuridagi Departament xodimlari hamkorligida o‘tkazilgan tezkor tadbirda mansabdor shaxs so‘ralgan pul mablag‘ini o‘z xizmat xonasida olayotgan vaqtida ashyoviy dalillar bilan ushlandi.

Mazkur holat yuzasidan bosh inspektorga nisbatan Jinoyat kodeksining 168-moddasi 3-qismi “v” bandi hamda 28,211-moddasi 1-qismi bilan jinoyat ishi qo‘zg‘atilib, unga nisbatan “qamoq” ehtiyot chorasi qo‘llandi. Hozirda tergov harakatlari olib borilmoqda.

Huquqni muhofaza qiluvchi organlar fuqarolarni bunday qonunbuzilish holatlariga duch kelgan taqdirda Davlat xavfsizlik xizmatining 1520 qisqa raqamiga murojaat qilishga chaqirmoqda. Shaxsning sir saqlanishi kafolatlanadi.

Source link

Yig‘ilishda ta’kidlanishicha, Oliy ta’lim, fan va innovatsiyalar vazirligi murojaatlarning 64 foiziga, Qurilish va uy-joy kommunal xo‘jaligi sohasida nazorat qilish inspeksiyasi 61 foiziga, Transport vazirligi 58 foiziga yechim berish o‘rniga yuzaki javob berish bilan cheklangan. Umuman, bunday misollar barcha vazirliklarda borligi qayd etildi.

Xalq qabulxonalari yangi ochilganida murojaatlarning 90-95 foizi shikoyat shaklida bo‘lgan bo‘lsa, hozirga kelib, 60-65 foizga tushdi.

«Bugun odamlarning dunyoqarashi o‘zgarib, shaxsiy masalada emas, mahallasidagi sharoitni yaxshilash yuzasidan taklif berishni afzal ko‘ryapti. Lekin muammosi hal bo‘lmagan odamlar rahbarlar qabulini tashkil qilib berishni Prezidentdan so‘rayapti.

Endi bu tizim o‘zgaradi. Hokimlar arizada ko‘tarilgan masalani hal qilishning o‘zi bilan cheklanmaydi. Aksincha, muammoning kelib chiqish sababi bilan ishlashi kerak», – dedi davlatimiz rahbari.

Shu bois, sohada yangi tizim joriy qilinib, Xalq qabulxonalari faqatgina ariza qabul qiluvchi organ emas, balki hududdagi muammolarni diagnostika qiladigan markaz bo‘lishi belgilandi. 

Prezidentimiz, o‘z navbatida, yangi tizim qanday ishlashini Qarshi shahri misolida tushuntirib berdi.

O‘tgan yili Xalq qabulxonasiga Qarshi shahri aholisidan kelib tushgan 11 mingta murojaat tahlil qilindi.

Misol uchun, Qarshi shahridagi 255 nafar odam aliment to‘lashdan bo‘yin tovlab yurganining sabablari o‘rganilganda ularning 193 nafari kasb-hunari bor bo‘lgani bilan ishsiz ekani, yana 62 nafari daromadini kamaytirib ko‘rsatayotgani aniq bo‘ldi.

Bu jarayonda hokimlik, banklar va hokim yordamchilari, shahar bandlik va MIB bo‘limlari birgalikda ishlab, fuqarolarni tadbirkorlikka jalb qiladi, ishsizlarni hududdagi sanoat va servis korxonalaridagi vakant o‘rinlarga joylashtiradi. Xorijda ishlash istagida bo‘lgan aliment to‘lovchilar bilan uch tomonlama shartnoma tuzib, til va kasbga o‘rgatib, xorijga yuqori daromadli ishlarga yuboradi.

Shahar soliq inspeksiyasi esa Bosh prokuratura departamenti bilan birgalikda daromadini yashirib kelayotganlarning faoliyatini «soyadan» chiqaradi.

Shunda aliment to‘lovchilar qaramog‘ida bo‘lgan 700 ga yaqin bolaning moddiy ta’minoti o‘zgarishi ta’kidlandi.

Source link

15 mart kuni Toshkent shahri Shayxontohur tumanida joylashgan Park in Mall oilaviy savdo-ko‘ngilochar markazining uchinchi qavatida yong‘in sodir bo‘lganidan so‘ng, Favqulodda vaziyatlar vazirligi rahbariyati tegishli hujjatlarga asosan markaz faoliyatini vaqtincha to‘xtatdi. 

Vazirlik ma’lumotiga ko‘ra, cheklov chorasi yong‘in xavfsizligi sohasida aniqlangan kamchiliklar to‘liq bartaraf etilguniga qadar amal qiladi.

Xabarlarga ko‘ra, yong‘in haqidagi xabar 15 mart kuni soat 13:18 da kelib tushgan. Qutqaruv va yong‘in o‘chirish ekipajlari manzilga bir daqiqada yetib borgan va yong‘in 13:28 ga kelib bartaraf etilgan. 

Hodisa oqibatida jabrlanganlar qayd etilmagan, ammo binodagi taxminan 25 kvadrat metr maydon yonib, zararlangan.

Dastlabki ma’lumotlarga ko‘ra, yong‘inga binodagi ijarachilar tomonidan elektr simlaridan noto‘g‘ri foydalanish sabab bo‘lgan bo‘lishi mumkin. 

Shuningdek, yong‘in chiqqan hududda ta’mirlash ishlari olib borilayotgani, tekshiruvlar davomida esa bir qator yong‘in xavfsizligi talablari to‘liq bajarilmagani aniqlangan.

Avvalroq Toshkent shahar FVB mazkur majmua hodisa sodir bo‘lgan paytda rasman foydalanishga topshirilmaganini ham bildirgan. Shunga qaramay, binoda bir necha oydan buyon do‘konlar, ovqatlanish shoxobchalari, kinoteatr va fitnes markazi ishlab kelayotgani aytilmoqda.

Source link