Siyosat
O‘zbekiston va Gonkong yangi hamkorlikda fintech, yashil energiya va to‘g‘ridan-to‘g‘ri reyslarga e’tibor qaratmoqda
Prezident Shavkat Mirziyoyev 4-iyun kuni Xitoyning Gonkong maxsus maʼmuriy hududi rahbari Jon Li Katju boshchiligidagi delegatsiyani qabul qildi.
Foto: Prezident matbuot xizmati
Uchrashuv avvalida Jon Li Xitoy raisi Si Szinpinning samimiy salomi va O‘zbekiston rahbariga tabriklarini yetkazdi.
Muhokama chog‘ida O‘zbekiston va Xitoy o‘rtasidagi hamkorlikni chuqurlashtirishning muhim jihatlari, xususan, mintaqaviy almashinuvni rag‘batlantirish va Gonkong bilan mazmunli sheriklik munosabatlarini rivojlantirish masalalari muhokama qilindi. Tomonlar O‘zbekiston va Xitoy o‘rtasida so‘nggi yillarda erishilgan misli ko‘rilmagan do‘stona munosabatlar va har qanday sharoitda strategik sheriklik darajasidan katta mamnuniyat izhor etildi.
Oliy darajada kelishilgan kelishuvlar izchil amalga oshirilmoqda. Birgina may oyining o‘zida Pekinda Hukumatlararo qo‘mita yig‘ilishi muvaffaqiyatli o‘tkazildi, Sian shahrida uchinchi Mintaqalararo forum bo‘lib o‘tdi. Bundan tashqari, yaqinda Gonkongda O‘zbekiston Savdo Markazining ochilishi munosabati bilan iqtisodiy forum va sanoat ko‘rgazmasi bo‘lib o‘tdi.
O‘zbekistonning turli hududlari va Gonkong o‘rtasidagi iqtisodiy salohiyatni yuzaga chiqarishga alohida e’tibor qaratildi. Ikki davlat rahbarlari Gonkong ishbilarmon doiralari vakillaridan iborat nufuzli delegatsiyaning Toshkentga ushbu tashrifi bu boradagi sa’y-harakatlarni sezilarli darajada oshirishiga ishonch bildirdilar.
Har ikki tomon ham keng qamrovli hamkorlik dasturini qabul qilish muhimligini ta’kidladilar. Tashabbus savdo-iqtisodiy va moliyaviy aloqalarni kengaytirish, sanoat kooperatsiyasini yo‘lga qo‘yish, ta’lim, turizm va biznes almashinuvini rivojlantirishga qaratilgan. Shuningdek, u toʻgʻridan-toʻgʻri reyslarni joriy etish va fuqarolarga konsullik xizmatlarini kuchaytirishni ham oʻz ichiga oladi.
Birgalikda rivojlanishning ustuvor yo‘nalishlari qatoriga yashil energiya, qishloq xo‘jaligi, biotexnologiya, raqamli iqtisodiyot, fintech, innovatsion startaplar va sun’iy intellekt kiradi.
Ushbu rejalarni rasmiylashtirish uchun ushbu ustuvor yo‘nalishlarni qamrab olgan qo‘shma yo‘l xaritasini qabul qilish bo‘yicha kelishuvga erishildi. Tomonlar, shuningdek, ishbilarmonlar kengashini tashkil etish va yaqin kelajakda O‘zbekiston va Gonkong o‘rtasida o‘zaro vizasiz rejimni joriy etish ustida ishlashga kelishib oldilar.
Bugun, 25-sentyabr kuni O‘zbekiston Prezidenti Shavkat Mirziyoyev Xitoy Xalqaro madaniy kommunikatsiya markazi raisi Long Yuysyan va Gonkongning «JDB Group» kompaniyasi asoschisi Chan Xuntoni qabul qildi. Bu haqda Prezident matbuot xizmati xabar berdi.
Qayd etilishicha, O‘zbekiston bilan Xitoy o‘rtasidagi barcha sharoitlarda har tomonlama strategik sheriklik munosabatlarini yanada chuqurlashtirish va madaniy-gumanitar aloqalarni mustahkamlash masalalari ko‘rib chiqildi.
Markaz O‘zbekistonning Xitoy bilan ko‘p qirrali hamkorligini mustahkamlashga katta hissa qo‘shib kelayotgani qayd etildi. Birgalikda infratuzilmani rivojlantirish, investitsiyalar va «yashil» sanoat sohalarida qator loyihalar amalga oshirildi.
«JDB Group» kompaniyasining O‘zbekistondagi faoliyatining ustuvor yo‘nalishlari sifatida zamonaviy shahar, transport va sanoat infratuzilmasini rivojlantirish hamda geologiya sohasi belgilandi.
Uchrashuv yakunida mazkur kompaniya ishtirokida amalga oshirilayotgan va yangi loyihalarni jadallashtirish yuzasidan kelishuvga erishildi.
Siyosat
Saida Mirziyoyeva Diyene Keyta bilan demografik barqarorlik va inson kapitali bo‘yicha hamkorlikni muhokama qildi
O‘zbekiston Respublikasi Prezidenti Administratsiyasi rahbari Saida Mirziyoyeva BMT Bosh kotibi o‘rinbosari, BMT Aholishunoslik jamg‘armasi (UNFPA) ijrochi direktori Diyene Keyta bilan uchrashdi.
Muloqotda demografik barqarorlik, inson kapitali va aholi farovonligini ta’minlash bo‘yicha hamkorlikni yanada rivojlantirish masalalari muhokama qilindi.
Saida Mirziyoyeva O‘zbekistonning asosiy kapitali yosh avlod ekanini ta’kidladi. U demografik salohiyatni kelgusida dividend manbaiga aylantirish uchun inson, ayniqsa, ayollar va bolalarning salomatligi, ta’limi hamda xavfsizligiga investitsiya kiritish zarurligini bildirdi.
Saida Mirziyoyeva o‘zining Telegram kanalida demografik prognozlash tizimini yo‘lga qo‘yilayotganini ma’lum qildi. Shuningdek, «Demografik dividend — 2050» strategiyasini ishlab chiqish rejalashtirilayotganini aytdi.
Tomonlar demografik barqarorlikni faqat aholi soni bilan bog‘liq masala sifatida emas, balki ta’lim, sog‘liqni saqlash, bandlik, ijtimoiy himoya va oilalarni qo‘llab-quvvatlashni qamrab oladigan uzoq muddatli taraqqiyot masalasi sifatida ko‘rish zarurligini ta’kidladi.
Shuningdek, demografik ma’lumotlar va tahliliy prognozlar asosida qarorlar qabul qilish hamda inson kapitali va ijtimoiy xizmatlarga investitsiyalarni kuchaytirish bo‘yicha xalqaro hamkorlikni rivojlantirish masalalari muhokama qilindi.
Muloqotda aholining farovonligini oshirish va demografik jarayonlarni samarali boshqarishda ma’lumotlar hamda prognozlarning ahamiyatiga e’tibor qaratildi.
Prezident administratsiyasi rahbari Saida Mirziyoyeva Nyu-Yorkda «BlackRock» rahbariyati bilan uchrashdi.
Unda kompaniya prezidenti Robert Kapito, vitse-rais Tomas Donilon, «Global Infrastructure Partners» raisi va bosh ijrochi direktori Adebayo Ogunlesi, Moliyaviy va strategik investorlar guruhi global rahbari hamda kompaniyaning Yaqin Sharq mintaqasi bo‘yicha rahbari Charlz Hatami qatnashdi.
Muloqot davomida 2027-yilda Toshkent xalqaro moliya markazi faoliyatini yo‘lga qo‘yish masalasini muhokama qilindi. «BlackRock» ushbu Markaz konsepsiyasi va tuzilmasini ishlab chiqishda ko‘maklashmoqda.
AQSh ishbilarmon doiralari vakillari ishtirokidagi qo‘shma davra suhbatida O‘zbekiston hamda mintaqamizning yaqin o‘n yilliklarga mo‘ljallangan rivojlanish istiqbollari yuzasidan fikr almashildi.
O‘zbekiston yirik, samarali, sifatli sarmoyalar uchun yangi imkoniyatlar maydoniga aylanmoqda, dedi Saida Mirziyoyeva.
Mudofaa vaziriga ikki o‘rinbosar tayinlandi. Bu haqda vazirlik matbuot xizmati xabar berdi.
Jumladan, Prezidentning tegishli qaroriga muvofiq, polkovnik Zoidov Qahramonjon Obidjonovich O‘zbekiston mudofaa vazirining qurollanish va qurollantirish bo‘yicha o‘rinbosari lavozimiga tayinlandi.
Adliya polkovnigi Muratov Jahongir Dilshatovich vazirning komplayens va korrupsiyaga qarshi ichki nazorat bo‘yicha o‘rinbosari lavozimiga tayinlandi.
Prezident Shavkat Mirziyoyev Andijon viloyatiga tashrif buyuradi.
Ikki kunlik safar dasturidan hududning sanoat va investitsiya salohiyati, energetika, qishloq xo‘jaligi, transport, turizm va boshqa sohalardagi loyihalar bilan tanishish o‘rin olgan. Davlatimiz rahbari mahallalardagi bunyodkorlik ishlarini ham ko‘zdan kechiradi. Qator yangi quvvatlarni ishga tushirish va istiqbolli loyihalar qurilishini boshlash ko‘zda tutilgan.
Shuningdek, Andijon viloyatini yanada rivojlantirishning ustuvor yo‘nalishlari muhokamasiga bag‘ishlangan yig‘ilish bo‘lib o‘tadi.
