Siyosat
O‘zbekiston va Chexiya o‘zaro tovar ayirboshlash hajmini 1 milliard dollarga yetkazmoqchi
30 aprel kuni Prezident Shavkat Mirziyoyev va Chexiya Bosh vaziri Andrey Babishning Koʻksaroj rasmiy qarorgohida oliy darajadagi uchrashuvi boʻlib oʻtdi va bu ikki davlat oʻrtasidagi koʻp qirrali munosabatlarni chuqurlashtirish yoʻlida muhim qadam boʻldi. Muhokamalar tor formatdagi uchrashuvlar va rasmiy delegatsiyalar bilan kengaytirilgan muzokaralarni oʻz ichiga oldi va savdoni kengaytirishdan tortib to toʻgʻridan-toʻgʻri havo aloqalarini tiklashgacha boʻlgan keng koʻlamli mavzularga eʼtibor qaratdi.
Foto: Prezident matbuot xizmati
Prezident Mirziyoyev ushbu tashrif O‘zbekiston va Chexiya o‘rtasidagi hamkorlik tarixida sifat jihatidan yangi bosqichni belgilovchi muhim lahza ekanligini ta’kidladi. Hukumatlar va vazirliklar o‘rtasidagi yaqin hamkorlik, faol deputatlik do‘stlik guruhlari, hukumatlararo qo‘mitalarning samarali faoliyati tufayli ikki tomonlama almashinuv barcha sohalarda jadal rivojlanib borayotganini ta’kidladi.
Iqtisodiy hamkorlik sammitning asosiy yo’nalishi bo’lib qoldi. O‘zbekiston va Chexiya o‘rtasidagi tovar ayirboshlash hajmi so‘nggi yillarda qariyb ikki baravar oshdi, ayni paytda O‘zbekistonda chex sarmoyasi ishtirokida tuzilgan 37 qo‘shma korxona faoliyat ko‘rsatmoqda. Ushbu sur’atni mustahkamlash uchun har ikki davlat yetkazib beriladigan tovarlar turini kengaytirish orqali o’zaro savdo hajmini 1 milliard dollarga yetkazish bo’yicha ulkan maqsadni qo’ygan.
Sanoat va texnologik integratsiyani rivojlantirishga qaratilgan bir qancha strategik tashabbuslar e’lon qilindi. O‘zbekiston Chexiyada o‘zining birinchi sertifikatlashtirish filialini ochishni rejalashtirmoqda, Yevro 6 standartidagi avtomobillarni sertifikatlash bo‘yicha eng zamonaviy laboratoriya qurish bo‘yicha hamkorlikda ishlar olib borilmoqda. Bundan tashqari, tomonlar yirik Chexiya kompaniyalari ishtirokida texnik hamkorlik dasturini ishlab chiqishga kelishib oldilar. Dastur mashinasozlik, yashil energiya, geologiya, kimyo va farmatsevtika sanoatidagi loyihalarga qaratilgan.
Ushbu iqtisodiy maqsadlarni qo‘llab-quvvatlash uchun Tomonlar Ishbilarmonlar kengashini tashkil etishni taklif qildilar va Hukumatlararo qo‘mitaning navbatdagi yig‘ilishini avgust oyida Toshkentda o‘tkazishni belgiladilar. Chexiya Eksport banki va Eksport kafolatlarini sug‘urtalash korporatsiyasi (EGAP) ham O‘zbekistondagi loyihalarni moliyaviy qo‘llab-quvvatlashga tayyorligini bildirdi.
Muzokaralar madaniy-gumanitar sohalarni ham qamrab oldi, har ikki tomon ham akademik almashinuv va ikki tomonlama diplom dasturlarini kengaytirishdan manfaatdor ekanini tasdiqladi. Rasmiylarga sayyohlik va ishbilarmonlik sayohatlarini ko‘paytirishni rag‘batlantirish maqsadida Toshkent va Praga o‘rtasida to‘g‘ridan-to‘g‘ri aviaqatnovlarni qayta tiklashni yakunlash vazifasi yuklatildi.
Tomonlar, shuningdek, uyushgan mehnat migratsiyasi sohasidagi hamkorlikni muhokama qildilar va dolzarb xalqaro muammolar yuzasidan fikr almashdilar. Uchrashuv yakunida tashrif davomida qabul qilingan barcha qarorlarning o‘z vaqtida bajarilishini ta’minlash bo‘yicha kompleks “yo‘l xaritasi”ni ishlab chiqish kelishib olindi.
Bugun, 25-sentyabr kuni O‘zbekiston Prezidenti Shavkat Mirziyoyev Xitoy Xalqaro madaniy kommunikatsiya markazi raisi Long Yuysyan va Gonkongning «JDB Group» kompaniyasi asoschisi Chan Xuntoni qabul qildi. Bu haqda Prezident matbuot xizmati xabar berdi.
Qayd etilishicha, O‘zbekiston bilan Xitoy o‘rtasidagi barcha sharoitlarda har tomonlama strategik sheriklik munosabatlarini yanada chuqurlashtirish va madaniy-gumanitar aloqalarni mustahkamlash masalalari ko‘rib chiqildi.
Markaz O‘zbekistonning Xitoy bilan ko‘p qirrali hamkorligini mustahkamlashga katta hissa qo‘shib kelayotgani qayd etildi. Birgalikda infratuzilmani rivojlantirish, investitsiyalar va «yashil» sanoat sohalarida qator loyihalar amalga oshirildi.
«JDB Group» kompaniyasining O‘zbekistondagi faoliyatining ustuvor yo‘nalishlari sifatida zamonaviy shahar, transport va sanoat infratuzilmasini rivojlantirish hamda geologiya sohasi belgilandi.
Uchrashuv yakunida mazkur kompaniya ishtirokida amalga oshirilayotgan va yangi loyihalarni jadallashtirish yuzasidan kelishuvga erishildi.
Siyosat
Saida Mirziyoyeva Diyene Keyta bilan demografik barqarorlik va inson kapitali bo‘yicha hamkorlikni muhokama qildi
O‘zbekiston Respublikasi Prezidenti Administratsiyasi rahbari Saida Mirziyoyeva BMT Bosh kotibi o‘rinbosari, BMT Aholishunoslik jamg‘armasi (UNFPA) ijrochi direktori Diyene Keyta bilan uchrashdi.
Muloqotda demografik barqarorlik, inson kapitali va aholi farovonligini ta’minlash bo‘yicha hamkorlikni yanada rivojlantirish masalalari muhokama qilindi.
Saida Mirziyoyeva O‘zbekistonning asosiy kapitali yosh avlod ekanini ta’kidladi. U demografik salohiyatni kelgusida dividend manbaiga aylantirish uchun inson, ayniqsa, ayollar va bolalarning salomatligi, ta’limi hamda xavfsizligiga investitsiya kiritish zarurligini bildirdi.
Saida Mirziyoyeva o‘zining Telegram kanalida demografik prognozlash tizimini yo‘lga qo‘yilayotganini ma’lum qildi. Shuningdek, «Demografik dividend — 2050» strategiyasini ishlab chiqish rejalashtirilayotganini aytdi.
Tomonlar demografik barqarorlikni faqat aholi soni bilan bog‘liq masala sifatida emas, balki ta’lim, sog‘liqni saqlash, bandlik, ijtimoiy himoya va oilalarni qo‘llab-quvvatlashni qamrab oladigan uzoq muddatli taraqqiyot masalasi sifatida ko‘rish zarurligini ta’kidladi.
Shuningdek, demografik ma’lumotlar va tahliliy prognozlar asosida qarorlar qabul qilish hamda inson kapitali va ijtimoiy xizmatlarga investitsiyalarni kuchaytirish bo‘yicha xalqaro hamkorlikni rivojlantirish masalalari muhokama qilindi.
Muloqotda aholining farovonligini oshirish va demografik jarayonlarni samarali boshqarishda ma’lumotlar hamda prognozlarning ahamiyatiga e’tibor qaratildi.
Prezident administratsiyasi rahbari Saida Mirziyoyeva Nyu-Yorkda «BlackRock» rahbariyati bilan uchrashdi.
Unda kompaniya prezidenti Robert Kapito, vitse-rais Tomas Donilon, «Global Infrastructure Partners» raisi va bosh ijrochi direktori Adebayo Ogunlesi, Moliyaviy va strategik investorlar guruhi global rahbari hamda kompaniyaning Yaqin Sharq mintaqasi bo‘yicha rahbari Charlz Hatami qatnashdi.
Muloqot davomida 2027-yilda Toshkent xalqaro moliya markazi faoliyatini yo‘lga qo‘yish masalasini muhokama qilindi. «BlackRock» ushbu Markaz konsepsiyasi va tuzilmasini ishlab chiqishda ko‘maklashmoqda.
AQSh ishbilarmon doiralari vakillari ishtirokidagi qo‘shma davra suhbatida O‘zbekiston hamda mintaqamizning yaqin o‘n yilliklarga mo‘ljallangan rivojlanish istiqbollari yuzasidan fikr almashildi.
O‘zbekiston yirik, samarali, sifatli sarmoyalar uchun yangi imkoniyatlar maydoniga aylanmoqda, dedi Saida Mirziyoyeva.
Mudofaa vaziriga ikki o‘rinbosar tayinlandi. Bu haqda vazirlik matbuot xizmati xabar berdi.
Jumladan, Prezidentning tegishli qaroriga muvofiq, polkovnik Zoidov Qahramonjon Obidjonovich O‘zbekiston mudofaa vazirining qurollanish va qurollantirish bo‘yicha o‘rinbosari lavozimiga tayinlandi.
Adliya polkovnigi Muratov Jahongir Dilshatovich vazirning komplayens va korrupsiyaga qarshi ichki nazorat bo‘yicha o‘rinbosari lavozimiga tayinlandi.
Prezident Shavkat Mirziyoyev Andijon viloyatiga tashrif buyuradi.
Ikki kunlik safar dasturidan hududning sanoat va investitsiya salohiyati, energetika, qishloq xo‘jaligi, transport, turizm va boshqa sohalardagi loyihalar bilan tanishish o‘rin olgan. Davlatimiz rahbari mahallalardagi bunyodkorlik ishlarini ham ko‘zdan kechiradi. Qator yangi quvvatlarni ishga tushirish va istiqbolli loyihalar qurilishini boshlash ko‘zda tutilgan.
Shuningdek, Andijon viloyatini yanada rivojlantirishning ustuvor yo‘nalishlari muhokamasiga bag‘ishlangan yig‘ilish bo‘lib o‘tadi.
