Siyosat
O‘zbekiston avia yoqilg‘isini Quvaytdan sotib olishni rejalashtirmoqda
O‘zbekiston va Quvayt iqtisodiy hamkorlikni bir qancha yo‘nalishlar bo‘yicha kengaytirishga kelishib oldi.
Foto: Investitsiyalar vaziri
Investitsiyalar, sanoat va savdo vaziri Raziz Qudratov Hukumatlararo qo‘mita yig‘ilishida ishtirok etish uchun 13-15 dekabr kunlari amaliy tashrif bilan Quvaytda bo‘ldi. Shuningdek, u hukumat, ishbilarmon doiralar va moliya institutlari vakillari bilan uchrashdi.
Uchrashuvda neft vaziri va Quvayt neft korporatsiyasi bosh direktori Tariq Sulaymon Al-Rumiy hamda Savdo va sanoat vaziri Xalifa Al-Ajr ishtirok etdi. Tomonlar neft-gaz, neft-kimyo, logistika va savdo sohalaridagi hamkorlikni muhokama qildilar.
Kuvayt tomonidan O‘zbekiston aviakompaniyalarini avia yoqilg‘i bilan ta’minlash, meva-sabzavot eksportini kengaytirish asosiy mavzulardan biri bo‘ldi. Tomonlar standartlarni o‘zaro tan olish va sertifikatlashtirish maqsadida laboratoriyalarni akkreditatsiya qilish niyatida.
Elektr energetikasi, suv va qayta tiklanadigan energetika vaziri, Moliya vaziri oʻrinbosari, Iqtisodiyot va investitsiyalar vaziri Subai Abdulaziz Abdul Mohsen Al Muqayjim janob Qudratov bilan sarmoyaviy hamkorlik va savdoni chuqurlashtirish masalalarini muhokama qildi. “Ko’rfaz davlatlari va Markaziy Osiyo Ittifoqi” nomli taraqqiyot jamg’armasini tashkil etish ham kun tartibidan o’rin oldi.
Janob Al Muqayjim yashil energiya, qishloq xo‘jaligi va oziq-ovqat xavfsizligi sohasida hamkorlik imkoniyatlarini ta’kidladi. Shuningdek, u nafaqat fan va ta’lim, balki raqamli sohalar va sun’iy intellektni rivojlantirishda ham hamkorlik qilish muhimligini ta’kidladi.
Times Kuwait nashrining yozishicha, Qudratov neft-kimyo va qurilish sohalaridagi aloqalarni kengaytirishdan manfaatdorligini bildirgan. O‘zbekistonning savdo vakili ikki mamlakat kompaniyalariga aloqa o‘rnatish va bozorlarga kirishda yordam berish maqsadida Quvaytda faoliyatini boshlaydi.
Qudratov, shuningdek, Samarqanddan Quvaytga 15 kun davom etadigan yuklarni sinov tariqasida tashish boshlanganini maʼlum qildi. Kaspiy dengizidagi Eron portlari orqali muqobil yo‘nalish yetkazib berish muddatini 7-8 kungacha qisqartirishi mumkin, dedi u.
Bundan tashqari, vazir Oʻzbekiston-Quvayt biznes forumida ishtirok etib, elektron tijorat, islomiy moliya, qurilish va sogʻliqni saqlash sohalaridagi kompaniyalar vakillari bilan bir qator uchrashuvlar oʻtkazdi. Tashrif yakunida bir qator ikki tomonlama hujjatlar imzolandi.
Siyosat
Prezident «aravasini torta olmayotgan» hokimlar bugunning o‘zida lavozimiga loyiqligi ko‘rib chiqilishini aytdi
Shavkat Mirziyoyev yig‘ilishda ayrim rahbarlar tadbirkorning masalasini hal qilishi o‘rniga o‘zini chetga olayotgani, muammo respublika darajasiga chiqsa, aybini berkitish uchun o‘zini oqlab yurgani tanqid qilindi.
Davlat rahbari Nurafshon shahar hokimi byurokratiya sababli ikki yildan beri qurilishni boshlay olmagan tadbirkorga yordam berish o‘rniga qayerdan bu ma’lumot Prezident darajasigacha yetib borganini qidirish bilan ovora ekanligini ta’kidladi.
Qayd etilishicha, G‘uzor, Narpay, Urganch, Yangiyo‘l, Chinoz (Salixov) tumanlari hokimlari tadbirkorlik infratuzilmasi uchun berilgan tayyor pulga haligacha loyiha boshlamagani ko‘rsatib o‘tildi. Vaholanki, biznes infratuzilmasini yaxshilash uchun ushbu tumanlarga bu yil respublikadan qo‘shimcha 262 milliard so‘m berilgan.
Yig‘ilishda tegishli viloyatlar hokimlariga nomi aytilgan tuman hokimlari «aravasini torta olmayotgan bo‘lsa», bugunning o‘zida lavozimiga loyiqligini ko‘rib chiqish topshirildi.
Siyosat
Prezident bu yil 5 mlrd kilovatt elektr va 3,5 mlrd metr kub gaz tejalishi shartligini ta’kidladi
Videoselektor yig‘ilishida Shavkat Mirziyoyev energiya samaradorlik masalalariga alohida to‘xtaldi. Bu haqda Prezident matbuot xizmati xabar berdi.
Qayd etilishicha, elektr yo‘qotishi 20 foizdan ko‘p bo‘lgan 44 ta tuman elektr tarmoqlari korxonalaridagi ahvol tanqid qilindi. Ularning xulosa qilmagan rahbarlarini bugunoq ishdan olish, o‘rniga yosh kadrlarni qo‘yib, yo‘qotishlarni 2 karra kamaytirish bo‘yicha KPI belgilab berish zarurligi aytib o‘tildi.
Bugungi kunda texnika oliygohlarida energetika yo‘nalishida 10 mingdan ziyod 3- va 4-kurs talabalari ta’lim olmoqda. Ularni texnika xavfsizligiga o‘qitib, dual ta’lim asosida tumanga tushirish muhim ekani ko‘rsatib o‘tildi.
«Marhamat, ustozlari shogirdini tumanga olib borsin, ishni o‘rgatsin, yo‘qotishni kamaytirish bo‘yicha yaxshi yechimlar taklif qilsa, tejalgan mablag‘ni ustoz va talabaga bonus qilib beraylik», – dedi Prezident.
Mazkur yig‘ilishda tarmoq rahbarlari va hokimlar bu yil 5 milliard kilovatt elektr va 3,5 milliard kub metr gazni tejashi shartligi qayd etildi.
Prezident 13 ta tuman hokimiga intizomiy jazo chora ko‘rishni topshirdi
Source link
Yig‘ilishda Prezident Shavkat Mirziyoyev eksport ko‘rsatkichlari pasaygan hududlar faoliyatini keskin tanqid qildi.
Qayd etilishicha, so‘nggi olti oyda 908 ta tadbirkor 3 milliard 600 million dollarlik shartnomalar tuzgan. Biroq hamkor davlatlardagi vaziyat o‘zgargani sababli ular hali eksportni boshlay olmagan.
Shu bilan birga, ayrim hokimlar tadbirkorlarga amaliy yordam ko‘rsatish o‘rniga vaziyatni o‘z holicha qoldirgani ta’kidlandi. Bu esa eksport ko‘rsatkichlariga salbiy ta’sir ko‘rsatgan.
Birinchi chorak yakunlari bo‘yicha bir qator hududlarda eksport keskin kamaygan. Xususan, Norin, Kasbi, Sherobod, Yozyovon va Denov tumanlarida eksport hajmi ikki barobardan ziyodga qisqargan.
Shuningdek, Shahrisabz, Uchquduq, Parkent, Toshkent tumani, Jizzax, Navoiy, Namangan, Angren, Bekobod va Nurafshon shaharlarida eksport rejalari 70 foizga ham yetmagan.
Prezident mazkur hududlar rahbarlarini ogohlantirib, birinchi yarim yillikda o‘sish ta’minlanmasa, qat’iy xulosa qilinishi bildirildi.
Davlat rahbari hozirgi sharoitda eksportchilarni har tomonlama qo‘llab-quvvatlash muhimligini ta’kidladi. Uning so‘zlariga ko‘ra, tadbirkorlar yangi bozor topish, aylanma mablag‘, sertifikatlash va logistika kabi muammolarni mustaqil hal qila olmayapti.
Shu bois, ushbu yo‘nalishda yagona va samarali tizim yaratish zarurligi qayd etildi. Mas’ullarga eksportni rivojlantirish bo‘yicha natijaga yo‘naltirilgan kompleks yondashuv ishlab chiqish va tegishli takliflar kiritish topshirildi.
Siyosat | 17:53
214
1 daqiqa o’qish
22 aprel kuni O‘zbekistonning BMTdagi doimiy vakili Ulug‘bek Lapasov va Gvineya-Bisau doimiy vakili Samba Sane qo‘shma bayonotni imzoladi.
Foto: TIV
Tomonlar xalqaro tashkilotlar, jumladan, Birlashgan Millatlar Tashkiloti va uning ixtisoslashgan muassasalari doirasidagi hamkorlikni kengaytirishdan manfaatdor ekanliklarini tasdiqladilar.
Tomonlar ikki tomonlama hamkorlikning o‘zaro manfaatli yo‘nalishlarini aniqlash bo‘yicha sa’y-harakatlarni faollashtirishga kelishib oldilar.
Gvineya-Bisau O‘zbekiston bilan diplomatik munosabatlar o‘rnatgan 168-davlat bo‘ldi.
267 nafar farzandni tarbiyalagan “Super dada” (foto)
Tokayevga muhim hujjat topshirildi: Qozog‘iston MDHda birinchi
Prezident «aravasini torta olmayotgan» hokimlar bugunning o‘zida lavozimiga loyiqligi ko‘rib chiqilishini aytdi
-
Jamiyat5 days ago
Самарқандда МЧЖ раҳбарларининг кирдикорлари ошкор бўлди: тафсилотлар
-
Dunyodan5 days agoEron Hurmuz boʻgʻozini bloklagani sababli muzokaralarni rad etmoqda
-
Siyosat3 days agoSaida Mirziyoyeva xalqaro forumda Prezident murojaatini o‘qib eshittirdi
-
Siyosat5 days ago“Oʻzbekneftgaz” va Xitoyning CNPC hamkori uglevodorodlarning oʻta chuqur zahiralarini oʻrganish boʻyicha
-
Siyosat4 days agoSamarqandda narkotiklarning transmilliy tahdidlariga qarshi kurash bo‘yicha xalqaro forum bo‘lib o‘tmoqda
-
Siyosat3 days agoHukumat mehnat muhojirlariga til oʻrgatish va malaka olish xarajatlari uchun kompensatsiya toʻlashi kerak
-
Siyosat3 days agoPrezident Shavkat Mirziyoyev JSST bosh direktorini qabul qildi
-
Dunyodan4 days ago
Prezident Tramp Eron rahbariyati bilan uchrashishga tayyorligini ma’lum qildi