Dunyodan
NATO 2026-yilda Ukrainaga 70 milliard yevro miqdorida yordam ajratmoqchi
NATO aʼzolari 2026-yilda Ukrainaga harbiy texnika, kadrlar tayyorlash va boshqa xavfsizlik ehtiyojlari uchun 70 milliard yevro ajratmoqchi. Bu haqda Anqaradagi NATO sammiti yakunida qabul qilingan deklaratsiyada ma’lum qilindi.
Hujjatga ko‘ra, alyans 2027-yilgacha Ukrainaga kamida shu miqdorda yordam ko‘rsatish majburiyatini oladi.Deklaratsiyada Ukraina transatlantika xavfsizligini ta’minlashga hissa qo‘shishi va NATO davlatlari Kiyevni qo‘llab-quvvatlashda birlashganligi qayd etilgan.
Sammit ishtirokchilari Rossiyani “Yevroatlantika xavfsizligi va barqarorligiga uzoq muddatli tahdid” deb atadi. Bu doirada NATO davlatlari mudofaa sektoriga sarmoyalarni oshirish, harbiy ishlab chiqarish salohiyatini kengaytirish va yuqori texnologiyali qurollarni ishlab chiqishda davom etishlarini ma’lum qildi.