Sport
Lissabonda drama. Darvozabon «Real»ga gol urib, jamoasini pley-offga olib chiqdi
«Real» Mourinio jamoasidan uchralgan mag‘lubiyat tufayli kuchli sakkizlikni tark etdi, «Siti» va «Barsa» esa oxirgi turda kuchli sakkizlikka kirib oldi; «Qayrat» so‘nggi o‘rinda qolgan bo‘lsa-da, birinchi o‘rindagi «Arsenal»ga ikkita gol urdi; o‘tgan mavsum finalchilari «PSJ» va «Inter» ham o‘tish o‘yinlariga qoldi. YeChLning so‘nggi turidagi asosiy voqealar va turnir jadvalidagi yakuniy vaziyat.
«Benfika» – «Real» 4:2
Gollar: Mbappe, 30 (0:1). Shelderup, 36 (1:1). Pavlidis, 45+5 – penalti (2:1). Shelderup, 54 (3:1). Mbappe, 58 (3:2). Trubin, 90+8 (4:2)
«Benfika»: Trubin, Otamendi, Arauju, Dal, Dedich, Eursnes, Barreyru, Sudakov (Barrenechea, 83), Shelderup (Silva, 90+3), Prestianni (Regu, 87), Pavlidis (Ivanovich, 90+3)
«Real»: Kurtua, Raul Asensio, Hausen (Alaba, 79), Karreras (Dias, 79), Valverde, Tshuameni (Kamavinga, 55), Bellingem, Arda Guler (Sestero, 79), Vinisius Junior, Mastantuono (Rodrigu, 55), Mbappe
Ogohlantirishlar: Barreyru, 11. Dal, 85 – Tshuameni, 3. Raul Asensio, 45. Hausen, 62. Karreras, 67. Rodrigu, 90
Chetlatishlar: Raul Asensio, 90 (ikkinchi sariq). Rodrigu, 90 (ikkinchi sariq)
«Real»ga «Da Luj»da oson bo‘lmasligi oldindan ma’lum edi. «Benfika» o‘tish o‘yinlariga yo‘llanma olish uchun borini berishga tayyor bo‘lib chiqqandi va o‘yin debyutidayoq Kurtua o‘z mahoratini ishga solishiga to‘g‘ri keldi, Prestiannining kuchli zarbasidan keyin to‘p darvozabonning reaksiyasi tufayli to‘singa bordi. Lissabonliklarni Mbappening guruh bosqichidagi 12-goli ham to‘xtata olmadi. Ko‘p o‘tmay mezbonlarning qarshi hujumi gol bilan yakunlandi, Pavlidisning ideal uzatmasidan keyin Shelderup muvozanatni tikladi.
Shundan keyin Madridda muammo ketidan muammo paydo bo‘la boshladi. Avvaliga Leandru Barreyru bir metr masofada turgan holda to‘pni burchakka yo‘llay olmay mehmonlarni kechirgandi, birinchi bo‘limga qo‘shib berilgan daqiqalarda esa Pavlidis penaltini aniq ijro etdi – 2:1.
Ikkinchi bo‘lim boshida Asensioning xatosidan keyin Shelderup dublni nishonladi. Bir necha daqiqa o‘tib Mbappe ham Arda Gulerning uzatmasidan keyin ikkinchi golini urdi va o‘yinga intriga qaytardi.
O‘yinning oxirgi qismida esa tarixga kiradigan voqealar bo‘lib o‘tdi. Avvaliga «Benfika» futbolchilari g‘alabali hisobni saqlab qolish uchun vaqt cho‘zishga kirishdi. Ammo murabbiylar shtabi kutilmaganda bu hisob yetarli emasligini anglab qolishdi va shundan keyin mezbonlar shoshilgancha oldinga o‘ta boshlashdi.
O‘yinga qo‘shib berilgan daqiqalarda Rodrigo va Asensio qizil kartochka olib maydonni tark etdi. 90+8-daqiqada mezbonlar standart vaziyat ijro etish huquqini qo‘lga kiritdi, Joze Mourinio esa darvozabon Trubinga ham oldinga borishni buyurdi.
«Benfika» futbolchilari jarima maydonida son jihatdan ustunlikka erishishdi va aynan darvozabon raqib darvozasini ishg‘ol etib, Lissabondagi stadionga yig‘ilgan muxlislarni aqldan ozdirdi.
Aynan uning so‘nggi daqiqada urgan goli portugaliyaliklarni 24-o‘ringa olib chiqdi. Bu o‘yinda durang hisob ham yetarli bo‘lgan «Real» esa to‘qqizinchi o‘ringa tushib ketdi va endi fevral oyi oxirida o‘tish bosqichi doirasida qo‘shimcha ikki o‘yin o‘tkazishga to‘g‘ri keladi. E’tiborli tomoni, bu bosqichda jamoaga yana «Benfika» raqib bo‘lishi mumkin, buni qur’a hal qiladi (madridliklarga «Benfika» yoki «Budyo-Glimt»dan biri raqib bo‘lishi aniq).
«PSJ» – «Nyukasl» 1:1
Gollar: Vitinya, 8 (1:0). Uillok, 45+2 (1:1)
Aniq ijro etilmagan penalti: Dembele, 4’
«PSJ»: Safonov, Markinios, Pacho, Nunu Mendesh, Hakimi, Vitinya, Joau Nevesh (Mayulu, 87), Zair-Emeri (Mbay, 87), Barkolya (Ramush, 70), Kvaratsxeliya (Due, 23), Dembele
«Nyukasl Yunayted»: Poup, Botman, Bern, Tshau, Tonali, Remsi, Holl, Mayli, Uillok (Gordon, 68), Elanga (Barns, 68), Voltemade (Vissa, 79)
Ogohlantirish: Elanga, 20
Ushbu ikki jamoa so‘nggi tur arafasida 6-7 o‘rinlarda turgandi, lekin ushbu jamoalar so‘nggi turda o‘zaro o‘ynashi tufayli ulardan biri kuchli sakkizlikni tark etishi ehtimoli yuqori edi. Yakunda esa har ikki jamoa o‘tish o‘yinlariga qoladigan bo‘ldi.
Holbuki amaldagi chempionlar ilk daqiqalarda o‘yin taqdirini hal qilib qo‘yishi mumkin edi. Ammo 4-daqiqada Usmon Dembele penaltini aniq ijro etolmadi. Yana to‘rt daqiqa o‘tib Vitinya hisobni ochdi, shundan keyin parijliklar o‘yinni nazorat qilishdi, ammo bu ustunlikni saqlab qola olishmadi. Birinchi bo‘limga qo‘shib berilgan daqiqalarda Uillok ikkinchi qavatda barchadan ustun kelib, muvozanatni tikladi.
Bu gol Luis Enriki jamoasi himoyasidagi muammolarni yaqqol ko‘rsatib berdi. Fransiya gegemoni so‘nggi olti o‘yinda 10 ta gol o‘tkazib yubordi. Bu ko‘rsatkich yanada yomon bo‘lishi mumkin edi, ikkinchi bo‘limda «PSJ» «qarg‘alar»ning ko‘plab hujumlarini o‘tkazib yubordi. Uillok ikkinchi bor darvozani ishg‘ol qildi, ammo bu gol ofsayd holati tufayli bekor qilindi. Barns esa bir yarim metr masofadan turib bo‘sh darvozani ishg‘ol eta olmadi. Parijliklar esa hujumda amalda hech qanday vaziyat yarata olishmadi, durang hisob esa ikki jamoani ham o‘tish o‘yinlariga yubordi.
«Chelsi»ning kambeki va «Barsa» uchun odatiy ssenariy
So‘nggi turning eng intrigaga boy o‘yinlari 13 tadan ochkoga ega jamoalar ishtirokidagi o‘yinlar edi. 1/8 finalga uchta o‘rin uchun sakkizta da’vogar bor edi! Tabiiyki bu o‘yinlardagi har bir urilgan yoki o‘tkazib yuborilgan gol qiymati oltinga teng hisoblanardi.
«Napoli» – «Chelsi» 2:3
Gollar: Fernandes, 19 – penalti (0:1). Vergara, 33 (1:1). Hoylund, 43 (2:1). Joao Pedro, 61 (2:2). Joao Pedro, 82 (2:3)
«Napoli»: Meret, Buondjorno, Juan Jyezus (Guterres, 67), Di Lorenso, Maktominay, Lobotka, Olivera, Spinatssola (Bekema, 82), Elmas (Lukaku, 82), Vergara, Hoylund
«Chelsi»: Sanches, Jyeyms, Fofana, Kukurelya, Gyusto (Chaloba, 59), Santos (Gittens, 59, Badiashile, 90), Kaysedo, Fernandes, Pedru Netu (Palmer, 46), Estevao (Garnacho, 74), Joao Pedro
Ogohlantirishlar: Juan Jyezus, 17. Elmas, 75 – Fofana, 88
«Chelsi»ning ishtiyoqi o‘tish o‘yinlariga ilinish umidida bo‘lgan «Napoli»nikidan ko‘proq bo‘lib chiqdi. Antonio Konte birinchi bo‘limni yaxshi o‘tkazdi va Ensoning penaltidan urgan goliga tanaffusgacha ikki gol bilan javob qaytardi.
Ammo o‘yindagi so‘nggi so‘zni mehmonlar aytishdi. Ikkinchi bo‘limda zaxiradan o‘yinga qo‘shilgan Koul Palmer Joau Pedruni ikkita golli uzatma bilan ta’minladi. Bu g‘alaba evaziga Liam Rosenior shogirdlari oltinchi o‘ringa chiqdi, Italiyaning amaldagi chempionlari esa turnirni tark etdi.
«Manchester Siti» – «Galatasaroy» 2:0
Gollar: Holand, 11 (1:0). Sherki, 29 (2:0)
«Manchester Siti»: Donnarumma, Ake, Husanov, Ait Nuri, Mateus Nunes, O`Rayli, Marmush (Reynders, 67), Bernardu Silva, Doku (Foden, 37), Sherki (Gonsales, 82), Holand
«Galatasaroy»: Ugurjan Chaqir, Sanches, Abdulkarim Bardakchi (Eren Elmali, 68), Yakobs, Sholloi, Sara (Ikardi, 86), Lemina, Gundo‘g‘an (Torreyra, 68), Sane (Kaan Ayxan, 80), Barish Yilmaz (Yunus Oqkun, 68), Osimhen
Ogohlantirish: Lemina, 19
Turklar ustidan g‘alabaga erishgan «Manchester Siti» kuchli sakkizlikni yakunlab berdi. Qatorasiga besh o‘yinni golsiz tark etgan Holand tezkor gol bilan hisobni ochdi: u Dokuning ajoyib uzatmasidan keyin darvozabon bilan yakkama-yakka vaziyatga chiqib bordi va to‘pni uning ustidan oshirib tashladi. Ikkinchi gol ham juda osonnlik bilan urildi: raqib jarima maydonida hech qanday qarshilikka uchramagan Sherki zarba berishdan oldin mo‘ljal olish uchun yetarli vaqtga ega bo‘ldi. Parallel o‘yinlardagi natijalar (birinchi navbatda «Real» yutqazishi hamda «PSJ» va «Nyukasl» o‘zaro durang o‘ynashi) ham jamoaga yordam berib yubordi.
«Barselona» – «Kopenhagen» 4:1
Gollar: Dadason, 4 (0:1). Levandovski, 48 (1:1). Yamal, 60 (2:1). Rafinya, 69 – penalti (3:1). Reshford, 85 (4:1)
«Barselona»: X. Garsiya, Kubarsi, Martin (Arauxo, 72), Balde, Kunde, Olmo (Reshford, 72), E. Garsiya (Bernal, 46), Fermin Lopes (Kasado, 79), Rafinya, Yamal, Levandovski (Torres, 81)
«Kopenhagen»: Kotarski, Gabriel Pereyra, Xatzidiakos, Lopes, Meling, Sudzuki, Klem (Madsen, 55), Ashuri (Robert, 65), Larsson (Mukoko, 65), Al-Yunussi (Hoyyer, 78), Dadason (Klasson, 55)
Ogohlantirishlar: Yamal, 38 – Lopes, 27. Sudzuki, 39. Meling, 87. Gabriel Pereyra, 90
So‘nggi tur arafasida kuchli sakkizlikdan tashqarida bo‘lgan yana bir grand jamoa bo‘lgan «Barselona»ga finishda top-24 dan tashqaridagi «Kopenhagen» raqib bo‘ldi. Bu o‘yinda barchasi oldindan ma’lumdek ko‘rinayotgandi, ammo ko‘k-anorranglilar bu mavsumda istalgan raqibdan gol o‘tkazishmoqda. Bu o‘yinda esa skandinavlar hujumchisi Dadason 4-daqiqadayoq qarshi hujumda qochib ketib Garsiya qo‘riqlayotgan darvozani ishg‘ol etdi va tarixga kirdi. Bungacha yevrokubok o‘yinlarida «Kamp Nou»da mehmon bo‘lgan futbolchilardan hech biri u kabi yoshligida (17 yoshu 212 kunlik) gol urmagandi, bundan oldingi rekord (milanlik Paulo Ferrario) 1959 yil noyabridan buyon saqlanib turgandi.
Kataloniyaliklar tanaffusga mag‘lub holda yo‘l olishdi. Lekin ikkinchi bo‘limda barchasi o‘z o‘rniga tushdi. Yamalning jarima maydoniga yorib kirishi Levandovskiga golli pas bilan yakunlandi. Keyin esa Laminning o‘zi rikoshet yordamida ikkinchi golni urdi, uning navbatdagi uzatmasi esa penalti ishlanishiga olib keldi. Rafinya 11 metrlik nuqtadan benuqson zarba yo‘lladi, o‘yinga yakuniy nuqtani zaxiradan tushgan Reshford qo‘ydi. Ushbu ingliz futbolchisi dublga erishishi ham mumkin edi, ammo uning kuchli zarbasidan keyin to‘p to‘singa bordi. Yirik g‘alabadan keyin «Barsa» top-8ga kirib oldi.
Havers va Musiala hal qildi
«Arsenal» – «Qayrat» 3:2
Gollar: Yokeresh, 3 (1:0). Jorjinio, 7 – penalti (1:1). Havers, 15 (2:1). Martinelli, 36 (3:1). Rikardinio, 90+3 (3:2)
«Arsenal»: Arrisabalaga, Moskera, Kalafiori (Inkapiye, 46), Lyuis-Skelli, Uayt, Norgar (Ibrahim, 89), Eze, Havers (Edegor, 46), Martinelli (Beyli-Jozef, 77), Madueke, Yokeresh (Gabriel Jyezus, 77)
«Qayrat»: Anarbekov, Martinovich, Sorokin, Shirobokov, Sadibekov, Gleyzer (Kasabulat, 70), Luish Mata (Kurgin, 70), Tapalov (Gromiko, 59), Jorjinio (Bagdat, 79), Mrinskiy, Edmilson (Rikardinio, 59)
Ogohlantirishlar: Kalafiori, 6 – Jorjinio, 69
«PSV» – «Bavariya» 1:2
Gollar: Musiala, 58 (0:1). Saybari, 78 (1:1). Keyn, 84 (1:2)
«PSV»: Kovarj, Obispo, Shauten, Mauro Junior, Dest, Saybari, Verman, Vanner, Perishich (Driosh, 82), Man (Fernandes, 46), Til
«Bavariya»: Urbig, Upamekano (Deyvis, 62), Ta, Ito, Bishof (Boe, 85), Kimmih, Pavlovich, Musiala (Gnabri, 62), Dias, Karl (Keyn, 62), Jyekson (Olise, 62)
Ogohlantirishlar: Perishich, 7. Shauten, 35. Til, 83. Mauro Junior, 86 – Upamekano, 24. Kimmix, 83
Chetlatish: Mauro Junior, 90 (ikkinchi sariq)
Umumiy guruh bosqichining ikki yetakchi jamoasi so‘nggi turda ikkinchi tarkiblarini maydonga tashladi: Arteta o‘z jamoasining «MYu»ga qarshi o‘yindagi tarkib bilan solishtirganda naq 11 futbolchisini almashtirdi. Xususan, londonliklar safida Havers bir yildan buyon ilk bor boshlang‘ich tarkibdan o‘rin oldi va 45 daqiqa o‘ynaganiga qaramay (1+1), o‘yinning eng yaxshi futbolchisi bo‘ldi. O‘z navbatida, myunxenliklar safida Jamol Musiala uzoq vaqt jarohatdan keyin boshlang‘ich tarkibga qaytib, PSV darvozasini ishg‘ol etdi. Yakunda ikki jamoa ham kichik hisobdagi g‘alabalarga erishdi va mos ravishda 1 va 2-o‘rinlarni saqlab qolishdi.
Yengil sayr
«Liverpul» – «Qorabog‘» 6:0
Gollar: Makallister, 15 (1:0). Virs, 21 (2:0). Saloh, 50 (3:0). Ekitike, 57 (4:0). Makallister, 61 (5:0). Kiyeza, 90 (6:0)
«Liverpul»: Alisson, van Deyk, Gravenberh, Roberson, Frimpong (Endo, 4), Makallister, Soboslai (Nallo, 74), Virs (Nioni, 67), Gakpo (Kiyeza, 74), Saloh, Ekitike (Ngumoha, 67)
«Qorabog‘»: Koxalski, Mustafozoda, Medina, Jafarguliyev (Bolt, 67), Silva, Yankovich, Pedru Bikalyu, Montiel (Gurbanli, 85), Zubir (Adday, 81), Leandru Andrade (Bayramov, 67), Duran (Oxunzoda, 67)
Ogohlantirish: Yankovich, 70
«Ayntraxt» – «Tottenhem» 0:2
Gollar: Kolo Muani, 47 (0:1). Solanke, 77 (0:2)
«Ayntraxt» F: Santos, Teat, Koh, Amenda, Braun (Shaibi, 72), Buta, Sxiri (Daud, 72), Larsson (Dills, 83), Hoylund (Doan, 72), Knauff, Gyotse (Baoyya, 83)
«Tottenhem»: Vikario, Danso, Romero, Udoji (Bayfild, 89), Spens, Palinya, Grey, Sarr, Simons, Odober (Solanke, 73), Kolo Muani (Skarlett, 84)
Ogohlantirishlar: Vikario, 75. Palinya, 90
Angliyaning bu klubi ham so‘nggi turda hech qanday muammoga uchramadi. «Liverpul» yevromavsum kashfiyoti «Qorabog‘»ni yirik hisobda tor-mor etdi va «Enfild»da yig‘ilgan muxlislar uchun bayram uyushtirib berdi. Bu o‘yindagi uchta nuqtani alohida qayd etish mumkin. Birinchidan, Virs mersisaydliklar futbolkasida YeChLdagi debyut golini nishonladi. Ikkinchidan, Saloh jarima nuqtasidan ajoyib gol urdi. Uchinchidan, jamoa himoyachisi Virjiyl van Deyk uchta golga assistentlik qildi.
«Tottenhem» esa bu mavsumdagi asosiy paradoks bo‘lib turibdi. APLda «shporlar» shunchalik yomon o‘ynayaptiki, jurnalistlar Tomas Frankdan qachon iste’foga chiqishini so‘rashmoqda. Yevropa maydonlarida esa londonliklar yo‘lidan chiqqan raqibni yengmoqda, inqiroz holatidagi «Ayntraxt» ham ularga muammo tug‘dira olmadi. Birinchi bo‘lim oxirida Kolo Muani sobiq jamoasini ranjitdi, ikkinchi bo‘limda esa Solanke himoyachilar ta’qibidan qochib ketib, o‘yindagi yakuniy hisobni o‘rnatdi. London jamoasi to‘rtinchi o‘rin bilan nimchorak finalga yo‘l oldi.
Skandinavlar hazillashmayapti
«Atletiko» – «Budyo-Glimt» 1:2
Gollar: Serlot, 15 (1:0). Sevold, 34 (1:1). Heg, 59 (1:2)
«Atletiko»: Oblak, Ximenes (Rudjyeri, 57), Pubil, Gansko, Liorente, Koke (Molina, 64), Barrios (Le Norman, 78), Baena (Almada, 57), Gonsales (Kardozo, 64), Serlot, Alvares
«Budyo-Glimt»: Xaykin, Bertuft, Gundersen (Aleyesami, 90), Berkan, Sevold, Berg, Fet (Helmersen, 83), Even (Klyunge, 90), Hauge, Blomberg (Euklenn, 74), Heg (Myayattya, 83)
Ogohlantirishlar: Liorente, 63. Almada, 85 – Xaykin, 67. Myayattya, 90
«Budyo-Glimt» o‘tgan turda o‘z maydonida «Manchester Siti»ni mag‘lub etib, shov-shuv ko‘targandi. Bu turda esa norvegiyaliklar Madriddan uch ochko bilan qaytishdi. Holbuki mezbonlar o‘yin boshida hisobni ochgandi. Ammo mehmonlar birinchi bo‘limdayoq chiroyli kombinatsiya orqali urilgan gol bilan javob qaytarishdi. Ikkinchi bo‘lim boshida esa Ketilya Knutsen shogirdlari g‘alabani ilib ketishdi. «Manchester Siti» darvozasiga dubl qayd etgan Heg bu safar ham maydonni golsiz tark etmadi. O‘tgan mavsumlarda «Bude» Konferensiyalar ligasi chorakfinalida va Yevropa Ligasi yarimfinalida qatnashgandi, endi asosiy yevrokubokda ham munosib natija qayd etish uchun kurashni davom ettirmoqda.
«Bryugge» – «Marsel» 3:0
Gollar: Dyakon, 4 (1:0). Verman, 11 (2:0). Stankovich, 79 (3:0)
«Bryugge»: Miniole, Ordones (Spilers, 72), Mehele, Seys, Sabbe (Sike, 85), Onedika, Vanaken, Stankovich (Vetlesen, 85), Dyakon (Tzolis, 69), Borjyesh, Verman (Tresoldi, 85)
«Marsel»: Ruli, Balerdi, Agerd, Murilio (Obameyang, 53), Kondogbiya (O`Rayli, 87), Heyberg, Medina, Vea, Traore (Payshao, 46), Grinvud, Guiri (Nadir, 87)
Ogohlantirishlar: Vanaken, 50 – Murilio, 22. Guiri, 80
Guruh bosqichi startini muvaffaqiyatsiz o‘tkazgan «Bryugge» so‘nggi turlarda o‘ziga keldi va o‘tish o‘yinlarida qatnashadigan bo‘ldi. «Marsel» esa yirik hisobda yutqazib ham pley-offda qolishi mumkin edi, ammo Lissabondagi o‘yinning so‘nggi daqiqasida urilgan fantastik gol fransuzlarni top-24 dan tashqarida qoldirdi.
«Atletik» – «Sporting» 2:3
Gollar: Sanset, 3 (1:0). Diomande, 12 (1:1). Guruseta, 28 (2:1). Trinkau, 62 (2:2). Santos, 90+4 (2:3)
«Atletik»: Simon, Paredes, Berchiche, Boyro, Gorosabel, Ruis de Galarreta (Vesga, 66), Rego, Sanset (Berenger, 50), Navarro (Serrano, 81), Gomes (Sanches, 66), Guruseta (Yyerro, 81)
«Sporting»: Ruy Silva, Gonsalu Inasiu (Mateus Reys, 26), Diomande (Kuarejma, 54), Arauxo, Fresneda, Yulmann, Simoyes (Morita, 54), Bragansa (Gonsalvesh, 54), Trinkau (Santos, 87), Katamu, Suares
Ogohlantirishlar: Gomes, 35. Guruseta, 44. Paredes, 75. Vesga, 82 – Mateus Reys, 29. Arauxo, 39. Simoyes, 49. Gonsalvesh, 55. Kuarejma, 86
Portugal jamoalari so‘nggi turda ispanlar kushandasiga aylandi. «Sporting» o‘z o‘yinida g‘alaba qozonib, kuchli sakkizlikka kirib olishdan tashqari, «Benfika»ga ham yordam berib yubordi. Agar «Atletik» g‘alabali hisobni ushlab qolganida, «Benfika» o‘rniga o‘tish o‘yinlariga yo‘l olgan bo‘lardi. Ammo «Sporting» safardagi o‘yinning so‘nggi daqiqalarida g‘alaba golini urib ketdi va «San-Mames»ni motam ichida qoldirdi.
«Monako» – «Yuventus» 0:0
«Monako»: Ken, Teze, Kerer, Kayyu Enrike, Vanderson, Zakariyo, Kamara, Kulibali (Bamba, 78), Golovin (Uttara, 89), Akliush, Balogun
«Yuventus»: Perin, Bremer, Kelli, Kabal (Kambiyaso, 75), Kalyulyu, Kopmeyners (Jyegrova, 73), Tyuram (Devid, 83), Miretti (Kenan Yildiz, 46), Makkenni, Konseysau (Adjich, 46), Openda
Ogohlantirishlar: Kerer, 63. Kamara, 71 – Kenan Yildiz, 77. Adjich, 85
«Yuventus» o‘z odatiga ko‘ra nolsiz durang qayd etdi. Bu o‘yindagi g‘alaba ham turinliklarni kuchli sakkizlikka olib kira olmasdi. Bu durang ko‘proq monegaskliklar foydasiga xizmat qildi va jamoa pley-offda kurashni davom ettiradigan bo‘ldi. Agar jamoa yutqazganida, to‘plar nisbati tufayli Fransiyaning boshqa bir jamoasi «Marsel»ni, shuningdek «Pafos»ni oldinga o‘tkazib yuborgan bo‘lardi.
Turnir jadvalidagi yakuniy vaziyat:
Sport
«Real» «Bavariya»ga qarshi, «Barsa» yana «Atletiko» bilan o‘ynaydi. YeChLda chorakfinal juftliklari
Turnirda 8 jamoa qoldi.
Chorshanba oqshomida Chempionlar ligasi 2025/26 yillar mavsumi 1/8 finali doirasida yana to‘rt uchrashuv o‘tkazildi: «Arsenal», «Real», «PSJ» va «Sporting» ortidan «Barselona», «Atletiko», «Bavariya» va «Liverpul» jamoalari ham keyingi bosqichga yo‘llanma olishdi.
Chempionlar ligasi 1/8 final natijalari
«Real» – «Manchester Siti» – 5:1 (birinchi o‘yin – 3:0, javob o‘yini – 2:1).
«PSJ» – «Chelsi» – 8:2 (5:2, 3:0).
«Sporting» – «Budyo-Glimt» – 5:3 (0:3, 5:0).
«Arsenal» – «Bayyer» – 3:1 (1:1, 2:0).
«Atletiko» – «Tottenhem» – 7:5 (5:2, 2:3).
«Barselona» – «Nyukasl» – 8:3 (1:1, 7:2).
«Liverpul» – «Galatasaroy» – 4:1 (0:1, 4:0).
«Bavariya» – «Atalanta» – 10:2 (6:1, 4:1).
Pley-offning to‘liq setkasi oldindan ma’lum edi, bundan keyin boshqa qur’a tashlanmaydi. Chorakfinalga chiqqan jamoalar o‘zlarining navbatdagi raqiblarini allaqachon bilishadi.
1/4 final juftliklari
«Real» – «Bavariya»
«PSJ» – «Liverpul»
«Sporting» – «Arsenal»
«Barselona» – «Atletiko»
Birinchi bo‘lib ko‘rsatilgan jamoalar birinchi o‘yinni o‘z uyida o‘tkazadi.
1/4 final o‘yinlari taqvimi
Keyingi bosqich deyarli uch haftadan keyin, mart oyidagi FIFA kunlari ortidan boshlanadi. Chorakfinaldagi uy va safar uchrashuvlari orasi bir haftani tashkil etadi.
Mart oyi oxirida Yevropa yozgi vaqtga o‘tadi, shuning uchun Chempionlar ligasi yana Toshkent vaqti bilan soat 23:59 dan boshlanadi.
7–8 aprel. Birinchi o‘yinlar
«Real» – «Bavariya»
«PSJ» – «Liverpul»
«Sporting» – «Arsenal»
«Barselona» – «Atletiko»
14–15 aprel. Javob o‘yinlari
«Bavariya» – «Real»
«Liverpul» – «PSJ»
«Arsenal» – «Sporting»
«Atletiko» – «Barselona»
Birinchi va ikkinchi juftliklar g‘oliblari hamda uchinchi va to‘rtinchi juftliklar g‘oliblari yarimfinalda o‘zaro to‘qnashadi.
Yarimfinal bahslari 28-29 aprel va 5-6 may kunlariga belgilangan.
Final 30 may kuni Budapeshtda bo‘lib o‘tadi.
«Arsenal» va «Bavariya» – asosiy favoritlar
Har bir bosqichdan keyin Opta superkompyuteri Chempionlar ligasida kim g‘olib bo‘lishi bo‘yicha prognozlarini yangilab bormoqda. Turnir startidan oldin «Liverpul»ning imkoniyatlari eng yuqori baholangandi, o‘tgan mavsum Angliya chempioni bo‘lgan va yozgi transferlarda eng faol bo‘lgan jamoaga 20,6 foiz berilgandi, ammo vaqt o‘tib bu jamoaning imkoniyatlari uch baravar pasaytirildi – 7 foizgacha.
Turnir avvalida ikkinchi asosiy da’vogar «Arsenal» bo‘lib turgandi (15,3 foiz), ammo londonliklarning imkoniyatlari vaqt sayin o‘sib bordi va endi ikki baravar yuqori baholanmoqda.
Setkaning ikkinchi tomonidagi asosiy favorit – «Bavariya». Opta Angliya va Germaniya grandlari Budapeshtdagi finalga yetib kelishini bashorat qilmoqda. «Barselona» va «PSJ»da ham yarimfinalga chiqish imkoniyati yuqori baholangan.
Opta versiyasiga ko‘ra, jamoalarning Chempionlar ligasi g‘olibligi uchun imkoniyatlari:
«Arsenal»da startdan oldin 15,3 foiz, chorakfinal arafasida 30 foiz;
«Bavariya»da startdan oldin 4,5 foiz, chorakfinal arafasida 18 foiz;
«Barselona»da startdan oldin 8,8 foiz, chorakfinal arafasida 14,7 foiz;
«PSJ»da startdan oldin 12 foiz, chorakfinal arafasida 12,1 foiz;
«Real»da startdan oldin 5,8 foiz, chorakfinal arafasida 7 foiz;
«Liverpul»da startdan oldin 20,6 foiz, chorakfinal arafasida 30 foiz;
«Atletiko»da startdan oldin 0,8 foiz, chorakfinal arafasida 4,7 foiz;
«Sporting»da startdan oldin 0,8 foiz, chorakfinal arafasida 3,3 foiz.
1993 yil, aprel. Milliy basketbol assotsiatsiyasi muntazam ligasidagi navbatdagi o‘yini bo‘lib o‘tmoqda. Tanaffus paytida qiziqarli tanlov o‘tkazadi. Unga ko‘ra, xohlovchilar maydon chetidan to‘p irg‘itib, narigi tomondagi savatchaga tushirishi kerak edi. Bir yigit shu ishni uddalaydi. Biroq yutuqni to‘lashi lozim bo‘lgan sug‘urta kompaniyasi g‘irromlik qiladi va pullarini berishdan bosh tortadi. Oxir oqibat yigitga yutuqni “Chicago bulls” jamoasi to‘lab beradi.
Bugun AQSh sportini basketbol o‘yinisiz tasavvur qilib bo‘lmaydi. Bu sport turi muxlislar tashrifi bo‘yicha Amerika futboli va beysboldan so‘ng uchinchi o‘rinda turadi.
Basketbol AQShda eng ko‘p o‘ynaladigan o‘yin hisoblanadi va bilan mamlakatda 26 milliondan ortiq odam shug‘ullanadi.
Shuningdek, AQSh va Kanada jamoalari ishtirok etadian Milliy basketbol assotsiatsiyasi ligasi dunyo miqyosida eng ko‘p tomosha qilinadigan turnir hisoblanadi.
Jamoaviy o‘ynaladigan boshqa sport turlarida bo‘lgani kabi AQShda bo‘lib o‘tadigan basketbol o‘yinlari juda qiziqarli va keskin kurashlar ostida kechadi.
Shu bilan birga tanaffus paytlarida zaldagi muxlislar uchun turli tanlovlar o‘tkaziladi va o‘yinlar qiziqarli shouga aylanadi.
1993 yilda ana shunday tanlovlarning biri mojaro bilan yakun topadi. “Chicago bulls” jamoasiga homiylik qiluvchi kompaniya mukofot uchun va’da qilingan 1 mln dollarni g‘olib yigit Don Kelhunga to‘lab berishdan bosh tortadi.
Foto: spors.qq.com
Million dollarlik aniq zarba
1993 yil 14 aprel. Chikago shahridagi arenada MBA muntazam ligasida ishtirok etuvchi “Chicago bulls” va “Miami Heat” jamoalari bellashmoqda.
O‘sha paytda AQShlik jahonga mashhur basketbolchi Maykl Jordan “Chicago bulls” jamoasi sharafini himoya qilar va u ham maydonda edi.
O‘yinga tanaffus berilgan paytda “Chicago bulls” jamoasi, “Koka-kola” kompaniyasi Lettuce Entertain You restoranlar tarmog‘idan iborat tashkilotchilar yutuqli tanlov o‘tkazadi.
Tanlovga ko‘ra, avval muxlislar orasidan tasodifiy yo‘l bilan bir necha kishi tanlab olinadi. So‘ng ular navbati bilan basketbol maydonining bir chetidan, ikkinchi chetidagi savatchaga to‘pni uloqtirishi kerak edi.
Qoida aniq: 23 metr uzoqlikdan savatchaga to‘pni aniq tushirgan qatnashchi g‘olib bo‘ladi va u 1 mln dollarga ega chiqadi. Agar bu ishni bir necha kishi bajarsa mukofot puli ular orasida teng taqsimlanadi.
Yutuqni “Chicago bulls” jamoasiga homiylik qilayotgan “American Hole ‘N One” sug‘urta kompanisi to‘lab berishi lozim edi.
Tanlov boshlangach bir necha kishi to‘pni uloqtiradi, biroq savatchaga tushira olmaydi. Aslida bu ish juda qiyin bo‘lib, shu sababli ham tashkilotchilar tanlovga yutuq sifatida katta mablag‘ qo‘ygandi.
Navbat kanselariya do‘koni sotuvchisi bo‘lib ishlovchi Don Kelhunga keladi. Yigit uloqtirgan to‘p to‘g‘ri borib savatchaga tushadi. Shunda arenada o‘tirgan muxlislar yigitni olqishlay boshlaydi.
Foto: Videodan kadr
O‘sha paytda tanaffus olgan basketbolchilar tanlovni kuzatishayotgandi. Ular ham navbati bilan yigitni quchoqlab, tabriklashadi. Jumladan, maydonda bo‘lgan Maykl Jordan ham.
Don Kelhunning qo‘liga 1 dollarlik yutuqqa ega chiqqani haqidagi banner-sertifikat topshiriladi. Yigit o‘sha kuni xursand holda sevimli jamoasining arenasidan chiqib ketadi. Ertasi kuni esa muammo boshlanadi…
G‘irromlik
Don Kelhun ancha-muncha basketbolchilar ham amalga oshirolmaydigan ishni uddalab, mukofot puliga ega chiqqandi. Biroq 23 metrdan to‘pni savatchaga hech kim tushira olmasligiga ishonib pul tikkan sug‘urta kompaniyasi yutuqni to‘lashga kelganda g‘irromlik qilardi.
Kompaniya Don Kelhunga mukofot puli berilmasligini e’lon qilib, buning ikkita sababini keltiradi. Birinchi sababga ko‘ra Don Kelhun to‘pni uloqtirayotganda chiziqni bosgan.
Ikkinchisi, u avvalroq bir muddat kollejdagi jamoa safida basketbol o‘ynagan. Kompaniya tanlov oddiy muxlislar o‘rtasida o‘tkazilganini va unda Donning ishtiroki xato bo‘lganini aytadi.
Ya’ni, sug‘urta kopaniyasi tanlov ishtirokchilari so‘ngi 5 yilda basketbol bilan muntazam shug‘ullanmagan bo‘lishi kerak edi, deb turib oladi.
Foto: Videodan kadr
Shundan so‘ng sug‘urta kopaniyasining vajlari bo‘yicha tekshiruv o‘tkaziladi. Eng avval Don Kelhun to‘pni uloqtirayotgan paytda chiziqni bosganmi yoki yo‘q, shu tekshiriladi.
Jarayon tasvirga tushirilgandi. Video sinchiklab ko‘rilganda Donning chiziqni bosmagani ma’lum bo‘ladi. Ikkinchi sabab bo‘yicha ham komissiya yigitni haq deb topadi.
Chunki shartga ko‘ra, tanlovda professional sportchi, hatto faoliyatini tugatgan bo‘lsa ham qatnashishi mumkin emasdi. Don Kelhun esa hech qachon basketbol bilan professional tarzda shug‘ullanmagan, shunchaki kollejdagi havaskor jamoada o‘ynagandi.
Sug‘urta kopaniyasining ikkita vaji ham o‘rinli emas, deb topiladi. Biroq ular baribir 1 mln dollarni to‘lashni xohlamaydi.
O‘sha paytda Don Kelhun bilan sodir bo‘lgan hodisa va sug‘urta kompaniyasining g‘irromliq qilayotgani AQSh OAV lari e’tiboriga tushadi va ular birin ketin hodisa haqida yoza boshlaydi. Ammo bu ham sug‘urta kopaniyasining fikrini o‘zgartira olmaydi.
Hodisaga “Chicago bulls” jamoasining aralashuvi
Don Kelhunga qilingan g‘irromlik ommaga oshkor bo‘lgach muxlislar “Chicago bulls” jamoasini ham ayblay boshlaydi. Chunki tanlov jamoaning uy arenasida, uning o‘yini paytida tashkillashtirilgandi.
Qolaversa gazetalar va turli telekanallar har kuni Don Kelhunga qilingan g‘irromlik haqida maqola hamda ko‘rsatuvlar berib, muxlislarni yanada junbushga keltiradi.
Foto: alamy.com
Bu orada bir yilcha vaqt o‘tib ketadi va Don Kelhun sug‘urta kompaniyasidan o‘z yutug‘ini ololmaydi. Kunlarning birida “Chicago bulls” jamoasi rahbariyati 1 mln dollarlik yutuq bo‘yicha matbuot anjuani o‘tkazishi haqida e’lon beradi.
Matbuot anjumanida jamoa rahbariyati sug‘urta kompaniyasidan farqli ravishda Don Kelhun 1 mln dollarni haqqoniy yutganini tan oladi. So‘ng sug‘urta kompaniyasi to‘lashdan bosh tortgan pullarni jamoa to‘lab berishini ma’lum qiladi.
Faqat jamoa rahbariyati Donga pullarni birdaniga emas, har yili 50 ming dollardan 20 yil davomida to‘lab borilishini aytadi. Yigitning bunga ko‘nishdan o‘zga chorasi qolmaydi.
O‘shandan keyin Don Kelhun 2013 yilgacha 20 yil davomida har yili “Chicago bulls” jamoasidan 38 ming dollardan olib turadi. Qolgan 12 ming dollar daromad solig‘i uchun ushlab qolinadi. Shu tariqa yigit o‘zi yutgan mukofot pullarini to‘liq oladi.
Garchi bir urinishda million dollarni yutgan bo‘lsa-da Don Kelhun millionerga aylana olmaydi – u kanselariya mahsulotlari sotiladigan magazindagi ishini davom ettiradi.
Mashmashaga Maykl Jordanning aralashuvi
Don Kelhun to‘pni savatchaga tushirgan kuni afsonaviy basketbolchi Maykl Jordan ham maydonda edi. Boshqalar kabi u ham g‘olibni tabriklaydi.
Foto: Videodan kadr
O‘yin so‘ngida “Chicago bulls” jamoasining barcha o‘yinchilari Don Kelhun savatchaga tushirgan to‘pga dastxat qo‘yib berishlari lozim edi. O‘shanda faqat bir kishi – Maykl Jordan bu ishni qilmaydi. Jamoadoshlari dastxat qo‘yayotganda u indamay kiyinish xonasiga kirib ketadi.
Mayklning dastxat qo‘ymagani sababi bor edi. 1992 yilda u Upper Deck kompaniyasi bilan shartnoma imzolagandi.
Ushbu kelishuvga ko‘ra, Upper Deck Jordanning dastxati tushirilgan turli mahsulotlarni ishlab chiqaruvchi yagona kompaniya hisoblanardi.
Sportchi va kompaniya o‘rtasida tuzilgan shartnomada Jordanning futbolka, to‘plar va boshqa narsalarga dastxat qo‘yishi cheklangandi. Jordan faqat xayriya tadbirida yoki kasal bolalar uchun dastxat qo‘yishi mumkin edi.
Don Kelhun nima qilib bo‘lsa ham Jordanning dastxatini olishni maqsad qiladi va “Chicago bulls” jamoasining o‘yinlariga muntazam tusha boshlaydi. Biroq mashhur o‘yinchining dastxatini ololmaydi.
Oradan bir yilcha vaqt o‘tadi. Sug‘urta kompaniyasi hamon mukofot pulini to‘lab berishni kechiktirib kelar, Don esa da’vogar sifatida yurgandi. Bir kuni yigit Maykl Jordan o‘g‘lining o‘yinlarini ko‘rish uchun u o‘qiydigan maktabga borib turishini eshitadi va o‘sha yoqqa otlanadi.
Foto: memedeportes.com
Biroq tan soqchilar uni Mayklning oldiga qo‘ymaydi. Ular sportchi baribir dastxat bermasligini ta’kidlaydi. Don u yerdan chiqib ketayotganida tan soqchilardan biri uni quvib yetadi va Maykl chaqirayotganini aytadi.
Yigit Jordan bilan uchrashganda sportchi Donni taniydi va “Pulingizni oldingizmi?” deb so‘raydi. Yigit olmaganini bildiradi.
Shundan so‘ng Jordan “Chicago bulls” rahbariyatiga bosim o‘tkazadi va yigitga yutuqni to‘lab berishni talab qiladi. Avvaliga jamoa rahbariyati ko‘nmaydi.
Biroq bir muddat o‘tgach klub rahbariyati o‘zining eng yaxshi o‘yinchisi qo‘ygan talabga ko‘nishga majbur bo‘ladi.
Angliyaning olti jamoasidan to‘rttasi turnirni tark etdi. Chorakfinalning barcha juftliklari aniq bo‘ldi.
«Kamp Nou»da rekordlar va antirekord
«Barselona» – «Nyukasl» 7:2
Gollar: Rafinya, 6 (1:0). Elanga, 15 (1:1). Bernal, 18 (2:1). Elanga, 28 (2:2). Yamal, 45+7 – penalti (3:2). Fermin Lopes, 51 (4:2). Levandovski, 56 (5:2). Levandovski, 61 (6:2). Rafinya, 72 (7:2)
«Barselona»: X. Garsiya (Shchensni, 82), Kubarsi, Martin, Joau Kanselu (Espart, 66), E. Garsiya (Arauxo, 21), Pedri, Bernal, Fermin Lopes (Olmo, 66), Rafinya, Yamal, Levandovski (Torres, 66)
«Nyukasl Yunayted»: Ramsdeyl, Tiau, Byorn, Holl, Trippiyer (Livramento, 46), Joelinton (Botman, 64), Tonali (Uillok, 55), Remsi, Barns, Elanga (Myorfi, 64), Gordon (Osula, 81)
Ogohlantirishlar: Kubarsi, 44 – Joelinton, 17. Trippiyer, 45. Uillok, 60
Birinchi o‘yin: 1:1
«Kamp Nou»dagi o‘yin turli-tuman rekordlar jamlanmasiga aylandi. Birinchidan, Angliyaning hech bir klubi bungacha Chempionlar ligasi pley-offidagi bir o‘yinda 7 gol o‘tkazib yubormagandi. «Nyukasl» esa shunday imkonsiz ko‘ringan ishni uddaladi. O‘z maydonida to‘liq ustunlik qilgan va so‘nggi daqiqalarda penalti tufayli g‘alabani qo‘ldan chiqargan APL vakili javob o‘yinining birinchi bo‘limida ham munosib qarshilik ko‘rsatdi. Mehmonlar uchta gol o‘tkazib yuborgan bo‘lsa-da, o‘zi ham raqib mudofaasidagi qo‘pol xatolardan foydalanib, ikkita gol urdi.
Ammo Kiran Trippiyer birinchi bo‘limga qo‘shib berilgan daqiqalarda penaltiga sababchi bo‘ldi va Lamin Yamal uchinchi bor jamoasini hisobda oldinga olib chiqdi. Tanaffusdan keyin esa «Nyukasl»ni tanib bo‘lmay qoldi. Eddi Hau jamoasi shunchaki sochilib ketdi va 10 daqiqa ichida uchta gol qo‘yib yubordi. Bunday himoya chizig‘i bilan ko‘p narsadan umid qilib bo‘lmasdi. Ayniqsa Jyeykob Remsining xatosi yilning eng kulgili holatlari kolleksiyasidan o‘rin olishi tayin. Uning qo‘pol xatosi yettinchi gol o‘tkazilishiga olib keldi.
Rafinya bu o‘yinda «gol+pas» tizimida 4 (2+2) ochko ishladi, Robert Levandovski dublni rasmiylashtirdi. Polyak hujumchisi birdaniga bir necha rekordni urdi. U Chempionlar ligasida urgan gollari sonini 41 taga yetkazib, bu borada Lionel Messining rekordini yangiladi. Bundan tashqari, Robert endi Chempionlar ligasida dubl qayd etgan eng katta yoshli futbolchi hisoblanadi – u hozir 37 yoshda. «Barsa» uchun yagona minus – darvozabon Joan Garsiya jarohat olishi bo‘ldi. Chorakfinalda jamoa usiz qiynalishi mumkin.
Salohning benefisi
«Liverpul» – «Galatasaroy»
Gollar: Soboslai, 25 (1:0). Ekitike, 51 (2:0). Gravenberh, 53 (3:0). Saloh, 62 (4:0)
Aniq ijro etilmagan penalti: Saloh, 45+4’
«Liverpul»: Alisson, van Deyk, Konate, Kerkez, Frimpong (Jons, 67), Gravenberh (Nioni, 89), Virs (Kiyeza, 89), Soboslai, Makallister, Saloh (Gakpo, 74), Ekitike (Ngumoha, 89)
«Galatasaroy»: Ugurjan Chaqir, Abdulkarim Bardakchi (Eren Elmali, 73), Singo, Yakobs, Boe (Sane, 46), Torreyra (Yunus Oqgun, 60), Lemina, Sara, Barish Yilmaz, Sholloi, Osimhen (Lang, 46, Ikardi, 80)
Birinchi o‘yin: 0:1
Chorshanba kungi o‘yinlarda chinakamiga intriga saqlanib qolgan yagona o‘yin «Enfild»da edi, bu yerda mezbonlar minimal farqni yo‘qqa chiqarishi talab etilardi. Mezbonlar birinchi bo‘lim o‘rtalaridayoq bu vazifani uddalashdi. Mak Allister burchak zarbasini ijro etishda raqiblarni dog‘da qoldirib, to‘pni yerlatib jarima maydoni chizig‘i hududiga yetkazib berdi, u yerda ortdan kelgan Soboslaini esa hech kim kutib olmadi.
«Liverpul»ning bu mavsumdagi eng yaxshi futbolchisi bo‘lib turgan vengriyalik yarimhimoyachi jamoasi tanaffusga ikki gol farqi bilan chiqib ketishi uchun barcha ishni qildi. Ammo u ishlagan penaltini Saloh aniq ijro eta olmadi.
Misrlik hujumchi o‘z vaziyatlaridan foydalana olmagan bo‘lsa-da, ikkinchi bo‘lim boshida ikki daqiqa ichida urilgan ikki golda ham ishtirok etdi. Avvaliga tezkor qarshi hujumda u Ekitikega ideal uzatma berdi, biroz o‘tib uning zarbasidan keyin darvozabondan qaytgan to‘pni Gravenberh darvozaga kiritib yubordi va «Galatasaroy» amalda chorakfinalga chiqishdan umid uzdi. Salohning o‘zi ham yakunda o‘z nomini tabloga yozdirib qo‘ydi – Virs tovonida uzatgan pasdan keyin o‘zining eng yaxshi yillarida bo‘lgani kabi aylanma zarba yo‘lladi.
Biroz o‘tib «Enfild»da yig‘ilganlar zaxiraga olinayotgan o‘z kumirini olqishlar ostida kuzatib qo‘ydi. Bu oqshomdagi gol uning uchun YeChLdagi 50-goli edi. U shundan 47 tasini «Liverpul» safida urgan («Bazel»da 2 va «Chelsi»da 1). Saloh – bunday ko‘rsatkichga erishgan ilk afrikalik futbolchi bo‘ldi. Oldinda esa Arne Slot jamoasini chorakfinalda «PSJ»ga qarshi o‘yinlar kutmoqda. Mersisaydliklar uchun bu o‘tgan mavsumdagi mag‘lubiyat uchun revansh olish imkoniyatidir.
Inglizlarning yana bir jamoasini ispanlar chiqarib yubordi
«Tottenhem» – «Atletiko» 3:2
Gollar: Kolo Muani, 30 (1:0). Alvares, 47 (1:1). Simons, 52 (2:1). Gansko, 75 (2:2). Simons, 90+1 – penalti (3:2)
«Tottenhem Hotspur»: Vikario, Romero (Danso, 81), van de Ven, Spens, Dregushin (Udoji, 66), Grey (Gallaher, 81), Sarr, Simons, Tel (Olusesi, 81), Porro (Bergvall, 74), Kolo Muani
«Atletiko»: Musso, Gansko, Le Norman, Rudjyeri, Molina (Koke, 64), Kardozo, Liorente, Lukman (Syorlot, 64), Simeone (Ximenes, 87), Grizmann (Baena, 84), Alvares (Gonsales, 84)
Ogohlantirishlar: Porro, 57. Vikario, 58. Romero, 70. Udoji, 72 – Rudjyeri, 28. Lukman, 56. Syorlot, 90
Birinchi o‘yin: 2:5
Yaqinda «Atletiko» Ispaniya kubogi yarimfinalida «Barselona»ga qarshi birinchi uchrashuvda yirik g‘alabaga (4:0) erishgach, «Kamp Nou»dagi javob o‘yinida bu ustunlikni saqlab qolish uchun to‘liq himoyaviy o‘yin uslubini tanlagandi. Londonda esa barchasi butunlay boshqacha kechdi va dastlabki 45 daqiqalikda mehmonlar sakkizta zarba berishdi, Lukman esa darvozani ishg‘ol etishga ham muvaffaq bo‘ldi. Ammo – ofsayddan. Yana bir necha xavfli hujumlar uyushtirildi, ammo yakunda Diyego Simeone jamoasi yo‘q joydan «Tottenhem»ga o‘yinga qaytish imkonini berdi. Autdan to‘p tashlanishi, Telning jarima maydoni markaziga uzatmasi, u yerda esa yolg‘iz qoldirilgan Kolo Muani.
Mezbonlar ikkinchi golni ham urishganida ispanlar og‘ir vaziyatga tushib qolgan bo‘lardi, faqat darvozabon Musso jamoa joniga ora kirdi. Argentinalik posbon Telning burchakka yo‘naltirilgan zarbasini oyoqlari bilan to‘sib qoldi. Birinchi bo‘limdan keyin baribir intriga saqlanib qoldi va buning uchun mezbonlar Vikarioga minnatdorchilik bildirishi kerak bo‘ladi. Juliano Simeone uzoq masofadan zarba yo‘llaganida to‘p Romeroga tekkan holda o‘z trayektoriyasini o‘zgartirdi, ammo allaqachon to‘p yo‘liga yotgan italiyalik darvozabon o‘rnidan turib, xavfni bartaraf etishga ulgurdi.
Ammo ikkinchi bo‘lim boshida «Atletiko» baribir intrigani o‘ldirdi. Avvaliga Xulian Alvares Simons gol urishiga to‘sqinlik qildi (mezbonlar uning harakatini fol deb e’tiroz bildirishdi) va qarshi hujumni o‘zi gol bilan yakunlandi. U jarima maydonida Lukmandan pas qabul qilib oldi va to‘pni yuqori burchakka aniq yo‘lladi.
Hakamdan va raqiblardan ranjigan Simons bir necha daqiqa o‘tib baribir o‘z maqsadiga erishdi va jamoasini yana oldinga olib chiqdi. Bir necha daqiqa o‘tib Musso yana madridliklarni qutqarib qoldi – u Porroning shvedka uslubida olis burchakka yo‘llagan zarbasiga qo‘llarining uchi bilan yetib bordi. «Matraschilar» muxlislari Alvaresning burchakdan oshirgan to‘pi Hansko tomonidan darvozaga kiritilganidan keyingina yengil tin olishdi. O‘yin oxirida Simons o‘zi ishlagan penaltini aniq ijro etishi esa umumiy natijani o‘zgartirmadi.
Madriddagi birinchi o‘yinda londonliklar bosh murabbiyi Igor Tyudor darvozabon bo‘yicha muvaffaqiyatsiz tajriba o‘tkazmaganida «Tottenhem» «Atletiko» bilan tengma-teng kurashishi mumkin edi, ammo murabbiyning o‘sha qarori birinchi o‘yinda «shporlar»ning imkoniyatlarini keskin pasaytirib yuborgandi. Natijada ikki o‘yinda xuddi «Chelsi» kabi sakkiz gol o‘tkazib yuborgan «Tottenhem» turnirni tark etdi, «Atletiko» esa «Barselona» bilan o‘yinlarga tayyorgarlikni boshlaydi.
«Atalanta» tarixga kirdi
«Bavariya» – «Atalanta» 4:1
Gollar: Keyn, 25 – penalti (1:0). Keyn, 54 (2:0). Karl, 56 (3:0). Dias, 70 (4:0). Samarjich, 85 (4:1)
«Bavariya»: Urbig, Kim Min Je, Ta, Bishof (Pavich, 72), Stanishich (Gnabri, 72), Goretska, Pavlovich (Ofli, 55), Rafael Gerreyru (Ito, 83), Dias, Karl, Keyn (Jyekson, 72)
«Atalanta»: Sportello, Hin, Skalvini (Axanor, 83), Kossunu, Pashalich, Ederson (Samarjich, 57), Bernaskoni, Bellanova, Sulemana (Raspadori, 71), De Ketelare (de Ron, 57), Skamakka (Krstovich, 71)
Birinchi o‘yin: 6:1
Bergamodagi tennischa hisobdan (6:1) keyin ham «Bavariya» muxlislarida darvozabon pozitsiyasi tufayli xavotir saqlanib qolgandi. Zayavkadagi to‘rt darvozabon – Noyyer, Ulrayh, Klanats va Urbig – barchasi jarohat tufayli safdan chiqqandi. Faqat ularning to‘rtinchisi so‘nggi kunlarda safga qaytdi va Vensan Kompani darvozaga o‘smirlardan birini qo‘yishiga to‘g‘ri kelmadi.
Umuman olganda, xavotirlar o‘rinsiz edi. Baribir darvozabonga amalda ish topilmadi. Bergamoliklar ham bu o‘yinda darvozabonni almashtirgandi va bu mavsumda deyarli o‘ynamagan 33 yoshli Sportello Keyn ijrosidagi penaltini qaytardi. Ammo u darvoza chizig‘idan ertaroq oldinga chiqib ketgani ma’lum bo‘ldi, Harri esa takroriy zarbada adashmadi.
Ikkinchi bo‘limda esa myunxenliklarni to‘xtatib bo‘lmadi. Avvaliga Keyn o‘yindan ham gol urdi, keyin esa Dias va Karl tandemi bittadan gol urdi (ular bir-biriga golli uzatma berishdi). Bergamoliklar esa bu o‘yinda ham bitta javob goli urishga erishdi, ammo Italiyaning yevrokuboklar pley-off bosqichida ikki o‘yinda 10 gol o‘tkazgan ilk jamoasi sifatida tarixga kirdi. «Bavariya»ni esa navbatdagi bosqichda «Real»ga qarshi janglar kutmoqda.
YeChLda 8 jamoa qoldi
Chempionlar ligasi 1/8 final natijalari
«Real» – «Manchester Siti» – 5:1 (birinchi o‘yin – 3:0, javob o‘yini – 2:1).
«PSJ» – «Chelsi» – 8:2 (5:2, 3:0).
«Sporting» – «Budyo-Glimt» – 5:3 (0:3, 5:0).
«Arsenal» – «Bayyer» – 3:1 (1:1, 2:0).
«Atletiko» – «Tottenhem» – 7:5 (5:2, 2:3).
«Barselona» – «Nyukasl» – 8:3 (1:1, 7:2).
«Liverpul» – «Galatasaroy» – 4:1 (0:1, 4:0).
«Bavariya» – «Atalanta» – 10:2 (6:1, 4:1).
Pley-offning to‘liq setkasi oldindan ma’lum edi, bundan keyin boshqa qur’a tashlanmaydi. Chorakfinalga chiqqan jamoalar o‘zlarining navbatdagi raqiblarini allaqachon bilishadi.
1/4 final juftliklari
«Real» – «Bavariya»
«PSJ» – «Liverpul»
«Sporting» – «Arsenal»
«Barselona» – «Atletiko»
Birinchi bo‘lib ko‘rsatilgan jamoalar birinchi o‘yinni o‘z uyida o‘tkazadi.
1/4 final o‘yinlari taqvimi
Keyingi bosqich deyarli uch haftadan keyin, mart oyidagi FIFA kunlari ortidan boshlanadi. Chorakfinaldagi uy va safar uchrashuvlari orasi bir haftani tashkil etadi.
Mart oyi oxirida Yevropa yozgi vaqtga o‘tadi, shuning uchun Chempionlar ligasi yana Toshkent vaqti bilan soat 23:59 dan boshlanadi.
7–8 aprel. Birinchi o‘yinlar
«Real» – «Bavariya»
«PSJ» – «Liverpul»
«Sporting» – «Arsenal»
«Barselona» – «Atletiko»
14–15 aprel. Javob o‘yinlari
«Bavariya» – «Real»
«Liverpul» – «PSJ»
«Arsenal» – «Sporting»
«Atletiko» – «Barselona»
Birinchi va ikkinchi juftliklar g‘oliblari hamda uchinchi va to‘rtinchi juftliklar g‘oliblari yarimfinalda o‘zaro to‘qnashadi.
Yarimfinal bahslari 28-29 aprel va 5-6 may kunlariga belgilangan.
Final 30 may kuni Budapeshtda bo‘lib o‘tadi.
Stadion suriluvchi tom va maydonga ega bo‘ladi. Uning bir tomoni ulkan suriluvchi LED devordan iborat bo‘lib, devorda jonli translatsiyalar, filmlar va lazer shou namoyish etiladi. 45000 tomoshabinga mo‘ljallangan arena “Al Hilol” va “Al Nassr” klublari uchun uy maydoni bo‘lishi kutilmoqda.
Saudiya Arabistonida qurilayotgan shahzoda Muhammad bin Salmon nomidagi ko‘p funksiyali stadionning yangi suratlari e’lon qilindi. U 2034 yilgi futbol bo‘yicha jahon chempionatini o‘tkazish uchun ehtimoliy arenalardan biri sifatida ko‘rilmoqda.
Qurilish ishlari Ar-Riyod shahri g‘arbidagi Qiddiya ko‘ngilochar hududida olib borilmoqda.
Foto: SaudiProject
Stadion suriluvchi tom va maydonga ega bo‘ladi, uning bir tomoni ulkan suriluvchi LED devordan iborat bo‘lib, devorda jonli translatsiyalar, filmlar va lazer shou namoyish etiladi. Devor ochilganida, maydon atrofidagi tribunalar va Tuvayk qoyasi manzarasi namoyon bo‘ladi. Bu dunyodagi birinchi to‘liq integratsiyalashgan majmua bo‘lib, stadionni bir necha soat ichida turli tadbirlar uchun moslashtirish imkonini beradi.
Geometrik shakldagi binolarning tashqi qismi raqamli ekranlar bilan qoplanadi va ular qoyadan o‘sib chiqqandek ko‘rinadi.
Foto: SaudiProject
Stadion atrofida sport va ko‘ngilochar hududlarga ega bo‘lgan baland binolar quriladi. Ular ichki ko‘chalar orqali bog‘lanadi va bu ko‘chalar ham LED ekranlar bilan qoplanadi. Ushbu yo‘laklar tashrif buyuruvchilarni qoya chetidagi kuzatuv maydonchalariga olib boradi.
Loyihasi Populous arxitektura byurosi tomonidan ishlab chiqilgan ushbu arena 45000 tomoshabinga mo‘ljallangan.
Foto: SaudiProject
Stadion Saudiya Arabistoni professional ligasining “Al Hilol” va “Al Nassr” klublari uchun uy maydoni bo‘ladi. Shu bilan birga, bu yerda boks, kibersport, konsertlar va teatr tomoshalari kabi turli sport va madaniy tadbirlar ham o‘tkaziladi.
O‘zbekistonlik futbolchi Abduqodir Husanov The Atlantic nashrining dunyoning eng kam qadrlangan futbolchilari ro‘yxatiga kiritildi.
Mualliflar o‘zbek himoyachisi bu mavsumda yanada yaxshilanganini ta’kidladilar.
Angliyaning «Manchester Siti» klubining o‘zbek himoyachisi Abduqodir Xusanov The Atlantic nashrining dunyoning eng kam baholangan futbolchilari ro‘yxatiga kiritildi. Husanov bu mavsumda yanada yaxshilangani ta’kidlanmoqda.
Uning tezligi, o‘yinni himoyada o‘qish va to‘pni agressiv ravishda ta’qib qilish qobiliyati ham ta’sirchan. U ba’zan biroz haddan tashqari tajovuzkor bo‘lishi mumkin, ammo bular bartaraf etish mumkin bo‘lgan qo‘polliklar sanaladi. U shuningdek, to‘p bilan yaxshi harakat qiladi. Maqolada Xusanov chindan ham juda istiqbolli o‘yinchi ekanligi aytiladi.
Ro‘yxatga shuningdek, Federiko Valverde (Real Madrid), Harri Maguayr (Manchester Yunayted), Bernardo Silva (Manchester Siti) va boshqa o‘yinchilar ham kiritilgan.
Soʻnggi savdo maʼlumotlariga koʻra, Oʻzbekiston temir yoʻllari importi eksportdan 2,5 barobar koʻp
Qozog‘istonda 5 nafar o‘zbekistonlikning ish haqi va pasportlari qaytarildi
Janubiy Koreyada O‘zbekiston fuqarosi vafot etdi
-
Turk dunyosi3 days agoTurkiyaning Baykal K2 bir tomonlama hujumga uchragan uchuvchisiz samolyotining toʻda harakatini sinovdan oʻtkazdi
-
Jamiyat14 hours ago
Tadbirkor boshpanasiz bo‘lgan 5 ta oilani uy-joy bilan ta’minladi
-
Iqtisodiyot3 days ago«Yomg‘ir va qorda ham foydalanishga tayyor bo‘ladi» – Toshkent-Andijon pulli yo‘li haqida nimalar ma’lum?
-
Iqtisodiyot15 hours agopayme Tez QR orqali to‘lovni 3% keshbek bilan ishga tushirmoqda
-
Dunyodan14 hours ago
Eron Hormuz boʻgʻozi orqali cheklangan oʻtishga ruxsat beradi
-
Sport5 days agoFutbol bo‘yicha O‘zbekiston ayollar terma jamoasi Osiyo kubogi chorak finalida yirik hisobda mag‘lub bo‘ldi
-
Dunyodan4 days ago
Iroq g‘arbida AQShning yonilg‘i quyuvchi samolyoti urib tushirildi
-
Jamiyat5 days agoorzularni umringiz evaziga sotib olasiz / 5 daqiqa