Iqtisodiyot
Kreativ iqtisodiyot uchun soliq imtiyozlari nazarda tutilgan qonun ma’qullandi
Oliy Majlis Senatining yalpi majlisida kreativ iqtisodiyot, qishloq xo‘jaligi, xalqaro moliya, favqulodda vaziyatlar va bola huquqlariga oid qator qonunlar hamda parlament so‘rovlari ko‘rib chiqildi. Majlis davomida ayrim qonunlar ma’qullangan bo‘lsa, harbiy xizmatga oid hujjat rad etildi.
19 may kuni o‘tkazilgan majlis avvalida kreativ iqtisodiyotni rivojlantirishga qaratilgan qonun muhokama qilindi. Unga ko‘ra, 2026–2030 yillarda kreativ industriya parki rezidentlari va Madaniyat va san’atni rivojlantirish jamg‘armasi loyihalariga jalb etilgan xorijiy mutaxassislar uchun bir qator soliq imtiyozlari joriy etiladi. Xususan, ular qo‘shilgan qiymat solig‘i, foyda solig‘i hamda jismoniy shaxslar daromad solig‘idan ozod qilinadi. Senatorlar bu choralar xorijiy mutaxassislarni jalb qilish va milliy kreativ mahsulotlarni xalqaro bozorga olib chiqishga xizmat qilishini ta’kidladi.
Shuningdek, qishloq xo‘jaligi va oziq-ovqat xavfsizligiga oid qonun ham ko‘rib chiqildi. Unga ko‘ra, Agrosanoatni rivojlantirish agentligi meva-sabzavotchilik va issiqxona xo‘jaliklari manfaatlarini himoya qilish uchun sudlarga murojaat qilganda davlat bojidan ozod etiladi. Senatorlar bu o‘zgarishlar agrar sohani qo‘llab-quvvatlash va oziq-ovqat xavfsizligini mustahkamlashga xizmat qilishini qayd etdi.
Majlisda «O‘zbekiston Respublikasining Yangi taraqqiyot banki to‘g‘risidagi Bitimga (Fortaleza, 2014 yil 15-iyul) qo‘shilishi haqida»gi qonun ham ma’qullandi. Senatorlarga ko‘ra, ushbu a’zolik yirik infratuzilma loyihalari uchun xorijiy investitsiyalarni jalb qilish imkoniyatlarini kengaytiradi.
Bundan tashqari, «Umumiy harbiy majburiyat va harbiy xizmat to‘g‘risida»gi qonunga o‘zgartirishlar kiritish haqidagi hujjat muhokama qilindi. Qonunda harbiy xizmatga majburlar haqidagi ma’lumotlarni real vaqt rejimida almashish va harbiy ro‘yxat tizimini takomillashtirish nazarda tutilgan edi. Biroq senatorlar ayrim normalar amaldagi qonunchilikka to‘liq mos emasligini bildirib, qonunni rad etdi.
Majlisda qurilish va uy-joy kommunal xo‘jaligi vaziri Sh.Hidoyatovga qurilish sohasidagi korrupsiyaga qarshi kurash, davlat xaridlaridagi shaffoflik va qurilish xavfsizligi yuzasidan parlament so‘rovi yuborish masalasi ham ko‘rib chiqildi. Senatorlar sohada ichki nazoratni kuchaytirish va fuqarolar murojaatlarini samarali ko‘rib chiqish zarurligini ta’kidladi.
Shuningdek, Vazirlar Mahkamasiga tabiiy, texnogen va ekologik favqulodda vaziyatlar monitoringi holati yuzasidan parlament so‘rovi yuborildi. Senat ma’lumotiga ko‘ra, 2025 yilda mamlakatda 82 ta favqulodda vaziyat sodir bo‘lgan.
Yalpi majlisda Bolalar ombudsmanining 2025 yilgi hisoboti ham eshitildi. Qayd etilishicha, yil davomida 1934 ta murojaat kelib tushgan, ulardan 509 tasi ijobiy hal etilgan. Bolalarga nisbatan zo‘ravonlik holatlari bo‘yicha 19 ta jinoyat ishi va 26 ta ma’muriy ish qo‘zg‘atilgan.
Majlis yakunida Oliy sud tarkibiga o‘zgartirishlar ham tasdiqlandi. Kahramon Mirsafayev va Maxfirat Ochilova 10 yil muddatga O‘zbekiston Oliy sudi sudyasi etib saylandi.
O‘zbekiston Prezidenti Shavkat Mirziyoyev «Wabtec» kompaniyasi direktorlar kengashi raisi va bosh ijrochi direktori Rafael Santanani qabul qildi. Bu haqda Prezident matbuot xizmati xabar berdi.
Uchrashuvda mamlakatda temir yo‘l infratuzilmasi va tranzit salohiyati rivojlanayotganini hisobga olib, lokomotivlar parkini yangilash va kengaytirish masalalari ko‘rib chiqildi.
AQSh moliya institutlari ishtirokida lokomotivlarni uzoq muddatli servis xizmati bilan birga yetkazib berish imkoniyatlari muhokama qilindi.
Shuningdek, O‘zbekistonda texnik xizmat ko‘rsatishni yo‘lga qo‘yish, butlovchi qismlar ishlab chiqarish va mutaxassislar tayyorlash masalalari ko‘rib chiqildi.
Tog‘-kon korxonalari karer texnikasiga xizmat ko‘rsatuvchi servis markazini tashkil etish hamda dizel-generator qurilmalari bo‘yicha hamkorlik qilishga ham e’tibor qaratildi.
«Wabtec» lokomotivlar, temir yo‘l texnikasi, raqamli va servis yechimlarini ishlab chiqarish bo‘yicha jahondagi yetakchi kompaniyalardan biri hisoblanadi. Kompaniya Markaziy Osiyo mamlakatlarida ham loyihalarni amalga oshirmoqda.
Iqtisodiyot
Saida Mirziyoyeva Gonkongning Henderson Land Group xoldingi boshqaruvi raisi bilan uchrashdi
Prezident Administratsiyasi rahbari Saida Mirziyoyeva XXRning Gonkong maxsus ma’muriy hududidagi eng yirik xoldinglardan biri — Henderson Land Group boshqaruvi raisi Piter Li bilan uchrashuv o‘tkazdi.
Tomonlar qayta tiklanuvchi energetika, Yangi Toshkent infratuzilmasini rivojlantirish va ta’lim sohalaridagi istiqbolli qo‘shma loyihalarni muhokama qildi.
«Mamlakatimiz investitsiyalar uchun ochiq va biz Gonkongning yetakchi biznes doiralari bilan hamkorlikdan manfaatdormiz. Sheriklikdagi tashabbuslarni, jumladan, yangi tashkil etilayotgan Toshkent xalqaro moliya markazi orqali ham qo‘llab-quvvatlashga tayyormiz», — deb yozdi Saida Mirziyoyeva.
Administratsiya rahbari O‘zbekiston va Gonkong o‘rtasida uzoq muddatli iqtisodiy hamkorlikni rivojlantirish uchun katta imkoniyatlar borligiga ishonch bildirdi.
Markaziy bank 2026-yil 9-oktyabrdan valyutalarning yangi kursini belgiladi.
AQSh dollari 37,38 so‘mga oshib, 11 846,57 so‘m etib belgilandi.
Yevro kursi 34,69 so‘mga oshdi va 13 240,91 so‘m bo‘ldi. Funt-sterling 15 631,55 so‘mni tashkil qildi (29,25).
Rossiya rubli 138,95 so‘m etib belgilandi (+0,8).
Markaziy bank 2026-yil 6-oktyabrdan valyutalarning yangi kursini belgiladi.
AQSh dollari 5,5 so‘mga oshib, 11 778,45 so‘m etib belgilandi.
Yevro kursi 25,62 so‘mga tushdi va 13 198,93 so‘m bo‘ldi. Funt-sterling 15 580,53 so‘mni tashkil qildi (+31,99).
Rossiya rubli 138,35 so‘m etib belgilandi (-2,79).
Milliy statistika qo‘mitasi ma’lumotlariga ko‘ra, 2026-yil yanvar–iyul oylarida O‘zbekistonga 46 davlatdan qariyb 28,5 ming tonna shokolad mahsulotlari olib kirilgan.
Import qilingan mahsulotlarning umumiy qiymati 123,7 mln AQSh dollarini tashkil etgan. Bu o‘tgan yilning mos davriga nisbatan 1,6 ming tonnaga yoki 6 foizga ko‘p.
Import hajmi bo‘yicha Rossiya keskin ustunlik qilgan. Yilning dastlabki yetti oyida Rossiyadan O‘zbekistonga 19,5 ming tonna shokolad mahsulotlari yetkazib berilgan.
Rossiyadan kelgan shokolad mahsulotlari umumiy importning qariyb 70 foizini tashkil etgan. Keyingi o‘rinda Ukraina bo‘lib, undan 2,2 ming tonna mahsulot import qilingan.
Qozog‘istondan 914 tonna, Belarusdan 805,2 tonna shokolad mahsulotlari olib kirilgan. Litvadan import 746,2 tonnani tashkil etgan.
Turkmaniston 715,2 tonna, Turkiya esa 569,5 tonna ko‘rsatkich bilan keyingi o‘rinlarda qayd etilgan. Qolgan davlatlar hisobiga 3 ming tonna mahsulot to‘g‘ri kelgan.
O‘zbekiston do‘konlarida 73 turdagi mahsulot sifatsiz deb topildi
Tadbirkorlar jarimaning 50 foizini to‘lab, qolgan qismidan ozod etilishi mumkin
O‘zbekiston «Wabtec» kompaniyasi bilan lokomotivlar parkini yangilashni muhokama qildi
-
Iqtisodiyot4 days ago
Saida Mirziyoyeva Gonkongning Henderson Land Group xoldingi boshqaruvi raisi bilan uchrashdi
-
Jamiyat3 days ago
Toshkentda xalqaro moda akademiyasi tashkil etiladi
-
Iqtisodiyot18 hours ago
O‘zbekiston «Wabtec» kompaniyasi bilan lokomotivlar parkini yangilashni muhokama qildi
-
Jamiyat14 hours ago
Tadbirkorlar jarimaning 50 foizini to‘lab, qolgan qismidan ozod etilishi mumkin
-
Jamiyat13 hours ago
O‘zbekiston do‘konlarida 73 turdagi mahsulot sifatsiz deb topildi