Dunyodan
Kim Chen In AQSh terrorizmi va bosqinini qoraladi
Shimoliy Koreya yetakchisi Kim Chen In Oliy xalq majlisidagi chiqishida Qo‘shma Shtatlarni butun dunyo bo‘ylab “davlat terrorizmi va agressiyasi”ni amalga oshirayotganlikda aybladi. Uning nutqi Shimoliy Koreya markaziy telegraf agentligi tomonidan tarqatildi.
“Insoniyatning mustaqillik va tenglik istagini zaiflashtirishdan yiroq, Amerikaning takabbur va zoʻravon siyosati Amerikaga qarshi kayfiyatni kuchaytirmoqda”, – dedi Kim Chen In.
Uning aytishicha, vaziyat mustaqillik tarafdorlarini yanada birlashtiradi va qarshilikni kuchaytiradi.
Shu bilan birga, Shimoliy Koreya yetakchisi mamlakat o‘z missiyasini davom ettirishini aytdi.
“Mustaqillik tarafdori kuchlar bu qiyinchiliklarni yengib o’tadi va ko’p qutbli va adolatli dunyo o’rnatiladi”, – dedi u.
E’tiborlisi, Shimoliy Koreya yetakchisi 2025-yil fevral oyida AQSh, Yaponiya va Janubiy Koreya harbiy ittifoqini tanqid qilib, bu hamkorlik mintaqaviy muvozanatni buzishini aytgan edi.
Shuningdek, u Koreya yarim oroliga AQSh yadroviy kuchlarining joylashtirilishini tahdid sifatida baholadi.