Iqtisodiyot
Kelajak farmatsevtikasi: Yangi texnologiyalarga sarmoya kiritish
2025 yilgi Toshkent Xalqaro Investitsiya Forumi doirasida «Kelajak farmatsevtikasi: Yangi texnologiyalarga sarmoya kiritish» mavzusida panel sessiya bo‘lib o‘tdi. Mazkur sessiyada dunyo farmatsevtika sanoatining ilg‘or mutaxassislari, investorlar va soha rahbarlari ishtirok etib, innovatsion texnologiyalar, genetik muolajalar va RNA asosidagi davolash usullarining istiqbollari muhokama qilindi.
Tadbirni olim, Garvard Tibbiyot maktabi qoshidagi Genetik kasalliklar bo‘yicha Xalqaro markaz asoschisi va ijrochi direktori Alireza Haqiqi olib bordi. U o‘z nuqtida kelajak avlod farmatsevtikasi butun dunyo insoniyat uchun foydali bo‘lishi kerakligini, bu borada hukumatlararo hamda jamiyatlararo hamkorlik nechog‘li muhim ekanligini qayd etdi:
— Biz genom tibbiyoti va aniq tibbiyotni rivojlantirish maqsadida butun dunyo hukumatlari bilan hamkorlik qilishga alohida e’tibor qaratmoqdamiz. Ushbu hamkorliklardan ko‘zlangan asosiy maqsad – tibbiyot-farmatsevtika xizmatlari faqatgina yuqori qatlam vakillariga emas, balki barchaga birdek foydalanish uchun ochiq bo‘lishi lozim.
Sessiya davomida Farmatsevtika tarmog‘ini rivojlantirish agentligi direktori o‘rinbosari Oybek Elmurodov agentlik tomonidan sohada olib borilayotgan ishlar to‘g‘risida axborot taqdim etdi:
— Qisqacha ma’lumot berish uchun, Sog‘liqni saqlash vazirligi qoshida faoliyat yurituvchi Farmatsevtika tarmog‘ini rivojlantirish agentligi O‘zbekistonda kuchli farmatsevtika sanoatini yaratish uchun mas’ul hisoblanadi. Shuningdek, biz mahalliy ishlab chiqaruvchilarga GMP, GDP va GLP sertifikatlarini beramiz.
Unimed Pharmaceuticals direktori Che Suik ham forumda nutq so‘zlab, shunday dedi:
— Men O‘zbekiston va MDH mamlakatlarida UniMed vakili Che Suik bo‘laman. Avvalo, O‘zbekiston hukumati va O‘zbekiston Respublikasi Prezidentiga ushbu anjumanda ishtirok etish imkoniyatini yaratib bergani uchun minnatdorlik bildirmoqchiman. Shuningdek, Farmatsevtika tarmog‘ini rivojlantirish agentligi rahbari Abdulla Azizovga zavodlarimizni qurish va mamlakat farmatsevtika sanoatini rivojlantirishga hissa qo‘shish imkoniyati uchun minnatdorchilik bildirmoqchiman. 1991 yilda tashkil etilgan korxonamiz bugungi kunda Janubiy Koreyaning yetakchi farmatsevtika kompaniyalaridan biri hisoblanadi. Biz farmatsevtika sohasida doimiy tadqiqot va ishlanmalar olib boramiz, inson salomatligi hamda xavfsizligini ta’minlash uchun eng yaxshi dori-darmonlarni taqdim etamiz.
Sessiyada, shuningdek, O‘zbekiston farmatsevtika tarmog‘ini rivojlantirish davlat strategiyasi, hukumatning global miqyosda raqobatbardosh tarmoqni yaratishga sodiqligiga alohida e’tibor qaratildi.
Mutaxassislar yangi avlod dori vositalarini ishlab chiqish, innovatsion tadqiqotlar uchun xalqaro hamkorlik, shuningdek, farmatsevtik startaplar va ilmiy markazlar uchun sarmoyaviy imkoniyatlar haqida o‘z tajribalari bilan o‘rtoqlashishdi.
O‘zbekiston kartoshkani asosan qaysi davlatlardan sotib oldi?
Source link
2026-yil yanvar–iyun oylarida O‘zbekistonda yirik korxonalar tomonidan 19 trln so‘mlik kiyimlar ishlab chiqarilgan. Bu haqda Milliy statistika qo‘mitasi xabar berdi.
Qayd etilishicha, hududlar kesimida eng yuqori ko‘rsatkich Andijon viloyatida qayd etilgan — 7,1 trln so‘m. Bu ko‘rsatkich ikkinchi o‘rindagi Toshkent viloyati natijasidan 3 barobardan ko‘proq yuqori.
Toshkent viloyatida kiyim ishlab chiqarish hajmi 2,1 trln so‘m, Namanganda 1,8 trln so‘m, Toshkent shahrida esa 1,7 trln so‘mni tashkil etgan. Farg‘ona viloyatida ham 1,4 trln so‘mlik mahsulot ishlab chiqarilgan.
Samarqand viloyatida yirik korxonalar 1 trln so‘mlik kiyim mahsulotlari ishlab chiqargan. Qashqadaryoda bu ko‘rsatkich 897,9 mlrd so‘m, Buxoroda 659,8 mlrd so‘m, Xorazmda 620,1 mlrd so‘m bo‘lgan.
Navoiy viloyatida kiyim ishlab chiqarish hajmi 578 mlrd so‘m, Sirdaryoda 324,7 mlrd so‘m, Qoraqalpog‘iston Respublikasida 307,8 mlrd so‘mni tashkil etgan.
Bulardan tashqari, Surxondaryoda 227,1 mlrd so‘m, Jizzax viloyatida esa 203 mlrd so‘mlik kiyim mahsulotlari ishlab chiqarilgan.
Dushanbadan dollar bilan bog‘liq vaziyat qanday bo‘ladi?
Source link
Milliy statistika qo‘mitasiga ko‘ra, 2026-yil 1-avgust holatida O‘zbekistonda xorijiy investitsiyalar ishtirokidagi 20 973 ta korxona faoliyat yuritmoqda.
Ularning 4 685 tasi qo‘shma korxona, 16 288 tasi esa xorijiy korxona hisoblanadi. Bu mamlakatda xorijiy kapital ishtirokidagi biznes subyektlari soni sezilarli ko‘payganini ko‘rsatmoqda.
So‘nggi besh yilda xorijiy investitsiyalar ishtirokida faoliyat yuritayotgan korxonalarning umumiy soni 1,7 barobarga oshgan. Korxonalar soni bo‘yicha Xitoy yetakchilik qilmoqda.
Xitoyga tegishli xorijiy investitsiyalar ishtirokidagi 6 241 ta korxona faoliyat yuritmoqda. Bu ko‘rsatkich bilan mamlakatlar reytingida Xitoy birinchi o‘rinni egallagan.
Rossiya 3 512 ta korxona bilan ikkinchi o‘rinda, Turkiya esa 2 327 ta korxona bilan uchinchi o‘rinda qayd etilgan. Keyingi o‘rinlarni Qozog‘iston — 1 321 ta va Janubiy Koreya — 730 ta korxona bilan egallagan.
Shuningdek, Afg‘onistonda 706 ta, Ozarbayjonda 492 ta, Tojikistonda 467 ta, Birlashgan Arab Amirliklarida 453 ta va Hindistonda 439 ta korxona qayd etilgan.
Milliy statistika qo‘mitasiga ko‘ra, 2026-yilning yanvar–iyun oylarida O‘zbekistonda yirik korxonalar tomonidan qariyb 3 trln so‘mlik asosiy farmatsevtika mahsulotlari va preparatlari ishlab chiqarilgan.
Bu ko‘rsatkich 2025-yilning mos davriga nisbatan 22,3 foizga oshgan. Yarim yillik natijalar farmatsevtika sanoatida ishlab chiqarish hajmi o‘sganini ko‘rsatmoqda.
Hududlar kesimida eng katta ishlab chiqarish hajmi Toshkent shahriga to‘g‘ri kelgan. Poytaxtda 1,8 trln so‘mlik farmatsevtika mahsuloti ishlab chiqarilgan.
Sirdaryo viloyati 443,6 mlrd so‘mlik ishlab chiqarish bilan ikkinchi o‘rinni egallagan. Toshkent viloyatida 226,4 mlrd so‘mlik mahsulot ishlab chiqarilgan.
Namangan viloyatida ishlab chiqarish hajmi 169,1 mlrd so‘mni tashkil etgan. Samarqand viloyatida 116,9 mlrd so‘m, Andijonda 71,4 mlrd so‘mlik farmatsevtika mahsuloti ishlab chiqarilgan.
Farg‘onada 53,4 mlrd so‘m, Surxondaryoda 49,3 mlrd so‘m, Qashqadaryoda 15,4 mlrd so‘mlik mahsulot ishlab chiqarilgan.
Xorazm viloyatida 12,1 mlrd so‘m, Buxoroda 7,8 mlrd so‘m, Qoraqalpog‘iston Respublikasida 3,5 mlrd so‘mlik farmatsevtika mahsuloti ishlab chiqarilgan. Jizzax va Navoiy viloyatlarida esa ishlab chiqarish hajmi 0,1 mlrd so‘mdan qayd etilgan.
O‘zbekiston kartoshkani asosan qaysi davlatlardan sotib oldi?
Rossiyalik shaxmatchilar O‘zbekistonda o‘tkaziladigan Olimpiadada qatnashmaydi
Ўзбекистон ва Озарбайжон раҳбарлари Бухоронинг машҳур обидаларини зиёрат қилдилар (фото)
-
Iqtisodiyot5 days ago
O‘zbekiston qaysi davlatlarga ko‘proq eksport qilmoqda?
-
Siyosat1 day ago
Илҳом Алиев Тошкентда тантанали кутиб олинди
-
Mahalliy3 days ago
O‘zbekistonda 10-sinf o‘quvchilari o‘qishini texnikumga ko‘chirishi mumkin bo‘ladi
-
Iqtisodiyot2 days ago
O‘zbekistonda kiyim ishlab chiqarish bo‘yicha qaysi hududlar yetakchi?
-
Siyosat2 days ago
To‘qayev prezidentlikka qayta nomzod qo‘yishi haqidagi savolga javob berdi
-
Iqtisodiyot5 days ago
Yangi boshlayotgan tadbirkorlar 5 mlrd so‘mgacha kreditni onlayn rasmiylashtirishi mumkin
-
Jamiyat3 days ago
O‘zbekistonda endi uylarni «rassrochka»ga olib bo‘lmaydimi?
-
Siyosat4 days ago
Ilhom Aliyev davlat tashrifi bilan O‘zbekistonga keladi