Iqtisodiyot
Kam quvvatli AES qiymati 1 mlrd dollardan kam bo‘lishi aytildi
AES qurilishi direksiyasi rahbari Abdujamil Kalmuratovning so‘zlaridan kelib chiqilsa, 110 MW quvvatli stansiya soliq to‘lovchilarga 1 mlrd dollardan kamroqqa tushadi. Avvalroq loyiha qiymati 2 mlrd dollardan kam bo‘lishi aytilgan, lekin u vaqtda 330 MW haqida gap ketayotgandi. Quvvat va narx pasayishidagi bu nomutanosiblik – kelgusida ishlab chiqariladigan elektr energiyasi tannarxini oshirgan bo‘lishi mumkin.
Foto: Javoxir Esonboyev / Spot
O‘zbekistonda qurilayotgan 110 MW quvvatli kichik atom elektr stansiyasi qiymati 1 mlrd dollardan kam bo‘ladi. Bu haqda 6 oktyabr kuni Jizzax viloyatining Forish tumanida AES qurilish maydoniga uyushtirilgan press-tur davomida AES qurilishi direksiyasi rahbari Abdujamil Kalmuratov ma’lum qildi, deya xabar bermoqda Spot.
Kalmuratov kelajakda AES joylashadigan hududdagi tayyorgarlik ishlarining moliyalashtirish manbasi haqidagi savolga javoban, loyiha davlat budjeti hisobidan amalga oshirilayotganini aytdi.
“Ha, bu davlat budjeti mablag‘lari hisobidan moliyalashtirilmoqda. Bu – davlat loyihasi, to‘liq o‘zbek loyihasi. Moliyalashtirish manbayi – bizning budjetimiz. Atom loyihasi milliy loyiha bo‘lishi kerak”, – dedi AES qurilishi direksiyasi rahbari.
Uning so‘zlariga ko‘ra, loyihaning yakuniy qiymati shartnoma imzolanganidan keyin ma’lum bo‘ladi.
AES qurilishi direksiyasi rahbari Abdujamil Kalmuratov
Foto: Javoxir Esonboyev / Spot
Kalmuratovning aytishicha, loyiha umumiy qiymatining qariyb 60 foizi qurilishning birinchi bosqichiga to‘g‘ri keladi, qolgan qismi esa reaktor turiga qarab 25–40 foizni tashkil etadi. U kichik AESdagi reaktorlar sonining oltitadan ikkitagacha qisqartirilishi loyihaning umumiy qiymatini uch barobar kamaytirmasligini qayd etdi.
“Bu yerda shunchaki uchga bo‘lib bo‘lmaydi. Gap avvalgi qiymatning taxminan yarmi, biroz ko‘prog‘i haqida ketmoqda. Ammo [katta AES] bilan integratsiya tufayli umumiy xarajat yana kamayadi”, – dedi u va kichik AES loyihasining qiymati 1 milliard dollardan kam bo‘lishini aytdi.
Kalmuratov batafsil ma’lumot bermadi, chunki loyiha katta AES bilan birlashtirilganidan so‘ng qo‘shimcha hisob-kitoblar talab etiladi.
“Yakuniy shartnomada narx aniq belgilanadi”, – dedi u.
Jizzax viloyatidagi AES loyihasi vizualizatsiyasi
Foto: Javoxir Esonboyev / Spot
Mart oyida “O‘zatom” direktori Azim Ahmedxo‘jayev har biri 55 megavattlik 6 ta RITM-200N reaktorlaridan iborat kichik AES qiymati 2 milliard dollardan kam bo‘lishini aytgandi. Keyinroq, sentabr oyida kichik stansiyadagi reaktorlar soni 2 tagacha tushirilishi, lekin uning yonida har biri 1 GW quvvatli ikkita yirik energoblok ham joylashishi ma’lum bo‘ldi. Bu borada Rossiya tomoni bilan shartnoma ham imzolandi.
Shu tariqa, 330 megavattlik stansiya narxi 2 mlrd dollardan kam bo‘lishi ko‘zda tutilgan bo‘lsa, endi 110 megavattlik stansiya qiymati 1 mlrd dollardan kam bo‘lishi aytildi. Agar quvvat 3 barobarga pasayib, narx 2 barobarga tushsa, bu – kelgusida ishlab chiqariladigan elektr energiyasining tannarxi ham sezilarli oshganini anglatishi mumkin.
AES quriladigan maydonga uyushtirilgan press-turga ko‘plab OAV qatorida Kun.uz ham taklif etilmadi.
Tadbir davomida ma’lum qilinishicha, AES qurilishiga Enter Engineering kompaniyasi subpudratchi sifatida tanlangan. Bosh pudratchi esa – “Rosatom”.
Prezident Shavkat Mirziyoyev G‘uzor tumanida «Qashqadaryo Jingu» korxonasi tomonidan Shinjon usulida paxta yetishtirilayotgan dalada bo‘ldi.
Davlatimiz rahbariga chigit ekish, g‘o‘zani sug‘orish va parvarishlashda qo‘llanayotgan texnologiyalar haqida ma’lumot berildi. Bu yerda 2,2 ming gektar maydonga chigit plyonka ostiga qo‘sh qatorlab ekilgan, tomchilatib sug‘orish to‘liq joriy qilingan.
Plyonka tuproqdagi namlik va haroratni saqlab, chigitning erta hamda bir tekis unib chiqishiga yordam beradi. Suv va o‘g‘it esa tomchilatib sug‘orish tizimi orqali bevosita g‘o‘za ildiziga yetkaziladi. Natijada suv sarfi 30-40 foizga, o‘g‘it sarfi qariyb 30 foizga kamayadi. Hosil an’anaviy maydonlarga nisbatan 10-15 kun oldin pishib yetiladi.
Prezidentimiz paxtazorda yetishtirilgan hosil va agrotexnik tadbirlarni tashkil etish jarayoni bilan tanishdi. An’anaviy usulda gektaridan 30-35 sentner paxta olinsa, Shinjon texnologiyasida bu ko‘rsatkich 60-70 sentnergacha yetishi mumkin. Korxona dalalarida hosildorlik gektariga 55 sentnerni, yalpi hosil esa 12,3 ming tonnani tashkil etmoqda.
Dala ishlarida agrodronlardan ham foydalanilmoqda. Bu ayrim agrotexnik tadbirlarni tezroq bajarish, yonilg‘i sarfini kamaytirish imkonini bermoqda.
Xitoy sarmoyasi ishtirokida tashkil etilgan «Qashqadaryo Jingu» agroklasteri Koson, Nishon, G‘uzor, Ko‘kdala va Mirishkor tumanlarida jami 18,3 ming gektar maydonda faoliyat yuritadi. Ushbu yerlarning katta qismi ilgari foydalanilmagan cho‘l va qarovsiz maydonlar bo‘lgan. Loyihaga 128 million dollar investitsiya kiritilib, 50 ta ish o‘rni yaratilgan. Eksport hajmi esa 8,5 million dollarni tashkil etadi.
Shu yerda davlatimiz rahbariga viloyat qishloq xo‘jaligida amalga oshirilayotgan ishlar haqida ham axborot berildi.
O‘zbekiston Prezidenti Shavkat Mirziyoyev «Wabtec» kompaniyasi direktorlar kengashi raisi va bosh ijrochi direktori Rafael Santanani qabul qildi. Bu haqda Prezident matbuot xizmati xabar berdi.
Uchrashuvda mamlakatda temir yo‘l infratuzilmasi va tranzit salohiyati rivojlanayotganini hisobga olib, lokomotivlar parkini yangilash va kengaytirish masalalari ko‘rib chiqildi.
AQSh moliya institutlari ishtirokida lokomotivlarni uzoq muddatli servis xizmati bilan birga yetkazib berish imkoniyatlari muhokama qilindi.
Shuningdek, O‘zbekistonda texnik xizmat ko‘rsatishni yo‘lga qo‘yish, butlovchi qismlar ishlab chiqarish va mutaxassislar tayyorlash masalalari ko‘rib chiqildi.
Tog‘-kon korxonalari karer texnikasiga xizmat ko‘rsatuvchi servis markazini tashkil etish hamda dizel-generator qurilmalari bo‘yicha hamkorlik qilishga ham e’tibor qaratildi.
«Wabtec» lokomotivlar, temir yo‘l texnikasi, raqamli va servis yechimlarini ishlab chiqarish bo‘yicha jahondagi yetakchi kompaniyalardan biri hisoblanadi. Kompaniya Markaziy Osiyo mamlakatlarida ham loyihalarni amalga oshirmoqda.
Iqtisodiyot
Saida Mirziyoyeva Gonkongning Henderson Land Group xoldingi boshqaruvi raisi bilan uchrashdi
Prezident Administratsiyasi rahbari Saida Mirziyoyeva XXRning Gonkong maxsus ma’muriy hududidagi eng yirik xoldinglardan biri — Henderson Land Group boshqaruvi raisi Piter Li bilan uchrashuv o‘tkazdi.
Tomonlar qayta tiklanuvchi energetika, Yangi Toshkent infratuzilmasini rivojlantirish va ta’lim sohalaridagi istiqbolli qo‘shma loyihalarni muhokama qildi.
«Mamlakatimiz investitsiyalar uchun ochiq va biz Gonkongning yetakchi biznes doiralari bilan hamkorlikdan manfaatdormiz. Sheriklikdagi tashabbuslarni, jumladan, yangi tashkil etilayotgan Toshkent xalqaro moliya markazi orqali ham qo‘llab-quvvatlashga tayyormiz», — deb yozdi Saida Mirziyoyeva.
Administratsiya rahbari O‘zbekiston va Gonkong o‘rtasida uzoq muddatli iqtisodiy hamkorlikni rivojlantirish uchun katta imkoniyatlar borligiga ishonch bildirdi.
Markaziy bank 2026-yil 9-oktyabrdan valyutalarning yangi kursini belgiladi.
AQSh dollari 37,38 so‘mga oshib, 11 846,57 so‘m etib belgilandi.
Yevro kursi 34,69 so‘mga oshdi va 13 240,91 so‘m bo‘ldi. Funt-sterling 15 631,55 so‘mni tashkil qildi (29,25).
Rossiya rubli 138,95 so‘m etib belgilandi (+0,8).
Markaziy bank 2026-yil 6-oktyabrdan valyutalarning yangi kursini belgiladi.
AQSh dollari 5,5 so‘mga oshib, 11 778,45 so‘m etib belgilandi.
Yevro kursi 25,62 so‘mga tushdi va 13 198,93 so‘m bo‘ldi. Funt-sterling 15 580,53 so‘mni tashkil qildi (+31,99).
Rossiya rubli 138,35 so‘m etib belgilandi (-2,79).
Shavkat Mirziyoyev Shinjon usulida yetishtirilgan paxta dalasini ko‘zdan kechirdi
O‘zbekiston do‘konlarida 73 turdagi mahsulot sifatsiz deb topildi
Tadbirkorlar jarimaning 50 foizini to‘lab, qolgan qismidan ozod etilishi mumkin
-
Iqtisodiyot4 days ago
O‘zbekiston «Wabtec» kompaniyasi bilan lokomotivlar parkini yangilashni muhokama qildi
-
Jamiyat3 days ago
Tadbirkorlar jarimaning 50 foizini to‘lab, qolgan qismidan ozod etilishi mumkin
-
Iqtisodiyot2 days ago
Shavkat Mirziyoyev Shinjon usulida yetishtirilgan paxta dalasini ko‘zdan kechirdi
-
Jamiyat3 days ago
O‘zbekiston do‘konlarida 73 turdagi mahsulot sifatsiz deb topildi