Siyosat
Jazoir elchisi O‘zbekiston bilan hamkorlik holatini baholadi
Jazoir va O‘zbekiston o‘rtasidagi birodarlik va hamkorlik aloqalari yuksak darajaga ko‘tarildi, ayni chog‘da, hali foydalanilmagan imkoniyatlar mavjud, deydi Jazoir Xalq Demokratik Respublikasining yurtimizdagi favqulodda va muxtor elchisi Muhammad Irqiy.
Toshkentda Jazoir milliy bayrami — Inqilob kuni munosabati bilan tashkil etilgan tadbirda nutq so‘zlagan diplomat O‘zbekistondagi kechayotgan islohotlar yuzasidan ham fikr bildirdi.
«Jazoir prezident Shavkat Mirziyoyev janobi oliylari rahnamoligida O‘zbekistonda yuz berayotgan ulkan o‘zgarishlar va keng qamrovli dinamik taraqqiyotni katta e’tibor va hayrat bilan kuzatib bormoqda. Ushbu islohotlar jarayonida qardosh o‘zbek xalqining erkinlikdan, demokratiya va ijtimoiy adolatdan, shuningdek, farovonlik va gullab-yashnashdan bahramand bo‘ladigan Yangi O‘zbekiston barpo etilmoqda», — dedi Muhammad Irqiy.
Elchi yaqinda Samarqand shahrida o‘tkazilgan YuNESKO Bosh konferensiyasining 43-sessiyasini ulkan madaniy ahamiyatga ega hodisa deb atadi.
«2025-yil 30-oktyabrdan 13-noyabrgacha bo‘lib o‘tgan ushbu konferensiyaning YuNESKOning Parijdagi bosh qarorgohidan tashqarida o‘tkazilishi tarixiy voqea bo‘ldi. Bu O‘zbekiston Respublikasining xalqaro maydondagi o‘rni va samarali ishlari hamda Samarqandning tarixiy ahamiyati, madaniy merosi va uning ilm-fan va insoniyatga qo‘shgan hissasining tan olinishi sifatida qabul qilindi», — dedi diplomat.
Joriy yilda ikki davlat o‘rtasidagi muloqotlar yanada faollashdi. Jumladan, aprel oyida Parlamentlararo ittifoq assambleyasi doirasida yurtimizga Jazoir Milliy xalq assambleyasi raisi Brahim Bugali tashrif buyurdi va Oliy Majlis palatalari raislari bilan uchrashdi.
O‘zbekiston tashqi ishlar vaziri Baxtiyor Saidov sentyabr oyida Nyu-Yorkda, BTM Bosh assambleyasi yig‘ilishlari doirasida jazoirlik hamkasbi Ahmad Attaf bilan muzokara o‘tkazdi.
Elchining ma’lum qilishicha, ikki davlat siyosiy maslahatlashuvlar qo‘mitasi yil oxirigacha Jazoirda o‘zining uchinchi majlisini o‘tkazishi kutilmoqda.
Jazoir 1991-yilda O‘zbekistonning mustaqilligini tan olgan ilk davlatlardan biri bo‘lgan va 1992 yilda o‘zaro diplomatik aloqalar o‘rnatilgan.
«Jazoir 1993-yilda Toshkentda o‘z elchixonasini ochgan birinchi arab davlati bo‘lgan. Bugungi kunda O‘zbekistonning Jazoirda doimiy elchixonasini ochishi bilan bog‘liq umidlarimiz bor», — dedi Muhammad Irqiy.
Diplomatning ta’kidlashicha, Jazoir va O‘zbekistonning «siyosiy iroda va ulkan imkoniyatlarga asoslangan ikki tomonlama hamkorlik darajasi hali to‘liq amalga oshirilgan emas».
Ma’lumot o‘rnida: 1830-yili Jazoirga fransuz mustamlakachilari bostirib kirgan. 1920-30-yillarda mamlakatda milliy ozodlik harakati kuchaygan. 1945-yilda ro‘y bergan dastlabki qo‘zg‘olon bostirilgan. 1954-yil 1-noyabrda esa milliy ozodlik fronti tashkil etilgan. Shu tariqa milliy ozodlik yo‘lida qariyb 8 yilga cho‘zilgan kurash boshlangan. 1962-yil 5-iyulda Jazoir mustaqillikka erishgan.
Jazoir xalqi ozodlikka erishish va suverenitetini tiklash uchun 132 yil davomida mustamlakachilarga qarshi kurashgan.
«1-noyabr inqilobi Jazoir xalqining hayotida hal qiluvchi bosqich bo‘ldi, u bir asrdan ortiq davom etgan zulm va mustamlakachilik davriga yakun yasadi. Inqilob nafaqat Jazoir, balki boshqa ko‘plab mustamlaka bo‘lgan xalqlar uchun ham ozodlik va mustaqillikka erishish yo‘lida yorug‘lik sochgan bir mash’alaga aylandi», — dedi elchi Muhammad Irqiy.
Yig‘ilishda Prezident Shavkat Mirziyoyev jahondagi geosiyosiy vaziyat tobora keskinlashayotganini ta’kidlab, rahbarlarni hushyorlikka chaqirdi.
Davlat rahbariga ko‘ra, «Birinchi chorak ko‘rsatkichi yaxshi bo‘ldi, yil oxirigacha ham shunday davom etadi», degan qarash xato bo‘ladi. U global ziddiyatlar va yetakchilik uchun kurash kuchayib borayotganini qayd etdi.
«Takror aytyapman: global ziddiyatlar, qarama-qarshiliklar, yetakchilik uchun kurash avj olayotgan hozirgi sharoitda dunyo oldingidek ’sokin’ bo‘lmaydi», – dedi Prezident.
Yig‘ilishda iqtisodiy faollik va bandlik masalalari ham tahlil qilindi. Jumladan, 2026 yilda banklar orqali kichik va o‘rta biznesni rivojlantirish uchun 140 trillion so‘m ajratilayotgani ma’lum qilindi.
Ayrim hududlarda bu mablag‘lar samarali ishlayotgani qayd etildi. Masalan, Shirin shahrida har 1 milliard so‘m kredit hisobiga 20 ta ish o‘rni yaratilgan bo‘lsa, Uchquduqda 17 ta, Xonobod va So‘xda 14 tadan ish o‘rni tashkil etilgan.
Biroq Uchko‘prik, Piskent, Bo‘stonliq, Karmana va Qo‘rg‘ontepa tumanlarida bu ko‘rsatkich atigi 3 ta ish o‘rnini tashkil etmoqda.
Prezident samaradorlikdagi farqlarni tanqid qilib, resurslar to‘g‘ri yo‘naltirilmayotganini ta’kidladi. Uning so‘zlariga ko‘ra, agar barcha hududlarda kreditlar samarali loyihalarga yo‘naltirilganida, qo‘shimcha 36 ming ish o‘rni yaratish mumkin edi.
Shuningdek, 60 mingga yaqin norasmiy ishlayotgan aholini rasmiy sektorga chiqarish imkoniyati borligi qayd etildi.
Shu munosabat bilan bank tizimida sun’iy intellektdan faol foydalanish vazifasi qo‘yildi. Hududiy bank xodimlarini ushbu texnologiyaga o‘qitish va «Sun’iy intellekt maslahatchisi» platformasini ishga tushirish topshirildi.
Siyosat
Prezident «aravasini torta olmayotgan» hokimlar bugunning o‘zida lavozimiga loyiqligi ko‘rib chiqilishini aytdi
Shavkat Mirziyoyev yig‘ilishda ayrim rahbarlar tadbirkorning masalasini hal qilishi o‘rniga o‘zini chetga olayotgani, muammo respublika darajasiga chiqsa, aybini berkitish uchun o‘zini oqlab yurgani tanqid qilindi.
Davlat rahbari Nurafshon shahar hokimi byurokratiya sababli ikki yildan beri qurilishni boshlay olmagan tadbirkorga yordam berish o‘rniga qayerdan bu ma’lumot Prezident darajasigacha yetib borganini qidirish bilan ovora ekanligini ta’kidladi.
Qayd etilishicha, G‘uzor, Narpay, Urganch, Yangiyo‘l, Chinoz (Salixov) tumanlari hokimlari tadbirkorlik infratuzilmasi uchun berilgan tayyor pulga haligacha loyiha boshlamagani ko‘rsatib o‘tildi. Vaholanki, biznes infratuzilmasini yaxshilash uchun ushbu tumanlarga bu yil respublikadan qo‘shimcha 262 milliard so‘m berilgan.
Yig‘ilishda tegishli viloyatlar hokimlariga nomi aytilgan tuman hokimlari «aravasini torta olmayotgan bo‘lsa», bugunning o‘zida lavozimiga loyiqligini ko‘rib chiqish topshirildi.
Siyosat
Prezident bu yil 5 mlrd kilovatt elektr va 3,5 mlrd metr kub gaz tejalishi shartligini ta’kidladi
Videoselektor yig‘ilishida Shavkat Mirziyoyev energiya samaradorlik masalalariga alohida to‘xtaldi. Bu haqda Prezident matbuot xizmati xabar berdi.
Qayd etilishicha, elektr yo‘qotishi 20 foizdan ko‘p bo‘lgan 44 ta tuman elektr tarmoqlari korxonalaridagi ahvol tanqid qilindi. Ularning xulosa qilmagan rahbarlarini bugunoq ishdan olish, o‘rniga yosh kadrlarni qo‘yib, yo‘qotishlarni 2 karra kamaytirish bo‘yicha KPI belgilab berish zarurligi aytib o‘tildi.
Bugungi kunda texnika oliygohlarida energetika yo‘nalishida 10 mingdan ziyod 3- va 4-kurs talabalari ta’lim olmoqda. Ularni texnika xavfsizligiga o‘qitib, dual ta’lim asosida tumanga tushirish muhim ekani ko‘rsatib o‘tildi.
«Marhamat, ustozlari shogirdini tumanga olib borsin, ishni o‘rgatsin, yo‘qotishni kamaytirish bo‘yicha yaxshi yechimlar taklif qilsa, tejalgan mablag‘ni ustoz va talabaga bonus qilib beraylik», – dedi Prezident.
Mazkur yig‘ilishda tarmoq rahbarlari va hokimlar bu yil 5 milliard kilovatt elektr va 3,5 milliard kub metr gazni tejashi shartligi qayd etildi.
Prezident 13 ta tuman hokimiga intizomiy jazo chora ko‘rishni topshirdi
Source link
Yig‘ilishda Prezident Shavkat Mirziyoyev eksport ko‘rsatkichlari pasaygan hududlar faoliyatini keskin tanqid qildi.
Qayd etilishicha, so‘nggi olti oyda 908 ta tadbirkor 3 milliard 600 million dollarlik shartnomalar tuzgan. Biroq hamkor davlatlardagi vaziyat o‘zgargani sababli ular hali eksportni boshlay olmagan.
Shu bilan birga, ayrim hokimlar tadbirkorlarga amaliy yordam ko‘rsatish o‘rniga vaziyatni o‘z holicha qoldirgani ta’kidlandi. Bu esa eksport ko‘rsatkichlariga salbiy ta’sir ko‘rsatgan.
Birinchi chorak yakunlari bo‘yicha bir qator hududlarda eksport keskin kamaygan. Xususan, Norin, Kasbi, Sherobod, Yozyovon va Denov tumanlarida eksport hajmi ikki barobardan ziyodga qisqargan.
Shuningdek, Shahrisabz, Uchquduq, Parkent, Toshkent tumani, Jizzax, Navoiy, Namangan, Angren, Bekobod va Nurafshon shaharlarida eksport rejalari 70 foizga ham yetmagan.
Prezident mazkur hududlar rahbarlarini ogohlantirib, birinchi yarim yillikda o‘sish ta’minlanmasa, qat’iy xulosa qilinishi bildirildi.
Davlat rahbari hozirgi sharoitda eksportchilarni har tomonlama qo‘llab-quvvatlash muhimligini ta’kidladi. Uning so‘zlariga ko‘ra, tadbirkorlar yangi bozor topish, aylanma mablag‘, sertifikatlash va logistika kabi muammolarni mustaqil hal qila olmayapti.
Shu bois, ushbu yo‘nalishda yagona va samarali tizim yaratish zarurligi qayd etildi. Mas’ullarga eksportni rivojlantirish bo‘yicha natijaga yo‘naltirilgan kompleks yondashuv ishlab chiqish va tegishli takliflar kiritish topshirildi.
Quyoshda juda kuchli chaqnash bor edi
Namanganda qurilish boshqarmasi bosh mutaxassislari ushlandi
Uy-joyga muhtoj yosh oilalarga ipoteka kreditlari ajratiladi
-
Siyosat3 days agoSaida Mirziyoyeva xalqaro forumda Prezident murojaatini o‘qib eshittirdi
-
Dunyodan5 days agoEron Hurmuz boʻgʻozini bloklagani sababli muzokaralarni rad etmoqda
-
Siyosat5 days ago“Oʻzbekneftgaz” va Xitoyning CNPC hamkori uglevodorodlarning oʻta chuqur zahiralarini oʻrganish boʻyicha
-
Siyosat4 days agoSamarqandda narkotiklarning transmilliy tahdidlariga qarshi kurash bo‘yicha xalqaro forum bo‘lib o‘tmoqda
-
Siyosat5 days agoGiyohvand moddalar savdosini moliyaviy tomirlarni kesish orqali to’xtatish mumkin.
-
Siyosat4 days agoHukumat mehnat muhojirlariga til oʻrgatish va malaka olish xarajatlari uchun kompensatsiya toʻlashi kerak
-
Siyosat3 days agoPrezident Shavkat Mirziyoyev JSST bosh direktorini qabul qildi
-
Siyosat2 days agoPrezident Mirziyoyev mintaqaviy sammitda yashil savdo yoʻlaklari va yagona iqlim investitsiya strategiyasini taklif qildi