Sport
jahon chempionatlari tarixidagi eng yaxshi to‘purar
Argentina milliy jamoasi hujumchisi JCh-2026 guruh bosqichidan o‘rin olgan Avstriyaga qarshi o‘yinda mundiallardagi 17-golini urdi.
Lionel Messi jahon chempionatlari tarixidagi eng yaxshi to‘purar bo‘lib oldi. Argentina milliy jamoasi hujumchisi JCh-2026 guruh bosqichidan o‘rin olgan Avstriyaga qarshi o‘yinda mundiallardagi 17-golini urdi.
Bungacha u avstriyaliklar darvozasiga penaltini amalga oshira olmay, rekord o‘rnatishni kechiktirgan edi.
Messi Germaniya milliy jamoasi sobiq hujumchisi Miroslav Klozening rekordini yangiladi. Kloze hisobida 16 ta gol bor edi.
Ayni damda faoliyatini davom ettirayotgan futbolchilar orasida Messining eng yaqin ta’qibchisi Kilian Mbappe hisoblanadi. Fransiya milliy jamoasi sardorining mundiallardagi gollari soni 14 tani tashkil qilmoqda.
Jahon chempionatlarida eng ko‘p gol urgan futbolchilar:
17 – Lionel Messi (Argentina)
16 – Miroslav Kloze (Germaniya)
15 – Ronaldo (Braziliya)
14 – Kilian Mbappe (Fransiya)
14 – Gerd Myuller (Germaniya)
13 – Jyust Fonten (Fransiya)