​O‘zbekiston mintaqaning bosh investitsion maydoniga aylandi. 

​Toshkent xalqaro investitsiya forumi davlat va hukumat rahbarlarini, xalqaro moliya institutlari yetakchilarini bir davraga jamladi. Bu yilgi anjuman o‘zining miqyosi bilan rekordlarni yangilab, jami 10 600 nafardan ziyod ishtirokchini birlashtirdi. Ularning 4 000 nafardan ortig‘i dunyoning 102 ta davlatidan tashrif buyurgan xorijiy mehmonlar va investorlardir. Forumning siyosiy vazni va global miqyosini mana shu nufuzli ishtirokchilar tarkibi ham yaqqol ko‘rsatib turibdi:

​Davlat rahbarlari: Germaniya Federativ Respublikasi Prezidenti Frank-Valter Shtaynmayer, Albaniya Respublikasi Prezidenti Bayram Begay;

​Hukumat rahbarlari: Rossiya Hukumati Raisi Mixail Mishustin, Belarus Bosh vaziri Aleksandr Turchin, Ozarbayjon Bosh vaziri Ali Asadov, Qozog‘iston Bosh vaziri Oljas Bektenov, Qirg‘iziston Vazirlar Mahkamasi Raisi – Prezident Administratsiyasi rahbari Aqilbek Japarov, Tojikiston Bosh vaziri Qohir Rasulzoda;

​Global moliya gigantlari: Yevropa tiklanish va taraqqiyot banki (YeTTB), Yangi taraqqiyot banki, Jahon banki, Xalqaro moliya korporatsiyasi (XMK), Osiyo taraqqiyot banki (OTB), Osiyo infratuzilma investitsiyalari banki (OIIB), Yevropa investitsiya banki hamda yetakchi xorijiy banklar, transformatsion kompaniyalar va xalqaro tashkilotlar vakillari.

​Ushbu forumning eng muhim, prinsipial jihati shundaki, xalqaro mehmonlar va dunyo yetakchilari qandaydir sun’iy rag‘batlar evaziga kelishayotgani yo‘q. Aksincha, forumga tashrif buyurgan har bir investor, har bir nufuzli ishtirokchi barcha a’zolik badallarini, o‘zining transport va mehmonxona xarajatlarini to‘liq o‘z yonidan qoplagan holda, shaxsiy tashabbusi bilan Toshkentga keldi.

​Bu O‘zbekistondagi barqarorlikka, uning iqtisodiy istiqboli va investitsion jozibadorligiga dunyo biznes elitasining hamda yirik moliya institutlarining chinakam va xolis ishonchi hisoblanadi. Bu — O‘zbekiston iqtisodiy brendining xalqaro miqyosdagi navbatdagi g‘alabasidir.

​Yevropadan tortib Bolqongacha, Markaziy Osiyodan tortib Kavkaz va keng geosiyosiy makongacha bo‘lgan davlatlar hamda hukumat rahbarlarining bir stol atrofida jam bo‘lishi — mintaqadagi hamjihatlik va o‘zaro ishonch mutlaqo yangi, yuqori cho‘qqiga chiqqanidan dalolat beradi. O‘zbekiston bugun nafaqat kapital jalb qilmoqda, balki ulkan mintaqani birlashtiruvchi, uni barqaror taraqqiyot sari yetaklovchi bosh lokomotiv vazifasini o‘tamoqda.

Toshkent xalqaro investitsiya forumi xalqaro miqyosda o‘zining yuqori mavqeini batamom mustahkamladi. O‘zbekiston shunday darajaga chiqdiki, mintaqadagi jarayonlarni belgilaydigan kuchga aylandi. 

Source link

Toshkent xalqaro investitsiya forumi doirasida Prezident Shavkat Mirziyoyev Xitoy Xalq Respublikasi Milliy energetika boshqarmasi rahbari Van Xunchji boshchiligidagi delegatsiyani qabul qildi. Uchrashuvda Xitoyning yetakchi energetika, sanoat va moliya tashkilotlari rahbarlari ishtirok etdi.

Muzokaralar markazida energetika va geologiya sohalarida yuqori texnologiyali loyihalarni amalga oshirish, shuningdek, bank-moliya sohasidagi hamkorlikni kengaytirish masalalari turdi. Davlat rahbari O‘zbekiston va Xitoy o‘rtasidagi munosabatlar savdo-iqtisodiy va investitsiya sohalarida jadal rivojlanayotganini qayd etdi.

Ma’lum qilinishicha, joriy yilning o‘tgan qismida ikki davlat o‘rtasidagi tovar ayirboshlash hajmi 6 milliard dollardan oshgan. Shuningdek, Xitoydan mamlakat iqtisodiyotiga 8 milliard dollardan ziyod to‘g‘ridan-to‘g‘ri investitsiyalar jalb qilingan. Bugungi kunda O‘zbekistonda qariyb 6 mingta qo‘shma korxona faoliyat yuritmoqda.

Uchrashuvda «yashil» energetika sohasidagi hamkorlik alohida muhokama qilindi. Hozirda Xitoy kompaniyalari ishtirokida O‘zbekistonda quyosh va shamol elektr stansiyalari hamda energiya saqlash tizimlari barpo etilmoqda.

Tomonlar fotoelektr stansiyalar quvvatini kengaytirish, agrovoltaika texnologiyalarini joriy etish va yangi elektr uzatish liniyalarini qurishga qaratilgan tashabbuslarni qo‘llab-quvvatladi.

Shuningdek, chiqindilarni qayta ishlash orqali energiya ishlab chiqarish, data-markazlar tashkil etish va boshqa zamonaviy texnologik yechimlarni rivojlantirish imkoniyatlari ham ko‘rib chiqildi.

Muzokaralarda tog‘-kon va geologiya sohasidagi hamkorlik istiqbollari ham muhokama qilindi. Bu yo‘nalishda konlarda qo‘shma geologiya-qidiruv ishlarini olib borish, ularni o‘zlashtirish va muhim xomashyo resurslarini yetkazib berish bo‘yicha uzoq muddatli sheriklikni yo‘lga qo‘yish rejalashtirilmoqda.

Xitoyning yirik banklari bilan hamkorlikni kengaytirish masalasiga ham ustuvor ahamiyat qaratildi. Tomonlar infratuzilma loyihalarini moliyalashtirish, irrigatsiya tizimlarini modernizatsiya qilish, yuqori tezlikdagi avtomobil yo‘llari va gidroelektrostansiyalar qurish, qishloq xo‘jaligi texnikasini yetkazib berish hamda kichik va o‘rta biznesni qo‘llab-quvvatlash masalalarini muhokama qildi.

Uchrashuv yakunida Xitoy delegatsiyasi vakillari erishilgan kelishuvlarni amalga oshirishga qat’iy intilishini bildirdi.

Source link

Germaniya Federativ Respublikasi Prezidenti Frank-Valter Shtaynmayer rafiqasi hamrohligida O‘zbekistonga keldi.

«Toshkent-Humo» xalqaro aeroportida oliy martabali mehmonni bosh vazir o‘rinbosari Ochilboy Ramatov va boshqa rasmiylar kutib oldi.

Rasmiy tashrif dasturiga muvofiq, ikki davlat rahbarlarining tor va kengaytirilgan tarkibdagi muzokaralari bo‘lib o‘tadi. O‘zbekiston – Germaniya ko‘p qirrali munosabatlarini yanada rivojlantirish masalalari muhokama qilinadi.

Tomonlar savdo, sanoat kooperatsiyasi, energetika va «yashil» texnologiyalar, transport va logistika, farmatsevtika va kimyo sanoati, qishloq xo‘jaligi sohalarida amaliy hamkorlikni kengaytirish, ta’lim va gumanitar almashinuvlarni faollashtirish masalalariga alohida e’tibor qaratadilar.

Xalqaro va mintaqaviy ahamiyatga molik dolzarb mavzular yuzasidan ham fikr almashiladi. Muzokaralar doirasida bir qator yangi qo‘shma loyiha va dasturlarni ishga tushirish rejalashtirilgan.

Source link

Ko‘ksaroy qarorgohida mamlakatimizga rasmiy tashrif bilan kelgan Germaniya Federativ Respublikasi Prezidenti Frank-Valter Shtaynmayerni kutib olish marosimi bo‘ldi.

Qarorgoh oldidagi maydonda faxriy qorovul saf tortdi. O‘zbekiston Respublikasi Prezidenti Shavkat Mirziyoyev oliy martabali mehmonni samimiy qarshi olib, shohsupaga taklif etdi.

O‘zbekiston va Germaniya davlat madhiyalari yangradi. Yetakchilar faxriy qorovul safi oldidan o‘tib, rasmiy delegatsiyalar a’zolarini bir-birlariga tanishtirdilar.

Marosim yakunida birgalikda suratga tushildi, so‘ng oliy darajadagi muzokaralar boshlandi

Source link

Saida Mirziyoyeva Qozog‘iston poytaxtiga safari chog‘ida mamlakatning moliyaviy infratuzilmasi va xorijiy sarmoyalarni jalb qilish tajribasi bilan tanishish maqsadida Ostona xalqaro moliya markaziga (AIFC) tashrif buyurdi.

Foto: Saida Mirziyoeva/Telegram

Tashrif O‘zbekiston Toshkent xalqaro moliya markazini tashkil etish bo‘yicha faol ish olib borayotgan bir pallaga to‘g‘ri keladi va Qozog‘istonning ushbu sohadagi o‘rnatilgan tajribasi o‘zbek siyosatchilari uchun juda dolzarb bo‘lib qolmoqda.

AIFC xalqaro kapitalni jalb qilish, global moliyaviy xizmatlar bozorlarini rivojlantirish va biznes operatsiyalari uchun qulay muhitni mustahkamlashga qaratilgan boʻlib, mintaqadagi yetakchi moliyaviy platformalardan biri sifatida keng eʼtirof etilgan.

Tashrif chog‘ida ikki davlat o‘rtasida tajriba almashish nafaqat O‘zbekiston va Qozog‘istonga, balki kengroq Markaziy Osiyo mintaqasiga xorijiy sarmoya oqimini tezlashtirishga xizmat qilishi ta’kidlandi.

Source link