Ostonaga amaliy tashrif doirasida O‘zbekiston Respublikasi Prezidenti Shavkat Mirziyoyev va Qozog‘iston Respublikasi Prezidenti Qasim-Jomart Toqayev huzurida Investitsiya va savdo sohalarida erishilgan kelishuvlarni amalga oshirish bo‘yicha amaliy harakatlar rejasini imzolash marosimi bo‘lib o‘tdi.

«Yo‘l xaritasi»da avtomobilsozlik, energetika, kimyo sanoati, metallurgiya, farmatsevtika, logistika, qurilish materiallari, uy-joy qurilishi, qishloq xo‘jaligi kabi tarmoqlarda qo‘shma loyihalarni amalga oshirish nazarda tutilgan.

Hujjat joriy yil aprel-may oylarida ikki davlat rahbarlarining Buxoro va Turkiston shaharlarida bo‘lib o‘tgan uchrashuvlarida erishilgan kelishuvlarni amalga oshirishga qaratilgan.

Source link

O‘zgidromet ma’lumotlariga ko‘ra, bugun kunduzi yog‘ingarchilik kutilmaydi. Shamol 7-12 m/s tezlikda esadi, shimolda ba’zi joylarda 13-18 m/s gacha kuchayadi, ba’zida 20-22 m/s gacha kuchayishi, ayrim joylarda chang-to‘zonlar bilan kuzatilishi mumkin. Harorat 30-35° bo‘ladi.
 
Toshkentda yog‘ingarchilik kutilmaydi. Shamol 5-10 m/s tezlikda esadi. Harorat 32-34° bo‘ladi.
 
Tog‘ oldi va tog‘li hududlarda ayrim joylarda qisqa muddatli yomg‘ir yog‘ishi, momaqaldiroq bo‘lishi mumkin. Sel-suv toshqin hodisalari yuzaga kelishi mumkin. Shamol 7-12 m/s tezlikda esadi. Harorat 20-25° bo‘ladi.

Source link

Jizzax va Farg‘ona viloyatlarida qonunbuzilish holatlari aniqlandi. 

Jizzax viloyati Sh.Rashidov tumani hokimligi mansabdor xodimi xizmat mavqeidan foydalangan holda tadbirkorning ishonchiga kirib, unga tuman melioratsiya bo‘limi balansida bo‘lgan 45 sotix yer maydonini o‘zining yaqin aloqalari orqali olib berish hamda uning 2002-y.t. tanishini mahalliy MChJlardan biriga ishga kiritib qo‘yish evaziga 500 AQSh dollari talab qiladi.

Davlat xavfsizlik xizmati va Iqtisodiy jinoyatlarga qarshi kurashish departamenti xodimlari hamkorligida o‘tkazilgan tezkor tadbirda, u so‘ralgan pul mablag‘ini olgan vaqtida ashyoviy dalillar bilan ushlandi.

Tergovga qadar tekshiruv harakatlari davomida, hokimiyat vakili ushbu masalalarni hal qilib berish bahonasida avval ham 3,5 mln so‘m olib, shaxsiy ehtiyoji uchun sarflab yuborganligi aniqlandi.

Boshqa holatda esa respublikamizda faoliyat yurituvchi xususiy aksiyadorlik tijorat banklaridan birining Farg‘ona bank xizmatlari markazi rahbari o‘z xizmat mavqeidan foydalanib, tadbirkorlik bilan shug‘ullanmoqchi bo‘lgan fuqaroning ishonchiga kiradi.

Mansabdor shaxs bankning bosh ofisidagi tanishlari orqali unga 2,5 mlrd so‘m miqdorida kredit ajratib berish evaziga kreditning 5 foizini, ya’ni 125 mln so‘m talab qiladi.

Davlat xavfsizlik xizmati va Iqtisodiy jinoyatlarga qarshi kurashish departamenti xodimlari hamkorligida o‘tkazilgan tezkor tadbirda bank mansabdori so‘ralgan pul mablag‘i hisobidan 10 ming AQSh dollari olgan vaqtida ashyoviy dalillar bilan ushlandi.

Hozirda har ikki holat yuzasidan mazkur shaxslarga nisbatan jinoyat ishlari qo‘zg‘atilib, tergov harakatlari olib borilmoqda.

Source link

DXX o‘tkazgan tezkor tadbirda Sharof Rashidov tumani hokimligi mansabdor xodimi tadbirkordan 500 dollar talab qilib, pul mablag‘ini olgan vaqtida qo‘lga olindi. Farg‘onadagi tadbirda esa bank xizmatlari markazi rahbari 10 ming dollar bilan ushlandi.

Foto: DXX axborot xizmati

O‘zbekiston Respublikasi Davlat xavfsizlik xizmati Jizzax va Farg‘ona viloyatlarida qonunbuzilish holatlarini aniqladi.

DXX axborot xizmatiga ko‘ra, Jizzax viloyati Sharof Rashidov tumani hokimligi mansabdor xodimi xizmat mavqeyidan foydalangan holda tadbirkorning ishonchiga kirgan. Xususan, hokimlik xodimi tadbirkorga tuman melioratsiya bo‘limi balansida bo‘lgan 45 sotix yer maydonini o‘zining yaqin aloqalari orqali olib berish hamda uning 24 yoshli tanishini MChJga ishga kiritib qo‘yishni aytadi. Bularning evaziga tadbirkordan 500 dollar talab qiladi.

Davlat xavfsizlik xizmati va Iqtisodiy jinoyatlarga qarshi kurashish departamenti xodimlari hamkorligida o‘tkazilgan tezkor tadbirda u so‘ralgan pul mablag‘ini olgan vaqtida ashyoviy dalillar bilan ushlandi.

Tergovga qadar tekshiruv davomida, hokimiyat vakili ushbu masalalarni hal qilib berish bahonasida avval ham 3,5 mln so‘m olib, shaxsiy ehtiyoji uchun sarflab yuborganligi aniqlandi.

Boshqa holatda esa O‘zbekistondagi tijorat banklaridan birining Farg‘ona bank xizmatlari markazi rahbari o‘z xizmat mavqeyidan foydalanib, tadbirkorlik bilan shug‘ullanmoqchi bo‘lgan fuqaroning ishonchiga kiradi.

Mansabdor shaxs bankning bosh ofisidagi tanishlari orqali unga 2,5 mlrd so‘m miqdorida kredit ajratib berish evaziga kreditning 5 foizini, ya’ni 125 mln so‘m talab qiladi.

DXX va prokuratura departamenti hamkorligida o‘tkazilgan tezkor tadbirda bank mansabdori so‘ralgan pul mablag‘i hisobidan 10 ming dollar olgan vaqtida ashyoviy dalillar bilan ushlandi.

Hozirda har ikki holat yuzasidan mazkur shaxslarga nisbatan jinoyat ishlari qo‘zg‘atilib, tergov harakatlari olib borilmoqda.

Idora, fuqarolar shu kabi qonunbuzilish holatlariga duch kelganida, DXXning 1520 qisqa raqamiga qo‘ng‘iroq qilib, xabar berishni so‘ragan. Xabar bergan shaxsning ma’lumotlari sir saqlanishi kafolatlanadi.

Source link

O‘zbekistonda savdo va xizmat ko‘rsatish sohasida hisob-kitob tizimini yanada raqamlashtirishga qaratilgan yangi hukumat qarori loyihasi ishlab chiqildi. Hujjatda elektron cheklar, retsept asosida beriladigan dori vositalari hamda raqamli markirovka tizimiga oid bir qator o‘zgartishlar nazarda tutilgan.

Loyihaga ko‘ra, retsept bilan sotiladigan dori vositalari uchun elektron retsept raqami kassa chekida majburiy tarzda aks ettirilishi mumkin. Bu esa dori savdosini nazorat qilish va noqonuniy aylanmalarning oldini olishga xizmat qilishi ta’kidlanmoqda.

Hujjatda qo‘shilgan qiymat solig‘ining salbiy farq summasini tezlashtirilgan tarzda qoplash tartibi ham qayta ko‘rib chiqilgan. Unga muvofiq, mazkur mexanizm faqat Prezident qarori bilan tasdiqlangan yirik soliq to‘lovchilar ro‘yxatiga kiritilgan kompaniyalarga nisbatan qo‘llanishi belgilanmoqda.

Qaror loyihasida raqamli markirovkaga oid ayrim jazo choralarini bekor qilish taklifi ham o‘rin olgan. Xususan, qalbaki markirovkalangan yoki kontrafakt mahsulotlarni import qilish, ishlab chiqarish va sotish uchun jinoiy javobgarlikni nazarda tutuvchi normani chiqarib tashlash rejalashtirilmoqda.

Bu taklif ayniqsa biznes muhiti va huquqshunoslar orasida muhokamalarga sabab bo‘lishi mumkin. Chunki raqamli markirovka tizimi so‘nggi yillarda xufiyona iqtisodiyotga qarshi asosiy vositalardan biri sifatida ko‘rilmoqda.

Shu bilan birga, hukumat loyihadagi o‘zgartishlar zamonaviy axborot yechimlarini keng joriy etish, elektron hisob-kitob tizimlarini takomillashtirish va soliq ma’muriyatchiligini soddalashtirishga xizmat qilishini ta’kidlamoqda.

Qaror loyihasi hozirda jamoatchilik muhokamasi bosqichida turibdi.

Source link