Iqtisodiyot
“Hukumatingiz ko‘magini doimiy his qilishni istaymiz” – “Toyota Tsusho” mintaqaviy direktori
Prezident Yaponiyaga safari chog‘ida ushbu davlatdagi eng katta biznes vakillari bilan ko‘rishib, biznes forumi ham o‘tkazdi. Unda qatnashgan ko‘plab yapon kompaniyalari allaqachon O‘zbekiston bozorida faol. Kun.uz bilan gaplashgan “Toyota Tsusho” korporatsiyasi mintaqaviy direktoriga ko‘ra, ular hukumatdan doimiy ko‘mak istaydi.
{Yii::t(}
O’tkazib yuborish 6s
O’tkazib yuborish
O‘zbekiston–Yaponiya biznes forumida chiqish qilgan prezident bugun mamlakatda yapon kompaniyalari soni oxirgi yillarda karrasiga ko‘payib, 117 taga yetganini aytdi. O‘zining uzoq yillik tarixida ushbu bizneslar mahsulotlari sifatliligi, ishonchliligi bilan iste’molchilar bozorida mustahkam o‘rinni egallagan.
“Toyota Tsusho” korporatsiyasi Toyota guruhidagi yirik savdo va investitsiya kompaniyasi. 1948 yilda tashkil topgan ushbu kompaniya Toyota Motors’ning strategik hamkori hisoblanib, dunyo bo‘ylab 120 dan ortiq davlatlarda faoliyat yuritadi.
“Toyota Tsusho” – oddiy savdo firmasi emas, balki katta avtomobil korxonalariga ehtiyot qismlar va xomashyo yetkazib beruvchi, zavodlar uchun logistika kompaniyasi. Bundan tashqari, quyosh va shamol energiyasi, vodorod texnologiyalari va karbon neytrallik loyihalari bor.
Kun.uz bilan gaplashgan ushbu kompaniyaning Yaqin Sharq va Markaziy Osiyo bo‘yicha mintaqaviy ijrochi direktoriga ko‘ra, ular O‘zbekiston hukumatidan doimiy ko‘mak istaydi.
“Hozirda men asosan ikki yo‘nalish, ikki segmentda ishlayapman. Ulardan biri qayta tiklanuvchi energiya, ikkinchisi esa raqamli sohadir. O‘zbekiston kompaniyamiz uchun eng muhim mamlakatlardan biri hisoblanadi. Bugun men raqamli texnologiyalar bilan bog‘liq biznesimiz haqida ba’zi fikrlarimni bildiraman. Biz hamkorlikni davom ettirishni istaymiz va O‘zbekistonning salohiyatini yuqori baholaymiz. Shu sababli, biz prezidentning qo‘llab-quvvatlashini doimiy his etib turishni xohlaymiz. Hukumat tomonidan allaqachon katta yordam olyapmiz. Shu bois hukumatingiz ko‘magini doimiy his qilib turishni istaymiz”, deydi Hiroshi Yonenaga.
U O‘zbekistonda aholi soni yildan yilga oshib borayotganini ham qo‘shimcha qilib, bu hamkorlik imkoniyatlarini yanada oshirishini aytdi.
Shoxruh Majidzoda suhbatlashdi.
Prezident Shavkat Mirziyoyev G‘uzor tumanida «Qashqadaryo Jingu» korxonasi tomonidan Shinjon usulida paxta yetishtirilayotgan dalada bo‘ldi.
Davlatimiz rahbariga chigit ekish, g‘o‘zani sug‘orish va parvarishlashda qo‘llanayotgan texnologiyalar haqida ma’lumot berildi. Bu yerda 2,2 ming gektar maydonga chigit plyonka ostiga qo‘sh qatorlab ekilgan, tomchilatib sug‘orish to‘liq joriy qilingan.
Plyonka tuproqdagi namlik va haroratni saqlab, chigitning erta hamda bir tekis unib chiqishiga yordam beradi. Suv va o‘g‘it esa tomchilatib sug‘orish tizimi orqali bevosita g‘o‘za ildiziga yetkaziladi. Natijada suv sarfi 30-40 foizga, o‘g‘it sarfi qariyb 30 foizga kamayadi. Hosil an’anaviy maydonlarga nisbatan 10-15 kun oldin pishib yetiladi.
Prezidentimiz paxtazorda yetishtirilgan hosil va agrotexnik tadbirlarni tashkil etish jarayoni bilan tanishdi. An’anaviy usulda gektaridan 30-35 sentner paxta olinsa, Shinjon texnologiyasida bu ko‘rsatkich 60-70 sentnergacha yetishi mumkin. Korxona dalalarida hosildorlik gektariga 55 sentnerni, yalpi hosil esa 12,3 ming tonnani tashkil etmoqda.
Dala ishlarida agrodronlardan ham foydalanilmoqda. Bu ayrim agrotexnik tadbirlarni tezroq bajarish, yonilg‘i sarfini kamaytirish imkonini bermoqda.
Xitoy sarmoyasi ishtirokida tashkil etilgan «Qashqadaryo Jingu» agroklasteri Koson, Nishon, G‘uzor, Ko‘kdala va Mirishkor tumanlarida jami 18,3 ming gektar maydonda faoliyat yuritadi. Ushbu yerlarning katta qismi ilgari foydalanilmagan cho‘l va qarovsiz maydonlar bo‘lgan. Loyihaga 128 million dollar investitsiya kiritilib, 50 ta ish o‘rni yaratilgan. Eksport hajmi esa 8,5 million dollarni tashkil etadi.
Shu yerda davlatimiz rahbariga viloyat qishloq xo‘jaligida amalga oshirilayotgan ishlar haqida ham axborot berildi.
O‘zbekiston Prezidenti Shavkat Mirziyoyev «Wabtec» kompaniyasi direktorlar kengashi raisi va bosh ijrochi direktori Rafael Santanani qabul qildi. Bu haqda Prezident matbuot xizmati xabar berdi.
Uchrashuvda mamlakatda temir yo‘l infratuzilmasi va tranzit salohiyati rivojlanayotganini hisobga olib, lokomotivlar parkini yangilash va kengaytirish masalalari ko‘rib chiqildi.
AQSh moliya institutlari ishtirokida lokomotivlarni uzoq muddatli servis xizmati bilan birga yetkazib berish imkoniyatlari muhokama qilindi.
Shuningdek, O‘zbekistonda texnik xizmat ko‘rsatishni yo‘lga qo‘yish, butlovchi qismlar ishlab chiqarish va mutaxassislar tayyorlash masalalari ko‘rib chiqildi.
Tog‘-kon korxonalari karer texnikasiga xizmat ko‘rsatuvchi servis markazini tashkil etish hamda dizel-generator qurilmalari bo‘yicha hamkorlik qilishga ham e’tibor qaratildi.
«Wabtec» lokomotivlar, temir yo‘l texnikasi, raqamli va servis yechimlarini ishlab chiqarish bo‘yicha jahondagi yetakchi kompaniyalardan biri hisoblanadi. Kompaniya Markaziy Osiyo mamlakatlarida ham loyihalarni amalga oshirmoqda.
Iqtisodiyot
Saida Mirziyoyeva Gonkongning Henderson Land Group xoldingi boshqaruvi raisi bilan uchrashdi
Prezident Administratsiyasi rahbari Saida Mirziyoyeva XXRning Gonkong maxsus ma’muriy hududidagi eng yirik xoldinglardan biri — Henderson Land Group boshqaruvi raisi Piter Li bilan uchrashuv o‘tkazdi.
Tomonlar qayta tiklanuvchi energetika, Yangi Toshkent infratuzilmasini rivojlantirish va ta’lim sohalaridagi istiqbolli qo‘shma loyihalarni muhokama qildi.
«Mamlakatimiz investitsiyalar uchun ochiq va biz Gonkongning yetakchi biznes doiralari bilan hamkorlikdan manfaatdormiz. Sheriklikdagi tashabbuslarni, jumladan, yangi tashkil etilayotgan Toshkent xalqaro moliya markazi orqali ham qo‘llab-quvvatlashga tayyormiz», — deb yozdi Saida Mirziyoyeva.
Administratsiya rahbari O‘zbekiston va Gonkong o‘rtasida uzoq muddatli iqtisodiy hamkorlikni rivojlantirish uchun katta imkoniyatlar borligiga ishonch bildirdi.
Markaziy bank 2026-yil 9-oktyabrdan valyutalarning yangi kursini belgiladi.
AQSh dollari 37,38 so‘mga oshib, 11 846,57 so‘m etib belgilandi.
Yevro kursi 34,69 so‘mga oshdi va 13 240,91 so‘m bo‘ldi. Funt-sterling 15 631,55 so‘mni tashkil qildi (29,25).
Rossiya rubli 138,95 so‘m etib belgilandi (+0,8).
Markaziy bank 2026-yil 6-oktyabrdan valyutalarning yangi kursini belgiladi.
AQSh dollari 5,5 so‘mga oshib, 11 778,45 so‘m etib belgilandi.
Yevro kursi 25,62 so‘mga tushdi va 13 198,93 so‘m bo‘ldi. Funt-sterling 15 580,53 so‘mni tashkil qildi (+31,99).
Rossiya rubli 138,35 so‘m etib belgilandi (-2,79).
Shavkat Mirziyoyev Shinjon usulida yetishtirilgan paxta dalasini ko‘zdan kechirdi
O‘zbekiston do‘konlarida 73 turdagi mahsulot sifatsiz deb topildi
Tadbirkorlar jarimaning 50 foizini to‘lab, qolgan qismidan ozod etilishi mumkin
-
Iqtisodiyot3 days ago
O‘zbekiston «Wabtec» kompaniyasi bilan lokomotivlar parkini yangilashni muhokama qildi
-
Jamiyat3 days ago
Tadbirkorlar jarimaning 50 foizini to‘lab, qolgan qismidan ozod etilishi mumkin
-
Jamiyat3 days ago
O‘zbekiston do‘konlarida 73 turdagi mahsulot sifatsiz deb topildi
-
Iqtisodiyot1 day ago
Shavkat Mirziyoyev Shinjon usulida yetishtirilgan paxta dalasini ko‘zdan kechirdi