25 fevral kuni poytaxtning Nukus ko‘chasida voyaga yetmagan Doniyor Turg‘unov o‘z boshqaruvidagi BMW M4 mashinasida YPX xodimini urib ketgandi. Hodisada olgan tan jarohatlari oqibatida kichik serjant Hosilbek Eshnazarov shifoxonada vafot etdi.

Holat yuzasidan avtotransport vositasini olib qochish va odam o‘limiga sabab bo‘lgan qasddan badanga og‘ir shikast yetkazish ayblovlari bilan jinoyat ishi qo‘zg‘atilib, voyaga yetmagan Doniyor Turg‘unov ehtiyot chorasi sifatida qamoqqa olingan.

2026 yil 25 fevral kuni Toshkent shahrining Mirobod tumanida voyaga yetmagan Doniyor Turg‘unov BMW mashinasida yo‘l-patrul xizmati inspektori Hosilbek Eshnazarovni urib yuborgandi.

Keyinchalik inspektor olgan og‘ir jarohatlar oqibatida vafot etdi.

Shundan so‘ng Doniyor Turg‘unovga nisbatan qamoqqa olingan. U Jinoyat kodeksining 267-moddasi (avtotransport vositasini olib qochish) va 104-moddasi uchinchi qismi «d» bandida (odam o‘limiga sabab bo‘lgan qasddan badanga og‘ir shikast yetkazish) ko‘rsatilgan jinoyatlarni sodir etganlikda gumon qilinmoqda.

Marhum kichik serjant Hosilbek Eshnazarov prezident farmoniga ko‘ra, «Jasorat» medali bilan mukofotlandi va uning oilasiga Toshkent shahridan 3 xonali kvartira berildi.

Source link

Original dorilarni mahalliylashtirish va insonparvarlik yordami bo‘yicha yangi tizim joriy etiladi.

Yurtimizda farmatsevtika sohasini tubdan o‘zgartiruvchi va aholimizni sifatli dori-darmonlar bilan ta’minlashga qaratilgan muhim Prezident Farmoni qabul qilindi. Xo‘sh, bu o‘zgarishlar oddiy fuqarolar hayotida qanday aks etadi?

Eng muhim yangiliklar:

Original dorilar arzonlashadi: Xorijning original dorilari patent muddati tugashi bilan o‘zimizda ishlab chiqariladi. Buning uchun tadbirkorlarga davlat tomonidan 100 ming dollargacha subsidiya ajratiladi. Natijada, dorixonalarimizda sifatli va hamyonbop mahalliy mahsulotlar ko‘payadi.

Dorilarni yo‘q qilish o‘rniga — muhtojlarga xayriya: Shu paytgacha tadbirkorlar yaroqlilik muddati tugab borayotgan dorilarni bepul tarqatishdan ko‘ra, yo‘q qilishni afzal ko‘rardi (chunki xayriya qilinsa, soliq to‘lanardi). Endilikda yaroqliligiga 6 oy qolgan dorilarni tibbiyot muassasalariga bepul bergan tadbirkorlar soliqdan ozod qilinadi.

Maktabdan to‘g‘ridan-to‘g‘ri universitetning 2-kursiga: Abu Ali ibn Sino nomidagi maktab o‘quvchilari uchun 5 yillik maxsus STEM dasturi joriy etiladi. Chet tili va tabiiy fanlarni a’lo baholarga yopgan bitiruvchilar Farmatsevtika texnik universitetining 2-kursiga imtihonsiz qabul qilinadi.

Farmonning qabul qilinishi ichki bozorni xavfsiz va hamyonbop dori vositalari bilan ta’minlash orqali millat salomatligini asrashda muhim qadam bo‘ladi. Bundan tashqari, sohada yangi innovatsiyalarni qo‘llab-quvvatlash va yosh iqtidorlarni tayyorlash tizimi butunlay yangi bosqichga olib chiqiladi.

Source link

Bu yil 8-mart yakshanba kuniga to‘g‘ri keladi. Mehnat kodeksiga ko‘ra, dam olish kuni ishlanmaydigan bayram kuniga to‘g‘ri kelgan taqdirda, dam olish kuni bayramdan keyingi ish kuniga ko‘chiriladi.

Shunga ko‘ra, haftada 5 kun ishlaydiganlar 3 kun dam oladi:

7 mart, shanba – dam olish kuni;
8 mart, yakshanba – dam olish kuni;
9 mart, dushanba – bayramdan ko‘chirilgan qo‘shimcha dam olish kuni.

Haftada 6 kun ishlaydiganlar esa 2 kun dam oladi:

8 mart, yakshanba – bayram kuni, dam olish kuni;
9 mart, dushanba – bayramdan ko‘chirilgan qo‘shimcha dam olish kuni.

Source link

Olingan tezkor ma’lumot asosida tadbir o‘tkazilib, jabrlanuvchining o‘ldirilgani sahnalashtirilgan. Shartli yollanma qotil holatni tasvirga olib, buyurtmachilarga ko‘rsatgan. Erining o‘lganiga ishongan ayol va uning jazmani shartli yollanma qotilga kelishilgan 6 ming dollardan 5,5 mingini berayotganda qo‘lga olingan.

Davlatobod tumanida qasddan odam o‘ldirish bilan bog‘liq jinoyatning oldi olindi. Bu haqda Ichki ishlar vazirligi axborot xizmati xabar berdi.

Ma’lum qilinishicha, 4 mart kuni Davlatobod tumanida yashovchi ayol turmush o‘rtog‘ini notanish shaxs orqali 6 ming dollar evaziga o‘ldirishni rejalashtirayotgani haqida tezkor ma’lumot olingan. U buning uchun o‘zining jazmani bilan oldindan jinoiy til biriktirgan.

DXX, viloyat IIB hamda viloyat prokuraturasi hamkorligida tezkor tadbir o‘tkazilgan. Buyurtmachilar Telegram orqali shartli qotil bilan suhbatlashgan. Ayol turmush o‘rtog‘i Cobalt mashinasida yolg‘iz yurishini, uni “Andijon–Namangan” yo‘lidagi ovloq joyda o‘ldirib, mashinasini yoqib yuborish kerakligini, buning evaziga 6 ming dollar berishini aytgan.

Darhol jabrlanuvchining o‘ldirilgani aks etgan qotillik jinoyati sahnalashtirilgan.

Shartli qotil ushbu holatni tasvirga olib, buyurtmachi ayol va uning jazmaniga ko‘rsatgan. Buyurtmachilar kelishilgan puldan 5,5 ming dollarni shartli qotilga berayotgan vaqtida ashyoviy dalillar bilan qo‘lga olingan.

Holat yuzasidan Jinoyat kodeksining 25,97-moddasi 2-qismi tegishli bandlari bilan jinoyat ishi qo‘zg‘atilib, gumonlanuvchilar protsessual tartibda ushlangan. Hozirda dastlabki tergov harakatlari olib borilmoqda.

Avvalroq Samarqandda yollanma qotil orqali tanishini o‘ldirmoqchi bo‘lgan shaxslar qo‘lga olingandi.  

Source link

Shuhrat Oripov Xolmurod Salimovning o‘rnini egalladi.

Shuhrat Oripov O‘zbekiston Jurnalistlar uyushmasi raisi vazifasini bajaruvchi etib tayinlandi.

Bu qaror Jurnalistlar uyushmasi boshqaruvining yig‘ilishida qabul qilindi.

U ayni vaqtda Biznesni rivojlantirish banki matbuot kotibi lavozimida ishlab kelmoqda.

Shuhrat Oripov mehnat faoliyatini 1999 yilda jurnalist sifatida boshlagan va bir qancha gazetalarda faoliyat yuritgan.

Keyinchalik davlat va jamoat tashkilotlarida, shuningdek, O‘zLiDep tizimida axborot siyosati va matbuot xizmati yo‘nalishlarida faoliyat olib borgan.

Source link