Xorijdan olib kelingan sintetik narkotik va kuchli ta’sir qiluvchi dori vositalari to‘xtatib qolindi.

Davlat xavfsizlik xizmati xodimlari tomonidan o‘tkazilgan tezkor tadbirda oldindan kuzatuvga olingan 21 yoshli fuqaro boshqaruvidagi «Nexia-3» avtomobili poytaxtning Chilonzor tumanidagi «Erkin» YPX maskanida to‘xtatilib, ko‘zdan kechirildi. Natijada mashina salonida sof og‘irligi 4 kg 811 gr bo‘lgan «Alfa-PVP» sintetik narkotik moddasi borligi aniqlanib, ashyoviy dalil sifatida rasmiylashtirildi.

DXX tergov boshqarmasi tomonidan ushbu shaxsga nisbatan JK 246 va 273-moddalari tegishli bandlari bilan jinoyat ishi qo‘zg‘atilib, «qamoq» ehtiyot chorasi qo‘llanildi.

Boshqa bir holatda esa, DXX chegara qo‘shinlari harbiy xizmatchilari tomonidan Andijon viloyatining Marhamat tumanida tezkor tadbir o‘tkazildi. Tumanning Boboxuroson MFY hududida qirg‘izistonlik shaxs chegara to‘siqlari ustidan uloqtirgan qutini qabul qilib olgan ikki nafar mahalliy fuqaro qo‘lga olindi.

Quti ichida 9 988 dona «Zardeks» nomli kuchli ta’sir qiluvchi dori vositasi borligi ma’lum bo‘ldi.

Mazkur holat yuzasidan DXX Andijon viloyati bo‘yicha boshqarmasi Tergov bo‘limi tomonidan Jinoyat kodeksining 246-moddasi 1-qismi bilan jinoyat ishi qo‘zg‘atilgan. «Qamoq» ehtiyot chorasi qo‘llanilib, tergov harakatlari olib borilmoqda.

Source link

Respublika bo‘ylab yo‘l bezoriligi va qo‘pol qoidabuzarliklarni bartaraf etish maqsadida o‘tkazilayotgan kuchaytirilgan reydlar davomida yuzlab haydovchilarga nisbatan ma’muriy choralar ko‘rildi. Ichki ishlar vazirligi Jamoat xavfsizligi departamentining maxsus guruhlari tomonidan 10 kun davomida olib borilgan monitoring natijalari ma’lum qilindi.

Ma’lum qilinishicha, 26 fevraldan boshlab respublika hududlarida yo‘l bezoriligi va yo‘l harakati qoidalarining qo‘pol buzilishlarini oldini olishga qaratilgan kuchaytirilgan reyd tadbirlari o‘tkazilmoqda.

Monitoring guruhlari tomonidan xavfli va agressiv tarzda avtomobil boshqarayotgan 31 nafar haydovchi aniqlangan, shuningdek ular to‘planadigan 33 ta ko‘cha va joy belgilangan. Internet tarmoqlarida esa yo‘l bezoriligi holatlarini aks ettiruvchi 391 ta videorolik aniqlangan.

Tahlillar natijasida 338 nafar haydovchiga nisbatan ma’muriy bayonnoma rasmiylashtirilgan, 296 ta avtomobil esa jarima maydonchasiga joylashtirilgan. Shuningdek, xavfli haydovchilik va noqonuniy poygalarni targ‘ib qiluvchi 19 ta akkaunt faoliyati to‘xtatilgan.

Reyd tadbirlari davomida jami 16 845 ta qo‘pol qoidabuzarlik aniqlangan. Qoidabuzarlar orasida 101 ta holatda voyaga yetmagan shaxslar ishtirok etgani qayd etilgan.

Bundan tashqari, avtomobillarga tyuning ishlarini amalga oshiruvchi avtoservis va ustaxonalar rahbarlari bilan profilaktik suhbatlar o‘tkazilgan.

Kechasi o‘tkazilgan nazorat tadbirlari davomida 75 ta holatda narkotik va psixotrop moddalar bilan bog‘liq holatlar, shuningdek 1 024 ta holatda o‘tkir kesuvchi buyumlarni noqonuniy olib yurish holatlari aniqlangan.

Ma’lum qilinishicha, yo‘llarda xavfli harakatlarning oldini olish va tartibni ta’minlashga qaratilgan bunday tadbirlar izchil davom ettiriladi.

Source link

Bekobod shahrida 11-sinf o‘quvchisining o‘limi bilan bog‘liq jinoyat ishi doirasida qo‘lga olinganlar soni 5 nafarga yetdi.

Toshkent viloyati Bekobod shahrida 11-sinf o‘quvchisining o‘limida jami 5 nafar o‘smir gumonlanib hibsga olindi.

Bosh prokuratura matbuot kotibi Hayot Shamsutdinov bergan ma’lumotlarga ko‘ra, bir necha voyaga yetmagan shaxs o‘rtasida kelib chiqqan og‘zaki janjal davomida ulardan biri oshxona pichog‘i bilan jabrlanuvchining o‘ng va chap ko‘krak qismlariga jarohat yetkazgan. Jabrlanuvchi tibbiyot muassasasiga olib borilgan bo‘lsa-da, ko‘rsatilgan tibbiy yordamga qaramasdan, vafot etgan.

Bosh prokuratura 11 mart kuni holat yuzasidan Jinoyat kodeksining 97-moddasi (Qasddan odam o‘ldirish) bilan jinoyat ishi qo‘zg‘atilgani va gumonlanayotgan voyaga yetmagan shaxs protsessual tartibda ushlanganini xabar qilgandi.

12 mart kuni berilgan qo‘shimcha ma’lumotda keltirilishicha, ish doirasida jami 5 nafar gumonlanuvchi voyaga yetmagan shaxsga nisbatan qamoqqa olish tarzidagi ehtiyot chorasi qo‘llangan. Hozirda tergov harakatlari davom etmoqda.

Shu yilning 5 mart kuni Bekobod shahridagi 12-maktabda 11-sinf o‘quvchisi bir necha o‘smirlar tomonidan kaltaklanib, pichoqlangan. Marhumning yaqinlari Kun.uz muxbiri bilan suhbatda ma’lum qilishicha, o‘quvchilar o‘rtasida nizo kelib chiqqanidan keyin boshqa maktab o‘quvchilari 5 kishi bo‘lib kelgan. Ularning 3 nafari shahardagi 3-maktabning, 2 nafari esa texnikum o‘quvchilari bo‘lgan. Ular jabrlanuvchiga ko‘pchilik bo‘lib hujum qilishgan va ko‘krak sohasiga pichoq bilan zarba berishgan.

Marhumning buvisi Gavhar Yo‘ldosheva aybdorlarning barchasiga chora ko‘rishni so‘ramoqda, o‘z navbatida, uning xonadoniga kelib, hol so‘ramagani uchun o‘smir yigitlarning oilalaridan norozi.

Source link

Ular Mersedes Benz mashinasini poytaxt ko‘chalarida 210 km/soat tezlikda boshqargan. Huquqbuzarlarga mayda bezorilik va ichki ishlar organlari xodimining qonuniy talablarini bajarmaslik bo‘yicha ma’muriy qamoq jazosi tayinlandi.

Toshkent shahrida mashinani migalka bilan katta tezlikda boshqargan shaxslar jazoga tortildi. Kun.uz sud qarori bilan tanishdi.

Sud hujjatiga ko‘ra, 30 yoshli Ismatillo Komiljonov 2 martdan 3 martga o‘tar kechasi Mersedes Benz mashinasini Toshkent shahri hududida 210 km/soat tezlikda boshqargan. So‘ngra ushbu holatni videotasvirga olib, Instagram’da e’lon qilgan.

25 yoshli Shahzod Ahmadjonov ham 9 mart kuni ushbu Mersedes Benz mashinasini ruxsati bo‘lmagan yoritish chiroqlari (migalka) bilan poytaxt ko‘chalarida yuqori tezlikda boshqargan. 

Shuningdek, ushbu shaxslar fuqaroning arizasiga asosan borgan ichki ishlar organlari xodimlarining qonuniy talablarini bajarishdan bosh tortib, qarshilik ko‘rsatgan.

Huquqbuzarlar sudda ayblariga qisman iqror bo‘lgan hamda jamoat tartibini buzish niyati bo‘lmaganini aytib, qilmishidan pushaymonlik bildirgan. 

Sud qarori bilan Ismatillo Komiljonov va Shahzod Ahmadjonov mayda bezorilik va ichki ishlar organlari xodimining qonuniy talablarini bajarmaslik huquqbuzarliklarini sodir etgan, deb topildi. Ularga 15 sutkadan ma’muriy qamoq jazosi tayinlandi.

Source link

Qo‘qonlik tabib Iqbol Soliyev Ozarboyjon poytaxti Bokudagi xususiy klinikalardan birida qo‘lga olindi. Uning “bioenergiya” orqali davolash seansini o‘tkazishga urinishi klinika oldida to‘plangan odamlar sabab politsiya aralashuvi bilan yakunlangan.

Ma’lum qilinishicha, hodisa Bokuda joylashgan Bİ ES VİP estetik klinikasida sodir bo‘lgan. Soliyevning qabul o‘tkazishi haqida xabar tarqalgach, bino oldiga seansga kirish istagida bo‘lgan ko‘plab odamlar to‘plangan. Natijada katta navbat va tartibsizlik yuzaga kelgan.

Ozarboyjon Ichki ishlar vazirligi matbuot xizmati ma’lumotiga ko‘ra, ommaviy to‘planish va taklif etilayotgan xizmatlar xususiyati huquq-tartibot idoralarining e’tiborini tortgan. Shundan so‘ng Iqbol Soliyev holatga oydinlik kiritish maqsadida ushlangan.

Soliyevning faoliyati avval ham O‘zbekistonda huquqni muhofaza qiluvchi organlar e’tiborida bo‘lgan. U litsenziyasiz xizmat ko‘rsatish bilan bog‘liq holatlar yuzasidan bir necha bor ma’muriy javobgarlikka tortilgan.

Xususan, Qo‘qon shahar IIB ma’lumotiga ko‘ra, unga O‘zbekiston xalq tabobati assotsiatsiyasi tomonidan berilgan hujjatlarning amal qilish muddati 2024 yil 21 dekabr kuni tugagan. Shunga qaramay, u faoliyatini davom ettirgan.

Shu yil boshida ham unga nisbatan tegishli ruxsatnomasiz xizmat ko‘rsatgani uchun jarima qo‘llangan. Keyinchalik esa ma’muriy modda asosida hujjatlar rasmiylashtirilib, ish sudga oshirilgan va 17 dekabr kuni unga nisbatan 10 sutka ma’muriy qamoq jazosi tayinlangan.

Source link