Siyosat
Germaniya o‘zbekistonlik arizachilar uchun viza rasmiylashtiruvidagi kechikishlarni tekshiradi
Germaniya Frankfurt Savdo-sanoat palatasining Xalqaro biznes bo‘yicha boshqaruvchi direktori doktor Yurgen Ratzinger raisligidagi yuqori darajadagi uchrashuvdan so‘ng O‘zbekiston fuqarolari uchun viza rasmiylashtiruvidagi tizimli kechikishlarni o‘rganadi.
Anjumanda Germaniyaning asosiy institutlari, Germaniyaning yirik obʼyektlari va sanoat xizmatlari konglomeratlaridan biri boʻlgan WISAG rahbarlari, Germaniya-Oʻzbekiston migratsiya agentligi faxriy vakili Grunora Salimova va vitse-konsul Bekzod Abdullaev ishtirok etdi.
Muhokamalarda asosiy eʼtibor kasbiy koʻnikmalar va nemis tilini jadal oʻqitishga alohida eʼtibor qaratgan holda, Oʻzbekistonning mahalliy ishchi kuchi nomzodlarini Germaniya mehnat bozorining aniq talablariga javob beradigan tarzda tayyorlash boʻyicha moslashtirilgan strategiyalarga qaratildi. WISAG prezidenti Neboisha Biskup nemis kompaniyalariga integratsiyalashgan o‘zbekistonlik xodimlarning yuqori kasbiy malakasi va ish joyidagi intizomni yuqori baholadi va kompaniyaning O‘zbekistonda ishga yollash faoliyatini kengaytirishdan katta manfaatdor ekanligini bildirdi.
Shu bilan birga, ishtirokchilar malakali mutaxassislarga kirish vizalarini rasmiylashtirish uchun talab qilinadigan uzoq muddat nemis ish beruvchilarining ishi va ishga qabul qilish jadvallariga salbiy ta’sir ko‘rsatuvchi katta to‘siq ekanligini ta’kidladilar. Ikki tomonlama jamoaviy bitim sur’atini saqlab qolish uchun O’zbekiston delegatsiyasi ushbu byurokratik tartib-qoidalarni tartibga solish bo’yicha zudlik bilan choralar ko’rishni taklif qildi.
Sessiya Oʻzbekiston hukumati nemis korporativ hamkorlariga nemis tilini mukammal darajada egallagan mahalliy malakali mutaxassislar toʻgʻrisida toʻliq maʼlumotlarni taqdim etishi toʻgʻrisidagi dastlabki kelishuv bilan yakunlandi. Buning evaziga Germaniya delegatsiyasi o‘zbekistonlik murojaat etuvchilar uchun viza kechikishiga sabab bo‘layotgan tizimli ma’muriy muammolar yuzasidan ichki tekshiruv o‘tkazish va rasmiylashtirish jarayonini tezlashtirish uchun amaliy yechimlarni baholashga va’da berdi.
Bugun, 25-sentyabr kuni O‘zbekiston Prezidenti Shavkat Mirziyoyev Xitoy Xalqaro madaniy kommunikatsiya markazi raisi Long Yuysyan va Gonkongning «JDB Group» kompaniyasi asoschisi Chan Xuntoni qabul qildi. Bu haqda Prezident matbuot xizmati xabar berdi.
Qayd etilishicha, O‘zbekiston bilan Xitoy o‘rtasidagi barcha sharoitlarda har tomonlama strategik sheriklik munosabatlarini yanada chuqurlashtirish va madaniy-gumanitar aloqalarni mustahkamlash masalalari ko‘rib chiqildi.
Markaz O‘zbekistonning Xitoy bilan ko‘p qirrali hamkorligini mustahkamlashga katta hissa qo‘shib kelayotgani qayd etildi. Birgalikda infratuzilmani rivojlantirish, investitsiyalar va «yashil» sanoat sohalarida qator loyihalar amalga oshirildi.
«JDB Group» kompaniyasining O‘zbekistondagi faoliyatining ustuvor yo‘nalishlari sifatida zamonaviy shahar, transport va sanoat infratuzilmasini rivojlantirish hamda geologiya sohasi belgilandi.
Uchrashuv yakunida mazkur kompaniya ishtirokida amalga oshirilayotgan va yangi loyihalarni jadallashtirish yuzasidan kelishuvga erishildi.
Siyosat
Saida Mirziyoyeva Diyene Keyta bilan demografik barqarorlik va inson kapitali bo‘yicha hamkorlikni muhokama qildi
O‘zbekiston Respublikasi Prezidenti Administratsiyasi rahbari Saida Mirziyoyeva BMT Bosh kotibi o‘rinbosari, BMT Aholishunoslik jamg‘armasi (UNFPA) ijrochi direktori Diyene Keyta bilan uchrashdi.
Muloqotda demografik barqarorlik, inson kapitali va aholi farovonligini ta’minlash bo‘yicha hamkorlikni yanada rivojlantirish masalalari muhokama qilindi.
Saida Mirziyoyeva O‘zbekistonning asosiy kapitali yosh avlod ekanini ta’kidladi. U demografik salohiyatni kelgusida dividend manbaiga aylantirish uchun inson, ayniqsa, ayollar va bolalarning salomatligi, ta’limi hamda xavfsizligiga investitsiya kiritish zarurligini bildirdi.
Saida Mirziyoyeva o‘zining Telegram kanalida demografik prognozlash tizimini yo‘lga qo‘yilayotganini ma’lum qildi. Shuningdek, «Demografik dividend — 2050» strategiyasini ishlab chiqish rejalashtirilayotganini aytdi.
Tomonlar demografik barqarorlikni faqat aholi soni bilan bog‘liq masala sifatida emas, balki ta’lim, sog‘liqni saqlash, bandlik, ijtimoiy himoya va oilalarni qo‘llab-quvvatlashni qamrab oladigan uzoq muddatli taraqqiyot masalasi sifatida ko‘rish zarurligini ta’kidladi.
Shuningdek, demografik ma’lumotlar va tahliliy prognozlar asosida qarorlar qabul qilish hamda inson kapitali va ijtimoiy xizmatlarga investitsiyalarni kuchaytirish bo‘yicha xalqaro hamkorlikni rivojlantirish masalalari muhokama qilindi.
Muloqotda aholining farovonligini oshirish va demografik jarayonlarni samarali boshqarishda ma’lumotlar hamda prognozlarning ahamiyatiga e’tibor qaratildi.
Prezident administratsiyasi rahbari Saida Mirziyoyeva Nyu-Yorkda «BlackRock» rahbariyati bilan uchrashdi.
Unda kompaniya prezidenti Robert Kapito, vitse-rais Tomas Donilon, «Global Infrastructure Partners» raisi va bosh ijrochi direktori Adebayo Ogunlesi, Moliyaviy va strategik investorlar guruhi global rahbari hamda kompaniyaning Yaqin Sharq mintaqasi bo‘yicha rahbari Charlz Hatami qatnashdi.
Muloqot davomida 2027-yilda Toshkent xalqaro moliya markazi faoliyatini yo‘lga qo‘yish masalasini muhokama qilindi. «BlackRock» ushbu Markaz konsepsiyasi va tuzilmasini ishlab chiqishda ko‘maklashmoqda.
AQSh ishbilarmon doiralari vakillari ishtirokidagi qo‘shma davra suhbatida O‘zbekiston hamda mintaqamizning yaqin o‘n yilliklarga mo‘ljallangan rivojlanish istiqbollari yuzasidan fikr almashildi.
O‘zbekiston yirik, samarali, sifatli sarmoyalar uchun yangi imkoniyatlar maydoniga aylanmoqda, dedi Saida Mirziyoyeva.
Mudofaa vaziriga ikki o‘rinbosar tayinlandi. Bu haqda vazirlik matbuot xizmati xabar berdi.
Jumladan, Prezidentning tegishli qaroriga muvofiq, polkovnik Zoidov Qahramonjon Obidjonovich O‘zbekiston mudofaa vazirining qurollanish va qurollantirish bo‘yicha o‘rinbosari lavozimiga tayinlandi.
Adliya polkovnigi Muratov Jahongir Dilshatovich vazirning komplayens va korrupsiyaga qarshi ichki nazorat bo‘yicha o‘rinbosari lavozimiga tayinlandi.
Prezident Shavkat Mirziyoyev Andijon viloyatiga tashrif buyuradi.
Ikki kunlik safar dasturidan hududning sanoat va investitsiya salohiyati, energetika, qishloq xo‘jaligi, transport, turizm va boshqa sohalardagi loyihalar bilan tanishish o‘rin olgan. Davlatimiz rahbari mahallalardagi bunyodkorlik ishlarini ham ko‘zdan kechiradi. Qator yangi quvvatlarni ishga tushirish va istiqbolli loyihalar qurilishini boshlash ko‘zda tutilgan.
Shuningdek, Andijon viloyatini yanada rivojlantirishning ustuvor yo‘nalishlari muhokamasiga bag‘ishlangan yig‘ilish bo‘lib o‘tadi.
