Siyosat
Germaniya O‘zbekiston bilan agrar sohada hamkorlikni kengaytirmoqchi
Germaniya Federativ Respublikasi O‘zbekiston Respublikasi bilan turli sohalar qatori qishloq xo‘jaligi jabhasida ham hamkorlikni kengaytirish hamda mustahkamlash niyatida. Germaniya Bundestagining Qishloq xo‘jaligi, oziq-ovqat va vatan masalalari bo‘yicha qo‘mitasi raisi Hermann Ferber boshchiligidagi delegatsiyaning joriy yil 20-24 oktyabr kunlari O‘zbekistonga tashrifi mobaynida ayni shu istak bir necha bor ta’kidlandi.
Germaniya elchixonasi matbuot xizmati xabariga ko‘ra, tashrif chog‘ida asosiy e’tibor O‘zbekiston taraqqiyoti uchun muhim soha bo‘lmish qishloq xo‘jaligi va uni iqlim o‘zgarishi kabi dolzarb chaqiruvlar asosida transformatsiyasiga qaratildi.
Olmon delegatsiyasi Toshkentda O‘zbekiston qishloq xo‘jaligi vaziri Ibrohim Abdurahmonov hamda Oliy Majlis Qonunchilik palatasi va Senati qo‘mitalari vakillari, O‘zbekiston fermerlari kengashi, Akademik Mahmud Mirzayev nomidagi Bog‘dorchilik, uzumchilik va vinochilik ilmiy-tadqiqot instituti vakillari bilan fikr almashdi.
Oliy Majlis Qonunchilik palatasi matbuot xizmati xabar berishicha, quyi palatadagi uchrashuvda mehmonlarga «O‘zbekiston – 2030» strategiyasi, O‘zbekiston Respublikasi qishloq xo‘jaligini rivojlantirishning 2020 –2030 yillarga mo‘ljallangan strategiyasi, O‘zbekiston Respublikasi suv xo‘jaligini rivojlantirishning 2020 – 2030 yillarga mo‘ljallangan konsepsiyasi doirasida amalga oshirilayotgan islohotlar haqida batafsil ma’lumot berildi.
«Germaniya O‘zbekistonni Markaziy Osiyodagi ishonchli strategik hamkor sifatida tan oladi. Davlatlarimiz o‘rtasidagi munosabatlar barcha yo‘nalishlarda jadal rivojlanmoqda. O‘zbekistonda bo‘layotgan o‘zgarishlar, ayniqsa, qishloq xo‘jaligi sohasidagi islohotlar bizda katta taassurot qoldirdi. Bunday uchrashuvlar o‘zaro tajriba almashish va cho‘llanishdan tortib, oziq-ovqat barqarorligigacha bo‘lgan global muammolarga birgalikda yechim topish imkonini beradi»,– degan Bundestag qo‘mita raisi Hermann Ferber.
Bundan tashqari, delegatsiya ikki kun davomida Qoraqalpog‘iston Respublikasiga tashrif buyurib, qishloq xo‘jaligi va baliqchilik sohalari bilan, xususan, Orol dengizining qurishi bilan bog‘liq suv tanqisligi muammosi bilan yaqindan tanishgan.
Germaniya xalqaro hamkorlik jamiyati (GIZ) Orolbo‘yi xalqaro innovatsiyalar markazi va Nukusdagi Qishloq xo‘jaligi instituti bilan ko‘p yillardan beri hamkorlik qilib keladi va Qoraqalpog‘istonni iqtisodiy rivojlanish, sog‘liqni saqlash, ta’lim va iqlim o‘zgarishiga moslashish kabi sohalarda turli loyihalar bilan qo‘llab-quvvatlaydi.
«Germaniya parlamenti a’zolarining O‘zbekistonga tashrifi va ularning o‘zbekistonlik hamkorlar bilan o‘zaro fikr almashishi har ikki tomon uchun juda qadrlidir. Biz bir-birimizdan o‘rganishimiz va qishloq xo‘jaligi sohasida qo‘shma loyihalarni yanada ilgari surishimiz mumkin», – degan Germaniyaning yurtimizdagi elchisi Manfred Huterer.
Germaniya ko‘plab sohalar qatori ekologiya, iqlim o‘zgarishi oqibatlarini bartaraf etish kabi yo‘nalishlarda ham O‘zbekiston bilan faol hamkorlik qilmoqda.
2022 yilda O‘zbekiston ekologiya tizimi rahbariyati hamda Germaniya xalqaro hamkorlik jamiyati o‘rtasida bitim imzolangan. 10 million yevrolik loyiha doirasida Markaziy Osiyoda iqlim o‘zgarishi xavflarini boshqarish, kadrlar salohiyatini institutsional rivojlantirish, mintaqada iqlim muammolari bo‘yicha muloqotni yo‘lga qo‘yish va o‘zaro transchegaraviy hamkorlikni mustahkamlash ko‘zda tutilgan.
Germaniya ajratgan ko‘p million yevrolik ko‘mak vositasida Orolbo‘yi mintaqasida ham qishloqlarni rivojlantirish, iqlim o‘zgarishiga moslashish, Orol dengizining qurigan tubida biologik xilma-xillikni tiklash, oziq-ovqat xavfsizligini ta’minlash, sog‘liqni saqlash tizimini yaxshilash kabi yo‘nalishlarda qo‘shma dasturlar amalga oshirilmoqda.
TIV rahbari Baxtiyor Saidov Eron Islom Respublikasi tashqi ishlar vaziri Sayyid Abbos Aroqchi bilan telefon orqali muloqot o‘tkazdi.
Suhbat davomida Yaqin Sharqdagi ziddiyatni yakunlashga qaratilgan kelishuvlarni amalga oshirish jarayonining so‘nggi bosqichlari yuzasidan ma’lumot olingan hamda mintaqadagi mavjud vaziyat yuzasidan fikr almashildi.
O‘zbekistonning mintaqadagi keskinlikni yumshatishga qaratilgan diplomatik sa’y-harakatlarni izchil qo‘llab-quvvatlashini yana bir bor ta’kidlab, muloqotni davom ettirish va erishilgan kelishuvlarni izchil amalga oshirish muhimligini qayd etildi.
«Shuningdek, O‘zbekiston–Eron munosabatlarini yanada mustahkamlash masalalarini muhokama qilib, o‘zaro manfaatli yo‘nalishlar bo‘yicha yaqin muloqotni davom ettirishga kelishib oldik», deya ta’kidlaydi Saidov.
Prezident Shavkat Mirziyoyev 25-iyun kuni AQSh Savdo vakili Jeymison Greerni qabul qildi va ikki mamlakat o‘rtasidagi strategik sheriklikni chuqurlashtirish, iqtisodiy va savdo aloqalarini kengaytirishga alohida e’tibor qaratdi.
Foto: Prezident matbuot xizmati
Uchrashuv avvalida AQSH delegatsiyasi rahbari Shavkat Mirziyoyevga AQSh Prezidenti Donald Trampning samimiy salomi va tabriklarini yetkazdi.
Muhokamalarda asosiy e’tibor o‘zaro savdo va sarmoyalarning barqaror o‘sishiga qaratildi, har ikki tomon ham ishbilarmonlar o‘rtasidagi qoniqarli aloqalar ko‘payib borayotganini ta’kidladilar. Davlat rahbarlari Toshkent xalqaro investitsiya forumi doirasida yaqinda AQSH ishbilarmonlari bilan oʻtkazilgan davra suhbatlarining amaliy natijalarini koʻrib chiqdilar.
Muzokaralarda asosiy e’tibor O‘zbekistonning Jahon savdo tashkilotiga (JST) a’zo bo‘lish jarayoniga qaratildi. Prezident Mirziyoyev va Amerika Qoʻshma Shtatlari Savdo vakili idorasi mamlakatning Jahon savdo tashkilotiga aʼzo boʻlishini ragʻbatlantirishda Qoʻshma Shtatlarning doimiy qoʻllab-quvvatlashi va hamkorligini muhokama qildi.
Shuningdek, tomonlar Amerika-O‘zbekiston biznes va sarmoyaviy kengash imkoniyatlaridan to‘liq foydalanish muhimligini ta’kidladilar. Bu mexanizm endilikda Amerika kompaniyalari va Oʻzbekiston hamkorlari oʻrtasida yangi loyiha tashabbuslarini aniqlash, ishlab chiqish va ilgari surish uchun asosiy platforma boʻlib xizmat qiladi.
O‘zbekiston Respublikasi Prezidenti Shavkat Mirziyoyev 25-iyun kuni Buyuk Britaniyaning sobiq Bosh vaziri, Global o‘zgarishlar instituti raisi Toni Blerni qabul qildi.
Mamlakatimizda amalga oshirilayotgan islohotlarni ekspertlik jihatidan qo‘llab-quvvatlash maqsadida Global o‘zgarishlar instituti bilan amaliy hamkorlikni yanada rivojlantirish masalalari ko‘rib chiqildi.
Toni Bler Yangi O‘zbekistondagi izchil va keng ko‘lamli transformatsiya jarayonlariga yuksak baho berdi. Yaqinda bo‘lib o‘tgan Toshkent xalqaro investitsiya forumi yurtimiz investitsiyaviy jozibadorligini mustahkamlash, ishbilarmonlik aloqalarini rivojlantirish va istiqbolli tashabbuslarni ilgari surish uchun samarali xalqaro maydon bo‘lgani e’tirof etildi.
Iqtisodiyotning muhim tarmoqlarida qo‘shma loyihalarni amalga oshirish, yetakchi xalqaro texnologik kompaniyalar va yirik strategik investorlarni jalb etish hamda raqamli transformatsiya jarayonlarini jadallashtirish, jumladan, ilg‘or innovatsion yechimlarni joriy qilish kelgusidagi hamkorlikning ustuvor yo‘nalishlari sifatida belgilandi.
O‘zbekiston Respublikasi Prezidenti Shavkat Mirziyoyev va Qozog‘iston Respublikasi Prezidenti Qosim-Jo‘mart To‘qayev 24-iyun kuni bo‘lib o‘tgan telefon orqali muloqotda O‘zbekiston – Qozog‘iston strategik sheriklik va ittifoqchilik munosabatlarini yanada mustahkamlash muhim ekanini ta’kidladilar.
Amaliy hamkorlik, eng avvalo, savdo, sanoat kooperatsiyasi, energetika, transport, ekologiya, qishloq va suv xo‘jaligi sohalarida yuqori sur’at bilan rivojlanayotgani mamnuniyat bilan qayd etildi.
Barcha darajadagi faol almashinuvlar alohida e’tirof qilindi. Yetakchilar ikki mamlakat Prezidentlari Administratsiyalari o‘rtasida erishilgan kelishuvlarni o‘z vaqtida amalga oshirish hamda sheriklik kun tartibini yangi loyiha va tashabbuslar bilan boyitishga xizmat qilayotgan yaqin hamkorlik yo‘lga qo‘yilganini olqishladilar.
O‘zbekiston va Qozog‘iston yetakchilari mintaqaviy siyosatning dolzarb masalalari yuzasidan ham fikr almashib, bo‘lajak ikki va ko‘p tomonlama tadbirlar rejasini ko‘rib chiqdilar.
Bugun Prezident Shavkat Mirziyoyev Namangan viloyatiga tashrif buyuradi.
Davlat rahbari joylarda olib borilayotgan bunyodkorlik ishlari hamda turli sohalarda amalga oshirilayotgan loyihalar va joriy qilingan ilg‘or yechimlar bilan tanishadi.
Shuningdek, Xalqaro maqom festivalining ochilish marosimida ishtirok etishi rejalashtirilgan.
O‘zbekistonning 24 universiteti xalqaro reytingga kirdi
o‘zbek futbolchisi «Chelsi» egalariga tavsiya qilindi
Yaponiyada noqonuniy yashab kelgan O‘zbekiston fuqarosi deportatsiya qilindi
-
Sport4 days ago🔴 LIVE: AQSh-Eron muzokaralari va Starmer iste’fosi
-
Siyosat5 days ago
O‘zbekiston uchun nimalar muhim? (video)
-
Iqtisodiyot5 days ago
Octobank xalqaro hamkorlikni va global kapital bozorlariga kirishni kengaytirmoqda: TXIF-2026 natijalari
-
Jamiyat3 days ago«Andijon polkasi» tadbiriga ketayotgan o‘quvchilar YTHga uchradi
-
Sport2 days agoYaponiya futbolining buyuk sabog‘i: mag‘lubiyatdan to‘g‘ri xulosa chiqarish
-
Iqtisodiyot4 days ago1 iyuldan pensiya va nafaqalar, 1 sentabrdan oyliklar oshadi
-
Jamiyat1 day agoVatanparvar jurnalistlarni o‘zimga do‘st va maslakdosh deb bilaman
-
Sport4 days agoEldor Shomurodov muxlislardan uzr so‘radi