Dunyodan
G’azo sektorida 10 falastinlik halok bo’ldi
Falastinliklar Isroil havo hujumlari natijasida 10 dan ortiq g’azolik halok bo’lganini xabar qildi.
Yakshanba kuni Isroil G‘azo sektoriga havo hujumlari uyushtirdi, natijada kamida 11 falastinlik halok bo‘ldi, deydi Falastin rasmiylari. Reuters xabariga ko‘ra, Isroil harbiylari hujumni XAMASning o‘t ochishni to‘xtatish rejimini buzgani uchun o‘ch deb baholagan.
Falastinlik tibbiyot xodimlarining aytishicha, chodir lageriga uyushtirilgan havo hujumida 4 kishi, G‘azo sektori janubidagi Xon Yunis shahridagi hujumda besh kishi, G‘azo sektori shimolida yana bir kishi otib o‘ldirilgan. Havo hujumlarida G‘azo shahridagi “Islomiy jihod” qo‘mondonlari ham nishonga olingan.
Hamas so‘zlovchisi Hazem Qosim bu sulhning jiddiy buzilishi, AQSh prezidenti Donald Trampning G‘azo sektori kelajagini muhokama qilishi rejalashtirilgan Tinchlik kengashining birinchi yig‘ilishidan bir necha kun oldin dedi. Isroillik harbiy rasmiylar esa, hujumlar “aniq” va xalqaro qonunlarga muvofiq ekanini ta’kidlab, XAMAS oktyabrda o’t ochishni to’xtatish kelishuvini bir necha bor buzganini ta’kidladi.
Urush 2023-yil 7-oktabrda, XAMAS Isroil janubiga hujum qilib, 1200 dan ortiq odamni o‘ldirganida boshlangan. HAMAS nazoratidagi Sogʻliqni saqlash vazirligi maʼlumotlariga koʻra, Gʻazo sektorida 72 mingdan ortiq odam halok boʻlgan.