Prezident Shavkat Mirziyoyev va AQSh savdo vaziri Hovard Latnik o‘rtasidagi uchrashuvda qishloq xo‘jaligi sohasidagi hamkorlikka alohida e’tibor qaratildi. Ma’lum qilinishicha, AQShdan soya va paxta yetkazib berish, shuningdek, Amerikaning ilg‘or tomchilatib sug‘orish texnologiyalarini joriy etish bo‘yicha dastlabki shartnomalar imzolangan.

Foto: Prezident matbuot xizmati

O‘zbekiston prezidenti Shavkat Mirziyoyev Vashingtonda Amerika Qo‘shma Shtatlari savdo vaziri Hovard Latnik bilan muzokara o‘tkazdi.

O‘zbekiston bilan AQSh o‘rtasidagi strategik sheriklik munosabatlarini yanada mustahkamlash, savdo va investitsiyaviy hamkorlikni faollashtirish, iqtisodiyotning turli tarmoqlarida qo‘shma loyihalarni amalga oshirish masalalari ko‘rib chiqildi.

Prezident matbuot xizmatiga ko‘ra, keyingi yillarda tovar ayirboshlash hajmi 4 barobar ko‘payib, qariyb 1 milliard dollarga yetgan. O‘zbekistonda AQShning 300 dan ortiq kompaniyasi faoliyat yuritmoqda. Sanoat, qishloq xo‘jaligi, energetika va innovatsiya sohalarida qator yirik kooperatsiya loyihalari amalga oshirilmoqda.

Savdo aloqalarini mustahkamlash, hududlararo hamkorlikning samarali mexanizmlarini yaratish, shuningdek, Muvofiqlashtiruvchi kengash ta’sis etishdan ikki tomon ham manfaatdor ekani ta’kidlandi.

Qishloq xo‘jaligi sohasidagi hamkorlik masalalariga alohida e’tibor qaratildi. AQShdan soya va paxta yetkazib berish, shuningdek, Amerikaning ilg‘or tomchilatib sug‘orish texnologiyalarini joriy etish bo‘yicha dastlabki shartnomalar tuzilgan.

Muzokaralar yakunida qo‘shma loyihalarni qo‘llab-quvvatlash uchun investitsiya platformasini yaratish orqali amaliy hamkorlikni faollashtirishga kelishib olindi.

Source link

O‘zbekiston Respublikasi Prezidenti Shavkat Mirziyoyev Vashington shahriga amaliy tashrifining ishbilarmonlik dasturi doirasida “General Motors International” kompaniyasining global ijrochi direktori Shilpan Aminni qabul qildi. 

Ushbu korporatsiya bilan uzoq muddatli hamkorlikni yanada kengaytirish masalalari ko‘rib chiqildi. “General Motors International” kompaniyasining mamlakatimiz avtomobil sanoatini rivojlantirish va diversifikatsiya qilishdagi muhim o‘rni qayd etildi. 

So‘nggi 5 yil ichida kompaniya tomonidan 1,6 million dona avtomobil ishlab chiqarildi, O‘zbekiston “Chevrolet” brendi uchun AQShdan keyin ikkinchi yirik bozorga hamda Markaziy Osiyo va MDH bozorlarida sotuvlar bo‘yicha yetakchiga aylandi. 

Ishlab chiqarish kooperatsiyasini yanada rivojlantirish, mahsulotlar turini kengaytirish va mahalliylashtirishni chuqurlashtirishga alohida e’tibor qaratildi. 

Zamonaviy mashinasozlikda talab yuqori bo‘lgan yangi texnologiyalar va xomashyo resurslari sohasida qo‘shma loyihalarni amalga oshirish istiqbollari muhokama qilindi.

Source link

O‘zbekiston Prezidenti Shavkat Mirziyoyev Vashington shahriga tashrifining ishbilarmonlik dasturi doirasida 6 noyabr kuni AQSh Xalqaro moliyaviy taraqqiyot korporatsiyasi (DFC) bosh direktori Ben Blekni qabul qildi. 

DFC – AQShning milliy rivojlanish instituti bo‘lib, rivojlanayotgan mamlakatlarda infratuzilma va sanoat loyihalarini amalga oshirish uchun xususiy kapitalni safarbar qilish bilan shug‘ullanadi. 

Uchrashuvda oliy darajadagi faol muloqotlar va savdo-investitsiyaviy hamkorlik kengayib borayotgani mamnuniyat bilan qayd etildi. Energetika, muhim minerallar, moliya, transport, qishloq xo‘jaligi va AT sohalarida yirik qo‘shma tashabbuslar ishlab chiqilmoqda. 

Amaliy sheriklikni chuqurlashtirishga alohida e’tibor qaratildi. Ustuvor loyihalarni moliyalashtirish uchun qo‘shma investitsiya platformasini yaratishni jadallashtirish, kichik biznesni qo‘llab-quvvatlash, shuningdek, Toshkent shahrida korporatsiyaning mintaqaviy ofisini ochish bo‘yicha aniq chora-tadbirlar ko‘rib chiqildi. 

Davlatimiz rahbari korporatsiyaning infratuzilma loyihalarini amalga oshirishda davlat-xususiy sheriklik asosida ishtirok etishi muhimligini ta’kidladi.

Source link

Don va dukkakli don ekinlari yetishtirishda qaysi hudud yetakchi hududlar e’lon qilindi.

Milliy statistika qo‘mitasining dastlabki ma’lumotlariga ko‘ra, 2025-yilning yanvar–sentyabr oylarida respublikadagi barcha toifadagi xo‘jaliklar tomonidan 8,4 mln tonna don va dukkakli don ekinlari yetishtirilgan.

Bu ko‘rsatkich 2024 yilning mos davriga nisbatan 11,2 foizga o‘sgan.

Hududlar kesimida yetishtirilgan don va dukkakli don ekinlari hajmi quyidagicha:

Qoraqalpog‘iston Respublikasi – 255 146 tonna

Andijon viloyati – 655 594 tonna

Buxoro viloyati – 632 399 tonna

Jizzax viloyati – 709 198 tonna

Qashqadaryo viloyati – 880 946 tonna

Navoiy viloyati – 285 428 tonna

Namangan viloyati – 629 974 tonna

Samarqand viloyati – 859 133 tonna

Surxondaryo viloyati – 826 549 tonna

Sirdaryo viloyati – 534 560 tonna

Toshkent viloyati – 603 807 tonna

Farg‘ona viloyati – 956 263 tonna

Xorazm viloyati – 577 818 tonna. 

 Avval 9 oyda 9,9 mln tonna sabzavot yetishtirilgani ma’lum qilingandi. 

Source link

Oliy Majlis Qonunchilik palatasining Tadbirkorlik, raqobatni rivojlantirish va sanoat masalalari qo‘mitasi Ekologik partiya fraksiyasi bilan hamkorlikda o‘tkazgan yig‘ilishda vodorod texnologiyalarini joriy etish istiqbollari, iqtisodiyotni energiya resurslari bilan ishonchli ta’minlash va energiya samaradorligini oshirish masalalari muhokama etildi.

Yig‘ilishda deputatlar, vazirlik va idoralar, ilmiy muassasalar va ekspertlar hamjamiyati, jamoat tashkilotlari hamda OAV vakillari ishtirok etdi. Ta’kidlanishicha, iqlim o‘zgarishi va ifloslanish sharoitida qayta tiklanuvchi manbalardan foydalanish hamda ekologik toza yoqilg‘ilarga o‘tish dolzarb ahamiyat kasb etmoqda.

Qayd etilishicha, vodorod yonilg‘isi yonishi natijasida asosan suv bug‘i hosil bo‘ladi va u organik yonilg‘ilarga nisbatan yuqori energiya sig‘imiga ega. Taklif-tavsiyalarda “yashil” vodorodni sanoat miqyosida ishlab chiqarishni tartibga soluvchi hujjatlarni amaliyotga izchil joriy etish zarurligi bildirildi.

Yig‘ilish doirasida quyosh va shamol manbalaridan olinadigan elektr energiyasida ishlaydigan, vodorod texnologiyasi tizimlari bilan uyg‘unlashgan gibrid avtonom-texnik majmua taqdimoti o‘tkazildi. Ushbu yechim energetika tizimi barqarorligi va samaradorligini oshirishga xizmat qilishi ta’kidlandi.

Deputatlar vodorod energetikasi yo‘nalishida ilmiy ishlanmalarni amaliyotga jadal tatbiq etish, energiya xavfsizligini mustahkamlash va jamoatchilik xabardorligini oshirish muhim ekanini qayd etdi. Yakunda davlat organlari, ilmiy-tadqiqot muassasalari va olimlar o‘rtasida hamkorlikni kuchaytirishga doir tavsiyalar ishlab chiqildi.

Source link