Jamiyat
Dubayning madaniy maskanlari bo‘ylab sayohat: tarix, san’at va ilhom
Dubay — o‘zbekistonlik sayyohlar, ayniqsa, mazmunli sayohatni qadrlaydigan oilalar uchun katta talabga ega bo‘lgan yo‘nalishlardan biri. Bu yerda dengiz bo‘yida dam olishni madaniy tadbirlar bilan birlashtirish, ya’ni tarixiy mavzelar bo‘ylab sayr qilish, badaviylarning an’analari bilan tanishish, muzeylar va art-maskanlarga tashrif buyurish, turli mamlakatlarning taomlarini tatib ko‘rish mumkin. Bu yo‘nalish O‘zbekiston fuqarolariga Dubayni yangi tomondan kashf qilish – tarix, san’at va gastronomiya qanday qilib bolalar uchun ham, kattalar uchun ham qiziqarli bo‘lgan noyob muhitni yaratishini ko‘rish imkonini beradi.
Yo‘nalish boshi: Dubay tarixiga nazar
Shaharning madaniy merosi bilan dastlabki tanishuvni Al Faxidiy – Dubayning qadimiy mavzesidan boshlang. Bu yerda XX asr boshining muhiti saqlanib qolgan. Tor ko‘chalar, marjon toshlardan qurilgan uylar va an’anaviy shamol minoralari sizni osmono‘par binolargacha bo‘lgan davrga olib o‘tadi. Bu yerda muzeylar, hunarmandchilik ustaxonalari va badiiy galereyalar siz uchun muntazir.
Shu yerdan an’anaviy abra qayig‘ida Dubay-Krik ko‘rfazi orqali qisqa, ammo bir umr esda qoladigan sayohatga chiqing. Bolalar uchun u haqiqiy sarguzashtga aylanadi, kattalar uchun esa – shaharni o‘zgacha rakursdan tomosha qilish imkonini beradi.
Qarama-qarshi qirg‘oqda Al-Sif sohilbo‘yi ko‘chasi joylashgan, bu yerda qadimiy me’morchilik zamonaviy dizayn bilan uyg‘unlashib ketgan. Ko‘cha bo‘ylab shunchaki sayr qilish, qo‘lda yasalgan buyumlar sotiladigan kichik do‘konchalarga kirish, shinam qahvaxonalarda mahalliy noz-ne’matlardan tatib ko‘rish yoki dengiz manzarasidan bahra olish mumkin.
Ushbu mavzeda Shayx Muhammadning Madaniy o‘zaro anglashuv markazi (SMCCU) alohida o‘rin tutadi. Bu odamlar orasidagi stereotiplar BAA madaniyati to‘g‘risidagi haqiqiy bilimlarga almashadigan makon. Bu yerda mehmonlar gilam ustida o‘tirib, milliy taomlarni tanovul qiladigan, din, odatlar va kundalik turmush haqida istalgan savolni berishlari mumkin bo‘lgan an’anaviy amirlik nonushtalari va kechki ovqatlar tashkil qilinadi. Gidlar mamlakat tarixi, oilaning roli, hunarmandchilik va mehmondo‘stlik haqida so‘zlab berishadi, o‘zaro ishonch muhiti esa bunday uchrashuvlarni yanada samimiyroq darajaga ko‘taradi.
O‘tmishdan kelajakka: mamlakatning interfaol tarixi
Birlashgan Arab Amirliklari qanday shakllanganini yaxshiroq bilib olish uchun Etixad Muzeyiga tashrif buyuring. Bino o‘ralgan qo‘lyozma shaklida qurilgan bo‘lib, u amirliklarning 1971 yilda imzolangan ittifoqini anglatadi.
Muzey ichkarisida sizni birlashishdan avvalgi davrlardan tortib, mustaqillik va shiddat bilan rivojlanish davrigacha bo‘lgan mamlakat tarixi bo‘ylab qiziqarli sayohat kutadi. Ekspozitsiyalar noyob hujjatlar va fotosuratlarni, multimedia installyatsiyalarni, interfaol stendlar va, hatto, muhim muzokaralar o‘tkazilgan zallar rekonstruksiyasini ham o‘z ichiga olgan.
Etixad Muzeyi nafaqat o‘tmishdan so‘zlaydi, balki qizg‘in iqtisodiy o‘sish sharoitlarida amirliklarning madaniyati va qadriyatlari qay tarzda saqlanib qolganini ham anglash imkonini beradi.
Zamonaviy san’at va kreativ makonlar
Alserkal Avenue — mustaqil Dubay san’atining yuragi
Al-Kuoz sanoat mavzesida bir paytlar omborxona vazifasini o‘tagan qurilmalar hozir gavjum zamonaviy san’at markaziga aylangan. Alserkal Avenue — uni Yaqin Sharq “Soxo”si desa ham bo‘ladi. Unda jahon darajasidagi galereyalar, art-rezidensiyalar, mustaqil teatrlar, dizaynerlik studiyalari, kreativ qahvaxonalar va lektoriylar joylashgan. Bu yerda ko‘rgazmalar, kinonamoyishlar, performanslar, ma’ruzalar va mahorat darslari o‘tkaziladi.
Bahorda Alserkal Art Week doirasida 15 dan ortiq galereya yangi ekspozitsiyalarni taqdim etadi, pablik-toklar va ochiq studiyalar tashkil qilinadi, rassomlar esa o‘z muxlislari bilan norasmiy muhitda uchrashish imkoniga ega bo‘ladi.
The Third Line, ya’ni arab dunyosi rassomlarini taqdim etuvchi Yaqin Sharqdagi mashhur galereyalardan biri, alohida e’tiborga loyiq. Cinema Akil kinoteatrida esa artxaus janridagi filmlarni tomosha qilish va ularni kinotanqidchilar bilan birga muhokama qilish imkoniyati mavjud.
XVA Gallery — san’atda aksini topgan tarix
Al Faxidiy mavzesining qoq yuragida XVA Gallery – an’anaviy arab uyida joylashgan zamonaviy san’at galereyasi faoliyat ko‘rsatadi. Bu yerda ko‘rgazma zallari, butik-mehmonxona, qahvaxona va madaniy markaz bir-biri bilan uyg‘unlashib ketgan. Sokin va shinam muhit kishini sehrlaydi: jimjit ichki hovlilar, yog‘och eshiklar, toqili shiftlar…
Ekspozitsiyalar Yaqin Sharq, Shimoliy Afrika va Janubiy Osiyo mamlakatlari rassomlarining asarlaridan tashkil topgan bo‘lib, ularda san’at orqali o‘zlik, urbanizatsiya va xotira mavzulari o‘zgacha talqinda berilgan. XVA galereyasi xalqaro art-yarmarkalarda, shu jumladan Art Dubai tadbirida ham faol ishtirok etadi va mahalliy art-sahnalar rivojiga ko‘maklashadi.
Jameel Ars Centre — g‘oyalar makoni
Jaddaf Waterfront sohilbo‘yi ko‘chasida o‘ta zamonaviy Jameel Ars Centre binosi qad rostlagan. Bu ko‘plab ko‘rgazma zallarga, o‘z kutubxonasiga, ustaxonalari va haykallar bog‘iga ega madaniyat majmuasi. Bu yerda bolalar va o‘smirlar uchun muntazam ravishda interfaol loyihalar faoliyat ko‘rsatadi, ko‘chma ko‘rgazmalar va zamonaviy san’at mavzusidagi ma’ruzalar tashkil qilinadi.
Global madaniy muhit: hunarmandchilikdan gastronomiyagacha
Oktabr oyidan Global Village xalqaro yarmarkasining yangi mavsumi boshlanadi, u Dubayning eng yorqin hodisalaridan biri. Bu shahar ichidagi kichik “shahar” bo‘lib, undan o‘rin oladigan o‘nlab mamlakatlarning pavilonlari o‘z an’analari, milliy taomlari, raqslari va hunarmandchilik namunalarini taqdim etadi. Mehmonlar bir kechaning o‘zida turk shirinliklaridan tatib ko‘rishlari, hind raqslarini tomosha qilishlari, afrika taqinchoqlarini xarid qilishlari va Yevropa qal’alari fonida suratga tushishlari mumkin. Bolalar uchun attraksionlar va o‘yin zonalari ishlaydi, butun oila uchun esa kechki shoular va konsertlar tashkil qilinadi.
Sahro: ibtidoga nazar
Sahro — bu nafaqat Amirliklarning ramzi, balki ularning madaniyatini tushunishga yordam beradigan o‘ziga xos “kalit” hamdir. Mahalliy an’analar haqida tasavvur hosil qilishni istasangiz, masalan, Platinum Heritage kompaniyasi bilan safarga chiqing. Sizni tuyalarda sayr, yangi qaynatilgan arab qahvasi, xattotlik saboqlari, badaviylarning hayot tarzi haqidagi hikoyalar, an’anaviy raqslar va musiqa bilan birga yulduzli osmon ostida tashkil qilinadigan kechki ovqat kutadi. Astronomiya “darsi” esa unutilmas taassurot qoldirishi shubhasiz, unda siz asrlar davomida ko‘chmanchilar sahroda qanday qilib yulduzlarga qarab yo‘l topganini bilib olasiz.
Bunday format barcha yoshdagi sayohatchilarga mos keladi va oila a’zolaringiz doim eslab yuradigan unutilmas xotiralarni sovg‘a qiladi.
E’tiborga molik madaniy tadbirlar
Heritage Week — madaniy va tarixiy merosga bag‘ishlangan festival, unda turli mahorat darslari, raqslar, hunarmandchilik yarmarkalari va folklor chiqishlar ko‘zda tutilgan.
ARTE Dubai — mualliflik buyumlari bozori, unda mahoratli ustalar o‘zlari yaratgan zargarlik buyumlari va taqinchoqlarni, suratlarni, to‘qimachilik va sopol buyumlarni sotishadi.
Ko‘chma ko‘rgazmalar — muzeylarda, Alserkal Avenue mavzesi va Jameel Ars Centre markazida muntazam ravishda madaniyat, dizayn va arxitekturaga bag‘ishlangan ekspozitsiyalar tashkil qilinadi.
Ramazon — maxsus tadbirlar, tungi bozorlar va bayram iftorliklari davri.
Nega aynan hozir borgan ma’qul?
Dubay an’analar va zamonaviylik o‘zaro uyg‘unlashib ketgan hududni yaratgan holda, madaniy va oilaviy turizmni faol rivojlantirmoqda. Endi bu shunchaki dengiz sohilida kechadigan hordiq emas, balki kattalarni ham, bolalarni ham ilhomlantira oladigan tarix, san’at, hunarmandchilik va gastronomiya olamiga sayohat hamdir.
Reklama huquqi asosida
Voqea guvohiga ko‘ra, ko‘p qavatli uyning 1-qavatidagi savdo do‘konlaridan birida asosiy ustun olib tashlangan. Shu sababli uy qulash holatiga kelgan.
Sirdaryo viloyatining Guliston shahridagi ko‘p qavatli uylardan birida qulash xavfi yuzaga keldi. Bu haqda Kun.uz manbasi xabar berdi.
Ma’lum bo‘lishicha, Guliston shahri Bog‘ishamol mahallasidagi 8-uyda yashovchilar 1 aprel kuni tushdan keyin tezkor ravishda evakuatsiya qilingan. Bunga ko‘p qavatli uyda qulash xavfi yuzaga kelgani sabab bo‘lgan.
Voqea guvohlaridan birining Kun.uz’ga ma’lum qilishicha, ushbu ko‘p qavatli uyning 1-qavati savdo va xizmat ko‘rsatish maskanlariga aylantirilgan.
“Do‘konlardan birining egasi tegishli tashkilotlar ruxsatisiz asosiy ustunni olib tashlabdi. Shu sababli, “dom” qulash holatiga kelgan. Hozir hech kim yashamayapti. Qurbi yetganlar ijaraga uy olishgan, yetmaganlarni esa yotoqxonalarga joylashtirishgan”, deydi u.
Sirdaryo viloyati hokimligi matbuot xizmati holatni Kun.uz’ga tasdiqladi. Uning bildirishicha, tekshirilib, xulosa olingunicha ehtiyot chorasi sifatida odamlar evakuatsiya qilingan. Hokimlik vakiliga ko‘ra, holat o‘rganilyapti, uyni ta’mirlash yoki boshqa qurib berish masalasi ko‘rilmoqda.
Poytaxtdagi yana bir yashil hududdagi daraxtlar va bolalar maydonchasi xavf ostida qolgan. Yakkasaroy tumanidagi Yunus Rajabiy mahallasi aholisi 3,5 yildan beri ularni saqlab qolish uchun kurashmoqda. Bu yerda maishiy kompleks qurilishi rejalashtirilgan.
Yakkasaroydagi Yunus Rajabiy mahallasi aholisi 3,5 yildan beri bolalar sport maydonchasi va 18 ta daraxtni saqlab qolish uchun kurashmoqda, ammo tadbirkorning ham qurilishdan voz kechish niyati yo‘q. 2022 yilda auksionda tadbirkor Doniyor Yusupov tomonidan 1 milliard 300 million so‘m evaziga ofis binosi qurish sharti bilan qo‘lga kiritilgan, biroq keyinchalik loyiha o‘zgartirilib ofis, avtoturargoh, ko‘ngilochar majmua qurilishi reja qilingan.
Aholi bu qarorga qarshi sudga murojaat qilgan, bir necha bosqichli sud jarayonlaridan so‘ng 2024 yil oxirida ular foydasiga qaror chiqarilgan. Shahar ma’muriy sudining taftish instansiyasida bu holat Shaharsozlik kodeksiga zid ekani aytilgan. Chunki shaharsozlik normalari va qoidalariga ko‘ra, bunday obektlar maktab-bog‘chalardan 50 metrdan kam bo‘lmagan masofada uzoq bo‘lishi kerak. Ammo qurilishi reja qilingan bino bilan tumandagi 323-bolalar bog‘chasining oralig‘i bor-yo‘g‘i 3 metr masofada loyiha qilingan.
“Bu yerda bolalar bog‘chasi bor, jajji bolachalarimiz o‘sib-ulg‘ayishiga tadbirkor quradigan bino salbiy ta’sir qilishi aniq. Bu xalqning noroziligiga sabab bo‘lyapti. Nima sababdan 1 yil-u 2 oy o‘tib shahar prokurori o‘rinbosari protest beryapti? Chunki biz sudlarda yutib chiqdik, isbotlandi bu yerda qurilish mumkin emasligi”, – deydi MFY raisi o‘rinbosari Xolida Murodova.
Biroq 2026 yil fevral oyida Bosh prokuratura ushbu qaror yuzasidan protest kiritdi. Unda aytilishicha, hududdagi 18 ta daraxt qurilish ostiga tushgan va shundan 8 ta daraxtni kesish, 2 tasini ko‘chirish 5 mln 100 ming so‘m to‘lov evaziga amalga oshirilishi mumkin. Bunga Ekologiya qo‘mitasining ruxsati berilgan. Ammo Botanika bog‘i mutaxassislari xulosasiga ko‘ra, bunday kattalikdagi daraxtlarni ko‘chirib o‘tkazish deyarli imkonsiz. Bu ularning nobud bo‘lishiga olib kelishi mumkin. Hududdagi barcha daraxtlar «Yashil makon» dasturiga kiritilgan.
Ish 3 aprel kuni qayta ko‘rib chiqilishi kutilmoqda. Aholi Prezident administratsiyasiga ham murojaat yo‘llagan.
«Bu hududda issiq suv quvurlari tepadan o‘tkazilgan, chunki bu mahalla qurilgan paytda ularni pastdan yotqizishning iloji bo‘lmagan. Bu yerdagi barcha uylar taxminan 60 yil avval qurilgan uylar. Agar qurilish jarayonida qazishni boshlashsa va biron bir quvurga tegishsa, butun mahalla gaz, suv yoki kanalizatsiyasiz qoladi. Hatto telefon aloqasini ham uzib qo‘yishi mumkin», – deya ta’kidladi yana bir fuqaro.
«Bu masalada 2023 yildan beri murojaat kelib tushadi. Shunga asosan hududdagi daraxtlar xatlovga olingan. Fuqarolar ham xabardor, tadbirkorga ham ogohlantirish berilgan – daraxtlarni noqonuniy kesmaslik, ko‘chirmaslik va shikast yetkazmaslik yuzasidan. 2023 yildan beri hali hech qanaqa ekologik qonunbuzilish holatlari yo‘q. Daraxtlar kesilmagan, shikastlantirilmagan, ko‘chirilmagan. Daraxtlarni kesish yuzasidan hali murojaat kelib tushmagan. Tushgan taqdirda ham aholining fikri o‘rganiladi. Daraxtlarni saqlab qolish choralari ko‘riladi», – deya izoh berdi Ekologiya qo‘mitasi mas’uli Mirkomil Abduvohidov.
Tahririyat ikkinchi tomon fikrini eshitish maqsadida tadbirkor Doniyor Yusupov bilan bog‘landi. U ekranda ko‘rinishni istamadi, u bilan telefon suhbati yozilgan audioyozuvlardan foydalanmaslikni so‘radi. Tadbirkor qurilish futbol maydonchasi uning uchastkasi chegaralariga faqat qisman tushishini, futbol maydonchasini buzishni rejalashtirmayotganini aytib, bu hududni qonuniy xarid qilgani va soliqlar to‘lab kelayotgani, voz kechish niyati yo‘qligini ta’kidladi.
Hududda faqat ekologik xavf emas, sport kelajagi uchun ham xavotir yuzaga kelgan. Chunki daraxtlarga qo‘shilib bolalar sport maydonchasining ham qo‘ldan boy berilishi futbolni rivojlantirish haqidagi qonunlarga ham zid. Prezident qarori bilan har bir mahallada futbol maydoni joriy qilish, davlatga qarashli stadionlar va futbol maydonlarining foydalanish maqsadini o‘zgartirish va sotish taqiqlangan.
Hozircha yakuniy qarorni sud hal qilishi kutilmoqda.
Tibbiy xizmatlar uzluksizligini ta’minlash maqsadida bayram va dam olish kunlari navbatchilik asosida ishlash tartibi joriy etiladi.
Foto: Sog‘liqni saqlash vazirligi
2026 yil 1 apreldan O‘zbekistondagi davlat tibbiyot muassasalari 5 kunlik ish haftasiga o‘tdi. Bu prezidentning 2025 yil 9 noyabrdagi «Tibbiyot va farmatsevtika xodimlarini qo‘llab-quvvatlash choralari to‘g‘risida»gi qarorida ko‘zda tutilgan.
SSV matbuot xizmati qayd etishicha, bunda shifo maskanlari faoliyatining uzluksizligini ta’minlash uchun bayram va dam olish kunlari navbatchilik asosida ishlash yo‘lga qo‘yilishi ko‘zda tutilgan.
Ushbu hujjat ijrosi doirasida Sog‘liqni saqlash vazirligining tegishli buyrug‘i bilan Davlat tibbiyot muassasalarida besh kunlik ish haftasini tashkil etishning vaqtinchalik tartibi tasdiqlandi.
Unga ko‘ra 2026 yil 1 apreldan:
tibbiyot xodimlari uchun haftalik ish vaqti 36 soatdan oshmaydi;
zararli va xavfli sharoitlarda ishlovchilar uchun qisqartirilgan ish vaqti qo‘llanadi;
yuqori ruhiy va aqliy zo‘riqishli ishlar uchun ham 36 soatdan oshmaydi;
tibbiyot xodimlari bo‘lmaganlar uchun ish vaqti 40 soatni tashkil etadi.
Poliklinika va oilaviy shifokorlik punktlarida ish vaqti:
dushanba–juma: 08:00–20:00;
shanba: 08:00–14:00 (navbatchilik).
Sog‘liqni saqlashning yangi modeli joriy etilgan hududlarda:
asosiy ish vaqti: 08:00–16:00;
qo‘shimcha navbatchilik: 16:00–20:00.
Navbatchilik vazirlikning 254-son buyrug‘i asosida amalga oshiriladi. Ish haqi saqlanadi, kamaytirilmaydi. Ichki hujjatlar va mehnat shartnomalari qayta rasmiylashtiriladi.
Statsionarlarda navbatchilik doimiy tashkil etiladi. Smena va navbatchilik adolatli taqsimlanadi.
Viloyat Maktabgacha va maktab ta’limi boshqarmasi xabariga ko‘ra, hodisa 2 aprel kuni Urgut tumanidagi 2-sonli umumta’lim maktabida yuz bergan.
Ta’kidlanishicha, janjal maktabning ma’naviy-ma’rifiy ishlar bo‘yicha direktor o‘rinbosari hamda 9-sinf o‘quvchisi o‘rtasida sodir bo‘lgan.
Hozirda holatni huquqni muhofaza qiluvchi organlar o‘rganmoqda.
Voqeaga nima sabab bo‘lganiga aniqlik kiritilmagan.
Boshqarma o‘quvchilarga nisbatan har qanday qo‘pol munosabatni keskin qoralashini bildirgan.
Shuningdek, holat yuzasidan boshqarma tomonidan ishchi guruh tuzilib o‘rganilishi va uning natijalari bo‘yicha qo‘shimcha ma’lumot taqdim etilishi va’da qilingan.
Farg‘ona viloyatida fuqarolarning nomiga mikroqarz rasmiylashtirib o‘zlashtirish holati fosh etildi.
Bosh prokuratura huzuridagi Departamentning Marg‘ilon shahri bo‘limi tomonidan fuqarolarning huquqlarini himoya qilish yuzasidan tergovga qadar tekshiruv o‘tkazilgan.
Unda hududiy tijorat banki Toshloq filiali xodimlari fuqaro R.I. va boshqalarning xabarisiz fuqarolik pasporti va boshqa hujjatlarini qo‘lga kiritib, ularning nomidan o‘zini o‘zi band qilgan jismoniy shaxs sifatida mikroqarz shartnomalari rasmiylashtirgan. Natijada jami 170 mln so‘mni axborot tizimidan foydalangan holda qo‘lga kiritganliklari aniqlangan
Mazkur holat yuzasidan Jinoyat kodeksining 168-moddasi (firibgarlik), va 228-moddasi (hujjatlar, shtamplar, muhrlar, blankalar tayyorlash, ularni qalbakilashtirish, sotish yoki ulardan foydalanish) bilan jinoyat ishi qo‘zg‘atilib, tergov harakatlari o‘tkazilmoqda.
O‘zbekiston va Qozog‘iston qishloq xo‘jaligi sohasida barqaror hamkorlikni mustahkamlaydi
Gulistonda ko‘p qavatli uy qulash xavfi sabab unda yashovchilar evakuatsiya qilindi
Toshkentda futbol maydonchasi va daraxtlarga qurilish xavf solmoqda
-
Dunyodan4 days agoOrmuz boʻgʻozi taqdirini hal qiluvchi yetti orol
-
Dunyodan5 days ago
Prezident Tramp Hormuz boʻgʻozini ochish haqidagi soʻrovni yana keyinga qoldirdi
-
Siyosat3 days agoOʻzbekiston va Afgʻoniston oʻrtasida iqtisodiy aloqalarni mustahkamlash boʻyicha qoʻshma ishbilarmonlar kengashi tuzildi
-
Dunyodan4 days ago
AQShda hukumatga qarshi ommaviy namoyishlar boshlandi
-
Sport4 days agoEronlik futbolchilar Minob qurbonlarini xotirladi
-
Jamiyat4 days ago
Shaxsga doir muhim ma’lumotlar O‘zbekiston hududida saqlanishi shartligi belgilandi
-
Jamiyat4 days ago
yilning eng yirik media loyihasi start olmoqda
-
Jamiyat5 days ago
Soliqdan qarzdor fuqaroning qimmatbaho avtomashinasi xatlandi